Sir Wisdom II

Me zai faru idan bam ya shiga cikin jikin mutum sannan kuma yaƙi fashewa?

Duk da cewa abin k**ar almara yake_ amma wannan shi ne abin da sojan Vietnam, Nguyen Van Luong, ya fuskanta a lokacin Yaƙin Vietnam wanda ya gudana a shekarar 1966.

ga yadda lamarin ya kasance:👇

Ana tsaka da rikicin fada, harsashin (mortar) ya daki Luong da ƙarfi inda har ya huda gefen cikin sa, amma abin mamakin a maimakon ya fashe dashi ƙaramin bomb ɗin ya maƙale a cikin jikinsa

Likitoci da s**a duba shi ba suyi imani da abin da s**a gani ba, bomb a jikin ɗan adam kuma bai fashe ba_ 😱

Zasu gabatar da tiyata mai hatsarin gaske ga wannan mutumin, ba wai ga shi kaɗai ba harda su likitocin domin wani kuskuren motsi, ko matsin lamba kaɗan, ko wani ƙaramin abu na iya tayar da bam ɗin da yake zaune cikin jikinsa

Tiyatar da za a yi masa ita ce ɗaya daga cikin mafi haɗari da aka taɓa gwadawa a duniya

Kafin fara aikin, ma’aikatan asibiti sun kwashe marasa lafiyan dake asibitin baki ɗaya, sannan s**a janye kowane abu daga hanya, tare da shirya komai domin duk wani abin da ka iya faruwa.

Likitocin sunyi aiki cikin tsanteni da tsananin natsuwa hannayen su basuyi rawa ba, duk da sanin cewa kuskure guda kaɗai zai iya hallaka kowa a dakin tiyatar.

Aikin yayi nasara, inda likitocin s**a cire harsashin (mortar) ɗin gaba ɗaya, ba tare da fashewa ba, kuma Luong ya tsira tsira daga wani abu da ya fi ƙarfin tunanin likitanci_ wanda sai dai ƙaddara daga Allah (s.w.a)

Labarinsa har yanzu yana daga cikin mafi ban mamaki a tarihin tsira a lokacin yaƙi, inda jarumtaka da sa’a s**a haɗu ta hanya mafi firgitarwa.

Sir Wisdom II

Wata likita dake ƙasar Saudiya ta bada wani labari k**ar haka:

Wani matashi mai kimanin shekaru 30 Ɗan asalin ƙasar Saudi ya ɗauki mahaifiyar shi ya kaita zuwa ganin likita a wani asibitin dake garin madinah, Yana shiga da ita wajen likitan sai mahaifiyar tashi tana ƙoƙarin fita a guje daga wajen likitan bayan ta kwaɓe niqabinta. Matashinnan ya ɗauki niqabin ya mayar mata, ta ƙara cirewa Ya ƙara mayar mata har sau uku. Mahaifiyar tashi ta gaftaramar cizo a hannun shi, ta tofa mishi yawu a fuska, sai kawai yayi murmushi ya kalleta cikin aminci.

Daga bisani dai sai mahaifiyar tashi ta cire niqabinta da hijabinta tafara zazzagaye table ɗin likitan.

Likitan sai take tambayar wannan Matashin:

Likitan: "wayece wannan matar?"
Matashin yace: "mahaifiya ta ce"

Likitan: "ko menene labarin mahaifiyar taka?"
Matashi yace "an haifeta da matsala na ciwon hauka ne"

Likita ta ƙara da cewar; "ta yaya akayi ta haifeka kuma?"
Matashin: "Kakana ne ya tilista mahaifina ya aureta domin ta samu yaro, Don haka sai mahaifina ya aureta bayan shekara guda sai ya saketa sannan ta haifeni, kuma tun ina shekaru 10, nine nake ɗawainiya da ita na komai da komai, Hasalima koda bacci zanyi saina nemo igiya na ɗaure kafata a jikin kafarta domin kada ta gudu"

Likitan ta sake tambaya "menene dalilin da yasa ka kawota asibiti kuma?"
Matashin: "tana fama ne da ciwon sugar da hawan jini".

Sai mahaifiyar tashi ta tuntsure da dariya tace dashi: "Kabani dankali naci" sai kuwa ya yayi murmushi, ita kuwa saita kara tuntsurewa da dariya. Bayan ta gama sai ya kaita kusada wajen wanke baki a office ɗin likitan ya wanke mata baki ya sanya tsinke ya tsakule sauran abinci dake maqale a a bakinta.

Likitan ta sake jeho wata tambayar: "wannan mahaifiyar taka anya kuwa tasan kai Ɗan ta ne?"
Matashin ya ɗago kai cikin nuna alamun damuwa tare da faɗin cewa: "Billahil Azeem bata saniba, amma wanda ya halittani yasan ita uwa tace".

Sai mahaifiyar tashi ta dak**ar tsawa tace: "kai makaryaci! Meyasa bazaka kaini makkah ba?(lokacin taga an nuno makkah a TV dake office ɗin likitan).
Sai Matashin yace da ita: "sai ranar alhamis, ba nace miki ranar alhamis zan kaiki ba?"

Likitan: "yanxu a hakan zaka kaita tayi aikin umarah a makkah?"
Matashin: "ae nasaba kaita, ko sau nawa takeson xuwa indai inada lafiya zan kaita domin bani buqatar naji ta nemi wani abu ta rasa matuqar inada iko".

Bayan angama dubata s**a fice waje s**a tafi sai likitan ta kulle kofar office ɗin nata ta zauna tana sharan kuka k**ar anmata mutuwa.

Likitan tace: "naji waɗanda ke sauqe haƙƙoƙin iyayen su da yawa sosai, amma tunda nake ban taɓa jin yaron da mahaifiyarshi bata ma sanshiba amma yake ya sadaukar da rayuwarsa gareta domin samun falalar Allah duniya da lahira, yanada wadatar da zai iya kaita asibitin mahaukata amma ya zaɓi ya ɗauki ɗawainiyarta domin samun dacewa duniya da lahira.

Yan'uwa masu hankali da tunani, tabbas sayyidil waraa sallallahu alaihi wasallam yayi gaskiya inda yake cewa: "aljannah tana ƙarƙashin dugadugin kafar mahaifiya". Koda ace kuwa zaka sadaukar da rayuwarka gaba ɗayan ta, billahil Azeem baka yi komai ba ga mahaifanka.

"Rabbanagfirli wal walidayya wal mu'uminina yauma yaqumul hisab.

Allah Ya mana jagora ☺️
Sir Wisdom II pen...🖊️

MU NUTSU MU DUBA WAƊANNAN:

Duk kyawun surarka ko surarki, kana tuna cewa birrai 🦥🐒🦍ma suna burge masu zuwa zoo kallon su. Don haka ka daina tinƙaho

👌 Komai ƙarfin ka da girman jikinka bazaka kai kanka kabari ba, sai dai wasu su kaika.
Ka daina jiji da kai ɗan'uwa.

👌 Komai tsawonka ba zaka hango gobe ba. Don haka kayi haƙuri.

👌 Komai hasken fatarki, Koda yaushe zaki buƙaci haske idan kika shiga duhu don haka ki kiyaye.

👌Komai kuɗin ka da yawan motocinka, koda yaushe da kafarka zaka shiga ɗakin kwananka, domin haka ka zamto mai nutsuwa da daina ji dakai

Mu ɗauki rayuwa da sauƙi, rayuwa ba tada tabbass gajera ce.

KO MUN TAƁA LURA DA WANNAN:

🤔 MASJID 🕌 yana ɗauke da harufa 6 hakannan CHOCHI ⛪ shima

🤔 Kalmar QUR'AN yana ɗauke da harufa 5 hakannan shima BIBLE yana ɗauke da harufa 5.

🤔 Kalmar RAYUWA tana ɗauke da harufa 6 hakannan itama MUTUWA

🤔 Kalmar ƘIYAYYA tana ɗauke da harufa 7 hakannan itama SOYAYYA tana ɗauke da harufa 7.

🤔 Kalmar MAƘIYA na ɗauke da harufa 6 hakannan kalmar MASOYA tana ɗauke da harufa 6.

🤔 kalmar NASARA tana ɗauke da harufa 6 hakannan kalmar FAƊUWA itama harufanta 6.

Idan ka ɗauka cewa alarm ɗinka shine yake tashin ka daga bacci, gwada sanya alarm ⏰ ɗin a gefen gawa kaga ko zata tashi.

Don haka ikon Allah ne kawai ke tayar da kai daga bacci.

Ɗan'uwa ka yarda da Allah sannan ka yadda da ikon Allah wanda duk ya yarda da Allah wallahi bazai taɓe ba.

Ya Allah Ka gafatar mana ka daura mu bisa hanya data dace.

Allah Ya sa mu wanye lafiya.
Sir Wisdom II ...🖊️

A shekarar 2022, wani babban jirgin ɗaukar kaya mai suna Felicity Ace, ya nutse a zurfin tekun Atlantika, tare da motoci kusan 4,000 na alfarma, ciki har da Porsche, Bentley, Audi, da Lamborghini waɗanda jimillar darajarsu ta kai sama da dala miliyan 400.

Jirgin yana kan tafiya daga Jamus zuwa Amurka lokacin da wuta ta tashi yana tsakiyar tafiya, kusa da tsibirin Azores.

An ceto duka ma’aikatan jirgin, amma wutar ta bazu da sauri, kuma bayan kwanaki ana ƙoƙarin kashe ta, jirgin ya nutse a ranar 1 ga Maris, 2022.

A cikin jirgin akwai wasu daga cikin motoci mafi tsada a duniya, har ma da Lamborghini Aventador, wanda yanzu haka suna ƙasan teku har abada.

Masana suna zargin cewa batir ɗin lithium-ion ne s**a fara tada wutar, sai dai bincike har yanzu bai tabbatar da ainihin dalilin faruwar gobarar ba.

Abin da aka ɗauka a matsayin tafiyar kasuwanci ta al’ada,
ta zama ɗaya daga cikin mummunan hasara mafi tsada a tarihin duniya.

SABON ANGO A DAREN FARKO!

Wata rana wani sabon Ango yana zumuɗin zai yi daren farko da Amarya, kwatsam saiga wani yana ƙwanƙwasa musu ƙofar gida, angon ranshi a ɓace yaje ya duba domin yaga waye ke buga musu ƙofar gida, fitar shi keda wuya sai yayi karo da wani bawan Allah kafin mutumin ya buɗe baki yayi magana, sai mai gida cikin fushi da ɗaga murya yace dashi "Mallam ko lafiya kuwa kazo kana buga mana gida da wannan daren?!

Mutumin cikin yanayin damuwa yace: "Wallahi yunwa nakeji don Allah ku taimaka mini da abinci" Cikin ɓacin rai wannan angon ya zazzage shi tare da korarsa ya hana shi abincin.

Tsabar jahilci da fushi irin nashi, sai ya dawo cikin gidan ya ɗauki hular shi ya bar gidan shi ga ran shi ya ɓaci, bayan wannan fitar da yayi wata da watanni, shekara da shekaru bai dawo ba, matar sai ta nemi alƙali ya raba musu auren...✂️

Allah buwayi gagara misala:

Bayan an raba auren bada jimawa ba tayi wani sabon auren, Ranar daren amarcin ta kuwa, sai wani abu ya sake faruwa mak**ancin abinda ya faru shekaru baya: wani mutum yazo yana buga musu ƙofar gida, Angon yace da ita taje ta duba waye ne a ƙofar gidan, fitar ta keda wuya kawai sai angon yaji ta fashe da kuka 😭😭.

sai ya biyota tare da tambayar ta "Yaya meye ke faruwa ko lafiya?". Sai tace dashi: "wannan mutumin ta nuna wanda ke tsaye a kofar gidan nasu shine angona na farko dana baka labari ya kori wani mai jin yunwa da yazo gidan mu neman abinci" Tana rufe baki sai sabon mijin nata ya fashe da kuka yace da ita: "Toh wallahi bawani bane ya kora nine nan".

ALLAH kenan😢😢😢...

Yan'uwa abinda bamu so ayi mana kada muyi ga wasu domin ita rayuwa bata da tabbas domin wanda ka cutar yau gobe zai iya zama silar taimakon ka

Allah yasa mu wanye lapia☺️
Sir Wisdom II pen 🖊️🖊️

Tazara dake tsakanin garin Makka da birnin Madinah ya kai kimanin kilo mita 450...

Idan kana cikin mota kana tafiyar a kilo mita 80 a awa guda, zaka yi kimanin awanni 5 kafin ka isa...🚕

Mu yi waiwaye yaku ƴan'uwa masu albarka.....

Ma'aiki sallallahu alaihi wasallam 💞 💜 ya yi wannan tafiyar rabi a Raƙumi 🐫, rabi kuma a ƙafa na tsawon kwanaki 8 tare da rakiyar Abokin shi, kuma Sahabbin shi sayyadi Abubakar Radiyallahu anhu..

Da rana su sha zafi...😰

Da dare su sha sanyin Sahara

Shi Ma'aiki sallallahu alaihi wasallam 💞 💜 ya ɗauki kayan da yafi tsaunaku nauyi, ya bar gidan shi cikin duhun dare, ya yi Hijra ba domin neman kuɗi ba, ko kuma tsira, sai domin addini, a lokacin da Quraishawa s**a yi tsayin daka akan sai sun kashe shi sallallahu alaihi wasallam 😢

Menene ya sanya shi cikin wannan yanayin ƙunci?
Menene ya sanyi shi cikin wannan wahala da barin gida?

Sai domin musulunci ya zo garemu.
Sai domin gaskiya ta daki ƙarya..👊
Sai domin imani da ilimi suyi nasara akan jahilci
Sai domin muyi rayuwa cikin hasken musulunci...

Uwa ta da Ubana fansa gareka Ya Rasoulullah 😢

Ya Ubangiji kayi daɗin tsira da aminci da salati ga Annabi Muhammadu sallallahu alaihi wasallam 💞

Fiye da gawarwakin mutane 650 ne a halin yanzu aka ajiye su cikin nitrogen mai sanyi, an daskarar dasu, tare da fatan cewa nan gaba fasaha zata iya farfaɗo dasu wata rana.

Kamfanonin cryonics sun adana kusan mutum 600 zuwa 700 haka, kuma sama da mutane 5,000 sun rigaya sunyi rajistar a ajiye su bayan mutuwarsu. 🤣

Haka kuma daruruwan dabbobi (musamman karnuka da kuliyoyi) an yi musu rajista

Ajiye cikakken jiki gaba ɗaya yawanci ana kashe kusan dala $200,000.

Wannan shine irin babban fatan da ya dogara da fasahar da yanzu ba ta ma wanzu ba sai nan gaba kuma watakila bazata wanzu ba.

Amma ga waɗanda s**a yi wannan zabin suna ganin hakan ya cancanci gwaji.

Mu kam sai dai muce: can gasu gada..🏃

Sir Wisdom II

Ta roƙi mahaifinta kada ya biya kuɗin fansar… sai s**a harbe ta.

Labari ne mai matuƙar tayar da hankali game da wata budurwa mai shekaru 23, cike da mafarkai da buri da kyakkyawan fata na rayuwa, wadda ƴan bindiga s**a yi garkuwa da ita.

Sun nemi a biya su Naira miliyan 50 domin su sake ta.

Iyalanta sun roƙi sassauci, sun yi kuka, sun nemi a tausaya musu, amma masu garkuwar sun ƙi rage ko naira ɗaya daga abin da s**a nema.

Tsawon makonni biyu masu cike da azaba, mahaifinta ya yi iya ƙoƙarinsa. Ya aro kuɗi, ya sayar da kadarori, ya gwada duk wata hanya da zai iya bi, har daga ƙarshe ya samu Naira miliyan 50 ɗin.

Kafin ya biya kuɗin, ya kira masu garkuwar, ya roƙe su domin ya ji muryar ɗiyarsa..

Sai s**a ba ta wayar.

Maimakon ta roƙi a cece ta, sai ta gaya wa mahaifinta cewa:

“Kada ka biya kuɗin. Idan s**a sake ni, zan kashe kaina.”

Me ya sa?

Domin tsawon kwanaki goma sha huɗu, an ce ta sha fuskantar cin zarafi da wulakanci iri-iri a hannun masu garkuwar. Ta fuskanci azabtarwa da take hakkin ɗan Adam ta hanyar da babu wani mutum da ya k**ata ya fuskanta.

Ƴan bindigar da s**a ji abin da ta gaya wa mahaifinta, sai s**a katse wayar, s**a harbe ta a kai, sannan daga baya s**a aika wa iyalanta hotuna da bidiyon lokutan ƙarshe na rayuwarta.

Ƴan ta'adda sun yi garkuwa da ita, sun azabtar da ita, sun tauye mata mutuncinta, sannan s**a kashe ta.

Wannan al’amari ya wuce siyasa.

Maganar ɗan Adam ce da mutunci.

Maganar iyaye maza ne da s**a sadaukar da komai domin ceton ƴaƴansu amma s**a gamu da baƙin ciki.

Maganar iyaye mata ne da ƴaƴansu mata ba su sake dawowa gida ba.

Maganar matasa marasa laifi ne da ke rayuwa cikin fargabar kada su zama waɗanda za a kai wa hari a gaba.

Babu wata al’umma da ya k**ata ta saba da irin wannan ta’asa.

Babu wata ƙasa da ya k**ata ta ɗauki irin waɗannan labarai a matsayin abu na yau da kullum.

Allah Ya hukunta duk masu hannu a irin waɗannan munanan laifuka.

Kuma Allah Ya kawo ƙarshen garkuwa da mutane, ta’addanci da duk wani nau’in tashin hankali da ake yi wa bayin Allah a Najeriya.

Masu siyasantar da rayukan al'umma da matar da su hanyar tara ƙazaman kuɗi, Allah Ya hana su kwanciyar hankali a duniya da lahira.

A dai dai lokacin da birrai s**a ji labarin mutumin da ke korar su a gonar masara 🌽 ya mutu, sai s**a k**a murna sosai...👯👯‍♂️

Shekara da ta zagayo, sai s**a samu gonar babu masara, Anan ne fa cikin ƙunci s**a fahimci cewar ashe wannan mai korar su a gonar shine manomin da ke shuka masarar 🌽 da suke ɓarnatarwa.

Don haka Ƴan'uwan masu albarka, a cikin ko wani yanayi, mu koyi zama da abokan adawar mu (Amma zaman ya zamto tamkar mangyaɗa a saman ruwa).👌

Zamu iya ƙyamatar su yanzu, amma bada jimawa ba sai mu gane ashe sune turaku da muke buƙatar takawa don mukai ga nasara.

Ba ko wane abokin adawa bane ya kasance me adawa da mu... Wasu ƴan saka ido ne domin muyi abinda ya dace, wasu kuma masu bamu horo ne da basu gabatar da kansu ba, wasu kuma haka kawai suke jin sun tsane mu ba tare da sun san dalilin hakan ba.

Mu ƙaunaci juna, mu zauna cikin aminci da juna ba tare da gaba ba.

Allah yasa mu wanye lafiya.
Sir Wisdom II

A ranar 13 ga Nuwamba, 2008, Dallas Wiens, wani ma’aikacin gine-gine daga Texas, ya samu mummunan rauni a fuskarsa bayan ya taɓa wayar lantarki mai ƙarfin wuta sosai. Wutar ta ƙone shi har fuskar sa ta narke gaba ɗaya.

An garzaya da shi zuwa Parkland Memorial Hospital a Dallas, inda likitoci s**a fara aikin ceto rayuwarsa cikin gaggawa.

A matakin farko, dole ne su cire dukkan fata da nama da wuta ta lalata, har da cire idonsa na hagu (enucleation) Idonsa na dama kuwa yaji rauni sosai, an kare idon da wani ɓawon fata da aka rufe shi da shi.

A watanni da s**a biyo baya, Wiens ya sha manyan tiyata da dama, A wata babbar tiyata, likitoci sun yi aiki har na tsawon awa 36 cikin kwanaki biyu, suna amfani da tsokar dake gadon bayansa domin gina sabon tsarin fuskarsa.

Bayan wannan aikin, ya rage saura rabin fatar kansa kawai, sai ƙaramin nama a gefen hagu na haɓarsa, babu gira, babu idanuwan sa guda, babu hanci, kuma babu leɓɓa.🥹

Bakinsa ya rage k**ar wani siririn rami, yayin da idonsa na dama ya ci gaba da kasancewa ƙarƙashin rufin fatar da akyi masa saboda raunin da idon yaji.

Duk da dukkan ƙoƙarin da aka yi, Wiens ya makance har abada, kuma ya rasa yawancin siffar fuskar sa.

Daga baya an saka masa idanu na roba (ocular prosthesis) a ramin idonsa na dama.

A watan Maris 2011, ƙungiyar likitoci fiye da 30, da kuma ƙarin wasu likitoci 8, sunyi nasarar yi masa cikakken sauya fuska (full face transplant) a asibitin (Brigham and Women's Hospital a Boston)

Aikin ya ɗauki tsawon awa 15, kuma akayi yi nasarar mayar masa da sabuwar fuska, sai dai da wannan sabuwar fuska bata nufin an a iya dawo da ganinsa.

©️ Sir Wisdom II pen ... 🖊️