Ibrahim Samah

ٱلْحَمْدُ لِلَّٰهِ
ޝުކުރިއްޔާ ވިލިމާލެ ދާއިރާގެ ލޮބުވެތި ރައްޔިތުން

އިންސާނެއްގެ ޙަޔާތުގައި އަންނާނެ އެންމެ އުފާވެރި އަދި އެންމެ ފަޚުރުވެރި ވަގުތަކީ، ތިމާ ކުރާ މަސައްކަތް ބަލައިގަނެ، މުޖުތަމަޢުގެ ލޯތްބާއި އިތުބާރު ލިބިގެންދާ ހިނދެވެ. މިއަދު އަޅުގަނޑުގެ ހިތްވަނީ އުފަލުން ފުރިފައެވެ. މި ފުރުޞަތުގައި އަޅުގަނޑުގެ އެންމެ ފުރަތަމަ ވާޖިބަކީ، ވިލިމާލެ ދާއިރާގެ ލޮބުވެތި ރައްޔިތުން އަޅުގަނޑަށް ދެއްވި ފުރިހަމަ ތާއީދާއި އިތުބާރަށްޓަކައި ނުހަނު އިޚްލާޞްތެރިކަމާއެކު ޝުކުރު ދެންނެވުމެވެ.
ވިލިމާލެ ދާއިރާ އަކީ އެކުވެރިކަމާއި، އޯގާތެރިކަމުގެ ނަމޫނާ ދާއިރާކެވެ. މި ދަތުރުގައި އަޅުގަނޑަށް ފެނިގެންދިޔައީ ވިލިމާލެ ދާއިރާގެ ރައްޔިތުންގެ މެދުގައި އޮތް ބަދަހި ގުޅުމެވެ. އަޅުގަނޑުގެ މަސައްކަތްތަކުގައި ތިޔަ ލޮބުވެތި ރައްޔިތުން ދެއްވި އެއްބާރުލުމަކީ އަޅުގަނޑުގެ ހިތުން ދުވަހަކުވެސް ފިލައިގެން ދާނެ ކަންކަމެއް ނޫނެވެ. ރޭދުވާލު ނުނިދާ، އަމިއްލަ މަސައްކަތްތައް ދޫކޮށްލުމަށްފަހު، އަޅުގަނޑާއެކު ތިޔަ ރައްޔިތުން ކުރެއްވި އިޚްލާޞްތެރި މަސައްކަތަކީ އަގުނުކުރެވޭނެ ފަދަ މަތިވެރި ޚިދުމަތެކެވެ.

އަޅުގަނޑަށް ތިޔަ ކުރެއްވި މަތިވެރި އިތުބާރަކީ އަޅުގަނޑުގެ ކޮނޑުގައި އެޅުނު ވަރަށް ބޮޑު މަސްއޫލިއްޔަތެކެވެ. އެ އިތުބާރުގެ އަގު ހިފެހެއްޓުމަކީ އަޅުގަނޑުގެ އެންމެ އިސް ވާޖިބު ކަމުގައި ދެކެމެވެ. ވަކިވަކި ފަރުދުންނާއި، ކެމްޕޭން ޓީމުގެ މެންބަރުންނާއި، ހެޔޮއެދޭ ހުރިހާ ފަރާތްތަކުން ވެދެއްވި އެހީތެރިކަމަށްޓަކައި ހިތުގެ ފުންމިނުން ޝުކުރު އަދާކުރަމެވެ. ތިޔަބޭފުޅުންގެ ހިތްވަރާއި ނުގުޑާ އަޒުމަކީ އަޅުގަނޑަށް ލިބުނު އެންމެ ބޮޑު ކުރިއެރުމެވެ.

މިފުރުސަތުގައި ވިލިމާލެ ދާއިރާގެ ހުރިހާ ރައްޔިތުންނަށް އަޅުގަނޑު އަރުވާ ޔަގީންކަމަކީ، އަޅުގަނޑު އަބަދުވެސް ދެމިހުންނާނީ ތިޔަ ލޮބުވެތި ރައްޔިތުންގެ ޚިދުމަތުގައި ކަމެވެ. ރަށުގެ ތަރައްޤީއާއި، ރައްޔިތުންގެ ފާގަތިކަމަށްޓަކައި ކުރަންޖެހޭ ކޮންމެ މަސައްކަތެއްގައި އަޅުގަނޑުގެ އެހީތެރިކަމާއި އެއްބާރުލުން ފަސްޖެހުމެއްނެތި ލިބޭނެއެވެ. ވިލިމާލެ ދާއިރާގެ ރައްޔިތުންގެ އަޑު އިއްވައިދީ، ރައްޔިތުން އެދޭ ފަދަ އުޖާލާ މުސްތަޤުބަލެއް ބިނާކުރުމުގައި އަޅުގަނޑު ސާބިތުކަމާއެކު ހުންނާނަމެވެ.

ޝުކުރިއްޔާ ވިލިމާލެ ދާއިރާގެ ލޮބުވެތި ރައްޔިތުން! ތިޔަ ދެއްވި ލޯތްބާއި ގާތްކަމަށްޓަކައި އަބަދުވެސް ޝުކުރުވެރިވަމެވެ. -އިބްރާހިމް ސަމާޙް-

ވިލިމާލެސަރުކާރާ އެކު ފައްސިޔަލައް

ވިލިމާލެ ސަރުކާރާއެކު ފައްސިޔަލައް

ވިލިމާލެ ދޮރުން ދޮރަށް ތެރެއިން

ފައްސިޔަލައް

ފައްސިޔަލައް.
Ibrahim Samah
Hishma Ahmed

ފައްސިޔަލައް.

ހަމަޖެހުން، ތަރައްޤީ، ރައްކާތެރިކަން.