Shwe Pyae Tea House

မင်္ဂလာပါ
ရွှေပြည့် Tea house
လှိုင်သာယာ မှ
နွေးထွေးစွာ ကြိုဆိုပါသည်🤍🤍🤍

😎

မြန်မာ့ရိုးရာ အစားအစာတစ်ခုဖြစ်တဲ့ မုန့်ဟင်းခါး ရဲ့သမိုင်း အကြောင်းကို ဆက်စပ်မိသလောက် မျှဝေပေးသွားမှာဘဲ ဖြစ်ပါတယ်။💯

မုန့်ဟင်းခါး ဆိုတာကတော့ မြန်မာလူမျိုးတွေအနေနဲ့ မိတ်ဆက်ပေးစရာမလိုတော့တဲ့ ရိုးရာအစားအစာတစ်ခုဖြစ်ပါတယ်။ မုန့်ဟင်းခါးဟာ အာဟာရအနေနဲ့လည်း ပရိုတင်း၊ ကာဗိုဟိုက်ဒရိုတ် နဲ့ ဓာတ်ဆားများ ပါဝင်ပြီးတော့ ချက်ပုံ၊ ချက်နည်းကလည်း ရိုးရှင်းလွယ်ကူတဲ့အပြင် ကုန်ကျစရိတ်လည်း သက်သာတဲ့အတွက် မြန်မာလူမျိုးတိုင်းလိုလိုရဲ့ နှစ်သက်ခြင်းခံရသော အစားအသောက်တစ်ခုဆိုလည်း မှားနိုင်မယ်မထင်ပါဘူး။💢

မုန့်ဟင်းခါး ဖြစ်ပေါ်လာပုံ မူလဇစ်မြစ်ကို ရှာဖွေရတာ အင်မတန်ကိုခက်ခဲပါတယ်။ ဘာလို့လဲဆိုတော့ ရှေးမြန်မာ့သမိုင်း တစ်လျှောက်မှာ မုန့်ဟင်းခါးနဲ့ပတ်သက်ပြီး ကျောက်စာတွေ ပေစာတွေနဲ့ မှတ်တမ်းတင်ခဲ့ခြင်း မရှိတာကြောင့် မုန့်ဟင်းခါးပေါ်ပေါက်လာတဲ့ ဇာတိ နဲ့ ခေတ်ကာလ ကိုသိနိုင်ဖို့ရာ ခဲယဥ်းလှပါတယ်။💢

မုန့်ဟင်းခါးကို အစောဆုံး အထောက်အထားတစ်ခုနဲ့ တွေခဲ့ရတာကတော့ ကုန်းဘောင်ခေတ်စာဆို တစ်ဦးဖြစ်တဲ့ ဦးပုညရဲ့ လင်္ကာများထဲမှ တစ်ခုထဲတွင် တွေ့ခဲ့ရတာဖြစ်ပါတယ်။ ထို လင်္ကာထဲတွင် "မုန့်ဟင်း" လို့ သုံးနှုန်းထားခဲ့တာ ဖြစ်ပါတယ်။✔

ကုန်းဘောင်ခေတ် ဒုတိယမြောက်အပိုင်းဖြစ်တဲ့ ဘကြီးတော်ဘုရား လက်ထက်နဲ့ ကုန်းဘောင် ရွှေဘိုမင်း လက်ထက်မှာ ပေါ်ပေါက်လာတဲ့ ကဗျာစာဆို တစ်ယောက်ဖြစ်တဲ့ ဖိုးသူတော်ဦးမင်း က ၎င်းနဲ့ခေတ်ပြိုင်စာဆို ဖြစ်တဲ့ လူဦးမင်း (စာဆိုတော်ဦးမင်း) နဲ့ မုန့်ဟင်းခါးအကြောင်း အပြိုင်စပ်ဆိုရာတဲ့အခါ "မုန့်တီ" လို့ သုံးနှုန်းခဲ့တယ်။ ဒါပေမဲ့ ယနေ့ခေတ်မှာတော့ မုန့်ဟင်းခါးကို "မုန့်တီ" လို့ ပြောဆိုတဲ့ လူအနည်းငယ်ဘဲ ရှိတော့မယ်ထင်ပါတယ်။‼

မုန့်တီလို့ ပြောလိုက်လို့ ရခိုင်မုန့်တီလို့ အတွေးမမှားစေချင်ပါဘူး။ ရှေးယခင်ခေတ်က မုန့်ဟင်းခါးကို မုန့်တီလို့ ခေါ်ဆိုခဲ့ကြတာဖြစ်တယ်။ ရခိုင်မုန့်တီဆိုတာကတော့ ရခိုင်လူမျိုးများရဲ့ ရှေးရိုးရာအစားအစာ အာပူလျှာပူနဲ့ ရိုးရိုးရခိုင်မုန့်တီ၊ ရခိုင်မုန့်တီသုပ် ကိုပြောချင်တာဖြစ်ပါတယ်။ ဒီဘက်ခေတ်တိုင်အောင်ကို ဒေသအချို့က မုန့်ဟင်းခါးကို "မုန့်"၊ "မုန့်တီ" လို့ ခေါ်ဝေါ်နေကြတာဖြစ်တဲ့အတွက် ကုန်းဘောင်ခေတ်ထဲက မုန့်ဟင်းခါးက ပေါ်ပေါက်ပြီးသာ ဖြစ်မယ်လို့ ယူဆလို့ရတယ်။ တစ်ချို့ကလည်း မိုဟင်းခါးလို့ ခေါ်ကြသေးတယ်။‼💯‼

ပျူမြို့ဟောင်းများတွေကို တစ်ဖန်ပြန်လည်ကာ တူးဖော်ကြတုန်းကလည်း ဆန်မှုန့်နဲ့ အချဥ်ဖောက်ပြီးလုပ်ထားတဲ့ ကိရိယာအများအပြားကို တူးဖော်ရခဲ့တယ်လို့ သိရတဲ့အတွက် ထမင်းအစားထိုးအဖြစ် ဆန်နဲ့ပြုလုပ်ထားတဲ့ မုန့်နဲ့ မုန့်ဟင်းခါးဟာ ထိုအချိန်ထဲက ပေါ်ပေါက်နေခဲ့နိုင်တယ်လို့ ပညာရှင်တွေ​က ကောက်ချက်ချကြတယ်။ ဒါ့အပြင် မုန့်ဟင်းခါးသမိုင်းကို စနစ်တကျ သုတေသန လုပ်ဖို့ကြိုးစားခဲ့တဲ့ ဒေါက်တာခင်မောင်ညွန့် ရဲ့ အဆိုအရဆိုရင် မုန့်ဟင်းခါးချက်နည်းက ရှေးနန်းတွင်း ဟင်းချက်နည်းမျိုးစုံစာရင်းမှာ ရှာမတွေ့ခဲ့တဲ့အတွက် သာမန်အရပ်သား တွေရဲ့ အစားအစာ ဖြစ်နိုင်တယ်၊ အဲတာကြောင့် ဘယ်သူကမှ အရေးတယူ လုပ်ပြီး မှတ်တမ်းမတင်ခဲ့တာ ဖြစ်နိုင်ကြောင်း ပြောခဲ့တယ်။💯



#မုန့်ဟင်းခါး
#မုန့်ဟင်းခါးသမိုင်း

Hi 👋

🤍🤍🤍

မျက်လုံးကလေးပိတ်ပြီး
ခေါင်းကလေးမော့ထားပါ
နောက်ဆုံးအနမ်းလေး အမှတ်တရ
ယူသွားပါရစေ✌🏿

ဟီးး🤗