https://www.facebook.com/292269577886039/

The Queen

Contact information, map and directions, contact form, opening hours, services, ratings, photos, videos and announcements from The Queen, Solar Energy Company, Yangon.

27/01/2025

သင့်ခေါင်းထဲကထုတ်ပစ်သင့်တဲ့အရာ(၆)ခု

၁။ ဂရုမစိုက်နဲ့။

သင့်ကို ဂရုမစိုက်တဲ့သူတွေကို သင်ဂရုစိုက်စရာ မလိုပါဘူး။ တချို့လူတွေက သူတို့ကို ဂရုစိုက်လေလေ၊
သင့်ကို တန်ဖိုးမထားလေလေပါပဲ။ ဒီတော့ သူတို့ကို လိုက်ဂရုစိုက်နေမှာထက် ကိုယ့်ကိုယ်ကို ပိုဂရုစိုက်လိုက်ပါ။

၂။ လူ့ခွစာတွေကို ဝေးဝေးက ရှောင်ပါ။

တချို့လူတွေက အခြားသူ ဘာလုပ်လုပ် အမြဲအပြစ်ပြောတတ်ကြတယ်။ ဘုကလန့် တိုက်တတ်တယ်။ ဂျစ်ကန်ကန်နဲ့ စိတ်ထဲရှိရင် ရှိသလို မဆင်မခြင်စကားတွေ ပြောတတ်ကြတယ်။ ဒီလို အဆိုးမြင်ဝါဒီရှိသူတွေကို ရှောင်ရှားပါ။ အဆိုးမြင်စိတ်ဓာတ်က သင့်ကိုပါ ကူးစက်လာစေနိုင်လို့ပါ။

၃။ တစ်ခုခုကို အမြဲသင်ယူလေ့လာနေပါ။

ပညာလို အိုသည်မရှိ ဆိုသလိုပဲ ဘယ်အတတ်ပညာမဆို သင်ယူဖို့ ဝန်မလေးပါနဲ့။ ငါ့ အသက်အရွယ်ကြီးနဲ့
မသင့်တော်ပါဘူးလေ၊ ငါငယ်သေးလို့ မလိုသေးပါဘူးဆိုပြီး မတွေးပါနဲ့။

၄။ အရမ်းမတွေးပါနဲ့။

အတိတ်က အဖြစ်အပျက်တွေ အတိတ်က အကြောင်းအရာတွေကို အရမ်းမတွေးပါနဲ့။
အတိတ်မှာ အမှတ်ရစရာ အများကြီး ရှိကောင်းရှိခဲ့မှာပါ။ ဒါပေမဲ့ အတိတ်ဆိုတာ အချိန်တစ်ခုမှာ ပြီးသွားခဲ့ပြီးသား အဖြစ်အပျက်တွေပါ။ နောက်ထပ်ဖြစ်လာမယ့် အနာဂါတ်တွေကို လှပနေစေဖို့သာ ကြိုးစားပါ။

၅။ ကိုယ့်ကိုယ်ကို တန်ဖိုးထားပါ။

ကိုယ်ကျင့်တရားကောင်းတဲ့့သူက
လောကမှာ တန်ဖိုးအရှိဆုံးပါ။ ကိုယ့်ကိုယ်ကို အမြဲတမ်းတိုးတက်အောင် ကြိုးစားပါ။ ကိုယ်စိတ်နှလုံး ဖြူစင်လာအောင် အမြဲကြိုးစားပါ။ စိတ်ကောင်းကောင်းထားပါ။

၆။ ထင်ချင်သလို ထင်ကြပါစေ။

လူအမျိုးမျိုး၊ စိတ်အထွေထွေရှိတယ်ဆိုသလိုပဲ
လူတစ်ယောက်နဲ့တစ်ယောက် တန်ဖိုးထားတာတွေ၊ ခံယူချက်တွေနဲ့ အမြင်တွေ မတူညီကြပါဘူး။ ကိုယ့်အကြောင်းနဲ့ကိုယ် ရှိကြတာမို့ ကိုယ်မှန်တယ်လို့ ယုံကြည်တဲ့အရာကို ရဲရဲသာလုပ်ပါ။

27/01/2025

ကိုယ်ပိုင်တဲ့ မျက်လုံးဆိုပြီး
ကိုယ်မြင်ချင်တာပဲ မြင်တော့

အဆိုးကို အကောင်းထင်
အကောင်းကို အဆိုးလို့မြင်ပြီး
ကောင်းသူတွေကိုဖယ် မကောင်းသူတွေကို
ဖက်တွယ်တာတွေ လုပ်မိကြတယ်။

ကိုယ်ပိုင်တဲ့ စိတ်ဆိုပြီး
ကိုယ်တွေးချင်တာတွေး ထင်ချင်တာထင်တော့

အမှန်ကို အမှားထင်
အမှားကို အမှန်မြင်ပြီး
လမ်းမှားသထက်မှားပြီး
လမ်းပျောက်တဲ့အထိ ဖြစ်ရတယ် ။

ကိုယ်ပိုင်တဲ့ ကိုယ့်ပါးစပ်ဆိုပြီး
ပြောချင်ရာပြော ဆိုချင်ရာဆိုတော့

လူမှန်တွေကို မုန်းစကားပြော
မမှန်သူတွေကို အချိုတွေနှောပြီး
အပေါ်ယံတွေနဲ့ပဲ ကျန်ရစ် နောင်တတွေ
ရတဲ့အထိ ဖြစ်ရတယ် ။

အကုန်လုံးက
Control မမိတာ
တွေကြောင့်ပဲဆိုပေမယ့်
မပြောခင် မဆိုခင်မှာ ထိန်းချုပ်ပြီး
ဆင်ခြင်ဉာဏ်နဲ့ စီစစ်ဖို့က မေ့မေ့သွားတတ်ကြတယ်။

#ဆရာအောင်သင်းစာပေ

27/01/2025

**အောင်မြင်မှုတံခါးကို ဖွင့်ဟနိုင်မယ့် သော့ချက်များ**
--------------------------------------------------------------------

၁။ အငြိုးအတေးတွေကို ဆုပ်ကိုင်မထားပါနဲ့။
ခွင့်လွှတ်လိုက်ပါ။

၂။ တခြားသူအပေါ် အပြစ်မတင်ပါနဲ့။
တာဝန်ယူလိုက်ပါ။

၃။ လူတွေကို အာရုံမစိုက်ပါနဲ့။
စိတ်ကူးကိုပဲ အာရုံစိုက်ပါ။

၄။ အပြောင်းအလဲကို မကြောက်ပါနဲ့။
ဖြစ်လာမယ့်အကျိုးကျေးဇူးကိုသာ တွေးပါ။

၅။ ချီးမွမ်းခံရဖို့ အာရုံမစိုက်ပါနဲ့။
တခြားသူတွေကိုသာ ချီးမွမ်းပါ။

၆။ အချိန်မဆွဲပါနဲ့။
လုပ်စရာရှိတဲ့အလုပ်ကို ချက်ချင်းလုပ်ပါ။

၇။ ရည်ရွယ်ချက်မဲ့ လျှောက်မလုပ်ပါနဲ့။
ပန်းတိုင်အတည်တကျ ချမှတ်ထားပါ။

၈။ တစ်ကိုယ်ကောင်းမဆန်ပါနဲ့။
မျှဝေစာနာမှုရှိပါ။

၉။ ဝေဖန်မှုတွေကို မမုန်းတီးပါနဲ့။
လက်ခံပါ။

၁ဝ။ မာနမထားပါနဲ့။
မသိတာတွေကို အမြဲသင်ယူပါ။

#စိတ်ခွန်အားဖြစ်စေဖို့စာဖတ်ကြပါစို့