Atar. Co Content Creator

အားတက်စေသော စကားများ

တောင်းဆုများပြည့်တဲ့ နှစ်သစ်ဖြစ်ပါစေ 🙇‍♀️🙇

Atar. Co က ပြီးခဲ့တဲ့ (၄) လအတွင်း TikTok Video ရိုက်ကူးရေး/ တည်းဖြတ်ခြင်းများကို အပုဒ်ပေါင်း ၁၀၀နီးပါး ဝန်ဆောင်မှုပေးခဲ့ပါတယ်။

TikTok video လို့ ပြောပေမဲ့ တကယ်တော့ ဒါဟာ Facebook reel အတွက်ပါ အသုံးပြုနိုင်တာကြောင့် တစ်ချက်ခုတ် နှစ်ချက်ပြတ်စေတဲ့ နည်းလမ်းလည်း ဖြစ်ပါတယ်။

Atar.Co ကနေ ဝန်ဆောင်မှုပေးနေတဲ့ TikTok Package မှာ ဘာတွေပါမလဲဆိုရင်
> Content Strategy
> Script
> Video Production
> Editing
> Talent (Optional)

စိတ်ဝင်စားလို့ အသေးစိတ်မေးမြန်းချင်တဲ့ ဖျူးချားကလိုင်းယန့်များအနေနဲ့ ကွန့်မန့်မှာ အစက်လေးတစ်စက်ပဲ '.' ချသွားပေးဖို့ လိုပါတယ်ဗျ။ Sample Video တွေပြဖို့ လူကြီးမင်းတို့ရဲ့ Chatbox ဆီ အမြန်ဆုံးနည်းနဲ့ လာခဲ့မှာပါ။

Atar. Co မှာ TikTok video ရိုက်ကူးရေး ဝန်ဆောင်မှုကို တိုးချဲ့ခဲ့တာ အချိန်လေး​လပဲရှိသေးပေမဲ့ ယုံကြည်ပေးကြတဲ့ Client တွေကြောင့် ထင်ထားတဲ့အရေအတွက်ထက် အများကြီးဖြစ်နေလို့ ကျေးဇူးအထူးတင်ရပါတယ်ဗျာ 🙏

゚

တလောက အာမခံဝယ်ချင်လို့ လိုက်စုံစမ်းရာမှာ မားကက်တင်းဘက်ဂျက်တွေအများကြီးသုံးထားပါရက်နဲ့ တကယ်တမ်း ဆက်သွယ်တော့ Hotline ဖုန်းက သေချာအလုပ်မလုပ်နေတာ၊ Reception နံပါတ်ဆက်လည်း ကိုင်သူမရှိနေတာ၊ Operator ဆီရောက်သွားလည်း ဖုန်းမဖြေတာ ဒါမျိုးဆက်တိုက်ကြုံရတော့ အဲ့ဒီအာမခံတွေမှာ မဝယ်တော့ဘဲ ဆက်သွယ်လိုက်တာနဲ့ ဖြေပေးသူရှိနေပြီးသား အာမခံလုပ်ငန်းကိုပဲ ရွေးချယ်ဖြစ်ခဲ့ပါတယ်။

ဒီတစ်ခုတည်းမဟုတ်ပါဘူး။ Dessert ဆိုင်တစ်ဆိုင် ထိုင်ဖို့ လက်ထဲ cash မရှိနေတာနဲ့ Mobile payment ရ၊ မရ စုံစမ်းရာမှာ ၁မိနစ်‌တောင်မကြာဘဲ ရလိုက်တဲ့အဖြေကြောင့် သွားမယ်မှန်းထားပြီးသားဖြစ်တဲ့ အဲ့ဆိုင်မှာပဲ တကယ်ထိုင်ဖြစ်ခဲ့ပါတယ်။

သူ့ဆီက ရီပလိုင်းကိုသာ မြန်မြန်မရခဲ့ရင် အဲ့ဆိုင်ကို သေချာပေါက် ထိုင်ဖြစ်မှာ မဟုတ်ပါဘူး။

အပြိုင်အဆိုင်များလွန်းနေတဲ့ အွန်လိုင်းပေါ်မှာ Customer သိချင်တာကို အချိန်တိုအတွင်း ဖြေနိုင်တဲ့လုပ်ငန်းက တစ်ပန်းသာပါတယ်။

အဲ့အတွက် Atar.Co မှာ Page Comment & Reply service အတွက် ပေ့ချ်နှစ်ခုစာ နေရာလွတ်နေပါသေးတယ်။

စိတ်ဝင်စားတဲ့ လုပ်ငန်းရှင်များအနေနဲ့ Chat Box မှာ အားမနာတမ်းလာမေးလို့ရပါတယ်။

လုပ်ငန်းရှင်အရာရောက်ပြီဆိုရင် ပိုးမွေးသလို အရိပ်တကြည့်ကြည့်နဲ့ ချစ်နေရတဲ့ထဲမှာ ကိုယ့်လုပ်ငန်းကလည်း ရင်ဘတ်တစ်ထောင့်တစ်နေရာမှာ ပါတယ်မဟုတ်ပါလား။

ကိုယ်ချစ်သလိုမျိုး ကိုယ့်အလုပ်နဲ့ ပတ်သက်သူတိုင်းကိုလည်း ကိုယ့်လိုချစ်စေချင်ပြီး အလုပ်အပေါ် ကြိုးစားအားထုတ်စေချင်တာက ဖြစ်ရိုးဖြစ်စဥ် လူ့လောဘရယ်ပါ။ ဒီတော့ ကိုယ့်လုပ်ငန်းတိုးတက်ဖို့အတွက် ဒီလိုလူမျိုးကို ဘယ်မှာရှာကြမလဲ။

လူကြီးမင်းတို့ရဲ့ ဖေ့ဘွတ်ခ်စာမျက်နှာအတွက်ဆိုရင်တော့ လှည့်ကြည့်စရာမလိုအောင် စိတ်ချရမဲ့ Atar. Co ရှိပါတယ်။ တာဝန်ယူမှု၊ တာဝန်ခံမှု အပြည့်အဝပေးနိုင်တဲ့ ယုံကြည်ချက်တွေဟာ Atar. Co မှာ ရှိနေပါတယ်။ ထပ်ဆောင်းဘောနပ်စ်အနေနဲ့ ပေ့ချ်မှာ ဖန်တီးပေးမဲ့ Content တိုင်းဟာလည်း လူကြီးမင်းအလုပ်မှာအပေါ်ထားတဲ့ချစ်စိတ်အတိုင်း ထပ်တူမကျတောင် မလျှော့သောချစ်ခြင်းများနဲ့ အိုင်ဒီယာသီကုံးပေးသွားမှာပါ။

Atar. Co မှာ စားသောက်ကုန်နှင့် ဖျော်ရည်များ၊ Home Appliances၊ Craft ၊ Souvenir & accessories ၊ စားသောက်ဆိုင်နဲ့ ဘားများ စတဲ့ လုပ်ငန်းတွေကို အဓိကထား ဝန်ဆောင်မှုပေးနေပါတယ်။ အရေးသီးသန့်လား၊ ဒီဇိုင်းအတွက်ရောလား၊ Comment & Message Reply ချည်းပဲလား စတဲ့ ဝန်ဆောင်မှုများကို တစ်လမှ စပြီး လပြတ်၊ နှစ်ပြတ် စသဖြင့် လက်ခံဆောင်ရွက်ပေးပါတယ်။

***MLM များကို ဝန်ဆောင်မှု မပေးပါ။

Blog & Page - Akhayar Lifestyle

https://www.akhayar.com.mm/noplstic/?fbclid=IwY2xjawJIpBpleHRuA2FlbQIxMAABHYtRyjVbBC4t38QX3S5tZ3nsg-TfhRQBX8p5yn8c6av0mhIk09TeEgK7_Q_aem_Dv-8mTJBwB3ugixfye5VFA

Client - City Properties
Page - City Mall St. John

10mins Challenge ကို အရမ်းကြိုက်တယ်၊ 10mins Challenge ထပ် မလုပ်တော့ဘူးလားလို့ တမေးတည်း မေးနေတဲ့သူတွေအတွက် 10mins Challenge ရဲ့ Special Edition အစီအစဉ် တခုကတာ့ မကြာခင်မှာ ထပ်မံ ရောက်ရှိလာတော့မှာပဲ ဖြစ်ပါတယ်နော်။ ဒီ Special Edition အစီအစဉ်ကိုတော့ City Mall Hunt လို့ အမည်ပေးထားပါတယ်။ ထိုက်တန်တဲ့ ဆုကြေးတွေ အပါအဝင် စိတ်လှုပ်ရှားစရာကောင်းပြီး ပျော်ရွှင်ဖို့အရမ်းကောင်းတဲ့ အစီအစဉ်လေးမို့ အားလုံးပဲ ပါဝင်ကြလိမ့်မယ်လို့ မျှော်လင့်ပါတယ်။ City Mall Hunt အစီအစဉ်မှာ ဘယ်လို ပါဝင်ဆော့ကစားနိုင်မလဲ ဆိုတာကိုတော့ မကြာခင်မှာ City Mall St. John Official Page ကနေပဲ ကြေငြာပေးသွားမှာဖြစ်လို့ ဆက်ဆက်စောင့်မျှော်အားပေးကြပါဦး။ အားလုံးပဲ City Mall St. John ရဲ့City Mall Hunt အစီအစဉ်လေးမှာ ပြန်လည် ဆုံတွေ့ကြရအောင်။



Post link - https://www.facebook.com/citymallst.john/photos/a.1380784818666604/1467158046695947/?type=3&mibextid=wwXIfr

Blog & Page - Akhayar Lifstyle

Street Food လို့ ပြောရင် ဘယ်အချိန်တွေကို သတိရလဲ။

ဖတ်ရန် - https://www.akhayar.com.mm/streetfood/?fbclid=IwY2xjawJIpF9leHRuA2FlbQIxMAABHYtRyjVbBC4t38QX3S5tZ3nsg-TfhRQBX8p5yn8c6av0mhIk09TeEgK7_Q_aem_Dv-8mTJBwB3ugixfye5VFA

Client - K.T.Z Company Limited
Page - NukidCare

မိတ်ထွက်တယ်ဆိုတာ လူကြီးရော ကလေးတွေမှာပါ ဖြစ်တတ်တဲ့အရာတစ်ခုပါ ☀️ ဘယ်သူမဆို နွေရာသီရောက်ပြီဆိုတာနဲ့ ပထမဆုံး လုပ်ပေးသင့်တာက အဝတ်အစားကို ဂရုစိုက်ပေးဖို့ပါပဲ။ 👕ချည်သားပွပွအေးအေးတွေကို ဝတ်ဆင်ပါ။ နေရိပ်တဲ့နေရာလို 🍃 အေးတဲ့နေရာမှာ အတတ်နိုင်ဆုံးနေပေးပါ။ ဒါတွေက ကလေးလူကြီးတိုင်း လုပ်နိုင်တဲ့အရာတွေဖြစ်ပါတယ်။

အကယ်၍များ မိတ်ဖုတွေ ထွက်လာခဲ့ပြီဆိုရင်
👶ကလေးငယ်တို့ အသားအရေဟာ နုငယ်လှတာကြောင့် မိတ်ဖုပေါက်တာမျိုးမဖြစ်ဖို့အတွက် လက်သည်းလေးတွေ ညှပ်ပေးထားဖို့လိုသလို ရေချိုးပြီးခဲ့တဲ့အခါ မိတ်ဖုနေရာတွေကို ရှောင်သုတ်ပေးဖို့လိုပါလိမ့်မယ်။ သားသားမီးမီးတို့အသားအရေကို 🌬️ လေနဲ့ထိတွေ့အောင် ထားပေးနိုင်မယ်ဆိုရင် မိတ်တွေကို သက်သာရာရစေနိုင်တာကြောင့် အထက်မှာပြောထားတဲ့အတိုင်း အဝတ်အစားဆင်ပေးသင့်ပါတယ်။

တစ်ခုရှိတာက မိတ်ဖုအတွက် ဆေးလိမ်းတဲ့အခါမှာ 👨‍⚕️ ဆရာဝန်ညွှန်ကြားချက်ပါမှသာ လိမ်းပေးသင့်ပါတယ်။ အဖုလည်းထွက်တယ်၊ မိတ်ဖု ဟုတ်ပလားလို့ သံသယဖြစ်မိတဲ့အပြင် 🤔 ဘေဘီလေးတို့မှာ တခြားသောလက္ခဏာတွေလည်း ပြတယ်ဆိုရင်တော့ ဆရာဝန်နဲ့ ပြသင့်ပါတယ်နော် 🤗

ကျန်းမာပျော်ရွှင်သောဘ၀များ ပိုင်ဆိုင်ကြပါစေလို့ Nukid က ဆုတောင်းပေးလိုက်ပါတယ်😇

#ကလေးတိုင်းချစ်Nukid

Post link - https://www.facebook.com/716463428446980/posts/3181856948574270/?mibextid=wwXIfr

Client & Page - Mya Shwe Yone

ပဲ၊ ထိမ်၊ တဉ်း၊ တော့၊ ရန်၊ ပု၊ မော့၊ မှတ်လော့ ပွတ်ချီယွန်း ဆိုပြီး အတိုကောက်မှတ်ခဲ့တဲ့ ပန်းဆယ်မျိုးကို မှတ်မိကြသေးရဲ့လား။ ဘုရားမတင်၊ နတ်မဝင်၊ လူတွင် ဆယ်ပွင့်ပန်း ဆိုတဲ့စကားကို သိရင် ပန်းဆယ်မျိုးရဲ့ အရေးပါပုံကို ခန့်မှန်းလို့ရပါတယ်။ ဒီပန်းဆယ်မျိုးထဲက ပန်းထိမ်ပညာကတော့ မြရွှေယုန်ဆိုင်ရဲ့ အောင်မြင်မှုတွေကို တစ်ထောင့်တစ်နေရာကနေ ခူးဆွတ်ပေးနေသူပဲ ဖြစ်ပါတယ်။ ပန်းထိမ်နဲ့ ရတနာဆိုင်၊ ရတနာဆိုင်တွေနဲ့ ပန်းထိမ် ဒီနှစ်ခုက ဘယ်လိုမှ ခွဲထားလို့မရတဲ့ အရာတွေပါ။

မြန်မာနိုင်ငံမှာ ရွှေပန်းထိမ်လုပ်ငန်းက အများဆုံးတွင်ကျယ်နေတာကြောင့် ပန်းထိမ်လို့ပြောလိုက်ရင် အများစုက ရွှေနဲ့တွဲပြီး မြင်တတ်ကြပါတယ်။ တကယ့်တကယ်တမ်းမှာတော့ ရွှေပန်းထိမ်ထက်စာရင် ငွေပန်းထိမ်က ဦးဆုံးတွင်ကျယ်ခဲ့တယ်လို့ ဆိုပါတယ်။ ၁၈၈၅ ဝန်းကျင်လောက်က မြန်မာပြည်က ငွေပန်းထိမ်ဆရာဖြစ်တဲ့ မောင်ရင်မောင်၊ မောင်ဖိုးသစ် စတဲ့ ပန်းထိမ်ဆရာတွေ ထင်ရှားကျော်ကြားခဲ့ဖူးပါတယ်။ ပန်းထိမ်ကို လက်ဝတ်ရတနာတွေမှာ မဟုတ်ဘဲ တခြားသော အသုံးအဆောင်ပစ္စည်းတွေမှာပါ တွေ့နိုင်ပါသေးတယ်။ ရွှေကတော့ ပုံသွင်းပြုလုပ်ဖို့အကောင်းဆုံးသော သတ္တုအမျိုးအစားတစ်ခုပါ။

အဆောက်အအုံဗိသုကာလက်ရာတွေက နိုင်ငံတစ်နိုင်ငံရဲ့ယဉ်ကျေးမှုလို့ ပြောကြသလိုပဲ ပန်းဆယ်မျိုးကလည်း နိုင်ငံ၊ လူမျိုးစတဲ့ ယဉ်ကျေးမှုတွေရဲ့ ပြယုဂ်တစ်ခုပါပဲ။ ဒီထဲမှာလည်း ပန်းထိမ်ပညာရပ်က မပါမဖြစ် အခန်းကဏ္ဍက ပါဝင်သူလည်း ဖြစ်ပါတယ်။ ရတနာတွေကို ဖြတ်တယ်၊ ဖောက်တယ်၊ အရည်ဖျော်၊ ပြီးတော့ ပုံသွင်း ဒါတွေကို အဆင့်ဆင့် လုပ်ဆောင်ရတာပါ။ လက်ရှိ ခေတ်ရေစီးကြောင်းအရ ဘယ်လိုပဲ စက်ပန်းထိမ်တွေ ထွန်းကားလာပါစေ၊ လက်မှုပညာရပ်ပါတဲ့ လက်ပန်းထိမ်ကတော့ မပါမဖြစ် အနားမှာရှိနေရပါတယ်။

နိုင်ငံတိုင်းမှာ ပန်းထိမ်ရှိကြသလိုပဲ မြန်မာနိုင်ငံမှာလည်း ကိုယ်ပိုင်မူဟန်နဲ့ ရပ်တည်နေတဲ့ ပန်းထိမ်ပညာလက်ရာတွေ ရှိကြပါတယ်။ ဒီလက်ရာတွေကို အချိန်တွေ၊ အိုင်ဒီယာတွေ၊ ရင်ဘတ်တွေနဲ့ရင်းပြီး ထွင်းထုပေးကြတဲ့ ပန်းထိမ်ပညာရှင်ကြီးတွေကလည်း လေးစားအသိအမှတ်ပြုစရာပါ။ လှပကြော့ရှင်းတဲ့ လက်ဝတ်ရတနာတွေရဲ့နောက်မှာ ရှိနေတတ်တဲ့ သူတို့ကို မမေ့ရဘူးနော်။



#ဝယ်ပြီးရင်းထပ်ဝယ်ချင်တာ
#ပန်းဆယ်မျိုး
#ပန်းထိမ်

Post link - https://www.facebook.com/716463428446980/posts/3181856948574270/?mibextid=wwXIfr

Client & Page - Bhar Sar Pyan

Translation Tool လို့ ဆိုလိုက်တာနဲ့…

ဘာသာပြန်အလုပ်ကို ထဲထဲဝင်ဝင် လုပ်နေသူတွေကလွဲရင် အများစုက Google Translate ကိုပဲ ပြေးမြင်မိကြမယ် ထင်ပါတယ်။ တကယ်တော့ Google Translate ဆိုတာ Machine Translation တစ်ခုဖြစ်ပြီး ဘာသာပြန်သမားစစ်စစ်တွေ သုံးတဲ့ Tool မဟုတ်ပါဘူး။

ဆိုတော့ တကယ့် Translation Tool က ဘာဖြစ်မလဲ…

တကယ့်လက်တွေ့ ဘာသာပြန်တွေ သုံးတဲ့ Tool ၊ ပရော်ဖက်ရှင်နယ် ဘာသာပြန်တစ်ယောက်လုပ်ဖို့အတွက် မသိမဖြစ် သိထားရမဲ့ Tool ကတော့ Computer-Assisted Translation/Computer-Aided Translation (CAT) Tool ပဲ ဖြစ်ပါတယ်။

ဒီနေရာမှာ တစ်ခု သတိထားရမှာက CAT Tool နဲ့ ပြန်တဲ့ ဘာသာပြန် အရည်အသွေးနဲ့ Machine Translation က ရတဲ့ ဘာသာပြန် အရည်အသွေးဟာ လုံးဝ မတူပါဘူး။ Machine Translation ဆိုတာက ကိုယ် ဘာသာပြန်လိုတဲ့ စာကို ထည့်လိုက်တာနဲ့ သူ့ Database ထဲမှာ ရှိတဲ့ ဖြစ်နိုင်ခြေအရှိဆုံး ရလဒ် ဒါမှမဟုတ် Owner က Train ပေးထားတဲ့ ရလဒ်တွေကို ထုတ်ပေးတာမျိုးပါ။ CAT Tool ဆိုတာကတော့ ဘာသာပြန်သူက ဒီ Tool ကို သုံးပြီး ကိုယ်တိုင် ဘာသာပြန်ရတာမျိုးပါ။

သူ့ရဲ့အားသာချက်တွေက-

👉Word တို့ Excel တို့မှာ ပြန်တာထက် အချိန်ကုန် ပိုသက်သာစေတယ်။

👉ဘာသာပြန်ရမဲ့ အကြောင်းအရာနဲ့ ပတ်သက်တဲ့ Glossary/Term တွေကို သီးသန့်ပြန်ကြည့်စရာ မလိုပဲ တစ်ခါတည်း ထည့်သုံးနိုင်တယ်။

👉ဘာသာပြန်ပြီးတဲ့အခါမှာ သက်ဆိုင်ရာ Project Owner က ပေးထားတဲ့ Glossary/Term တွေအတိုင်း သုံးထား၊ မထားဆိုတာနဲ့ Inconsistency Error တွေကို စိစစ်ပေးနိုင်တဲ့ QA စနစ်ပါ ပါဝင်တယ်။

CAT Tool နဲ့ ပတ်သက်ပြီး တခြားကောင်းကျိုးတွေ အများကြီး ရှိပါသေးတယ်။ စာရှည်မှာစိုးလို့ ဒီလောက်နဲ့ ရပ်ပြီး ဆက်သွားရအောင်…

CAT Tool တွေမှာ အခြေခံအားဖြင့် Cloud Based နဲ့ Desktop Version ဆိုပြီး နှစ်မျိုးရှိပါတယ်။ ဘယ် Version မှာမဆို Free/Trial နဲ့ Paid ဆိုပြီး ထပ်ကွဲပါသေးတယ်။

ဒီနေရာမှာ သတိထားရမှာက Free/Trial Version ဆိုရင် Data Leak ဖြစ်နိုင်ခြေပိုများတာကြောင့် အခကြေးငွေယူပြီး ဘာသာပြန်တဲ့အခါ မသုံးသင့်ပါဘူး။ ကိုယ့်ဆီ အလုပ်အပ်တဲ့သူက ပေးသုံးရင်တော့ သုံးနိုင်ပါတယ်။

Bhar Sar Pyan ကနေ အကြံပြုရမယ်ဆိုရင်တော့ ဘာသာပြန်တဲ့အခါမှာ Confidential Data တွေ ပါတတ်တာရယ်၊ ဘာသာပြန်သူက Data Protection ပိုင်းကို အထူးဂရုစိုက်ရမဲ့ တာဝန်ရှိတာရယ်ကြောင့် Free/Trial Version ကို Tool သုံးနည်း လေ့ကျင့်တဲ့နေရာမှာပဲ သုံးပါ။

CAT Tool တွေကို ကောင်းကောင်း အသုံးပြုတတ်မယ်ဆိုရင် အချိန်ကုန်၊ အလုပ်ရှုပ် သက်သာစေတဲ့အပြင် ဘာသာပြန် အရည်အသွေးကိုလည်း ပိုစိတ်ချရစေတာကြောင့် ဘာသာပြန် ဝန်ဆောင်မှုကို ဝယ်သုံးကြတဲ့ နိုင်ငံတကာ Client တွေက CAT Tool Skill ပိုင်နိုင်တဲ့ ဘာသာပြန်တွေကို ပိုသဘောကျတတ်ပါတယ်။ ဆိုတော့ ဘာသာပြန်အလုပ်ကို ရေရှည်လုပ်ကိုင်မယ်လို့ ရည်ရွယ်ထားရင် CAT Tool Skill ကို ဖြည့်ထားဖို့ လိုပါတယ်။

တစ်ဆက်တည်း ကြွားပြောရရင် Bhar Sar Pyan က အဖွဲ့သားတိုင်း CAT Tool Skill ပိုင်နိုင်ကြပါတယ်။ ကြော်ငြာဝင်ရမယ်ဆိုရင်တော့ CAT Tool နဲ့ ပတ်သက်ပြီး ကိုယ်တိုင် လေ့လာရတာ အဆင်မပြေဘူး၊ စိတ်ရှည်သဘောကောင်းတဲ့ တစ်ယောက်လောက် ရှင်းပြပေးမှ ရမယ်ဆိုရင်တော့ Bhar Sar Pyan မှာ သင်တန်း စုံစမ်းလို့ရပါတယ်။

CAT Tool သုံးနေတဲ့သူတွေအနေနဲ့လည်း သုံးရတဲ့အတွေ့အကြုံလေးတွေ ဝေမျှပေးသွားပါဦး။

#ဘာသာပြန်

Post link - https://m.facebook.com/story.php?story_fbid=876609054478298&id=100063876346672&mibextid=wwXIfr