Kawi

ကျွန်တော်နှင့် ထီးကလေး

ကျွန်တော့်ကောင်းကင်သည်
မို့ပြာအုံ့မှိုင်းလျှက်ရှိ၏
ကျွန်တော့်တောင်ကုန်းမှာ
ခတ္တာရနံ့တို့ထစ်ခြုန်းပြီး
ကျွန်တော်မိုးရွာတော့မည်လောဟု
ငြိမ်သက်တွေးတောရင်း
တစ်ခါတုန်းကထီးကလေးကို
သတိရနေမိတော့၏ ။ ။
တာရာဝင်းဝေ
#ကဗျာ


#တာရာမင်းဝေ

ဒုက္ခဆက်တင်

လူလည်နဲ့လူအ
နှစ်မျိုးလုံးတင်ဆက်လို့ရတဲ့ မြို့တော်ကြီးမှာ
တစ်ဝက်အောင်မြင်ပြီး
တစ်ဝက်ကျဆုံးခဲ့ရ
သည်မြစ်ဟာ
ငါမကူးခတ်နိုင်လောက်အောင်
မကျယ်ဝန်းပါဘူး ။

လမ်းပျောက်နေသလား ……… တဲ့
လမ်းရှာမတွေ့သေးသူပါ ။

အကုသိုလ်ဒုစရိုက်တရား
ဒါလောက်မများခဲ့ပါဘူးကွယ်
ဆူးလေဘုရားကို ရှာတွေ့ရမှာပေါ့ ။

ဒုက္ခတွေကို ဒုက္ခနဲ့မြှောက်ခဲ့ရသူမို့
နောက်ထပ်ဒုက္ခပန်းတစ်ပွင့်
မဖူးပွင့်ပါရစေနဲ့တော့ ညီမလေးရယ် ။

ဖြောင့်ချက်တွေမပေးမိခင်
လေနှင်ရာလွင့်ခဲ့ရတာကိုပဲ
မင်းတို့မြို့ကလေးကို ကျေးဇူးတင်ရ ။
ဘက်စ်စကားပေါ်မှာ
မတော်တဆလက်ချင်းထိမိသလိုသာ
သဘောထားလိုက်ပါတော ။
ပိုင်စိုးဝေ

#ပိုင်စိုးဝေ
#ကဗျာ


#ဒုက္ခဆက်တင်

#ကဗျာ
#တင်မိုး
#အောင်ပွဲသို့

ဒုက္ခဆက်တင်

လူလည်နဲ့လူအ
နှစ်မျိုးလုံးတင်ဆက်လို့ရတဲ့ မြို့တော်ကြီးမှာ
တစ်ဝက်အောင်မြင်ပြီး
တစ်ဝက်ကျဆုံးခဲ့ရ
သည်မြစ်ဟာ
ငါမကူးခတ်နိုင်လောက်အောင်
မကျယ်ဝန်းပါဘူး ။

လမ်းပျောက်နေသလား ……… တဲ့
လမ်းရှာမတွေ့သေးသူပါ ။

အကုသိုလ်ဒုစရိုက်တရား
ဒါလောက်မများခဲ့ပါဘူးကွယ်
ဆူးလေဘုရားကို ရှာတွေ့ရမှာပေါ့ ။

ဒုက္ခတွေကို ဒုက္ခနဲ့မြှောက်ခဲ့ရသူမို့
နောက်ထပ်ဒုက္ခပန်းတစ်ပွင့်
မဖူးပွင့်ပါရစေနဲ့တော့ ညီမလေးရယ် ။

ဖြောင့်ချက်တွေမပေးမိခင်
လေနှင်ရာလွင့်ခဲ့ရတာကိုပဲ
မင်းတို့မြို့ကလေးကို ကျေးဇူးတင်ရ ။
ဘက်စ်စကားပေါ်မှာ
မတော်တဆလက်ချင်းထိမိသလိုသာ
သဘောထားလိုက်ပါတော့ ။

ပိုင်စိုးဝေ

#ကဗျာ
#ပိုင်စိုးဝေ

ဘဝ

လူအများကြီးရှေ့
ခေါင်းကိုအလွန်အကျွံမော
ရင်တွေကော့ပြီး နေခဲ့ဘူးတယ်

ထမင်းစားရင် ခေါင်းလေးငုံ့
မျက်ရည် ပေါက်ပေါက် ကျဘူးတယ်

ရယ်စရာရှိရင် ခုနှစ်အိမ်ကြား ရှစ်အိမ်ကြားပေါ့
ငိုစရာရှိရင် ပါးစပ်ထဲစောင်ထိုးထည့်
တိတ်တဆိတ်ပေါ့

အတ္တာဟိအတ္တတော နာထောလို့ပြောပြောပြီး
ငိုချင်လာရင် အမေ့ရင်ခွင်ကိုပြေးပြေးသတိရတယ်

ဆန်းကျော်စွာဝင်း
#ဘဝ
#ဆန်းကျော်စွာဝင်း
#ကဗျာ

ရောမစစ်မျက်နှာ


ရောမစစ်မျက်နှာ (၁)

စစ်မြေပြင်မှာ
တစ်ယောက်ကိုတစ်ယောင်မမြင်ရဘူး

အမှောင်ထဲမှာ
သင်သေမရှိဘူး

လူကိုမမြင်ရတော့လည်း
စိတ်ကမနာမိဘူး

နောက်ကျောမှာ ဓါးတန်းလန်းကြီးနဲ့
ဒီကဗျာရေးမိတယ်။

ရောမစစ်မျက်နှာ (၂)

ငါ့ အိမ်နိမ့်စံဘဝမှာ
ရန်သူနဲ့ စေ့စပ်ခဲ့ရတယ်

နန်းတော်ကို သိမ်းပိုက်ပြီးချိန်မှာ
မင်းကို မိဖုရားမြှောက်ချင်တာ

ဒါပေမယ့်
မင့်က ရန်သူနဲ့ လင်ငယ်နေခဲ့တယ်

အေး
ငါ့ထီနန်းရိပ်မှာ
ကလီယိုပတ်ထရာ ပြက္ခဒိန်
ချိတ်ခွင့်မရှိစေရဘူး။ ။

ရောမစစ်မျက်နှာ (၃)

ရောမရောက်ရင်
ဗင်းနစ် လိုပဲ ကျင့်ကျင့်
မီလန် လိုပဲကျင့်ကျင့်
ဖလောရင့် လိုပဲကျင့်ကျင့်

ငါက
တန်းဆင်းဇုံထဲမှာ မူးစုပဲစု
အမှတ်လေးတွေရှာနေရတဲ့
ဥရောပရဲ့ တော့မြို့ကလေး
ဆီစီနာ ။

ရောမစစ်မျက်နှာ(၄)

သူရဲကောင်းတစ်ယောက်ရဲ့ အလောင်းကို
စစ်ပွဲအတွင်းမှာ
သံခွါကျွတ်ထွက်သွားတဲ့ မြင်းတစ်ကောင်လို
သားသက်ရုံပို့လိုက်ပါပြီလား

ခင်ဗျားရဲ့
အသွားနှစ်ဖက်ပါတဲ့ ဓားတွေကို
ပြန် သ ထားလိုက်ပါ ဆီဇာ ။

ရောမစစ်မျက်နှာ (၅)

တူရင်မှာ လုပ်ပွဲကစားရင်း တန်းဆင်းရတယ်
မာဖီးယားတွေက စစ္စလီကျွန်းပေါ်မှာ
ဖဲရိုက်နေကြတယ်

ဒီည ဘရုစ်တပ်က
အောက်အသင်းတွေကြိုက်နေတယ် ။

ကြည်ဇော်အေး

#ကဗျာအပုဒ်(၃၀) ပါဝင်ပြီး နောက်ရက်များတွင်လည်းဆက်လက်ဖော်ပြပေးသွားပါမည်။
#ကြည်ဇော်အေး
#ကဗျာ

ပါးစပ်တစ်ပေါက်ပဲရှိတယ်

မင်းမှာပါးစပ်တစ်ပေါက်ပဲရှိတယ်
ဒါပေမယ့် နားရွက်နှစ်ဖက်ရှိတယ်
ဒါကြောင့်တစ်ခါပြောပြီးနှစ်ခါနားထောင်ရတယ်
အများကြီး‌မြင်နေရပေမယ့်နည်းနည်းပဲပြောရတယ်
မင်းမှာပါးစပ်တစ်ပေါက်ပဲရှိတယ်
ဒါပေမယ့်လက်နှစ်ဖက်ရှိတယ်
ဒါကြေင့် နှစ်ခုနဲ့လုပ်ပြီး
တစ်ခုနဲ့ပဲ အစာစားရတယ်။

#(အာဖရိက ကျေးလက်ရိုးရာကဗျာ)
#ကဝိ
#ကဗျာ