My Collection

American Dream ရှိသူများအတွက် Info...

'' R ဇာနည် လုပ်တဲ့ Amazon Delivery Service အလုပ် ဆိုတာ .... ''

Amazon မှာ delivery လုပ်ရတာ လွယ်ကူလား ၊ အခက်အခဲရှိလား တဲ့ ။ ရှိတာပေါ့ ။ သမာအာဇီဝနဲ့ ရိုးသားစွာ လုပ်ကိုင်ရတဲ့ အလုပ်တိုင်းက အနည်းနဲ့အများ အခက်အခဲရှိပါတယ် ။ sushi လိပ်တတ်ဖို့ ပညာလိုသလို ၊ delivery service လုပ်တဲ့သူလဲ ပညာလိုပါတယ် ။ ကိုယ့်ရဲ့ အလုပ်အပေါ်စိတ်ပါဝင်စားမှု ၊ တန်ဖိုးထားမှုတွေကြောင့်သာလျှင် ကိုယ်ကျွမ်းကျင်ရာ နယ်ပယ် ( သို့ ) အလုပ်တစ်ခုမှာ နေရာရကြတာပါ ။ Delivery service များစွာထဲကမှ Amazon နဲ့ဆိုင်တာပဲရေးပြပေးပါမယ် ။

ဆိုတော့ Amazon ကနေ ပစ္စည်းယူပို့ရတဲ့သူတွေဆိုရင် ပိုဆိုးပါတယ် ။ risk တွေရှိပါတယ် ။ Amazon ရဲ့ delivery service job ပုံစံက Regular employee အနေနဲ့လျှောက်လို့ရသလို Amazon Flex ကနေလဲ account ဖွင့်ပြီး ပို့ရမယ့် time & hours ကို self employed အနေနဲ့ ကိုယ်အဆင်ပြေသလို ရွေးပြီး ပစ္စည်းပို့ရတာပါ ။ Regular employee အနေနဲ့ delivery လုပ်တဲ့သူတွေကတော့ သူသတ်မှတ်ထားတဲ့ package အရေအတွက်ကိုယူပြီး Amazon က ထုတ်ပေးတဲ့ ကားနဲ့ ပစ္စည်းပို့ရတာပါ ။ Amazon Flex နဲ့ မောင်းတဲ့သူတွေကကျတော့ ကိုယ့်ကားနဲ့ကိုယ့်ဆီ စိုက်မောင်းပြီး လိုက်ပို့ရတာပါ ။ Amazon Flex မောင်းဖို့ဆိုရင်လဲ မောင်းချင်တိုင်း မောင်းလို့ရတာမဟုတ်ပါဘူး ။ သက်တမ်းရှိ Driving Licence ၊ SSN နဲ့ EAD တို့ရှိဖို့ လိုပါတယ် ။ ( GC သမားဆိုရင်လဲ GC နဲ့ register လုပ်ပြီး မောင်းလို့ရပါတယ် ။ ) application မှာ register လုပ်တဲ့အခါ ကိုယ့် background check တွေ လုပ်ပါတယ် ။ ticket violation တွေလို records တွေက သတ်မှတ်ထားတာထက် ကျော်နေတာတို့ဆိုရင်လဲ approve မဖြစ်တာမလို့ ပေးရန်ရှိတဲ့ ticket ဖိုးတွေဆိုလဲ မပျက်မကွက်ပေးထားဖို့ လိုအပ်ပါတယ် ။

ဆိုတော့ approve ဖြစ်လို့ ပစ္စည်းပို့ရပါပြီတဲ့ ။ ပထမဆုံးသတိထားဖို့က 🐕 ပါ ။ ပစ္စည်းပို့တဲ့အခါ အရမ်းသတိထားရပါတယ် ။ တလောကဆို အဲလိုပဲ Amazon က driver တစ်​ယောက်ကို လိုက်ပြီးဆွဲတာ မသေရုံတမယ်ဖြစ်ပြီးဆေးရုံရောက်သွားတဲ့အထိပါ ။ တချို့တွေကျ ခန္ဓာကိုယ် အစိတ်အပိုင်းတွေ ရရာအဆွဲခံရတာ ၊ ပြီးခဲ့တဲ့နှစ်ကဆို လူသေသွားတဲ့အထိပါ ။ 👉 https://www.nbcnews.com/news/amp/rcna53834

ပြီးတော့ Amazon Fresh & Whole Foods Market ပို့တဲ့အခါ တခါတလေ အထုတ်တွေ အများကြီးပါတတ်ပါတယ် ။ (3) ways လောက်ပဲ ရှိပေမယ့် ပို့စရာအထုတ်က (20)လောက်ဖြစ်နေတာမျိုးပါ ။ တခါတလေ ရေသန့် packs လိုက်တွေ ပါလာတတ်ပါတယ် ။ 1st floor , 2nd floor လောက်က ပို့လို့ အဆင်ပြေပေမယ့် Appartment တွေ ၊ အခန်းအများကြီးရှိတဲ့ office လို building တွေဆိုရင်တော့ မှန်းချက်နဲ့ နှမ်းထွက် မကိုက်ပြန်ပါဘူး ။ tips တွေ ဘာတွေ ပိုရတာကနောက် ၊ ကိုယ်ကအရင် ပင်ပန်းပါတယ် ။ ယောက်ျားလေးတွေကျ သိပ်ပြဿနာမရှိပေမယ့် မိန်းကလေးတွေဆို ပင်ပန်းပါတယ် ။ ( အခုနောက်ပိုင်းတော့ water packs တွေကို limit ထားပြီး မှာလို့ရအောင် Amazon က delivery လုပ်မယ့်သူဘက်က စဉ်းစားပေးလာပါတယ် ) ။ မဟုတ်ရင်လဲ ပစ္စည်းတွေ ထည့်ပြီးသယ်လို့ရတဲ့ ဘီးပါတဲ့ shopping chart 🛒 တွေကို delivery လုပ်တဲ့သူတွေ ဆောင်ထားကြရပါတယ် ။

ပစ္စည်းပို့ရင်သူက application ကနေsystem နဲ့ တခါတည်း connected လုပ်ထားတာဖြစ်လို့ ကိုယ်ရောက်နေတဲ့ location တို့ ၊ ပစ္စည်း drop off လုပ်ရမယ့်နေရာတို့ တခါတည်း ပြထားပြီးသားပါ ။ သတ်မှတ်ထားတဲ့အချိန်အတွင်း မှီအောင် မပို့နိုင်တာတို့ ၊ နောက်ကျပြီးမှ ရောက်သွားတာတို့ဆိုရင်လဲ customer က complaint တက်တဲ့အခါ ကိုယ့်ရဲ့ standing condition က good & fair & risk တို့ရှိတဲ့အတွက် တစ်ကြိမ်နောက်ကျတာတို့ ၊ complaint တွေတက်တိုင်းမှာ အမှတ်တွေက လျော့လျော့လာမှာပါ ။ မလျော့ချင်လို့ အမြန်မောင်းပြန်ရင်လဲ speed တွေက limit တွေကျော်ရင်လဲ ticket တွေ ထိဦးမှာပါ ။ တချို့တွေ စမောင်းခါစဆို ရတာက တစ်ရက် $250 , ticket ထိတာက (2) ကြိမ်စာ $100 လောက် ဖြစ်နေတာမျိုးလဲ အစဆိုကြုံရပါတယ် ။ မြန်လွန်းရင်လဲမကောင်း ၊ နှေးလွန်းရင်လဲ ပြဿနာရှိပါတယ် ။ ပြီးတော့ အဲလို customer complaint များတာ ၊ ခဏခဏ delay ဖြစ်တာများလို့ risk level ရောက်သွားရင်တော့ ကိုယ့်ရဲ့ account ကို deactivate လုပ်ပြစ်လိုက်ပါတယ် ။ အဲခါကျ account က ဝင်ကြည့်လို့ မရတော့ပြန်ပါဘူး ။ ပစ္စည်းလဲ ထပ်ပို့လို့ မရတော့ပြန်ပါဘူး ။ ဖုန်းဆက်ပြီး ရှင်းပြလို့ သူတို့လက်ခံတယ်ဆိုရင်တော့ reactivate ပြန်လုပ်ပေးတတ်ပါတယ် ။ တစ်ခုကောင်းတာက Amazon Flex ကကျတော့ every Tuesday & Friday တိုင်းမှာ တစ်ပတ်ကို (၂)ကြိမ် direct deposit လုပ်ပေးတဲ့အတွက် ပိုက်ဆံ urgent လိုတဲ့သူတွေအတွက်က ကြိုးစားရင် ကြိုးစားသလောက်ရနိုင်တာပါ ။

အခုရေးပေးတာတွေဖတ်ပြီးတဲ့အထိ delivery service အလုပ်ဆိုတာ warehouse / store တခုခုမှာ ပစ္စည်းသွားယူ ၊ ယူပြီး customer အိမ်အရှေ့မှာ သွားချရုံနဲ့ အလုပ်ဖြစ်တယ်လို့ အလွယ်တွေးထင်နေတုန်းဆိုရင်တော့ သင်ဟာ American ရဲ့ system အကြောင်း A to Z အထိ လေ့လာဖို့ အများကြီး လိုသေးတယ်ဆိုတာပါ ။

မြန်မာပြည်ကနေ ပြည့်ပြည့်စုံစုံနဲ့နေလာခဲ့တဲ့ အဆိုတော်
ဘဝကိုမပြောပါနဲ့ ... ရာရာအလုပ်လုပ်မယ်ဆိုပြီး ထွက်လာတဲ့ သာမန်လူတန်းစားအတွက်လဲ ဒီအလုပ်က ထင်သလောက်မလွယ်ကူဘူးဆိုတာ သိထားဖို့ပါ ။ အကြောင်းအရာတစ်ခုကို သေချာမသိပဲ ၊ အလုပ်တစ်ခုရဲ့ nature ကို သေချာမသိပဲ ပြောတာမျိုး ရှောင်ကြစေချင်ပါတယ် ။ ကျမက ဘာလို့ ဒါတွေ သိနေရတာလဲ မေးရင်တော့ အရင်က အလုပ်အခက်အခဲဖြစ်လို့ဆိုပြီး (၃/၄)ယောက်လောက်ကို ကူညီပြီး delivery service အတွက် အလုပ်လျှောက်ပေးဖူးပါတယ် ။ ( အခုရေးပြထားတာတွေက သူတို့ လာပြန် share တဲ့ experience တွေထဲက အနည်းလေးမျှသာပါ ) ။ အလုပ်မှန်သမျှ အနည်းနဲ့အများ stress တွေရှိတာမလို့ ရိုးသားစွာ ရုန်းကန်ကြိုးစားနေသူတိုင်းကို Respect မပေးရင်တောင်မှ စော်ကားမပြောမိဖို့လိုပါတယ် ။

အဆုံးထိဖတ်ပေးတာ ကျေးဇူးတင်ပါတယ်... ❣️
Crd- Victoria

American Dream ရှိသူများအတွက် အမေရိကားမှာ အခြေချနေထိုင်နိုင်ဖို့အတွက် info ..

အမေရိကားအကြောင်း သိလိုသမျှ 👇🏼👇🏼
အမေရိကားကို ဘယ်အသက်အရွယ်ထိ လာလို့ရလဲ၊ ဘယ်လိုလူတွေလာလို့ရလဲမေးရင် -

ဘယ်သူမဆိုလာလို့ရတယ်လို့ဖြေရမှာပဲ။
အသက်အရွယ် အပိုင်းအခြားမရှိ၊ အင်္ဂလိပ်စာတတ်တတ် မတတ်လာလို့ရတယ်။

ပြီးရင် လာဖို့ဘာအရင်လုပ်ရမလဲ ?
ဗီဇာအရင်ရအောင်လျှောက်ရမယ်။
ဗီာဘယ်လိုလျှောက်မလဲ ?
လက်ရှိ အလည်နဲ့ ကျောင်းသားဗီဇာရှိတယ်။

ဟုတ်ပြီ၊ ဒီရောက်ပြီဆိုပါစို့။
ဘာလုပ်ကြမလဲ ?
လာကြိုပေးမယ့် အသိရှိလား၊ အမျိုးရှိလား ?
ရောက်ကာစ ခေတ္တနေလို့ရမယ့် အိမ်ရှိလား ?
ရှိတယ်ပဲထား၊ အဆင်ပြေတယ်။
ရောက်ရောက်ချင်း cash ပေးတဲ့ အလုပ်ရှာမယ်။
အလုပ်ခန့်ပေးမယ့်သူရှိလား ? ရှိတယ်ဆိုရင် အဆင်ပြေပြီ။

ကဲ အသိမရှိ၊ အမျိုးမရှိ ရောက်လာပြီ။
အိမ်ခန်းငှါးခ စပေးရတော့မယ်။
အနိမ့်ဆုံး $450 ကနေစမယ်၊ ၂ လစာပေးရမယ်။ $900 စကုန်မယ်။ အလုပ်ရှာမယ်၊ ချက်ချင်းအလုပ်မရဘူး၊ နေစားစရိတ်အလုံအလောက်ပါလာရမယ်။

အလုပ်စလုပ်ကြပြီ ?
စစရောက်ချင်း ဘာအလုပ်ရှိမလဲ ?
ဆူရှီအကူရှိမယ်၊ ဆူရှီလိပ်တာရှိမယ်၊ အိုးခွက်ပန်းကန်ဆေးရှိမယ်၊ စားသောက်ဆိုင် မီးဖိုးချောင်အကူ၊ ကလေးထိန်း (ဒါကတော်ရုံမရ) စတာတွေရှိမယ်။

ကိုယ့်ရဲ့ အသက်အရွယ်နဲ့
နောက်ခံအနေအထားနဲ့ ပြန်ချိန်တွက်ကြည့်ပါ။
အိုခေ၊ ငါကတော့ လုပ်နိုင်တယ်၊ ဘယ်လောက်ပင်ပန်းပင်ပန်းခံနိုင်ရည်ရှိတယ်။ အခုလက်ရှိဘဝမှာ နေမပျော်တော့ဘူး၊ ဖြစ်ချင်တာဖြစ် ရအောင်ကြိုးစားမယ်၊ ဖောင်ဖျက်ပြီး ထွက်မယ်ဟေ့ဆိုရင်တော့၊ ရတယ် လာသာလာခဲ့ ရေရှည်အဆင်ပြေသွားနိုင်တယ်။

ရောက်ရောက်ချင်း ကူညီမယ့်သူမရှိဘူးဆိုရင်
စိတ်မပူနဲ့ သေချာပေါက် ဒုက္ခရောက်တယ်၊ စိတ်ဆင်းရဲ ကိုယ်ဆင်းရဲဖြစ်မယ်။ ပိုက်ဆံလေး အလုံအလောက်ပါလာရင်တော့ အလုပ်မရသေးခင်စပ်ကြား အဆင်ပြေပြေနေလို့ရသေးတာပေါ့လေ။

ဒါဆို ဘယ်လိုလုပ်မှာလဲ ?
ဗီဇာရပြီဟေ့ဆိုတာနဲ့ မြန်မာနိုင်ငံကနေ နေစားငြိမ်းဆူရှီအလုပ်ဖြစ်ဖြစ်ကြိုရှာထား၊ ပြီးရင် နေထိုင်ခွင့်ဘယ်လိုလျှောက်မလဲလေ့လာထား၊ ဘာသာစကားကိုကြိုပြီးလေ့လာထား (ထမင်းစားရေသောက်ကပြောတတ်မှအဆင်ပြေမယ်)

အမေရိကားမှာ ဖုန်းဆင်းကတ်ဘယ်လိုလုပ်လဲ၊ ဘဏ်ကတ်ဘယ်လိုလျှောက်လဲ၊ အဓိကအရေးကြီးတဲ့အချက်တွေက ဘာတွေလဲဆိုတာကို အကုန်မွှေနှောက်လေ့လာထားရမယ်။

အမေရိကားရောက်တာနဲ့ ငါနတ်ပြည်ရောက်ပြီဟေ့ဆိုတာမျိုးလို့တော့မမှတ်လိုက်နဲ့။
ဘဝက ဒီရောက််မှ တစ်ကပြန်စရမှာ။
ငါကတော့ ဘာဖြစ်ဖြစ်ကြိုးစားမယ်ဟေ့ဆိုရင်တော့ လာသာလာခဲ့၊ အနာဂတ်အခွင့်အလမ်းတွေအများကြီးရှိတယ်။

Crd- ဆရာမMixedElla 👩🏻‍⚖️