Dear Self

လောကရဲ့အထူအပါး အတိမ်
အနက်တွေကြားမှာ ဝေဝေဝါးဝါးနဲ့
ဘဝတွေ ဘယ်လိုပဲခါးနေပါစေ
စိတ်မပျက်ပါနဲ့ သူငယ်ချင်း။

လောကဓံဆိုတာ အစိမ်းအကျက်မရွေးဘူး
ကြံ့ခိုင်တဲ့သူက စံ, ပျော့ညံ့တဲ့သူ ခံ,
ဒဏ်ရာချင်းအတူတူ
သန်မာတဲ့သူကတော့ အနိုင်ရမှာပဲ။

ဒီမှာသူငယ်ချင်း ငါတို့ဟာ
မွေးဖွားလာကတည်းက
လှုပ်ရှားရုန်းကန် အားမာန်တွေ
အပြည့်နဲ့ လူ့လောက လူ့ဘဝရဲ့
ဇာတ်လမ်းအစ စာတန်းထိုးစဉ်ကတည်းက
လှမ မလှပခဲ့တာ။

အခုမှ ဘာများထူးဆန်းနေလို့လည်း
လှုပ်ရှားရုန်းကန်တော့
ပိုပြီးသန်မာတာပေါ့
ငြိမ်နေရင် အညောင်းမိနိုင်တယ် မဟုတ်လား။

ဒီမှာ သူငယ်ချင်း
စိတ်ပျက် ငေးငိုင် မှိုင်တွေမှုတွေနဲ့
အချိန်တွေကို ဖြုန်းမပစ်ပါနဲ့
အချိန်ကိုဖြုန်းခြင်းဟာ ဘဝကို ဖြုန်းခြင်းပါပဲ။

မင်းဘဝကို မင်းပိုင်တယ်
မင်းဘဝကို မင်းကိုင်ထား မြဲမြဲကိုင်ထား
မင်းဘဝဟာ မင်းရဲ့အသက်
ဘယ်လောကဓံက လာပြီးနှောင့်ယှက်,
နှောင့်ယှက် မင်းဘဝကို မင်းကာကွယ်ရမယ်။

မင်းအရှုံးမပေးသ၍
မင်းဘဝက
မင်းလက်ထဲမှာ လှပစွာ ရှင်သန်မှာပါ။

#စိတ်ခွန်အား #ဘဝစာပေ

🎉 Facebook recognised me as a top rising creator this week!

တစ်ကောင်ထဲ ဖြစ်သွားခဲ့
ရင်တောင် ခြင်္သေ့တစ်ကောင်လို
နေ ကြွက်တစ်ကောင်လို မနေနဲ့
မဟုတ်ရင် အနိုင်ကျင့်ခံရတက်တယ်။

ကြောက်ချင်ယောင်ပဲ ဆောင်
တကယ်မကြောက်နဲ့ ကြောက်တက်
တဲ့လူကို လောကကြီးက နေရာမပေးဘူး။

သစ်သားက သံမှိုအတွက်
နေရာပေးရတယ်။ ဒါပေမဲ့
ကျောက်တုံးအပေါ် သံမှိုရိုက်လို့မရဘူး။

အဲ့တာ သစ်သားက နူးလို့မဟုတ်ဘူး
သံမှိုထက်စာရင် ပျော့လို့။
သံမှိုက ပျော့လို့တော့မဟုတ်ဘူး
ကျောက်တုံးက ပိုမာနေလို့ပါ။

ဒီလိုပဲ ပျော့ညံ့တဲ့သူတွေ
က သန်မာတဲ့သူတွေ အတွက်
နေရာဖယ်ပေးရစမြဲပါပဲ။

ပျော့ညံတဲ့ သူတွေအတွက်နေရာ
မရှိဘူးဆိုတာ မင်းအသက်ရွယ်
အတွေ့ကြုံရလာရင် သိလာလိမ့်မယ်။

ယောကျ်ားပဲရုန်းကန်လိုက်စမ်းပါ
ဇွဲ့ရှိရှိနဲ့ ယောကျာ်းတို့ဇွဲ့ သေခါမှလျှော့
မယ်တဲ့ ဇွဲ့က အရာအားလုံး ကိုအောင်
နိုင်တယ်။

မာကျော့ပါတယ်ဆိုတဲ့
ကျောက်ဆောင်တွေ တောင်
ပင်လယ်လှိုင်းက ဇွဲ့ရှိရှိရိုက်ခက်လို့
တိုက်စားနိုင်သေးတာပဲ။

ဇွဲရှိရှိ ခေါင်းမာလိုက်စမ်းပါ။
သင့်ရဲ့ခေါင်းမာမှုက တစ်နေ့ သင့်ကို
တိုးတတ် အောင်မြင်စေပါလိမ့်မယ်။

#ဘဝစာပေ #လူငယ်

ငွေမစုပဲ အိုမင်းမသွားပါနဲ့
ဘာကြောင့်လဲဆိုတော့
ဆင်းရဲဒုက္ခဟာ
ကျနော်တို့ပြန်စဖို့ အားမရှိတော့တဲ့အချိန်မှာ
ပိုပြီးနာကျင်စေလို့ပါ ။

ငွေမရှိရင်သေးသေးမွှားမွှားဖြစ်ဖြစ်
သက်တောင့်သက်သာနဲ့
ရွေးချယ်ခွင့်မရှိဘူး။

အရသာရှိတာစားချင်ရင်
တွက်ချက်ရတော့မယ်။

အနားယူချင်ရင်‌
စောင့်ဆိုင်းရမယ်။

တိတ်ဆိတ်စွာနေချင်ပေမယ့်
သူတပါးအသံကိုသည်းခံ‌နေရမယ်။

ငွေမရှိရင်
ကိုယ့်စကားလုံးတွေတောင်
အလေးထားခြင်းမခံရဘူး။

သားသမီးကိုကြီးပြင်းအောင်မွေးခဲ့ပေမယ့်

တစ်နေ့ကျရင်
ဘာမှမရှိတော့တဲ့သူရဲ့စကားဟာ
အိမ်ထဲမှာအသံတိုးတိုးးလေးပဲဖြစ်နေမယ်။

ငွေမရှိရင်
နာမကျန်းတဲ့အခါ
အားငယ်တဲ့အခါ
အားနည်းတဲ့အခါ
ကာကွယ်စရာမရှိဘူး။

အိုမင်းလာတဲ့အခါ
ဆရာဝန်ဖိုး ဆေးဖိုး ဆေးရုံသွားစားရိတ်
ဒါတွေဟာ
သက်ကြီးရွယ်အိုတွေကို
ညှာတာလေ့မရှိဘူး။

လက်တွေ့ဘဝက
ပုံပြင်ထဲကလိုအမြဲ ကူညီမယ့်သူမရှိဘူး။

ငွေမရှိရင်
သေချင်သလိုသေဖို့တောင်
ဂုဏ်သိက္ခာမရှိဘူး။

မနေချင်တဲ့နေရာမှာနေရမယ်
မစားချင်တာစားရမယ်
မတောင်းချင်တာကိုတောင်းရမယ်။

ငွေမရှိရင်
ဘဝနောက်ဆုံးအချိန်မှာ
ပျော်ရွှင်မှုမရှိဘူး။

တစ်ဘဝလုံးအလုပ်ကြိုးစားခဲ့တာ
အရာရာကိုသည်းခံခဲ့တာ
နောက်ဆုံးမှာတော့
အိုမင်း သွားတဲ့အချိန်နဲ့အတူ
တစ်ကိုယ်တည်း
စိတ်ငြိမ်စွာ
နေ ထိုင် သွား ရုံ ပဲ ရှိပါတယ်။


#ဘဝစာပေ #စိတ်ခွန်အား #အောင်မြင်ရေး

"စိတ်၏ လျှို့ဝှက်ချက်"

စိတ်အားနည်းနေချိန်မှာ အခြေအနေတိုင်းဟာ ပြဿနာဖြစ်နေတယ်။
စိတ်ဟန်ချက်ညီနေချိန်မှာ အခြေအနေတိုင်းဟာ စိန်ခေါ်မှုဖြစ်နေတယ်။
စိတ်အားကြံ့ခိုင်နေချိန်မှာအခြေအနေတိုင်းဟာ အခွင့်အလမ်းဖြစ်နေတယ်။

ဖြစ်ရပ်တွေ၊ကြုံတွေ့ရတဲ့ အခြေအနေတွေဟာ တကယ်တော့ တစ်မျိုးတည်းပါပဲ။ ဒါပေမယ့် ကိုယ့်စိတ်ရဲ့ အားနည်းမှု၊ အားကြီးမှုအပေါ် မူတည်ပြီး အဲဒီအခြေအနေကို ကိုယ်က ဘယ်လို မြင်လဲဆိုတာ ပြောင်းလဲသွားတာပါ။

· စိတ်အားနည်းနေရင်-အရာရာကို ခြိမ်းခြောက်မှုလို့မြင်တယ် ပြဿနာကြီးလို့ ထင်ပြီး ကြောက်ရွံ့ ရှုံးနိမ့်မှာစိုးရိမ်တတ်ပါတယ်။
· စိတ်ဟန်ချက်ညီနေရင် - အရာရာကို ရင်ဆိုင်ကျော်လွှားရမယ့် စိန်ခေါ်မှုတစ်ခုလို့ သဘောထားပြီး အကောင်းမြင်စိတ်နဲ့ ရင်ဆိုင်တတ်ပါတယ်။
· စိတ်အားကြံ့ခိုင်နေရင် - အခြားသူတွေ ပြဿနာလို့ ရှောင်ကြဉ်နေတဲ့ အရာထဲကတောင် ကိုယ်အတွက် ကြီးပွားတိုးတက်စေမယ့် အခွင့်အရေးကို မြင်နိုင်တဲ့ မျက်လုံးရှိပါတယ်။

အောင်မြင်သူတွေဟာ သူတို့ရဲ့ အတွင်းစိတ်ကို ခိုင်မာအောင် မွေးမြူကြကာ ဘယ်လိုခက်ခဲတဲ့ အခြေအနေကိုမဆို သူတို့အတွက် အခွင့်အလမ်းအဖြစ် အသုံးချတတ်ကြပါတယ်။ကိုယ့်ရဲ့စိတ်ကိုကြံ့ခိုင်နေအောင်ကြိုးစားပါ။

#အောင်မြင်ရေး #စိတ်ခွန်အား #ဘဝစာပေ #စာတို

"တွေးပူတတ်တဲ့အကျင့်ကို လျှော့ပါ"

◾️ဘယ်ကိစ္စကိုမဆို တွေးပူနေတဲ့အကျင့်က အလုပ်ကို နှောင့်နှေးစေနိုင်တဲ့အကျင့်တွေထဲက ထိပ်ဆုံးကပါပဲ။ ဘယ်လောက်ပဲ အစွမ်းအစရှိရှိ၊ ကြိုးစားချင်စိတ်ရှိရှိ အဲဒီတွေးပူနေတတ်တဲ့အကျင့်ကြီး ရှိနေရင် ခရီးမတွင်ပါဘူး။

"ငါ လုပ်နိုင်ပါ့မလား"
"အဆင်မပြေရင် ဘယ်လိုလုပ်မလဲ"
"သူများတွေက ဘာပြောကြမလဲ"
"အောင်မြင်နိုင်ရဲ့လား မသိဘူး"
"ရှုံးနိမ့်သွားရင် ဘယ်လိုနေမလဲ"
စတဲ့ အတွေးတွေက တစ်ခုခု စလုပ်ချင်တဲ့စိတ်ကို အားနည်းသွားစေတယ်။

◾တွေးပူနေတတ်တဲ့သူတွေက မလုပ်ရသေးခင်ကတည်းက ဆင်ခြေတွေ အသင့်ရှာထားတတ်ပါတယ်။ ရှုံးနိမ့်မှုအတွက် အကြောင်းပြချက်တွေ ကြိုပြင်ထားတတ်ပါတယ်။ အရာရာကို အဆိုးဘက်ကနေ တွေးတတ်ပါတယ်။

တကယ်တမ်းကတော့ လုပ်ကြည့်မှသာ ဖြစ်နိုင်၊ မဖြစ်နိုင် သိနိုင်မှာပါ။ စမ်းကြည့်မှသာ အဆင်ပြေ၊ မပြေ သိနိုင်မှာပါ။ ကြိုးစားကြည့်မှသာ အောင်မြင်၊ မအောင်မြင် သိနိုင်မှာပါ။

ဒါပေမယ့် ဘာမှမလုပ်ရသေးခင်ကတည်းက အဆိုးတွေကိုပဲ တွေးနေရင်တော့ ဘာမှ ဖြစ်မြောက်လာမှာ မဟုတ်ပါဘူး။

◾️ကောင်းတဲ့ဘက်ကကြည့်မယ်ဆိုရင်တော့ တွေးပူတတ်တဲ့သူတွေဟာ စေ့စပ်သေချာသူတွေ အသေးစိတ်ကျတဲ့သူတွေ ဖြစ်နေတတ်ပါတယ်။ အရာရာကို သေသေချာချာလေ့လာပြီးမှ စနစ်တကျ လုပ်ချင်တဲ့သူတွေပါ။

ဒါပေမယ့် အဲဒီစနစ်တကျ ဖြစ်ချင်တဲ့စိတ်က လွန်ကဲလာတဲ့အခါမှာတော့ အလုပ်နှောင့်နှေးဖို့ရာ အကြောင်းတရားတစ်ခုအဖြစ် ပြောင်းလဲသွားတတ်ပါတယ်။

💟တွေးပူတတ်တဲ့အကျင့်ရဲ့ကောင်းကျိုးတွေ

- အသေးစိတ်ကို သတိထားမိတယ်
- အရာရာကို ဂရုတစိုက် လုပ်တတ်တယ်
- အရေးကြီးတဲ့ အချက်တွေကို မမေ့တတ်ဘူး
- လုပ်ငန်းတွေကို စနစ်တကျ စီစဉ်တတ်တယ်
- မလိုလားအပ်တဲ့ အန္တရာယ်တွေကို ရှောင်ရှားနိုင်တယ်

💟တွေးပူတတ်တဲ့အကျင့်ရဲ့ဆိုးကျိုးတွေ

- စိတ်ဖိစီးမှုတွေ များလာတယ်
- ညဘက် အိပ်မပျော် ဖြစ်လာတတ်တယ်
- ဆုံးဖြတ်ချက် မချနိုင်အောင် ဖြစ်တတ်တယ်
- ကိုယ့်ရဲ့အရည်အချင်းကို တွေဝေလာတယ်
- အခွင့်အလမ်းကောင်းတွေကို လက်လွှတ်ဆုံးရှုံးတတ်တယ်

တွေးပူနေတဲ့အခါ ကိုယ့်ရဲ့စွမ်းအားတွေက ထွက်မလာတော့ဘူး။ ကိုယ့်ရဲ့ အရည်အချင်းတွေကို ကိုယ်တိုင်အထင်သေးလာမယ်။ တွေးပူတတ်ခြင်းက ကိုယ်ဘာလုပ်နိုင်တယ်ဆိုတာ ကိုယ်တိုင်တောင် မသိတော့အောင် ဖုံးကွယ်ထားတတ်ပါတယ်။

◾️ကိုယ့်မှာ ဒီလိုမျိုးတွေဖြစ်နေမယ်ဆိုရင် တွေးပူနေတတ်တဲ့အကျင့်ကို ပြောင်းလဲဖို့ လေ့ကျင့်ပေးရပါမယ်။

- ကိုယ်တွေးနေတာတွေက ဖြစ်နိုင်ခြေ ရှိရဲ့လား
- တွေးနေရုံနဲ့ ဘာမှ ပြောင်းလဲလာမှာ မဟုတ်ဘူး
- တွေးပူနေမယ့်အစား စတင်လုပ်ဆောင်လိုက်ရအောင်
- အဆိုးတွေကိုပဲ တွေးမနေပဲ အကောင်းတွေကိုလည်း တွက်ကြည့်ပါ
- တွေးပူနေတဲ့အချိန်တွေကို လက်တွေ့လုပ်ဆောင်ချိန်အဖြစ် အသုံးချလိုက်ပါ

📌တစ်ခါတလေ ကိုယ်တွေးသလို မဟုတ်တာတွေ တွေ့ရတတ်ပါတယ်။ ကိုယ်ထင်ထားတာထက် အများကြီး လွယ်ကူနေတတ်ပါတယ်။ လုပ်ကြည့်မှ ဒါက ဒီလောက်တောင် မခက်ဘူးဆိုတာ သိရတတ်ပါတယ်။

ဒါကြောင့် တွေးပူနေမယ့်အစား လက်တွေ့စမ်းကြည့်ပါ။ အဆိုးတွေကိုပဲ တွေးမနေပဲ ဖြစ်လာနိုင်တဲ့ အကောင်းတွေကိုလည်း တွေးကြည့်ပါ။

တွေးပူနေတတ်တဲ့ အကျင့်က ကိုယ့်ကို ဘယ်နေရာမှ မရောက်စေပါဘူး။ စိတ်ဓာတ်ကျစေပြီး ရှေ့ဆက်လို့ မရအောင် ဟန့်တားထားတာ ဖြစ်လို့ တွေးပူတာတွေကို ဖယ်ရှားပြီး လက်တွေ့ကျတဲ့ လုပ်ဆောင်မှုတွေနဲ့ အစားထိုးစေချင်ပါတယ်။

ဆရာကြီးဦးအောင်သင်း

#စာတို #စာစု

‎ကောင်းတဲ့အလုပ်တော့လုပ်ပါရဲ့၊ ဒါပေမယ့်
‎ချမ်းသာမလာဘူးဆိုရင် ကိုယ့်မှာလိုအပ်ချက်
‎အားနည်းချက်တွေရှိနေလို့ပဲ ဖြစ်ပါလိမ့်မယ် ....
‎
‎ "တရုတ်တွေပြောသော တစ်နေ့တစ်ခြား ပိုဆင်းရဲသွားစေတဲ့ အကြောင်းရင်း ၉ ချက်" ဒီအထဲက ၆ ချက် တိုက်ဆိုင်နေရင် ဘဝပြန်ထူထောင်ဖို့ အရမ်းခက်ခဲပါမယ် တဲ့။
‎
‎(၁) အလုပ်လုပ်ရုံပဲလုပ်ပြီး ကိုယ့်စွမ်းရည်ကို
‎ မမြှင့်တင်ချင်သူ။
‎ တစ်ရက်ပြီးတစ်ရက် အချိန်ကို ပိုက်ဆံနဲ့ လဲနေရပေမဲ့ ကျွမ်းကျင်မှု တစ်ခုမှ မရှိတဲ့အတွက် အချိန်မရွေး လူစားထိုးခံရနိုင်ပါတယ်။
‎
‎(၂) ဝင်ငွေလမ်းကြောင်းတစ်ခုတည်း၊
‎ ပုံသေလစာကိုပဲ မှီခိုသူ။
‎ လစဉ်ပုံသေလစာအပြင် တခြားဝင်ငွေ လမ်းကြောင်းမရှိတဲ့အတွက် အလုပ်လက်မဲ့ ဖြစ်တာနဲ့ အခက်အခဲ ကြုံရပါလိမ့်မယ်။
‎
‎(၃) ဂုဏ်မာနကြီးလွန်းပြီး အကူအညီမတောင်းသူ။
‎ မာနကြီးလွန်းတာကြောင့် ကိုယ့်ဘာသာ ရုန်းကန်နေရပေမဲ့ သူများရဲ့ အကူအညီနဲ့ အကြံဉာဏ်ကို မယူတတ်သူပါ။
‎
‎(၄) လူမှုဆက်ဆံရေးမကောင်းသူ၊ အဆက်အသွယ်
‎ ရှားပါးသူ။
‎ သူငယ့်ချင်းနည်းပြီး ပတ်ဝန်းကျင်ကျဉ်းတဲ့ အတွက် အခွင့်အရေးကြုံလာရင် ဘယ်သူကမှ မကူညီနိုင်သလို အခဲအခဲကြုံရင်လည်း ဘယ်သူကမှ မဆွဲတင်ပေးနိုင်ပါဘူး။
‎
‎(၅) အရှုံးပေါ်မှာကြောက်လို့ ဘာမှမစမ်းသပ်ရဲသူ။
‎ တစ်ခုခုကို လုပ်ဖို့ဆိုရင် အရမ်းတွန့်ဆုတ်နေတတ်ပြီး အမြတ်ရဖို့ထက် ဆုံးရှုံးမှုကိုပဲ စိုးရိမ်နေတဲ့အတွက် အခွင့်အရေးကောင်းတွေ အားလုံးကို လက်လွတ်ခံသူပါ။
‎
‎(၆) ဘယ်တော့မှငွေမစုတတ်သူ။
‎ လတိုင်းရှိရှိသမျှအကုန်ပြောင်။ ရှာနိုင်သမျှ အကုန်ပြန်သုံးတာကြောင့် အရေးပေါ်အခြေအနေအတွက် စုမိဆောင်းမိငွေ မရှိပါဘူး။
‎
‎ ဘဝမှာ မထင်မှတ်တဲ့ အသေးအမွှားကိစ္စလေး တစ်ခုကတောင် သူ့ဘဝကို လုံးဝပြိုလဲ သွားစေနိုင်ပါတယ်။
‎
‎(၇) ရည်ရွယ်ချက်မရှိ၊ ယောင်လည်လည်နဲ့
‎ ဖြတ်သန်းနေသူ။
‎
‎ နေ့စဉ်နဲ့အမျှ ဘာလုပ်ရမှန်းမသိဘဲ အချိန်ကုန်နေတဲ့အတွက် ဘာလိုချင်လဲဆို တာလည်း မသိပါဘူး။ ဒါ့အပြင် ဘယ်လို ကြိုးစားရမယ်ဆိုတာကိုလည်း မသိပါဘူး။
‎
‎(၈) ငွေသုံးတဲ့နေရာမှာ လက်ဖွာသူ။
‎ ဝင်ငွေက သိပ်မရှိပေမဲ့ လူအထင်ကြီးအောင် မသုံးသင့်တဲ့နေရာတွေမှာ မလိုအပ်ဘဲ သုံးတတ်သူ။
‎
‎(၉) စိတ်ကူးယဉ်သမား၊ လက်တွေ့မလုပ်သူ။
‎ တစ်နေကုန် ချမ်းသာဖို့အတွက် စိတ်ကူး ယဉ်နေတတ်ပေမဲ့ လက်တွေ့ အကောင်အထည်ဖော်ဖို့ ခြေလှမ်းမစတတ်သူပါ။
‎
‎ အမြဲတမ်း "အကယ်၍ဒီလိုသာ ဆိုရင်..." ဆိုတဲ့ အတွေးမျိုးနဲ့ပဲ ရပ်တန့်နေသူပါ။
‎
‎Credit to allina (ဘာသာပြန်သူ)
#စာပေ #စာစု #စိတ်ခွန်အား #အောင်မြင်ရေး
‎

"ပုဆိန်က မမှတ်မိပေမဲ့
သစ်ပင်ကတော့ မမေ့ဘူး"ဆိုတဲ့ စာသားလေးကို
တကယ် သဘောကျမိတယ် ။

ဘာဖြစ်လို့လဲဆိုတော့
ဆက်ဆံရေးတိုင်းမှာ ရင်းနှီးသည်ဖြစ်စေ ၊ ခင်ရုံပဲဖြစ်စေ
သူ့ဘက် ကိုယ့်ဘက် မျှတအောင် မကြည့်ဘဲ
ငါ့စိတ်နဲ့ ငါ ဆိုတဲ့ အတွေးနဲ့
လုပ်ချင်ရာလုပ် ပြောချင်ရာပြောခဲ့ပြီးမှ....

ဒါလေးပြောလိုက်မိတာကို မှတ်ထားရသလား ?
ဒါလေးလုပ်လိုက်မိတာကို အသားပဲ့ပါသွားသလို နာရသလား ?
ဒါလေးဖြစ်ပျက်သွားတာကို အဖြစ်သည်းနေရသလား ?
ဆိုတဲ့ မေးခွန်းနဲ့ သတ်လို့ မရဘူး ၊

လုပ်ချင်ရာ လုပ်ခွင့်ရနေတဲ့ လူတွေကတော့
စိတ်ကျေနပ်မှုတွေနဲ့ ပြုံးရယ်နေနိုင်ပေမဲ့
အရှိုက်ထိခံခဲ့ရတဲ့ သူတွေအတွက်ကတော့ ဘယ်မေ့နိုင်ပါ့မလဲ ?

" ဒါလေး "ဆိုတဲ့ စကားလုံးလေး နှစ်လုံးထဲမှာ
တဖက်လူရဲ့ အရှက် နဲ့ သိက္ခာ ၊
ကိုယ်ကျင့်တရားနဲ့ စိတ်ခံစားမှုတွေပါနေတယ်ဆိုတာကို
မေ့ထားလို့မရဘူး ။

လူသားဆန်ချင်ရင်
စာနာစိတ်ကို အရင်းတည်ပြီး
ပြောဆိုဆက်ဆံ ပေါင်းသင်းတတ်ရမယ် ။
စည်းနဲ့ကမ်းနဲ့ လေးလေးစားစား ဆက်ဆံတတ်ရမယ် ။

to original writer
#စာစု #စာပေ

ရင့်ကျက်ပါတော့__
အတွေ့အကြုံတွေရှိနေပြီပဲ လေ...

နားလည်ပါတော့__
အချိန်တွေ လွန်ကုန်လိမ့်မယ်

မစောင့်စားပါနဲ့တော့__
အရှိကို အရှိအတိုင်း လက်ခံသင့်ပြီ

ဖြစ်ချိန်တန်လို့
ဖြစ်တယ်လို့ပဲ မှတ်ယူလိုက်ပါတော့
အသင့်နေရာမှာ ရှိသင့်နေပြီနော်

အတိတ်တွေ အစ မဖော်ပါနဲ့တော့
အနာဂါတ်ကိုပဲ တည့်တည့်လျှောက်ရမယ်လေ

ကြိုးစားလိုက်ပါတော့
အရာရာတိုင်းကို လက်သင့်ခံ နေတတ်သူအနေနဲ့

မေ့ထားလိုက်ပါတော့
မဖြစ်နိုင်တာတွေကို

ရုန်းထွက်လိုက်ပါတော့
လက်ရှိ အခြေအနေ ကကို

ရုန်းကန် ပြလိုက်ပါတော့
အရည်အချင်း ဘယ်လောက်ရှိတယ်ဆိုတာ

အပြောတွေ ချန်ခဲ့လိုက်ပါတော့
လက်တွေ့ဆိုတာ ရှိနေတာပဲ

ခြေလှမ်းတွေ အစပျိုးလိုက်ပါတော့
အောင်မြင်ခြင်းကို
လက်ဆုပ်လက်ကိုင် ထားနိုင်အောင် လို့ပါ

စိတ်ကူးတွေ စွန့်ပစ်လိုက်ပါတော့
မနက်ဖြန်ဆိုတာ ဘာလဲလို့ သိအောင်လို့လေ

အမှောင်ထဲမှာ မနေပါနဲ့တော့
မျက်လုံးဖွင့်ချိန် တန်ပြီ

တံခါးလေး ဖွင့်လိုက်ပါတော့
သော့ တစ်ချောင်း ရှိနေပြီပဲ

အမှန်တရားကို မြင်အောင်ကြည့်ပါတော့
အမှားတွေမရှိအောင် နေဖို့လေ

အပူမီးတွေ ခေါက်ထားလိုက်ပါတော့
ဘဝရဲ့ အရသာကို
အတူတူခံစားလိုက်ကြရအောင်ပါ

သင့်ဘဝမှာ..........
ကြေကွဲလို့ရတယ် ဝမ်နည်းလို့ရတယ်
နာကျင်လို့ရတယ် ထိခိုက်လို့ရတယ်
ဒီအတွက်
နာကျင်ခွင့် ရင်နာခွင့် အပြင်
ပြိုလဲခွင့် ရှိတယ်

အဲ့ဒီအတွက်ဆိုရင်
သေလောက်အောင် အော်ငိုလို့ ရသေးတယ်

ဒါပေမယ့်
တစ်ခုတော့ သတိပေးလိုက်မယ်
အဲဒါကြောင့်တော့ သင် ကျရှုံးခွင့်မရှိဘူး

ဘာဖြစ်လို့လဲဆိုရင်
သင့်နောက်မှာ
ကိုယ့်ကိုချစ်တဲ့သူတွေ ရှိတယ်
ကိုယ့်ကို မုန်းတဲ့သူတွေ ရှိတယ်

ကိုယ့်ကို မနာလိုသူတွေ ရှိတယ်
ကိုယ့်ကို တိုက်ခိုက်နေသူတွေ ရှိတယ်

ကိုယ့်မကောင်းကြောင်း ပြောမဲ့သူတွေ ရှိတယ်
ကိုယ့်ဟာကွက် အလစ်ချောင်းနေတဲ့သူတွေ ရှိတယ်

ကိုယ့်ကို စောင့်ကြည့်ပြီး
ကိုယ်ကျဆုံးတာ ကျေနပ်မဲ့သူတွေ ရှိတယ်

ဒါကြောင့်
သင် ငိုပါ ! ဝမ်းနည်းပါ !
ကြေကွဲပါ ! ရင်ကွဲပါ ! နာကျင်ပါ !

ပြီးသွားရင်
မရ ရအောင် ပြန်ထပါ။


#ဘဝစာပေ #စိတ်ခွန်အား

အချိန်ယူပါဒါပေမယ့်အချိန်မဖြုန်းပါနဲ့။
အကျိူးရှိမယ့်အရာတွေမှာအချိန်ပေးပါ။
အကျိူးမရှိတဲ့အရာတွေမှာအချိန်မကုန်ပါစေနဲ့။
သင်ကတော့ရပ်တန့်ချင်ရပ်တန့်နေမယ်။
အချိန်ကတော့ရပ်တန့်မနေပဲပုံမှန်လည်ပတ်နေတယ်ဆိုတာသတိရပါ။
အချိန်လွန်မှမကြိုးစားခဲ့တာကိုနောင်တရမယ့်အစား
ကြိုးစားရင်းနဲ့အချိန်ကုန်လိုက်ပါ။
အချိန်နဲ့အတူအောင်မြင်မှုဆီရှေ့ဆက်သွားကြရအောင်။

#စိတ်ခွန်အား #အောင်မြင်မှု #စာပေ #အချိန်