One Click AI Online Class Myanmar
Share
...
24/05/2024
မူရင်းအသံကို ပြောင်းလဲ အသုံးပြုချင်တဲ့ မိတ်ဆွေတို့အတွက်
အဆင်ပြေစေမဲ့ Voice Changer-Audio Effects app
Voice Changer Webapp ကရှာကြည့်တာအဆင်မပြေတာနဲ့
Mobile Andriod app လေးပဲရှာတင်ပေးလိုက်ပါတယ်။
Free ဆိုပေမယ့် ကြော်ငြာလေးနည်းနည်းတော့ ကြည့်ပေးရပါတယ်ဗျ။
23/05/2024
1 မိနစ်ပဲကြာတယ်
Video Creator တွေအတွက်သတင်းကောင်း
သူလုပ်ပေးလိုက်တဲ့
မလိုချင်တဲ့စာတွေ Video တွေကိုလည်း ပြောင်းနိုင်ပါသေးတယ်။
ခေါင်းစဉ်လေးပဲ ရေးပေးလိုက်ရုံနဲ့
လိုက်ဖက်မယ့် video တွေကိုဖန်တီးပေးတဲ့ အပြင်
မြန်မာလို နောက်ခံစကားပြောနဲ့ စာတန်းပါထိုးပေးနိုင်တဲ့
Fliki.ai
တစ်ဖက်တစ်လမ်းကအထောက်အကူပြုပြီး
သက်သာနိုင်ကြပါစေ...
22/05/2024
😲😲😲 လူတိုင်း Logo ဆွဲနိုင်ပါပြီ #1
မြန်ချက်ကတော့ လန်ထွက်နေတာပါပဲ
စက္ကန့်ပိုင်းအတွင်း ကိုယ်လိုချင်တဲ့
Logo တွေဆွဲပေးနိုင်ပါတယ်။
Mobile Phone Broswer တွေနဲ့ပါအဆင်ပြေပါတယ်ဗျ။
Logo တစ်ခုကို ၅၀၀ နဲ့ဆွဲတောင်ကိုက်ပါတယ် (အလကားနောက်တာပါ 😁 တကယ်ဆွဲနေမှာဆိုးလို့)
အားလုံးပဲ ကိုယ်လိုချင်တဲ့ Logo လေးတွေအတွက် AI ကိုအားမနာတမ်း ခိုင်းစားနိုင်ကြပါစေ...
08/08/2023
တစ်ချို့သူတွေက
"ရေ" နဲ့ တူတယ်။
ထိတွေ့လိုက်သူတိုင်းကို
အေးမြမှု ပေးတယ်။
တစ်ချို့သူတွေက
"မြေကြီး"နဲ့ တူတယ်။
သူ့အပေါ်နင်းသွားလည်း
သည်းခံနိုင်ခြင်းပါရမီ
ပြည့်ဝတယ်။
တစ်ချို့သူတွေက
"လေမုန်တိုင်း" နဲ့ တူတယ်။
အနားရှိသမျှ အရာတွေကို
ဟိုးဝေးဆုံးကို တွန်းပို့တယ်။
တစ်ချို့သူတွေက
"မီး" နဲ့ တူတယ်။
တောက်လောင်မှု အပူ အနားရှိသူ
အပူ ဟပ်စေတယ်။
တစ်ချို့သူတွေက
"နေ" နဲ့ တူတယ်။
ဝေးဝေးကနေရင်
လိုအပ်တဲ့အပူချိန် ရပေမယ့်
အနားကပ်ရင်တော့
သေလောက်အောင်
ပူပြင်း လောင်မြိုက်တယ်။
တစ်ချို့သူတွေက
"လ"နဲ့ တူတယ်။
အဝေးက အေးချမ်းသလိုပေမယ့်
သူ့ပေါ်ရောက်ရင်
မညီညာမှုတွေနဲ့ ...။
တစ်ချို့သူတွေက
"သစ်ပင်"နဲ့ တူတယ်။
အရိပ်လည်း ပေးတယ်၊
အသီးအပွင့်တွေလည်း
ပေးတယ်။
စွန့်ပစ်ချင်ရင်တောင်
အလွယ်တကူ စွန့်ပစ်မရဘဲ၊
အမြစ်တွယ်နေပေးတယ် ။
သင်ရော ဘယ်လိုလူမျိုးလဲ.... ?
ဖြေကြည့်ခဲ့ကြနော် ☺️
Notes💥💥💥
2D/3D အပျော်တမ်းပဲဖြစ်ဖြစ်/ဝါသနာပါလို့ပဲ ဖြစ်ဖြစ် ကစားကြတဲ့ သူငယ်ချင်းများအတွက်
2D/3D ထိုးရာမှာ ပေါက်ဂဏန်းများနှင့် များစွာအထောက်အကူပြုပေးနေတဲ့ Telegram Channel လေးပါတစ်ပါထဲသူငယ်ချင်းတို့ အတွက်ထည့်သွင်းဖော်ပြပေးလိုက်ပါတယ်ခင်ဗျာ ✨
Telegram Link လေးကို Join ၍၀င်ရောက်လေ့လာကြည့်ပါ။
💥👉 https://t.me/onlinechel
01/08/2023
•••သင်အဆင်ပြေနေရင်
သင့်အကြောင်း အကောင်းပြောမယ်သင်အဆင်မပြေရင် သင့်အကြောင်းမကောင်းပြောကြမယ် ဒါကလောကသဘာဝပါပဲ။
•••သင်နဲ့ အဆင်ပြေတဲ့အချိန်တော့
စကားတွေက ချိုသာပြီးသင်နဲ့ အဆင်မပြေတော့တဲ့အခါစကားတွေက ခါးသွားကြလိမ့်မယ်။
•••ချီးမွမ်းခြင်းမှာလည်း မပျော်မွေ့နဲ့ကဲ့ရဲ့ခြင်းမှာလဲ စိတ်မထိခိုက်နဲ့သင်ဘယ်လောက် ကောင်းအောင်နေနေသင့်ကို မကြိုက်တဲ့သူကတော့သင့်ကို မကောင်းပြောမှာပဲလေလူတိုင်းကြိုက်အောင်နေပြဖို့မလိုဘူး။
လူတိုင်းအပေါ် ကိုယ်ချင်းစာစိတ် ထားတတ်ဖို့ပဲလိုပါတယ်။
•••ပတ်ဝန်းကျင်ကို လိုအပ်တာထက်ပိုပြီးဂရုမစိုက်မိစေနဲ့။သင်အဆင်ပြေနေရင် သာ မလိုကြ တာ
သင်အဆင်မပြေရင် ကြိတ်ဝမ်းသာနေတတ်တာမျိုး။
#မင်းသားကြီး
31/07/2023
ဖတ်ရတာ တန်ဖိုးရှိလို့ ပါ 😇
အနီးဆုံး လူကပဲ ကိုယ်ကို ဒုက္ခပေးနိင်တာပါ.
အဲဒီနေ့ကပေါ့..ပဲခူး ရိုးမတောင်ခြေ
ဖဒိုမြို့မှာနေတဲ့ ကျွန်တော့်ကိုရန်ကုန်မှာနေတဲ့ မိတ်ဆွေတစ်ယောက်ကပျားရည်စစ်စစ်
တစ်ပုလင်းလောက် လိုချင်တယ်ဆိုပြီး
လူကြုံ မှာတယ်။
အမှန်တော့ ဖဒိုမှာလည်း ပျားရည်စစ်စစ်
ရှားပါတယ်
သစ်ခုတ်၊ဝါးခုတ်ရင်း
အမဲလိုက်တဲ့ လူတချို့ဆီကမှ
ရံဖန်ရံခါ ပျားရည်စစ်စစ် ရတတ်တာမို့
တောင်ပေါ်က ကရင်လူမျိုး
အသိတစ်ယောက်ဆီ ပျားရည်သွားမှာ ရတာပေါ့။
အခန့်သင့်တယ်ပြောရမလား မသိ
အဲဒီလူဆီမှာ မနေ့ကမှ ဖွတ်လာတဲ့
ပျားရည်ပုလင်းတစ်ချို့ ရလိုက်တယ်။
ဂျီတစ်ကောင်နောက်လိုက်ရင်း
ပျားအုံအသေးတစ်အုံတွေ့လို့ မီးခိုးမှိုင်းတိုက်ပြီး
ပျားရည်ဖွတ်ခဲ့ကြောင်း သူကပြောပြတယ်။
''ဝမ်းသာလိုက်တာဗျာ..
မြို့ကလူတွေက တောကနေ ပျားရည်မှာတိုင်း
အစစ်ရမယ် ထင်တတ်ကြတယ်..
ကျွန်တော့်မှာ တာဝန်ကြီးသဗျာ..
အတီးတို့ဆီကရမှ ပေးမယ်ဆိုပြီးတွေးထားတာ
ခုတော့ ရေကန်အသင့် ကြာအသင့်ပဲ..''
ပျားရည်ဝယ်ပြီး အိမ်ပြန်မယ်အလုပ်မှာ
အချိန်အခါမဟုတ် မိုးရွာချတာနဲ့
မုဆိုးကြီးအိမ်မှာပဲ မိုးခိုရင်း ဝင်ထိုင်ရတာပေါ့။
ဂျီသားမီးဖုတ်နေတဲ့ သူက တောအရက်လေး
သောက်သွားပါလားလို့ ဧည့်ခံတာနဲ့
ကျွန်တော်လည်း
ဘုရားလည်းဖူးရင်း လိပ်ဥတူးဆိုသလို
တစ်ခွက်တစ်ဖလား ဝင်မော့တယ်။
အရက်လေးသောက် ၊ ဂျီသားလေး မြုံ့ရင်း
တောအကြောင်း တောင်အကြောင်း
သူ့ အတွေ့အကြုံတွေအကြောင်း
စကားပြောကြရာက ပျားဖွတ်တဲ့ဆီ
စကားစ ရောက်သွားတယ်။
''အတီးရေ...
ကျွန်တော် လွန်ခဲ့တစ်လလောက်က
အသိတစ်ယောက်အိမ်ကို သွားလည်တုန်း
သူတို့သရက်ပင်အောက်မှာ ပျားတုတ်ခံရတာ
ထွက်ပြေးလည်း မလွတ်ဘူးဗျာ..
သုံးလေးချက် အတုတ်ခံလိုက်ရတာ
အီစလံဝေ သွားတာပဲ..
အတီးတို့ ပျားဖွတ်တဲ့အခါ ပျားအုံကို
မီးခိုးမှိုင်းတိုက်တော့
ပျားတွေ ထွက်မတုတ်ဘူးလားဗျ..''
ကျွန်တော်က မေးလိုက်တော့ သူက ရယ်ပြီး
''ပုဆိုးခြုံလိုက်ရင် လုံတာပဲလေ..''လို့
ခပ်နောက်နောက် ပြန်ဖြေတယ်။
ပြီးတော့မှ အရက်ကို တစ်ငုံသောက်
ပျစ်ခနဲ တံတွေးကိုထွေးလိုက်ပြီး
ဂျီသားတစ်ဖက်ကို ကောက်ဝါးလိုက်ရင်းမှ
သူက စကားဆက်ပြောတယ်။
''တကယ်ပဲ ပုဆိုးခြုံပြီး ပျားဖွတ်တာကွ..
ပ်ားသဘာဝကို ငါ့တူက မသိလို့..
သူတို့ ပ်ားအုံကို လူက လာထိတဲ့အခါ
ပျားတွေက ထွက်ပြီး အရင် စူးစမ်းတယ်..
အဲဒီအခါ လူက ကြောက်လို့ ထွက်ပြေးရော..
အဲဒါမှ ရန်သူဆိုတာ ကျိန်းသေလို့
အဲဒီလူကို ပိုမဲပြီးလိုက်တုတ်တာ..
မင်းစိတ် ရဲဖို့ပဲလိုတယ်..
သစ်ပင်အောက်တည့်တည့်ကို
ပုဆိုးခြုံလေးခြုံပြီး အသာလေးကပ်သွား..
ပြီးရင် အရေးအကြီးဆုံးက
ခန္ဓာကိုယ်ကို သစ်ပင်နဲ့ထိနေပစေ..
ဒါဆိုရင် ပျားတွေက အဲဒီလူကို
ရန်သူလို့မထင်တော့ဘူးကွ..
သူတို့တည်မှီရာ သစ်ပင်က သစ်ကိုင်း
တစ်ခုလို့ပဲ ထင်သွားတတ်ကြတယ်။
ပျားတွေဟာ
မီးခိုးမှိုင်းကြောင့် အဝေးမှာ ရန်သူလိုက်ရှာ
နေတုန်း အနီးဆုံးမှာရှိနေတဲ့ ငါက
အေးအေးဆေးဆေး ပျားဖွတ်တော့တာပဲ..
သူတို့ကို ဖြိုချတဲ့ ရန်သူဟာ
သူတို့နဲ့ အနီးဆုံးမှာ ငြိမ်နေတဲ့
သူတို့နဲ့ တစ်သားထဲ သစ်ပင်လို့ထင်နေတဲ့
ပုဆိုးခြုံထဲကလူလို့ မထင်ကြရှာဘူး..
ဟဲဟဲဟဲ...''
''....အို.....'''
ခဏအကြာမှာ မိုးစဲသွားပြီဖြစ်လို့
ကျွန်တော်လည်း သူ့ကို
နှုတ်ဆက်ပြီး အိမ်ပြန်လာခဲ့တယ်။
''သူတို့ကို ဖြိုချတဲ့ ရန်သူဟာ
သူတို့နဲ့ အနီးဆုံးမှာ ငြိမ်နေတဲ့ ၊
သူတို့နဲ့ တစ်သားထဲ သစ်ပင်လို့ထင်နေတဲ့
ပုဆိုးခြုံထဲက လူလို့မထင်ကြရှာဘူး..''ဆိုတဲ့
စကားသံကို နားထဲမှာ ပြန်ကြားနေရင်း
ရင်ထဲမှာအတွေးတွေ အုံ့အုံ့ပျံ့ပျံ့
ဝင်လာတယ်။
လိုချင်တာ တစ်ခုခုရှိလို့ ကိုယ့်အနားကို
မိတ်ဆွေအရေခြုံပြီး ကပ်လာကြတဲ့
လူတစ်ချို့အကြောင်း..။
အိုး...သိပ်ဖော်ရွေတာပဲ..
ကိုယ့်ကို သိပ်ပြီး နားလည်မှုရှိတာပဲ..
ကိုယ့်အပေါ် သိပ်ပြီး ဂရုစိုက်ပြတာပဲ..
သူတို့လောက်ကောင်းတဲ့သူ
ကမ္ဘာပေါ်မှာ မရှိတော့သလို
ဟန်ဆောင်ကောင်းတဲ့ ပျားဖွတ်သမားလို
လူတွေ လူတွေ..။
နှစ်ကိုယ့်တစ်စိတ်လိုမျိုး ကိုယ်အစစအရာရာ
ယုံကြည်သွားခါမှ သူတို့လိုချင်တာရဖို့
မီးခိုးမှိုင်းတိုက်ပြီး ကိုယ့်ကို
ပျက်ဆီးရာ ပျက်ဆီးကြောင်း ကြံကြပါလေရော..
ကိုယ့်မှာတော့ ရန်သူကို
ဟိုး..... အဝေးမှာလိုက်ရှာလို့..
ပုဆိုးခြုံထဲကပျားဖွတ်သမားကို ကိုယ့်အပင်က
သစ်ကိုင်း ထင်နေတဲ့ ပျားလို
အနီးမှာရှိနေတဲ့လူကို မိတ်ဆွေရင်းလို့
ထင်မိနေဆဲ..ယုံကြည်နေဆဲ..
လိုချင်တာ ရသွားတဲ့အချိန်(သို့မဟုတ်)
ကိုယ်လည်း ပျက်စီးနိမ့်ကျသွားတဲ့
အခါကျတော့ သူတို့လို လူမျိုးတွေဟာ
ကိုယ့်ကို ရှိတယ်တောင် မထင်..
လှည့်တောင် မကြည့်..
လမ်းတွေ့ရင်တောင် မမြင်ယောင်ဆောင်
ရှောင်ဖယ်သွားတတ်ကြတဲ့
ပျားဖွတ်သမားလို မိတ်ဆွေအရေခြုံထားတဲ့
လူတချို့ အကြောင်းတွေးမိပြီး
မချိပြုံး ပြုံးမိတယ်။
......................။
ရက်အနည်းငယ်အကြာမှာတော့ လမ်းကြုံတာနဲ့
ပျားရည်ပုလင်းလေးကို သေသေချာချာ
ထုတ်ပိုးပြီး ရန်ကုန်ကိုယူလာခဲ့ပါတယ်
မှာထားတဲ့မိတ်ဆွေကို ပျားရည်ပေးတော့
သူက ကျေးဇူးတင်ကြောင်း
အထပ်ထပ်ပြောရှာတယ်။
''အဖေ့အတွက် ဆေးဖော်ဖို့ လိုနေတာဗျာ..
ကျေးဇူးနော် ကိုစိုးထိုက်ရေ..''
ပျားရည်ပုလင်းလေးကို ဗီရိုထဲ
သိမ်းဆည်းပြီးနောက် အဲဒီမိတ်ဆွေက
ကျွန်တော့်ကိုစကားဆက်ပြောတယ်။
''အဖေ့ကိုပျားရည်နဲ့ဆေးဖော်တာ
မပြောရဲဘူးဗျ..
ပျားရည်ဆိုတာ အသိုက်အမြုံပျက်ပြီးမှ
ရလာတာမို့ မသုံးချင်ဘူးတဲ့လေ..
ဘယ်တတ်နိုင်မလဲဗျာ..
စိတ်တော့မကောင်းဘူးပေါ့.
ပျားတွေခမျာလည်း အဖိုးတန်ပျားရည်ကြောင့်
အသိုက်အမြုံပျက်ရရှာတာ သဘာဝပဲလေ..''
''ဗျာ...''
အမှတ်မထင် ပြောလိုက်တဲ့
မိတ်ဆွေရဲ့ စကားအဆုံးမှာ ကျွန်တော့်စိတ်ထဲ အတွေးတွေ ထပ်ဝင်လာပါလေရော။
အောင်မြင်မှု ဆိုတဲ့ ပျားရည်တွေ၊
ကျော်ကြားမှု ဆိုတဲ့ ပျားရည်တွေ၊
ရာထူးအာဏာဆိုတဲ့ ပျားရည်တွေ၊
ချမ်းသာမှု ဆိုတဲ့ ပျားရည်တွေ..
ဘဝတစ်လျှောက်လုံး
ကိုယ်ကြိုးစား ပမ်းစား တည်ဆောက်ထားတဲ့
သိပ်ချိုမြိန်ပါတဲ့ဆိုတဲ့ အဲဒီအရာတွေက
တစ်ခါတစ်လေမှာလည်း ကိုယ့်ကိုပြန်ပြီး
ဒုက္ခပေးနိုင်ပါလား..။
ကိုယ့်ကိုဖြိုချမယ့် သူတွေကို
လက်ယပ်ခေါ်နေတဲ့ ပျားရည်လို
ဂုဏ်ပကာသနတွေ ဖြစ်နေနိုင်ပါလား..။
အတွေးတွေ များနေစဉ်မှာပဲ
မိတ်ဆွေက ''ပျားရည်ဖိုး ဘယ်လောက်လဲ''
လို့ ကျွန်တော့်ကို မေးတယ်။
''အခကြေးငွေ မပေးပါနဲ့ဗျာ..
ဒီပျားရည်ပုလင်းလေးက
ကျွန်တော့်ကို အတွေးတွေအများကြီး
ပေးခဲ့တယ်..''လို့ သူ့ကိုပြောခဲ့ပါတယ်။
ကိုယ့်အနားကို ပုဆိုးခြုံပြီး ဝင်လာမယ့်
ပျားဖွတ်သမားလို
မိတ်ဆွေတုတွေ အကြောင်းရော..
အောင်မြင်မှု ကျော်ကြားမှု ချမ်းသာမှု
စတဲ့ ကိုယ်တည်ဆောက်ထားတဲ့
အရာတွေဟာလည်း
တစ်ခါတစ်လေမှာ ကိုယ့်ကို ဒုက္ခပေးနိုင်မယ့်
ပျားရည်တွေဖြစ်နိုင်တဲ့ အကြောင်းတွေရော
ဆင်ခြင်တွေးတောရင်း
အိမ်ကို ပြန်လာခဲ့ပါတော့တယ်။
#မင်းသားကြီး
31/07/2023
ခွင့်လွှတ် မှုနဲ့ မထိုက်တန်တဲ့ သူတွေ သိပ်များတယ် 😀
#မင်းသားကြီး
30/07/2023
"တန်ဖိုးရှိလွန်းလို့ ဖတ်ဖြစ်အောင်ဖတ်လိုက်ပါ"
========================
🦋 ကောင်းစားစေချင်လို့ဆိုပြီး
လူကြားထဲမှာအရှက်ခွဲခဲ့တဲ့
လူတချို့ရယ်
🦋 ခင်လို့စတာပါဆိုပြီး
အားနည်းချက်ကို လှောင်ပြောင်ခဲ့တဲ့
လူတချို့ရယ်
🦋 ဖြစ်တတ်ပါတယ်ဆိုပြီး
ဟန်ဆောင်မုသားတွေနဲ့ နှစ်သိမ့်ပေးနေတဲ့
လူတချို့ရယ်
🦋 ငါဘဝမှာ နင့်ကို အခင်ဆုံးဆိုပြီး
သူစိမ်းဆန်သွားတဲ့
လူတချို့ရယ်
🦋 နွေးထွေးစွာ ပွေ့ဖက်ထားမယ့်
ဟန်ပန်နဲ့ ရင်ဝကို ရက်ရက်စက်စက်
ဆောင့်ကန်ခဲ့တဲ့
လူတချို့ရယ်
🦋 နင့်အတွက် ငါရှိတယ်ဆိုပြီး
နောက်ကျောကိုဓားနဲ့
အကြိမ်ပေါင်းများစွာ ထိုးခဲ့တဲ့
လူတချို့ရယ်
🦋 ဆွဲထူမလိုလိုနဲ့
ဆောင့်တွန်းခဲ့တဲ့
လူတချို့ရယ်
🦋 မျှော်လင့်ချက်တွေပေးပြီး
အိပ်မက်တွေကို ရိုက်ချိုးပစ်ခဲ့တယ့်
လူတချို့ရယ်
🦋 ဘဝမှာ အဲ့လိုလူတွေနဲ့
တွေ့ပြီးတဲ့နောက်ပိုင်း
စိတ်မပါလည်း ပြုံးတတ်လာခဲ့ပါတယ်
အဖော်မက်လွန်းတဲ့ လူတစ်ယောက်မှာ
မိတ်ဆွေစစ်မရှိတာ မဆန်းပါဘူး။
ကျနော် အပေါ်ယံတွေကို တကယ်မုန်းတယ်
#မင်းသားကြီး
====================================
Notes💥💥💥
2D/3D အပျော်တမ်းပဲဖြစ်ဖြစ်/ဝါသနာပါလို့ပဲ ဖြစ်ဖြစ် ကစားကြတဲ့ သူငယ်ချင်းများအတွက်
2D/3D ထိုးရာမှာ ပေါက်ဂဏန်းများနှင့် များစွာအထောက်အကူပြုပေးနေတဲ့ မိတ်ဆွေ စေတနာဆရာတစ်ယောက်ရဲ့ Telegram Channel လေးပါတစ်ပါထဲသူငယ်ချင်းတို့ အတွက်ထည့်သွင်းဖော်ပြပေးလိုက်ပါတယ်နော် ✨
Telegram Link လေးကို Join ၍၀င်ရောက်လေ့လာကြည့်ပါ။
💥👉 https://t.me/onlinechel
11/07/2023
လူတချို့က -----
တစ်သက်လုံး မဆင်းရဲတော့ဘူး အမှတ်နဲ့ ၊
ဘဝင်တွေ မြင့်နေကြတယ် !!
လူတချို့က -----
တစ်သက်လုံး မမွဲတော့ဘူး အမှတ်နဲ့ ၊
မောက်မာနေကြတယ် !!
လူတချို့က -----
တစ်သက်လုံး အသာစံရမယ် အမှတ်နဲ့ ၊
အထက်စီးဆန် ဆက်ဆံနေကြတယ် !!
လူတချို့က -----
တစ်သက်လုံး အောက်ခြေခံဘဝ
မဖြစ်တော့ဘူးအမှတ်နဲ့ ၊
နိုင့်ထက်စီးနင်း ပြုမူနေကြတယ် !!
လူတချို့က -----
တစ်သက်လုံး မငတ်တော့ဘူး အမှတ်နဲ့ ၊
အောက်ခြေလွတ်နေကြတယ် !!
လူတချို့က -----
တစ်သက်လုံး ပြီးပြည့်စုံမယ် အမှတ်နဲ့ ၊
သွေးနားထင် ရောက်နေကြတယ် !!
လူတချို့က -----
တစ်သက်လုံး ချစ်ခင်နေမယ် အမှတ်နဲ့ ၊
ယုံကြည်မှုတွေ အလွဲသုံးစား
လုပ်ပြလာနေကြတယ် !!
လူတချို့က -----
တစ်သက်လုံး အကြည်ညိုမပျက်ဘူး
အထင်နဲ့ ၊
အရှက်မဲ့ပြ လာနေကြတယ် !!
လူတချို့က -----
တစ်သက်လုံး ကိုးကွယ်နေမယ် အမှတ်နဲ့ ၊
ချယ်လှယ်ချင်တိုင်း ချယ်လှယ်
လာနေကြတယ် !!
လူတချို့က -----
တစ်သက်လုံး ငတုံးတွေအတိုင်း
ရှင်သန်မယ် အမှတ်နဲ့ ၊
လှည့်စားလာကြတယ် !!
လူတချို့က -----
တစ်သက်လုံး အမှန်တွေချည်းပဲ -
ရွေးလုပ်ခဲ့တယ် အမှတ်နဲ့ ၊
စကားကြီးစကားကျယ်
ပြောထွက်လာကြတယ် !!
လူတချို့က------
တစ်သက်လုံး မသေတော့ဘူးအမှတ်နဲ့ !
ကျိန်ဆဲနေကြတယ်!!
အဲ့ဒီလူမျိုးတွေထဲ ---
သင်ကိုယ်တိုင် မပါမိစေနဲ့မိတ်ဆွေ။
=====================
#လေးစားစွာ𝐂𝐫𝐞𝐝𝐢𝐭ပေးပါသည်"
07/07/2023
” အချစ်ဆိုတာ ဘဝမဟုတ်သလို
ဘဝဆိုတာလည်း အချစ်မဟုတ်ပါ”
_______________________
အချစ်ကို ဗန်းပြပြီးကလေးဆန်ရမယ့် အရွယ်လဲမဟုတ်တော့ပါဘူး
ဘဝဆိုတာကိုလဲ ကလေးဆန်ဆန်အတွေးတွေနဲ့ ဖြတ်သန်းနေသ၍တိုးတက်လာမှာ မဟုတ်ပါဘူးအချစ်နဲ့ ဘဝ ဘာကို ရှေ့တန်းတင်မလဲပေါ့
အချစ်နဲ့ဘဝထပ်တူညီဖို့ဆိုတာကလဲအင်မတန်ကို ခက်ခဲလွန်းလှပါတယ်တစ်ခုခုကိုရှေ့တန်းတင်မိရင်တစ်ခုခုတော့ နောက်ကျကျန်နေမှာအမှန်ပါပဲ
ဒါပေမယ့်ကိုယ့်ရဲ့ရွေးချယ်မှုက ကိုယ့်ဘဝပါပဲ
ဘဝကို အရင်လှအောင် လုပ်မလား?အချစ်ကို အရင် ဦးညွှတ်မလား?ဆိုတာကိုတော့ ကိုယ့်ရဲ့ ရွေးချယ်နိုင်တဲ့အပေါ် မူတည်ပြီး ခံစား စံစားကြရမှာပါပဲ
ထမင်းရည်အပူ အတူသောက်ပြီးတဲအိုပျက်မှာ နေရ နေရဆိုတဲ့စကားကတစ်ကယ့်အပြင်လူ့ဘဝမှာ လွယ်ကူတာမှမဟုတ်ပဲ
တိုးတက်လာတဲ့ ခေတ်စနစ်နဲ့အညီအများသူငါလို စားချင် သောက်ချင်ဝတ်ချင်လှချင် အရာရာကိုထိတွေ့ကိုင်တွယ်မက်မောချင်နေကြတာလဲ သဘာဝပါပဲ
မိုးမမြင်လေမမြင် ချစ်စခင်စကြင်နာစတုန်းကတော့ သူ့မျက်နှာလေးမြင်နေရရင်ကို ဗိုက်ပြည့်သွားသလိုလိုအရာရာပြည့်စုံသွားသလိုလိုနဲ့ပါပဲ
တစ်ကယ့် တစ်ကယ်အဆင်မပြေမှုတွေနဲ့လဲ ကြုံရောသူ့မျက်နှာလေးလဲ တစိမ့်စိမ့်ထိုင်ပြီးမငေးနိုင် မကြည့်နိုင်တော့ဘူးထမင်းရည်ပူ အတူမသောက်နိုင်တော့သလို တဲအိုပျက်မှာလဲ
မနေနိုင်ကြတော့ပါဘူး
အချစ်ကိုရှေ့တန်းတင်မိလို့နစ်မွန်းသွားတဲ့ဘဝတွေရှိသလိုဖြစ်ထွန်းသွားတာတွေလဲ ရှိပါတယ်
အဆင်မပြေမှုတွေကြားထဲ နားလည်မှုရှိရှိလက်တွဲသွားကြတဲ့သူတွေကတော့တိုးတက်လာနိုင်ပါတယ်ရှားတော့ ရှားတာပေါ့လေ
ဘဝကိုရှေ့တန်းတင်မိပြန်ရင်လဲအချစ်ဆိုတာကို မေ့နေတတ်ကြပါတယ်ခေါင်းထဲမှာ ကိန်းဂဏန်းတွေပဲရှိပြီးခုန်နေတဲ့ နှလုံးကလဲသွေးလေလည်ပတ်မှု တစ်ခုထဲအတွက်ပဲဖြစ်နေတတ်ပါတယ်
ဒါပေမယ့် ဘဝကိုသာအရင်လှအောင်လုပ်ကြည့်ပါအချစ်ဆိုတဲ့အရာ ဘယ်ကနေဝင်မှန်းမသိကို ဝင်လာပါလိမ့်မယ်
အဲ့ဒီတော့ဘာကို အရင်ရှေ့တန်းတင်မလဲဆိုတာကိုတော့ သေချာလေးစဉ်းစားဆုံးဖြတ်ပါ သူငယ်ချင်းအချစ်က ဘဝမဟုတ်သလိုဘဝဆိုတာကလဲ အချစ်မရှိလို့ မပြည့်စုံနိုင်ပါဘူး
Rose🌹
07/07/2023
❤️ငွေစုနည်း❤️
တစ်နေ့ကို ၁၀၀၀ စုရင်
၅ နှစ်ပြည့်ရင် သင့်လက်ထဲမှာ
၁၈ သိန်း ပိုင်ဆိုင်နေပြီး
၁၈သိန်းနဲ့ ကိုယ်ပိုင်စီးပွားရေးတခုကို
ကောင်းကောင်း ထောင်နိုင်ပြီ...။
တစ်နေ့ ၂၀၀၀ စုရင်
၅ နှစ်ပြည့်ရင် ၃၆ သိန်း
အချိန်တိုအတွင်း ရပ်ကွက်ထဲမှာ
ပိုက်ဆံရှိတဲ့သူစာရင်းထဲ
ဝင်နေလောက်ပြီ။
တစ်နေ့ ၃၀၀၀ စုရင်
၅ နှစ်ပြည့် သိန်း ၅၀ ကျော်....
ဒါတောင် ဘာလို့ အသက် ၄၀ လောက်ထိ
သူများလက်အောက်မှာ
ဝန်ထမ်းလုပ်နေကြလည်း မသိ....
ခေါင်းရှုပ်မခံချင်လို့လား....?
ကိုယ်ပိုင်စဉ်းစားတွေးခေါ်နိုင်စွမ်း မရှိလို့လား...?
သူများအလုပ် လုပ်နေရတာ ပျော်လို့လား...?
မသေချာတဲ့ ၁၀သိန်းထက် သေချာတဲ့ ၂ သိန်းကိုမက်နေတာလား...?
မိန်းမနဲ့ကလေးနဲ့ဆိုပြီး လာမလုပ်နဲ့။
တစ်နေ့ ၁၀၀၀ လေးတောင် မစုနိုင်ဘူးလား...?
၅ နှစ်တောင်ကြာမယ် မပြောနဲ့။
မင်းမစုလည်း အဲ့ဒီအချိန် ၅ နှစ်က ကုန်သွားမှာပဲလေ..။
စဉ်းစားစမ်းပါဗျာ
နောက်လာမယ့် ၅ နှစ်မှာ သူများလက်အောက်မှာ
လုပ်နေအုံးမလား...?
ကိုယ်ပိုင်လုပ်မလား...?
ကိုယ့်ဆိုင်ရောင်းကြေးထဲက...အနည်းငယ်
စ စုကြည့်ပါ..
တလအတွင်း..သင့်အတွေးအခေါ်တွေ
ပြောင်းလဲလာပါမယ်။
ရောင်းဝယ်ကောင်း၍...ကြီးပွားတီုးတက်ပါစေ 🙏🙏🙏
crd #
06/07/2023
"ကိုယ့်ဘေးက တန်ဖိုးရှိတဲ့လူ"
ရည်းစားတွေ သုံးလေးယောက်
တစ်ပြိုင်တည်း တွဲကြတဲ့ ခေတ်မှာ
ကိုယ့်တစ်ယောက်တည်းသာ တွဲတဲ့သူဟာ
ကိုယ့်ဘဝအတွက် အဖိုးတန်တဲ့ လူပါပဲ။
တစ်ယောက်ထက် တစ်ယောက်
တော်လာကြတယ်
ထက်မြတ်လာကြတဲ့ ခေတ်မှာ
ကိုယ့်အားနည်းချက်ကို သိသိကြီးနှင့်
ဆုပ်ကိုင်ထားတဲ့လက်ဟာ တန်ဖိုးရှိတဲ့ လက်ပါပဲ။
သာရင် သာတဲ့လူနောက်
ပါသွားကြတဲ့ခေတ်မှာ
ကိုယ့်ထက်သာတာတွေ့လို့ ပါမသွားဘဲ
သစ္စာရှိပေးခဲ့တဲ့ လူဟာ အဖိုးတန်တဲ့ သူပါပဲ။
လောကမှာ ငွေမရှားဘူး
ဂုဏ်မရှားဘူး ကိုယ့်အားနည်းချက်
သိတာတောင် စွန့်မလွှတ်တဲ့လူရှားတယ်။
ကိုယ့်ထက်သာတာတွေ့တာတောင်
သစ္စာရှိရှိနှင့် ဆုပ်ကိုင်ပေးတဲ့ လက် ရှားတယ်။
ခေတ်ကြီးက နောက်ကျောကို ဓားနှင့်ထိုးတဲ့လူ
ပိုကြွယ်ဝသလောက် သစ္စာရှိတဲ့လူ သိပ်ရှားတယ်။
သစ္စာရှားတဲ့ ခေတ်မှာ
သစ္စာရှိတဲ့ လူဟာ ဘယ်တန်ဖိုးနဲ့မှ
ယှဉ်လို့မရအောင် သိပ်ပြီးတန်ဖိုးကြီးတယ်။
ကိုယ့်အပေါ် သစ္စာရှိတဲ့လူကိုတန်ဖိုးထားပါ။
Click here to claim your Sponsored Listing.