For Youth
Share
09771161119ကိုဆက်သွယ်တိုင်ပင်မှာယူပါ 09771161119(Viber)
ကိုယ်ဝန်ဆောင်တယ်ဆိုတာ ကလေးမွေးမယ့်ရက်ကို စောင့်နေရုံသက်သက် မဟုတ်ပါဘူး။ ကိုယ့်ကိုယ်ကိုယ် ပြုစုစောင့်ရှောက်နည်း၊ စိတ်ခံစားချက်တွေကို ထိန်းချုပ်နည်းတွေကို ၉ လတာလုံး သင်ယူနေရတဲ့ ကာလတစ်ခုပါ။ အကယ်၍သာ ကိုယ်ဝန်စစချင်းမှာ ဒီအချက်တွေကို သိထားခဲ့ရင် ကောင်းမှာပဲလို့ တွေးမိတဲ့ အကြောင်းအရာများဖြစ်ပါတယ်။
✅ ၁။ ကိုယ်ဝန်ဆောင်ဆီးချိုကို မပေါ့ဆပါနဲ့
ချိုတာတွေစားမှ၊ ဝိတ်အရမ်းတက်မှ ဖြစ်တာမဟုတ်ပါဘူး။ ခန္ဓာကိုယ်ရဲ့ ဇီဝကမ္မဖြစ်စဉ်ပေါ် မူတည်ပြီး ဘယ်သူမဆို ဖြစ်နိုင်ပါတယ်။ အန္တရာယ်ရှိတဲ့အုပ်စုထဲမှာ ပါဝင်နေရင် ဆရာဝန်နဲ့တိုင်ပင်ပြီး စောစီးစွာ စစ်ဆေးမှုလုပ်ပါ။ စောစောသိရင် အစားအသောက်နဲ့ ထိန်းကျောင်းရတာ ပိုလွယ်ကူပြီး စိတ်ဖိစီးမှုလည်း လျော့နည်းစေပါတယ်။
✅ ၂။ ရင်သားပြောင်းလဲမှုကို ကြိုတင်ပြင်ဆင်ပါ
ကိုယ်ဝန်ဆောင်ချိန်မှာ ရင်သားက မြန်မြန်ဆန်ဆန်နဲ့ ပိုလေးလံလာပါတယ်။ သင့်တော်တဲ့ ဘရာစီယာ (Nursing/Maternity Bra) ကို ကြိုတင်မသုံးစွဲဘူးဆိုရင် မွေးပြီးတဲ့အခါ ရင်သားတွဲကျဖို့ လွယ်ပါတယ်။ ဒါက ကိုယ့်ကိုယ်ကိုယ် ပြန်လည်ကာကွယ်ခြင်းတစ်မျိုးပါ။
✅ ၃။ အရေးကြီးတဲ့နေရာ (Private area) ကို သေချာဂရုစိုက်ပါ
ဟော်မုန်းပြောင်းလဲမှုကြောင့် အလွန်နုနယ်ပါတယ်။ အချက်လေးတွေ လိုက်နာပါ -
အဖြူဆင်းများရင် အတွင်းခံကို တစ်နေ့ အနည်းဆုံး ၂ ကြိမ်လဲပါ။
ကိုယ်ဝန်ဆောင်အတွက် သီးသန့်ထုတ်လုပ်ထားတာကို သုံးပြီး ၃ လတစ်ခါ လဲလှယ်ပါ။
အတွင်းခံကို သီးသန့်လျှော်ပါ။
ညင်သာတဲ့ သန့်စင်ဆေးရည်ကိုပဲ သုံးပါ။
✅ ၄။ ဗိုက်ကို စောစောကတည်းက အစိုဓာတ်ဖြည့်ပေးပါ
(၄) လလောက်ကစပြီး ဗိုက်ကို လိမ်းဆေး ဒါမှမဟုတ် အဆီတစ်မျိုးမျိုး လိမ်းပေးပါ။ ဗိုက်ကြီးလာတဲ့အခါ ယားယံလာတတ်ပါတယ်။ ယားရင် မကုတ်ပါနဲ့၊ ကုတ်လေလေ အသားအရေ ပိုကွဲလေလေ ဖြစ်ပါတယ်။ ညင်သာစွာပွတ်သပ်ပြီး အစိုဓာတ်ထိန်းပေးရင် အသားအရေ ခြောက်သွေ့ကွဲအက်မှုကို အများကြီး သက်သာစေပါတယ်။
✅ ၅။ အားလုံးက လေ့ကျင့်ခန်းပြင်းပြင်းထန်ထန် လုပ်လို့မရပါဘူး
တစ်ယောက်နဲ့တစ်ယောက် မတူပါဘူး။ တချို့က လမ်းလျှောက်တာနဲ့တင် မောနေတတ်တယ်။ တခြားသူနဲ့ ယှဉ်မနေပါနဲ့။ ခန္ဓာကိုယ်က အဆင်မပြေရင် ယောဂအပျော့စား၊ အသက်ရှူလေ့ကျင့်ခန်းလောက်နဲ့တင် လုံလောက်ပါတယ်။ ရည်မှန်းချက်က ကိုယ့်ကိုယ်ကိုယ် "တော်ကြောင်း" သက်သေပြဖို့မဟုတ်ဘဲ "ကျန်းမာဘေးကင်းဖို့" ဖြစ်ပါတယ်။
✅ ၆။ အဆိုးမြင်စိတ်နဲ့ ဝေးဝေးနေပါ
ကိုယ်ဝန်ဆောင်ချိန်မှာ စိတ်ဖိစီးမှုက အန္တရာယ်များပါတယ်။ ဖုန်းသုံးတဲ့အခါ အဆိုးမြင်စရာတွေ၊ ကြောက်စရာတွေ တွေ့ရင် ကျော်သွားပါ၊ မကြည့်ပါနဲ့။ စိတ်အေးချမ်းစေမယ့် တရားတော်တွေ၊ ဂီတတွေပဲ နားထောင်ပါ။
✅ ၇။ ကိုယ်အလေးချိန်ကို အစကတည်းက ထိန်းပါ
ကိုယ်အလေးချိန် အရမ်းတက်တာက ကျန်းမာရေးသာမက မွေးပြီးရင်လည်း စိတ်ဖိစီးမှု ဖြစ်စေပါတယ်။ တစ်လချင်းစီ ကိုယ်အလေးချိန်ကို စောင့်ကြည့်ပြီး သင့်တော်တဲ့နှုန်းအတိုင်းပဲ တက်အောင် ဂရုစိုက်ပါ။ အများကြီးစားမှ ကလေးအတွက်ကောင်းတာ မဟုတ်ပါဘူး။
✅ ၈။ အသားအရေကို ပုံမှန်အတိုင်း ပြုစုပါ
ကိုယ်ဝန်ဆောင်ချိန်မှာ Skincare လုံးဝရပ်လိုက်စရာ မလိုပါဘူး။ ကိုယ်ဝန်ဆောင်အတွက် မသင့်တော်တဲ့ ပါဝင်ပစ္စည်းတွေကိုပဲ ရှောင်ပြီး Moisturizer၊ နေရောင်ကာကွယ်ဆေး (Sunscreen) နဲ့ သန့်စင်ဆေးတွေကို ဆက်သုံးပါ။ ၉ လကုန်သွားတဲ့အခါ ကိုယ့်ကိုယ်ကိုယ် မှန်ထဲကြည့်ပြီး နောင်တမရစေဖို့ပါ။
ကိုယ်ဝန်ဆောင်ချိန်က ရှည်လျားတဲ့ ခရီးတစ်ခုပါ။ မိခင်ပျော်ရွှင် ကျန်းမာမှ ကလေးလည်း ကျန်းမာမှာပါ။ ကိုယ်ဝန်ဦးပိုင်းကာလမှာ ရှိနေတဲ့ မိခင်လောင်းများအားလုံး ပေါ့ပါးပျော်ရွှင်တဲ့ ကိုယ်ဝန်ဆောင်ကာလကို ပိုင်ဆိုင်နိုင်ပါစေ။
ကိုယ်ဝန်ရှိပြီဆိုတာနဲ့ ပျော်ရွှင်ကြည်နူးစရာတွေအပြင် ကိုယ့်ခန္ဓာကိုယ်မှာ ဘယ်သူမှ ကြိုမပြောထားတဲ့ အပြောင်းအလဲလေးတွေ ကြုံရတတ်ပါတယ်။ အမေတိုင်း သိထားသင့်တဲ့ အချက် (၁၀) ချက်ကတော့ -
✨ ၁။ Pregnancy Glow က ခဏလေးပဲနော်
အစပိုင်းမှာ အသားအရေ ဝင်းပလာတတ်ပေမဲ့ နောက်ပိုင်းမှာ ဟော်မုန်းကြောင့် အဆီပြန်တာ၊ ဝက်ခြံထွက်တာမျိုး ဖြစ်နိုင်ပါတယ်။
😴 ၂။ ထူးဆန်းတဲ့ အိပ်မက်တွေ မက်မယ်
ဟော်မုန်းကြောင့် အိပ်မက်တွေက တကယ်ဖြစ်နေသလိုမျိုး ထူးထူးဆန်းဆန်းတွေ မက်တတ်ပါတယ်။
💅 ၃။ ဆံပင်နဲ့ လက်သည်း အပြောင်းအလဲ
အချို့မေမေတွေမှာ ဆံပင်နဲ့ လက်သည်းတွေ ပိုသန်လာတတ်သလို၊ အချို့ကျတော့လည်း ဆံပင်ကျွတ်တာမျိုး ကြုံရတတ်ပါတယ်။
👃 ၄။ အနံ့နဲ့ အရသာတွေက အလွန်သိသာလွန်းတယ်
အရင်က ကြိုက်တဲ့ အစားအစာတွေက အခုဆို အနံ့ရရုံနဲ့တင် ပျို့ချင်အန်ချင် ဖြစ်လာတတ်ပါတယ်။
💦 ၅။ ခန္ဓာကိုယ်က အရည်ထွက်တာ ပိုများလာမယ်
တံတွေးထွက်တာ၊ ချွေးထွက်တာနဲ့ မိန်းမကိုယ်က အရည်ဆင်းတာမျိုးတွေဟာ ပုံမှန်ထက် ပိုများလာတတ်ပါတယ်။
🔥 ၆။ ရင်ပူတာက မိတ်ဆွေသစ်ပဲ
ကိုယ်ဝန်ဆောင်ချိန်မှာ အစာခြေစနစ် နှေးသွားလို့ ရင်ပူတာ၊ အစာမကြေတာမျိုး အမြဲလိုလို ဖြစ်တတ်ပါတယ်။
🚽 ၇။ ဆီးအိမ်က ခဏခဏ အလုပ်ပေးနေမယ်
ဗိုက်ထဲက ဘေဘီလေးက ဆီးအိမ်ကို ဖိထားတော့ ဆီးခဏခဏ သွားချင်တာ ရှောင်လွှဲလို့ မရပါဘူး။
😡 ၈။ စိတ်အပြောင်းအလဲ မြန်တာ လက်ခံပေးပါ
ပင်ပန်းတာ၊ ဟော်မုန်းနဲ့ စိတ်ဖိစီးမှုတွေကြောင့် စိတ်တိုလွယ်တာ၊ စိတ်မရှည်တာတွေက တကယ်ဖြစ်တတ်ပါတယ်။
💪 ၉။ ခန္ဓာကိုယ်ရဲ့ အံ့သြဖွယ် ဆန့်ထွက်မှု
ကလေးလေး ကြီးထွားဖို့အတွက် အရေပြားတင်မကဘဲ အရိုးအဆစ်နဲ့ အရွတ်တွေပါ လိုက်လျောညီထွေ ပြောင်းလဲပေးရတာ အံ့သြဖို့ကောင်းပါတယ်။
🚶♀️ ၁၀။ လမ်းလျှောက်တာ ဟန်ချက်မညီတော့ဘူး
ဗိုက်လေး ထွက်လာတဲ့အခါ ခန္ဓာကိုယ် အနေအထား ပြောင်းသွားလို့ ခါးနာတာနဲ့ လမ်းလျှောက်ရ ခက်တာမျိုး ဖြစ်လာပါတယ်။
❤️ ဒီအပြောင်းအလဲတွေ အားလုံးဟာ သင့်ဗိုက်ထဲက သက်ရှိလေးကို အကောင်းဆုံး ပြုစုပျိုးထောင်ပေးနေတဲ့ လက္ခဏာတွေမို့ ဂုဏ်ယူလိုက်ပါ မေမေတို့ရေ။
မွေးကင်းစကလေးလေးတွေရဲ့ ကိုယ်ပေါ်မှာ ပါလာတတ်တဲ့ အဖြူရောင်အဆီအနှစ်လွှာလေး (Vernix) အကြောင်း သိပြီးပြီလား? 👶🤍
အချို့က ဒါကို အညစ်အကြေးထင်ပြီး အတင်းပွတ်ဆေးတတ်ကြပေမယ့် တကယ်တော့ ဒါဟာ ကလေးငယ်အတွက် သဘာဝကပေးတဲ့ "Body Lotion" အကောင်းစားလေးပါ။ သူ့မှာ ဘယ်လို အကျိုးကျေးဇူးတွေရှိလဲဆိုရင် -
✅ အကာအကွယ်ပေးတယ်: ဗိုက်ထဲမှာရှိစဉ် ကလေးရဲ့နုနယ်တဲ့ အရေပြားကို ရေမြွှာရည်နဲ့ တိုက်ရိုက်မထိတွေ့အောင် ကာကွယ်ပေးပါတယ်။
✅ အစိုဓာတ်ထိန်းပေးတယ်: ကလေးအရေပြား ခြောက်သွေ့တာနဲ့ ယားယံတာမျိုး မဖြစ်အောင် ကူညီပေးပါတယ်။
✅ ပိုးမွှားဒဏ်က ကာကွယ်ပေးတယ်: သဘာဝအတိုင်း အင်တီဘိုင်အိုတစ် ဂုဏ်သတ္တိပါလို့ ပိုးဝင်ခြင်းကို တားဆီးပေးပါတယ်။
✅ ကိုယ်အပူချိန် ထိန်းညှိပေးတယ်: အပြင်လောကကို ရောက်လာတဲ့အခါ ကလေးလေးကို နွေးနွေးထွေးထွေးရှိနေစေပါတယ်။
✅ အရေပြားကို အားဖြည့်ပေးတယ်: ရေချိုးပေးတဲ့အခါမှာ အတင်းတိုက်ချစရာမလိုဘဲ အရေပြားထဲ စိမ့်ဝင်သွားအောင် ခပ်ဖွဖွလေး ပွတ်လိမ်းပေးရုံပါပဲ။
ဒီတော့ မေမေတို့ရေ... ကလေးလေးရဲ့ ကိုယ်ပေါ်မှာ အဖြူဖတ်လေးတွေ ပါလာရင် မစိုးရိမ်ပါနဲ့။ ဒါဟာ ကလေးလေးကို ကာကွယ်ပေးထားတဲ့ သဘာဝရဲ့ လက်ဆောင်မွန်ပါပဲရှင်။
မေမေတို့ရဲ့ ခန္ဓာကိုယ်ထဲမှာ ရင်သွေးလေးကို လွယ်ထားရတဲ့အချိန်ဟာ ဘယ်လောက်တောင် အံ့ဩစရာကောင်းလဲဆိုတာ ဒီအချက်လေးတွေက သက်သေပြနေပါတယ်နော် -
🌱 ၁။ သီးသန့် အင်္ဂါအစိတ်အပိုင်းတစ်ခု တည်ဆောက်ခြင်း
မေမေတို့ ခန္ဓာကိုယ်ဟာ ကလေးလေးကို အာဟာရကျွေးဖို့ "အချင်း" (Placenta) ဆိုတဲ့ အင်္ဂါအစိတ်အပိုင်းအသစ်တစ်ခုကို သီးသန့် ဖန်တီးတည်ဆောက်ပေးတာပါ။
🎧 ၂။ အသံစကြားရခြင်း
ကိုယ်ဝန် ၁၈ ပတ်ကနေ ၂၄ ပတ်ဝန်းကျင်မှာတင် ရင်သွေးလေးဟာ အပြင်က အသံတွေကို စတင်ကြားနေရပါပြီ။
👃 ၃။ အနံ့ခံအာရုံ ပိုကောင်းလာခြင်း
ကိုယ်ဝန်ဆောင်မေမေတို့ဟာ သာမန်လူတွေထက် အနံ့အသက်တွေကို ပိုပြီး သိသိသာသာ အာရုံခံမိတတ်ကြပါတယ်။
👶 ၄။ ဗိုက်ထဲမှာတင် လေ့ကျင့်ခန်းလုပ်ခြင်း
ကလေးလေးတွေဟာ မမွေးခင်ကတည်းက ဗိုက်ထဲမှာတင် အစာမျိုချတာတွေကို အလိုအလျောက် လေ့ကျင့်နေတတ်ကြပါတယ်။
🩸 ၅။ သွေးပမာဏ တိုးလာခြင်း
ကလေးဆီကို အာဟာရနဲ့ အောက်ဆီဂျင် ကောင်းကောင်းပို့ပေးနိုင်ဖို့ မေမေတို့ရဲ့ ခန္ဓာကိုယ်ထဲမှာ သွေးပမာဏတွေ ပိုပြီး တိုးပွားလာပါတယ်။
🗣️ ၆။ မေမေ့အသံကို မှတ်မိခြင်း
ရင်သွေးလေးဟာ မမွေးခင် ဗိုက်ထဲကတည်းက မေမေ့ရဲ့ လေသံနဲ့ အသံကို ကောင်းကောင်း ခွဲခြားမှတ်မိနေပါပြီ။
🤢 ၇။ အချိန်မရွေး အော့အန်နိုင်ခြင်း
Morning Sickness လို့ ခေါ်ပေမဲ့ ကိုယ်ဝန်ဆောင်စ ပျို့အန်တာဟာ မနက်ခင်းတင်မကဘဲ နေ့ခင်း၊ ညခင်း အချိန်မရွေး ဖြစ်ပွားနိုင်ပါတယ်။
✋ ၈။ လက်ဗွေရာ ထွက်လာခြင်း
ကလေးရဲ့ ကိုယ်ပိုင်အမှတ်အသားဖြစ်တဲ့ "လက်ဗွေရာ" လေးတွေဟာ ကိုယ်ဝန်ဆောင် အစောပိုင်းကာလကတည်းက စတင်ပုံပေါ်နေပါပြီ။
📈 ၉။ သားအိမ် ကြီးထွားလာခြင်း
ကလေးလေး အေးအေးဆေးဆေး နေနိုင်ဖို့အတွက် မေမေ့ရဲ့ သားအိမ်ဟာ ပုံမှန်အရွယ်အစားထက် အဆပေါင်း ၅၀၀ အထိ ကျယ်ပြန့်လာနိုင်ပါတယ်။
💤 ၁၀။ အိပ်မက်မက်သလို လှုပ်ရှားခြင်း
ကလေးလေးတွေဟာ ဗိုက်ထဲမှာ အိပ်ပျော်နေတဲ့ စက်ဝန်း (Sleep Cycles) အလိုက် အိပ်မက်မက်နေသလိုမျိုး လှုပ်ရှားမှုလေးတွေ ပြုလုပ်တတ်ကြပါတယ်။
မေမေတို့ရော ဒီအချက်တွေထဲက ဘယ်နှစ်ချက်ကို ကြုံတွေ့ခံစားဖူးလဲဟင်? 🥰
#ကိုယ်ဝန်ဆောင် #ရင်သွေးလေးရဲ့ဖွံ့ဖြိုးမှု #မေမေနဲ့ရင်သွေး #ကျန်းမာရေးဗဟုသုတ
မေမေတို့ရေ၊ ဗိုက်ထဲမှာ ရင်သွေးလေး နှစ်ယောက်စလုံးကို တစ်ပြိုင်တည်း လွယ်ထားရတဲ့ အမွှာကိုယ်ဝန်ဆောင်ခြင်းရဲ့ ထူးခြားချက်တွေကို သိပြီးပြီလား။
ပထမဆုံးအချက်က အမွှာမှာ ရုပ်ချင်းတူအမွှာနဲ့ ရုပ်ချင်းမတူအမွှာဆိုပြီး နှစ်မျိုးရှိပါတယ်။ တချို့အမွှာလေးတွေက ဗိုက်ထဲမှာ အချင်းတစ်ခုတည်းကို အတူတူမျှသုံးကြပြီး တချို့ကတော့ သပ်သပ်စီ နေကြတာပါ။ ကလေးနှစ်ယောက်စာမို့ မေမေတို့ဘက်က သံဓာတ်၊ ပရိုတင်းနဲ့ ကယ်လိုရီတွေ ပိုစားပေးဖို့ လိုအပ်သလို သာမန်ထက်လည်း ပိုပြီး မောပန်းလွယ်တတ်ပါတယ်။
ဒါ့အပြင် ဗိုက်ကလည်း ပိုပြီးစောစောထွက်လာသလို ပိုကြီးတတ်ပြီး ဆရာဝန်နဲ့လည်း ပုံမှန်ထက် ပိုပြပေးဖို့ လိုပါတယ်။ နောက်ဆုံးတစ်ချက်ကတော့ အမွှာလေးတွေဟာ များသောအားဖြင့် ရက်သတ္တပတ် ၄၀ မပြည့်ခင် ၃၆ ပတ်ကနေ ၃၈ ပတ်အတွင်းမှာတင် စောမွေးလေ့ရှိကြတယ်နော်။
တကယ်တော့ အမွှာကိုယ်ဝန်ဆိုတာ ကိုယ်ဝန်ဆောင် ၈၀ မှာ တစ်ယောက်လောက်ပဲ ရှိတတ်လို့ အရမ်းကို ထူးခြားပါတယ်။ ဗီဒီယိုလေးကို သဘောကျရင် Like နဲ့ Share လုပ်ဖို့ မမေ့နဲ့ဦးနော်။"
မေမေတို့ရေ... ဒီကာလက ရင်သွေးလေးရဲ့ အစောပိုင်းဖွံ့ဖြိုးမှုအတွက် "ရက်သတ္တပတ်တိုင်းက အသက်" လို့ ပြောရလောက်အောင် အရေးကြီးတဲ့အချိန်ပါ။ ဘာတွေပြောင်းလဲလာမလဲဆိုရင် -
👶 ကလေးလေးက သန္ဓေသားဘဝကို အရှိန်အဟုန်နဲ့ ကူးပြောင်းကြီးထွားလာမယ်။
🧠 ဦးနှောက်၊ နှလုံးနဲ့ အာရုံကြောမကြီးတွေ စတင်ပုံဖော်လာပြီ။
💓 ကိုယ်ဝန် ၆ ပတ်ကနေ ၇ ပတ်အတွင်းမှာပဲ ကလေးရဲ့ နှလုံးခုန်သံကို စတင်ကြားရ၊ မြင်ရပါပြီ။
🤢 မေမေတို့ဘက်မှာတော့ အော့အန်တာ၊ နုန်းတာ၊ စိတ်အပြောင်းအလဲမြန်တာတွေ ကြုံရတတ်ပါတယ်။ (စိတ်ဓာတ်မကျနဲ့နော် မေမေတို့)
🌱 ကလေးကို အာဟာရကျွေးမယ့် "အချင်း" လည်း စတင်တည်ဆောက်နေပါပြီ။
ကိုယ်ဝန်ဆောင်အစောပိုင်း မေမေတို့ အားလုံး ဂရုစိုက်ကြပါနော် 🥰
#ကိုယ်ဝန်ဆောင် #မေမေနဲ့ရင်သွေး
ဒီပိုးတွေဟာ မေမေ့ဆီကနေတစ်ဆင့် ရင်သွေးလေးဆီကို ကူးစက်သွားနိုင်ပြီး ပြင်းထန်တဲ့ နောက်ဆက်တွဲ ပြဿနာတွေ ဖြစ်စေနိုင်ပါတယ်။
🦠 TORCH Infections: ဒါဟာ ပိုးအုပ်စုတစ်စုပါ
(ဥပမာ- ကြောင်ချေးကတစ်ဆင့်ကူးတဲ့ပိုး၊ ရေကျောက်၊ အသားဝါ၊ ရေယုန် စသည်) ကို ခေါ်တာပါ။ ရင်သွေးလေးရဲ့ ဦးနှောက်နဲ့ မျက်စိ ဖွံ့ဖြိုးမှုကို ပြင်းထန်စွာ ထိခိုက်စေနိုင်ပါတယ်။
🦟 Zika Virus (ဇီကာဗိုင်းရပ်စ်):
ခြင်ကတစ်ဆင့် ကူးစက်တတ်ပြီး ကလေးမှာ ဦးခေါင်းသေးခြင်း (Microcephaly) နဲ့ ဦးနှောက်ဆိုင်ရာ ချို့ယွင်းချက်တွေ ဖြစ်စေနိုင်ပါတယ်။
🥗 Listeria (လစ္စတီးရီးယား):
မသန့်ရှင်းတဲ့ အစားအစာ (ဥပမာ- မကျက်တကျက် အသား၊ နွားနို့အစိမ်း) တွေကတစ်ဆင့် ကူးစက်တတ်ပြီး ကိုယ်ဝန်ပျက်ကျခြင်း အထိ ဖြစ်စေနိုင်ပါတယ်။
🩸 Syphilis & HIV:
မွေးရာပါ ကူးစက်နိုင်တဲ့ ရောဂါတွေဖြစ်ပြီး ဆေးကုသမှု မခံယူထားဘူးဆိုရင် ရင်သွေးလေးဆီကို ကူးစက်သွားနိုင်ပါတယ်။
✨ ဘယ်လိုကာကွယ်မလဲ?
🏥 စောစီးစွာ စစ်ဆေးပါ: ကိုယ်ဝန်ရှိစမှာတင် သွေးစစ်ဆေးမှုတွေကို သေချာလုပ်ပါ။
💉 ကာကွယ်ဆေးထိုးပါ: ဆရာဝန် ညွှန်ကြားတဲ့အတိုင်း လိုအပ်တဲ့ ကာကွယ်ဆေးတွေကို ထိုးနှံပါ။
🧼 တစ်ကိုယ်ရေသန့်ရှင်းရေး: လက်ကို စင်ကြယ်စွာ ဆေးပါ၊ အစားအစာကို ကျက်အောင်ချက်စားပါ၊ ခြင်မကိုက်အောင် ဂရုစိုက်ပါ။
#ကိုယ်ဝန်ဆောင်ကျန်းမာရေး #သတိပြုရန်
03/06/2026
🤰 ကိုယ်ဝန်ဆောင် ဗိုက်ကြီးထွားမှု
လမ်းညွှန် ✨
ရင်သွေးလေး ကြီးထွားလာတာနဲ့အမျှ မေမေ့ရဲ့ ဗိုက်လေးကလည်း အဆင့်ဆင့် ပြောင်းလဲလာမှာ ဖြစ်ပါတယ်။
ပထမ ၃ လပတ် (၁ ပတ် မှ ၁၂ ပတ်):
ဒီအချိန်မှာတော့ ဗိုက်က သိပ်ပြီး ထွက်မလာသေးပါဘူး။ အပြင်ပန်းကြည့်ရင် မသိသာသေးပေမဲ့ မေမေ့ရဲ့ ခန္ဓာကိုယ်ထဲမှာတော့ ရင်သွေးလေးအတွက် နေရာပြင်ဆင်မှုတွေ အကြီးအကျယ် လုပ်ဆောင်နေတဲ့ အချိန်ဖြစ်ပါတယ်။
ဒုတိယ ၃ လပတ် (၁၃ ပတ် မှ ၂၇ ပတ်):
အခုဆိုရင် ဗိုက်လေးက သိသိသာသာ စထွက်လာပြီး မှန်မှန်လေး ကြီးလာပါပြီ။ မေမေတို့ ကိုယ်ဝန်ဆောင်ဝတ်စုံလေးတွေ စတင်ဝတ်ဆင်ရမယ့် အချိန်ပေါ့။
တတိယ ၃ လပတ် (၂၈ ပတ် မှ ၄၀ ပတ်):
ဒါကတော့ ဗိုက်အကြီးဆုံး အချိန်ပါပဲ။ ရင်သွေးလေးက လူ့လောကထဲ ထွက်လာဖို့အတွက် ကိုယ်အလေးချိန် အမြန်ဆုံး တိုးလာတဲ့အချိန်မို့ မေမေ့ဗိုက်လေးကလည်း အတော်လေး ထွားလာမှာ ဖြစ်ပါတယ်။
💛 မေမေတို့ သိထားဖို့က...
မေမေတစ်ယောက်နဲ့တစ်ယောက် ခန္ဓာကိုယ်အချိုးအစား၊ ကလေးရဲ့ အနေအထားနဲ့ ဝမ်းဗိုက်ကြွက်သား သန်မာမှုတွေ မတူကြတဲ့အတွက် ဗိုက်အရွယ်အစားချင်း မတူတာဟာ ပုံမှန်ပါပဲ။ တစ်ခြားသူနဲ့ ယှဉ်ပြီး စိတ်ပူစရာ မလိုပါဘူးနော်။
(လွယ်လပ်စွာမျှဝေနိုင်ပါတယ်
ကူးယူဖော်ပြခြင်းခွင့်မပြုပါဘူးနော်)
#ဗိုက်ထွက်ခြင်း #ကိုယ်ဝန်ဆောင်အဆင့်ဆင့်
ကိုယ်ဝန်ဆောင်ချိန်မှာ ဟမေမေကျော်ဖြတ်ရမယ့် အခက်ခဲဆုံးအရာများ
ရင်သွေးလေးကို တွေ့ရမယ့်နေ့ကို စောင့်မျှော်ရင်း မေမေတို့ အံကြိတ်ကျော်ဖြတ်နေရမယ့် အရာတွေကတော့ -
🤢 မူးဝေအော့အန်ခြင်း
ပထမ ၃ လပတ်မှာ အဖြစ်များပြီး မေမေတို့ကို တကယ့်ကို အင်အားကုန်ခမ်းစေပါတယ်။
😴 ပင်ပန်းနွမ်းနယ်ခြင်းနဲ့ အိပ်မပျော်ခြင်း: ဗိုက်လေးက ကြီးလာသလို ဟော်မုန်းအပြောင်းအလဲတွေကြောင့် ကောင်းကောင်းအနားယူဖို့ ခက်ခဲလာတတ်ပါတယ်။
⚡ ခါးနာ၊ တင်ပါးဆုံနာခြင်း: ကိုယ်အလေးချိန် တိုးလာတာနဲ့ ခန္ဓာကိုယ်အနေအထား ပြောင်းလဲမှုတွေကြောင့် လမ်းလျှောက်ရတာ၊ လှုပ်ရှားရတာတွေက သက်သောင့်သက်သာ မရှိတော့ပါဘူး။
🎢 စိတ်ခံစားချက် အတက်အကျများခြင်း:
ဟော်မုန်းတွေကြောင့် တစ်ခါတလေ ဝမ်းနည်းသလို၊ တစ်ခါတလေ စိတ်မရှည်သလိုနဲ့ စိတ်လှုပ်ရှားမှုတွေက အတက်အကျအရမ်းမြန်နေတဲ့အချိန်ပါပဲ။
🦶 ကိုယ်လက်ဖောရောင်ခြင်း: အထူးသဖြင့် နောက်ဆုံး ၃ လပတ်မှာ ခြေထောက်၊ လက်နဲ့ မျက်နှာလေးတွေ ဖောရောင်လာတတ်လို့ နေရထိုင်ရ ခက်ခဲစေပါတယ်။
🚽 ဆီးခဏခဏသွားခြင်း:
ရင်သွေးလေးက ဆီးအိမ်ကို ဖိထားတာကြောင့် ညဘက်တွေမှာ ခဏခဏနိုးပြီး ဆီးသွားနေရလို့ အိပ်ရေးပျက်ရပါတယ်။
🔥 ရင်ပူခြင်းနဲ့ အစာမကျေခြင်း: ဟော်မုန်းတွေကြောင့် အစာခြေစနစ်က ကြွက်သားတွေ လျော့ရဲလာပြီး အစာခြေရည်တွေ အပေါ်ပြန်တက်ကာ ရင်ပူတာမျိုးတွေ ဖြစ်တတ်ပါတယ်။
✨ မေမေတို့အတွက် အကြံပြုချက်
ဒီလိုခက်ခဲမှုတွေ ကြုံရတဲ့အခါ မိမိကိုယ်ကိုယ် ဂရုစိုက်ပါ၊ အနားယူနိုင်သမျှ အနားယူပါ၊ ပြီးတော့ ဘေးနားက မိသားစုနဲ့ သူငယ်ချင်းတွေရဲ့ အကူအညီကို ရယူဖို့ မဝန်လေးပါနဲ့နော်။ အခက်အခဲတိုင်းဟာ မိခင်ဘဝဆီကို လျှောက်လှမ်းနေတဲ့ အံ့ဖွယ်ခရီးစဉ်ရဲ့ အစိတ်အပိုင်းတွေပါပဲ။ ✨
#ကိုယ်ဝန်ဆောင်ခြင်းရဲ့အခက်အခဲများ #မိခင်လောင်းများအတွက်
"မေမေတို့ သိထားသင့်တဲ့... ကိုယ်ဝန်ဆောင်ချိန် အရည်ဆင်းခြင်း အရောင်လမ်းညွှန်" 🤰✨
မေမေတို့ရေ... ကိုယ်ဝန်ဆောင်ချိန်မှာ မိန်းမကိုယ်က အရည်ဆင်းတာဟာ သဘာဝဖြစ်ပေမဲ့ ဆင်းတဲ့ "အရောင်" ကို ကြည့်ပြီး ကိုယ့်ရဲ့ ကျန်းမာရေးအခြေအနေကို ခန့်မှန်းနိုင်ပါတယ်နော် ။ ဘယ်အရောင်က ဘာကို ဆိုလိုတာလဲဆိုတာ အတူတူ ကြည့်လိုက်ရအောင်။ 👇
⚪ ကြည်လင်သောအရောင် (သို့မဟုတ်) နို့နှစ်ရောင်:
ဒါဟာ "ပုံမှန်" အခြေအနေပါ။ အနံ့ဆိုးမရှိရင် စိုးရိမ်စရာ မလိုပါဘူး။
🟡 အဝါရောင် (သို့မဟုတ်) အစိမ်းရောင်:
ဒါဟာ "ပိုးဝင်ခြင်း" ရဲ့ လက္ခဏာ ဖြစ်နိုင်ပါတယ်။ ယားယံတာ၊ အနံ့ဆိုးတာတွေ ရှိရင် ဆရာဝန်နဲ့ ပြသသင့်ပါတယ်။
🔘 မီးခိုးရောင်:
ဒါဟာ "ဘက်တီးရီးယား ပိုးဝင်ခြင်း" ဖြစ်နိုင်လို့ ဆေးကုသမှု ခံယူဖို့ လိုအပ်ပါတယ်။
🤎 အညိုရောင် (သို့မဟုတ်) ပန်းရောင်:
သွေးစအနည်းငယ် ပါလာတာမျိုးပါ။ သားအိမ်ဝပွင့်ဖို့ ပြင်ဆင်တာ ဒါမှမဟုတ် သွေးဟောင်းတွေ ကျန်တာမျိုး ဖြစ်နိုင်လို့ အခြေအနေကို သေချာစောင့်ကြည့်ပါ။
🔴 အနီရောင်:
ဒါဟာ "အရေးပေါ်အခြေအနေ" ပါ။ အထူးသဖြင့် ဗိုက်နာတာနဲ့ တွဲလာရင် ဆရာဝန်ကို ချက်ချင်းအကြောင်းကြားပါ! 🚨
✨ မေမေတို့အတွက် အကြံပြုချက်:
တစ်ခုခုကို သေချာမသိလို့ စိုးရိမ်နေရရင် ဆရာဝန်ကို မေးဖို့ မဝန်လေးပါနဲ့နော်။ ကိုယ့်ရဲ့ ကျန်းမာရေးနဲ့ ရင်သွေးလေးရဲ့ ဘေးကင်းရေးက အရေးကြီးဆုံးပါ မေမေတို့ရေ။ ❤️
Click here to claim your Sponsored Listing.
Category
Contact the practice
Address
Yangon
05062