MAMM Fight Gear

GSP ရဲ့ အကောင်းဆုံးအချိန် နဲ့ ခါဘစ်ရဲ့ အကောင်းဆုံးအချိန် တွေ့ခဲ့ကြမယ်ဆိုရင် ဘယ်သူနိုင်မလဲ?

ကောမန့်ကနေ ညီကိုတို့ရဲ့ အမြင်ကို ရေးသွားပေးပါဦး။

ကျွန်တော်ကတော့ ဘက်စုံတော်တဲ့ GSP ပဲ နိုင်သွားမယ်ထင်ပါတယ်.. ညီကိုတို့ရဲ့ အမြင်ကရော.. 💪

ကောင်းကင်ကနေ ပြန်ကျလာတဲ့ ကြယ်ပွင့်ဟောင်းတစ်ပွင့်လို့ ပြောရမလားပဲ။

တစ်ချိန်က တခြားအဖွဲ့အစည်းမှာ နှစ်ထပ်ကွမ်းချန်ပီယံဖြစ်ခဲ့တဲ့ Reinier de Ridder ရဲ့ UFC ထဲက ခြေလှမ်းတွေဟာ အခုထိတော့ သိပ်ပြီး အားရစရာ မရှိသေးဘူး။ နာမည်ကြီးတွေကို အနိုင်ယူခဲ့တယ်ဆိုပေမဲ့၊ သူ့ရဲ့ တိုက်ခိုက်ပုံက ကြည့်ရတာ သိပ်ပြီး စိတ်ဝင်စားစရာ မကောင်း ဘူး။ အချိန်အတော်ကြာအောင် ကပ်ထား၊ ထိန်းချုပ်ထားတဲ့ပုံစံက ပရိသတ်ကို စိတ်ပျက်စေတယ်။

Brendan Allen က ဒီပွဲကို အစားထိုးအနေနဲ့ ဝင်ရောက်လာတာပါ။ သူကိုယ်တိုင်ကလည်း Submission အတတ်ပညာမှာ အတော်ဆုံးထဲက တစ်ယောက်ပါ။ ဒါပေမဲ့ De Ridder နဲ့ နှိုင်းယှဉ်ရင် အရွယ်အစား ကို အားနည်းချက်တစ်ခုလို မြင်မိတယ်။ Allen ဟာ တောင့်ခံနိုင်စွမ်းကောင်းပြီး စိတ်ဓာတ်မာပေမဲ့ De Ridder လို အမြဲတမ်း ဖမ်းဆွဲနေမယ့်သူကို ဘယ်လောက်ကြာကြာ တောင့်ခံနိုင်မလဲဆိုတာ မေးခွန်းထုတ်စရာပါ။

ဒီပွဲမှာ Allen က လက်သီးထိုးချက် တွေနဲ့ အခွင့်အရေးရှာဖို့ ကြိုးစားပေမဲ့ De Ridder က အဲဒီ အခွင့်အရေးကို လုံးဝပေးမှာ မဟုတ်ဘူး။ ရေခဲတုံးကြီးလို ဖိကပ်ထားတဲ့ Grappling နဲ့ပဲ သူ့ရဲ့ ဂိမ်းကို ကစားလိမ့်မယ်။ အခုနောက်ပိုင်းပွဲတွေမှာ De Ridder ရဲ့ ဂိမ်းစတင်ပုံက စိုးရိမ်စရာရှိတယ်ဆိုပေမဲ့ Allen လို Short Notice နဲ့ ဝင်လာတဲ့သူကိုတော့ ငါးချဉ်သိပ်သလို ဖိထားနိုင်ဖို့ အခွင့်အရေးပိုများပါတယ်။

ခန့်မှန်းချက် ကတော့ ရှင်းပါတယ်။ ဒီပွဲက လှပတဲ့ပွဲ တစ်ပွဲ ဖြစ်လာမှာ မဟုတ်ဘဲ၊ De Ridder ရဲ့ အနိုင်ရလဒ်ကို ဦးတည်နေပါတယ်။ Allen ဘယ်လောက်ပဲ ရုန်းကန်ပါစေ၊ Reinier de Ridder က (Decision ဖြင့်ဖြစ်စေ၊ Late Submission ဖြင့်ဖြစ်စေ) အနိုင်ယူပြီး Middleweight ချန်ပီယံလုပွဲ စကားဝိုင်းထဲမှာ ဆက်ပါလာပါလိမ့်မယ်။

ကြည့်ရတာ ပျင်းစရာကောင်းတဲ့ပွဲ တစ်ပွဲ ဖြစ်သွားမှာကိုပဲ စိုးရိမ်မိပါတယ်။

Joshua Van ရဲ့ Takedown Defense ကို မြင်ရမယ့်ပွဲ

Joshua Van တစ်ယောက် Flyweight ချန်ပီယံ Alexandre Pantoja ကို စိန်ခေါ်ခွင့်ရလို့ ဝမ်းသာစရာပါ။ ဒါပေမဲ့ ဒီပွဲရဲ့ လက်တွေ့အခြေအနေကို သုံးသပ်ကြည့်ရင် Van အတွက် တကယ်ကို ခက်ခဲတဲ့ စိန်ခေါ်မှုတစ်ခုဖြစ်တယ်ဆိုတာကို လက်ခံရမှာပါ။ Van ရဲ့ ၅ ပွဲဆက်အနိုင်ရလဒ်နဲ့ Striking စွမ်းရည်တွေက ကောင်းမွန်ပေမယ့် Pantoja က လက်ရှိမှာ ဒီ Division ရဲ့ ခါးပတ်ကို အကြိမ်ပေါင်းများစွာ ကာကွယ်ပြခဲ့ပြီးပါပြီ။

Pantoja ရဲ့ အားသာချက်ဟာ သူ့ရဲ့ ပြင်းထန်တဲ့ ဖိအားပေးမှု နဲ့ အဆင့်အတန်းမြင့် Grappling ပါပဲ။ Pantoja ဟာ Brandon Royval လို ထိပ်တန်းဖိုက်တာကိုတောင် အသာစီးနဲ့ ချုပ်နိုင်ခဲ့ပြီး၊ သူရဲ့ Takedown တွေဟာ ပြိုင်ဘက်ရဲ့ Game Plan တွေကို ဖျက်ဆီးပစ်နိုင်တယ်။ ချန်ပီယံဟာ ပြိုင်ဘက်ရဲ့ ထိုးချက်ဒဏ်ကို ခံနိုင်ရည်မြင့်မားတာကြောင့် Van ရဲ့ Volume Striking တွေက ရလဒ်ကောင်းကို ချက်ချင်းဖန်တီးပေးဖို့ ခက်ခဲနိုင်ပါတယ်။

Van အနေနဲ့ နိုင်ပွဲရဖို့ဆိုရင် ပွဲကို Striking မှာပဲ အဆက်မပြတ် ထိန်းထားနိုင်ဖို့ လိုအပ်ပါတယ်။ Pantoja ရဲ့ Takedown ကြိုးစားမှုတိုင်းကို အပြစ်အနာအဆာမရှိ ကာကွယ်ရမှာပါ။ Van ရဲ့ မြန်နှုန်းနဲ့ ထိုးနှက်ချက်တွေဟာ အစပိုင်းမှာ အလုပ်ဖြစ်နိုင်ပေမယ့်၊ Pantoja လို Elite-Level Grappler ရဲ့ ဖိအားကို ငါးချီလုံး ခံနိုင်ဖို့ဆိုတာ လွယ်ကူတဲ့ ကိစ္စမဟုတ်ပါဘူး။

အချုပ်ပြောရမယ်ဆိုရင်တော့ ဒီပွဲဟာ Van အတွက် ကြီးမားတဲ့ သင်ခန်းစာနဲ့ အတွေ့အကြုံ ရယူမယ့်ပွဲဖြစ်ပါတယ်။ Pantoja ရဲ့ Grappling အရည်အချင်းနဲ့ ချန်ပီယံအဆင့် အတွေ့အကြုံတွေဟာ အသက်ငယ်တဲ့ Van အတွက် စောနေသေးတယ်လို့ သုံးသပ်ရပါတယ်။

ဒါပေမဲ့လည်း Joshua Van အနေနဲ့ မထင်ထားတာတွေ လုပ်ပြတတ်တာ၊ Takedown Defense ကောင်းတာတွေက Pantoja ကို အနိုင်ယူဖို့ အကောင်းဆုံးအချက်တွေ ဖြစ်လာနိုင်ပါတယ်။

ဘာတွေ ဘယ်လိုဖြစ်လာမလဲဆိုတာ လာမယ့် UFC 323 မှာ စောင့်ကြည့်တာ အကောင်းဆုံးပါပဲ။

ONE Friday Fights 126 မှာ မြန်မာ့ပရိသတ်တွေ အားပေးခဲ့တဲ့ သွေးလင်းထက် ဟာ မွေထိုင်း Legend တစ်ဦးဖြစ်တဲ့ Sam-A Gaiyanghadao ကို အမှတ်နဲ့ ရှုံးနိမ့် ခဲ့ရပါတယ်။ ဒီပွဲဟာ သမိုင်းဝင်ပွဲကောင်းတစ်ပွဲဖြစ်ပြီး သွေးလင်းထက်ဟာလည်း သူ့ရဲ့စွမ်းရည်ကို အကောင်းဆုံးပြသခဲ့ပါတယ်။

ပွဲအစမှာ သွေးလင်းထက်က သူ့ရဲ့လူငယ်အားမာန်နဲ့ အပြင်းအထန် ဖိအားပေးတိုက်ခိုက်ခဲ့ပါတယ်။ သူ့ရဲ့ လက်သီးတွဲလုံးတွေကြောင့် Sam-A တောင် တစ်ချက်နှစ်ချက် ယိုင်သွားခဲ့ရပြီး Knockdown ကိုတောင် ရယူနိုင်ခဲ့ပါတယ်။ ဒီအချိန်ဟာ မြန်မာပရိသတ်တွေအတွက် အပျော်ဆုံးအချိန်ပါပဲ။

သွေးလင်းထက် ရှုံးနိမ့်ခဲ့ရတဲ့ အဓိကအကြောင်းရင်းတွေကတော့ Sam-A နဲ့ အတွေ့အကြုံ ကွာခြားမှုကြောင့်လို့ ဆိုရပါမယ်။ Sam-A ဟာ အသက် ၄၁ နှစ်အရွယ်အထိ ကမ္ဘာ့အဆင့်မှာ ယှဉ်ပြိုင်နေတဲ့ ဂန္ထဝင်ကစားသမားတစ်ဦးပါ။ သူဟာ သွေးလင်းထက်ရဲ့ ပြင်းထန်တဲ့တိုက်စစ်ကို စိတ်မလှုပ်ရှားဘဲ ထိန်းချုပ်နိုင်ခဲ့တယ်။ ပထမအချီရဲ့ အရှိန်အဟုန်ကို ကျော်လွှားပြီးတဲ့နောက်မှာ သူ့ရဲ့ Fight IQ ကို စတင်အသုံးချခဲ့ပါတယ်။

နောက်တစ်ခုက Sam-A ရဲ့ အကွာအဝေးထိန်းချုပ်မှု ပါပဲ။ သွေးလင်းထက် အနီးကပ်တိုက်ခိုက်ဖို့ ကြိုးစားတိုင်း Sam-A က ခြေလှမ်းမြန်မြန်နဲ့ ရှောင်ထွက်တာ၊ ကန်ချက်တွေနဲ့ အဝင်လမ်းကြောင်းပိတ်တာတွေကို ကျွမ်းကျင်စွာ လုပ်ဆောင်ခဲ့ပါတယ်။ ဒါကြောင့် သွေးလင်းထက်ဟာ သူရဲ့ လက်သီးအားကို အပြည့်အဝ အသုံးပြုဖို့ ခက်ခဲခဲ့ရပါတယ်။ Sam-A ဟာ ခန္ဓာကိုယ်အားကို အများကြီးမသုံးဘဲ၊ အချိန်ကိုက် (Timing) ကောင်းကောင်းနဲ့ ခြေကန်ချက်တွေ၊ တံတောင်တွေနဲ့ တိတိကျကျ ပြန်လည်ထိုးနှက်ခဲ့တာကလည်း အမှတ်အသာစီးရစေတဲ့ အချက်တွေပါပဲ။

ဒီပွဲမှာ သွေးလင်းထက်ဟာ ရှုံးနိမ့်ခဲ့ပေမယ့် ကမ္ဘာ့အဆင့်မီ ထိပ်တန်းဖိုက်တာ ကိုတောင် လဲကျအောင် ထိုးနိုင်ခဲ့တယ်ဆိုတာကို သက်သေပြခဲ့ပါတယ်။ သူ့ရဲ့ ရဲရင့်တဲ့ တိုက်ခိုက်ပုံဟာ နောင်လာမယ့်ပွဲတွေအတွက် ကြီးမားတဲ့ အလားအလာကို ပြသလိုက်တာပဲ ဖြစ်ပါတယ်။

ရှေ့ဆက်ပြီး အတွေ့အကြုံတွေ ရယူပြီး လိုအပ်တဲ့ နည်းစနစ်ပိုင်းတွေ ဖြည့်ဆည်းနိုင်မယ်ဆိုရင် ONE Championship ရဲ့ ထိပ်တန်းဖိုက်တာတစ်ဦး ဖြစ်လာမှာ သေချာပါတယ်။ 💪

မင်းဘယ်လောက် ပြင်းပြင်းထိုးနိုင်လဲဆိုတာ အရေးမကြီးပါဘူး။ မင်း ဘယ်လောက်ပြင်းပြင်းအထိ အထိုးခံနိုင်လဲဆိုတာနဲ့ ဒါကို တောင့်ခံပြီး ရှေ့ကို ဆက်သွားနိုင်ရဲ့လားဆိုတာကပဲ အရေးကြီးပါတယ်။

- Rocky Balboa

သီတင်းကျွတ်အချိန်အခါသမယလေးမှာ မျှော်လင့်ထားသမျှ အရာရာ အဆင်ပြေအောင်မြင်ပြီး ရည်မှန်းချက် ပန်းတိုင်ကို ရောက်ရှိနိုင်ပါစေကြောင်း ဆုမွန်ကောင်းများ ပို့သလိုက်ပါတယ် 🙏

လေးစားအပ်ပါသော MAMM Fight Gear ရဲ့ customer များခင်ဗျ...
ကျွန်​တော်တို့ MAM Fight Gear page လေးရဲ့ 3 နှစ်ပြည့် anniversary လေးရှိတာကြောင့် 4.10.2025 ရက်နေ့လေးတွင် မနက် ပိုင်းလေး page admin လေးတွေစာပြန်တာလေးရပ်နားထားမှာဖြစ်ပြီး ညနေ ၆နာရီမှစပြီး service လေးပြန်ပေးသွားမှာဖြစ်ကြောင်း အသိပေးအကြောင်းကြားအပ်ပါတယ်ခင်ဗျ

ညီကိုတို့ရဲ့ အမြင်မှာ ဘယ်သူက Underrated အဖြစ်ဆုံး UFC ဖိုက်တာလို့ ထင်လဲ?

ကျွန်တော်အမြင်မှာတော့ လက်ရှိ ဖလိုင်းဝိတ်ချန်ပီယံ ပန်တိုဂျာလို့ပဲ ထင်ပါတယ်။

ဖလိုင်းဝိတ်မှာ ကစားနေရလို့သာ သူ့ရဲ့ ကောင်းကွက်တွေကို လူမမြင်ကြတာပါ။ Title Defense တွေ အများကြီး လုပ်ပြီးပြီ၊ အထိုးသတ်ရော ချုပ်ကွက်ရော ရတယ်၊ ပြီးတော့ အလဲထိုးနဲ့ရော ချုပ်ကွက်နဲ့ရော မရှုံးဖူးပါဘူး။

ဒါကြောင့် ကျနော်ကတော့ ပန်တိုဂျာက Underrated အဖြစ်ဆုံး UFC ဖိုက်တာလို့ ထင်ပါတယ်။

ညီကိုတို့ရဲ့ အမြင်ကရော ဘယ်သူဖြစ်မလဲ?

mma fighter တစ်ယောက်အဖြစ် တစ်ရက် နိုးထလာခဲ့ရင် ညီကို ဘာတွေလုပ်မလဲ?

mma fighter တစ်ယောက်ဖြစ်နေတဲ့ ညီကို ရဲ့ ပထမဆုံး တစ်နေ့တာမှာ ဘယ်အရာတွေကို အရင်ဆုံး စလုပ်မလဲ?

✔️ ကိုယ့်ကိုယ်ကို ဘယ်လို လေ့ကျင့်မှုတွေနဲ့ အရင်ဆုံး စမ်းသပ်ကြည့်မလဲ?
✔️ တခြား fighter တစ်ယောက်နဲ့ sparring လုပ်ကြည့်မလား? ဒါမှမဟုတ်
✔️ gym ကိုသွားပြီး ကိုယ့်ခန္ဓာကိုယ်ရဲ့ စွမ်းအားကို အပြည့်အဝ အသုံးချကြည့်မလား?

mma fighter တစ်ယောက်ရဲ့ ခွန်အား၊ စိတ်ဓာတ်နဲ့ အတွေ့အကြုံတွေအားလုံးကို ညီကို ရဲ့ တစ်နေ့တာအတွင်း ဘယ်လို အကျိုးရှိရှိ အသုံးချမလဲဆိုတာ ဝေမျှပေးပါဦး။