Poem Box

လိင်စိတ်အတက်အကျဆိုတာ
ဝယ်လို့ရတယ် နှင်းသဒ္ဒါ

လူတစ်ယောက် အရိပ်လေးမြင်တာနဲ့
ရင်ခုန်မိခြင်းကိုတော့
ဝယ်ယူလို့ရမှာမဟုတ်ဘူး ။

-ဂန္ဓမာ-

" အများကြီး ချစ်တာပေါ့ " လို့
တစ်စုံတစ်ယောက်က ပြောရင်

အဝေးကြီး ဝေးရဦးမယ်လို့ပဲ
နားမှာ ကြားတယ်

ဒဏ်ရာ ရထားတဲ့ သားကောင်ဟာ
ခြေသံ ကြားရုံနဲ့ ထပြေးမိတာမျိုး ။

-နွေသစ်ငြိမ်း-

ဒီတစ်ညတော့ အနှောက်အယှက်ကင်းစွာ
မင်းအိပ်ပျော်နိုင်ပါစေ ။
ကိုယ်ကတော့ ကိုယ့်နာကျင်မှုနဲ့ကိုယ်
ရှိပါစေတော့ကွယ် ။

-ဂန္ဓမာ-

သတိဆိုတာ ရတတ်မှန်းသိရင်
ငါတို့အစတည်းက
တစ်ယောက်ကိုတစ်ယောက်
သတိမထားမိအောင် နေခဲ့ကြမှာပေါ့ ။

-ဂန္ဓမာ-

အနာကျင်ရဆုံးအချိန်ကိုပြောပါဆိုရင်
ကိုယ်အချစ်ဆုံးသူတစ်ယောက်က
သူအချစ်ဆုံးလူတစ်ယောက်ကို
ရှာတွေ့သွားတာမျိုးပေါ့

-မိုးနေ့-

ထွက်ပြေးသွားတဲ့သူနောက်
ဆက်မလိုက်တော့ပါဘူး
သူထားသွားတဲ့နေရာမှာပဲ
ရပ်နေလိုက်တယ်
ကမ္ဘာ ကြီးလည်နေတာပဲ
တစ်နေ့ကျရင်သူဒီနေရာကို
ရောက်လာမယ်ဆိုတဲ့ အတွေးနဲ့ပေါ့...

-တာရာမင်းဝေ-

Why(?) နဲ့မေးရင်
Because နဲ့ဖြေဆိုလို့
"ဘာကြောင့် ကိုယ့်ကိုမချစ်နိုင်ရတာလဲ"
လို့မေးတော့ "တရားနဲ့​ဖြေလိုက်ရတယ်။"
"အကြောင်းပြချက်မရှိ"တဲ့။
- Pi Ya - ပီယ -

မင်းကအပြုံးတွေနဲ့သတ်တယ်
ငါက နာကျင်မှုကိုဆေးစွဲသလိုစွဲတယ်
ပြီးတော့ မင်းအကောင်နဲ့
သွားလေးပေါ်အောင်ပြုံးတယ်
ငါက အချစ်ပိုတဲ့ ရောဂါရတယ်...။

-ခန့်ထည်-

အာရုံငါးပါးနဲ့ တပ်မက်ခြင်းမှာသာ
အသားအရေ၊ အချိုးအစား
အသက်အရွယ်ရှိတာပါ

အချစ်နဲ့ မေတ္တာမှာကျ
မင်းဟာမင်း ဘာဖြစ်ဖြစ်ပေါ့ အချစ်ရဲ့
မင်းဟာမင်း ဘာဖြစ်ဖြစ် ။

-ဆန်းကျော်စွာဝင်း-

အဲ့တုန်းက
ကမ္ဘာမှာလူဦးရေ ဘယ်လောက်ရှိလဲ
ကျွန်တော် ဂရုမစိုက်ခဲ့ပါဘူး

သူ့စိတ်ထဲလူဘယ်နယောက် ရှိလဲကိုပဲ
ကျွန်တော်ဂရုစိုက်ခဲ့ပါတယ် ။ ။

-ဂန္ဓမာ- (၂၀၁၇ )

ကျွန်တော်တို့ဟာ တစ်ချိန်ကျရင်
သူများနဲ့ညားမယ့်သူကိုမှ
ရင်ဘတ်တစ်ခုလုံးနှင့်ရင်း၍
ချစ်မိလေသည်။

-Poem Box-

အမှတ်တရတွေကတော့
အမှတ်တရအတိုင်းပဲပေါ့။
မေ့ပစ်မှာလည်း မဟုတ်သလို
မေ့မရတာလည်း မဟုတ်ပါဘူး ။

-ခက်နှောင်-