https://www.facebook.com/267847953941831/

January May, yangon, Mayan (2026)

04/04/2025

ဧပြီ ၁၁ ရက်အတွင်း အချိန်အခါမဟုတ် မိုးရွာနိုင်လို့ ငလျင်သင့်ဒေသတွေ ဂရုပြုဖို့လို

ဧပြီ ၃ - ၂၀၂၅
SS (VOM)

တိုင်းနဲ့ ပြည်နယ်တချို့မှာ ဧပြီ ၂ ရက်နေ့ကနေ ၁၁ ရက်နေ့အတွင်း အချိန်အခါမဟုတ် မိုးရွာသွန်းမှုတွေ ဖြစ်ပေါ်နိုင်တယ်လို့ မိုးလေဝသနှင့် ဇလဗေဒ ညွှန်ကြားမှုဦးစီးဌာနမှ မနေ့ ဧပြီ ၂ ရက်၊ ညပိုင်းမှာ သတင်း ထုတ်ပြန်ထားပါတယ်။

မိုး/ဇလဌာနရဲ့ မနေ့ ညနေ ၆ နာရီခွဲအချိန် တိုင်းထွာချက်တွေအရ ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှ လေနွေးတွေနဲ့ တရုတ်ပြည်မကြီးပေါ်ရှိ လေဖိအားကြီး ရပ်ဝန်းဒေသမှ ရွေ့လျားလာတဲ့ လေအေးတွေ တွေ့ဆုံမှုကြောင့်အပြင် အရှေ့ဘက်မှ ရွေ့လျားလာတဲ့ လေပွေလှိုင်းတွေရဲ့ အရှိန်ကြောင့် အချိန်အခါမဟုတ် မိုးရွာသွန်းမှုတွေ ဖြစ်ပေါ်နိုင်တယ်လို့ အသိပေး ကြေညာထားပါတယ်။

ဒါနဲ့ ပတ်သက်လို့ မိုး/ဇလဌာနမှ ညွှန်ကြားရေးမှူး ဦးလှထွန်းက “လေဖိအားနည်းရပ်ဝန်း ဖြစ်ခဲ့ရင် လေထုက နည်းနည်း ပြောင်းသွားတာပေါ့။ ဘယ်လိုပြောင်းသွားလဲ ဆိုတော့ ပင်လယ်ဘက်ကနေ မြန်မာပြည် ကုန်းတွေပေါ်ကို လေတိုက်တယ်။ လေဖိအားနည်းရပ်ဝန်း ဖြစ်တဲ့နေရာကို ပင်လယ်ဘက်က တိုက်လေတွေ ရောက်လာတာပေါ့။ ပင်လယ်ကို ဖြတ်လာတဲ့အတွက် ရေခိုးရေငွေ့တွေ ပါမယ်။ အခုက ပူနေတဲ့ရာသီ ဖြစ်တဲ့အတွက် အပူပျံတက်တိမ်တွေ ဖြစ်မယ်။ အဲဒီ အပူပျံတက်တိမ်တွေထဲမှာ ရေခိုးရေငွေ့ ပါဝင်မှုတွေ အားကောင်းလာပြီးတော့ မိုးကြိုး တိမ်တိုက်တွေဖြစ်မယ်၊ ပြီးတော့ မိုးရွာမယ်။ အဲဒီတော့ လေဖိအားနည်းရပ်ဝန်းနဲ့ လေအေး၊ လေနွေး ဖြစ်စဉ်တွေက တခုနဲ့ တခုကတော့ ‌ဆက်စပ်နေတယ်” လို့ ပြောပါတယ်။

မိုး/ဇလဌာနရဲ့ မိုးရွာသွန်းမှု ခန့်မှန်းချက် အခြေအနေနဲ့ မိုးရွာရက် ဖော်ပြချက်တွေအရ မနေ့ ‌ဧပြီ ၂ ရက်၊ ညနေပိုင်းမှ စတင်ကာ ၅ ရက်နေ့အတွင်း တနင်္သာရီတိုင်း၊ ကရင်ပြည်နယ်နဲ့ မွန်ပြည်နယ်တို့မှာ နေရာကျဲကျဲမှ နေရာစိပ်စိပ်၊ ဧပြီ ၆ ရက်နေ့မှ ၁၁ ရက်နေ့အတွင်း နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်း၊ ကယားပြည်နယ်၊ ချင်းပြည်နယ်၊ ရခိုင်ပြည်နယ်နဲ့ ရှမ်းပြည်နယ်တို့မှာ နေရာကွက်ကျားမှ နေရာကျဲကျဲ၊ တနင်္သာရီတိုင်း၊ ကချင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ နေရာစိပ်စိပ် မိုးထစ်ချုန်း ရွာနိုင်တယ်လို့ သိရပါတယ်။

“မိုးရွာရင်တော့ လေပြင်းတိုက်တာတွေ ပါလာနိုင်တယ်။ နောက်တခု မိုးသီးကြွေတာတွေလည်း ဖြစ်လာနိုင်တယ်။ မိုးထစ်ချုန်းတာ၊ မိုးကြိုးပစ်တာတွေလည်း ဖြစ်နိုင်တယ်။ ဒါတွေက သတိပြုစရာတွေပေါ့။ လက်ရှိက ပူနေတဲ့အချိန် ဆိုတော့ မိုးရွာရင်တော့ အပူချိန်တော့ နည်းနည်း ကျနိုင်တယ်။ ဒါပေမယ့် နေပူပြီး မိုးရွာခဲ့ရင်တော့ ကျန်းမာရေးအတွက်လည်း သတိပြုဖို့ လိုပါတယ်” လို့ မိုး/ဇလ ညွှန်မှူးက ပြောပါတယ်။

မိုးလေဝသ လေ့လာစောင့်ကြည့်သူ ဦးဝင်းနိုင်ကတော့ အခု ဧပြီလ ပထမ ၁၀ ရက်ပတ်အတွင်း ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှာ ဖြစ်ပေါ်လာနိုင်တဲ့ လေဖိအားနည်းရပ်ဝန်း အခြေအနေနဲ့ ပတ်သက်လို့ လာမယ့် ဧပြီ ၆ ရက်နေ့မှာ လေဖိအားနည်းရပ်ဝန်း ဖြစ်နိုင်ခြေ ၄၀ ရာခိုင်နှုန်းအထိ လျော့ကျလာတာကို တွေ့ရှိရတယ်လို့ အသိပေးထားပါတယ်။

“WINDY မှာတော့ ECMWF, GFS နဲ့ ICON မော်ဒယ်တွေက ဧပြီ ၄ ရက်နေ့မှာ အားပျော့တဲ့ လေဖိအားနည်းရပ်ဝန်းအဆင့် ဖြစ်လာနိုင်ကြောင်း ပြပါတယ်။ တကယ်ဖြစ်လာနိုင်မယ့် ဧပြီ ၄ ရက်အထိတော့ အခြေအနေကို စောင့်ကြည့်ရပါဦးမယ်” လို့ ဦးဝင်းနိုင်က ပြောပါတယ်။

ဧပြီ ၅ ရက်နေ့၊ မနက် ၁ နာရီကနေ ဧပြီ ၆ ရက်နေ့၊ မနက် ၁ နာရီအထိ ၂၄ နာရီအတွင်း မိုးရွာနိုင်မယ့် အခြေအနေကတော့ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ မွန်ပြည်နယ်၊ ကရင်ပြည်နယ်တွေမှာသာ မိုးအနည်းငယ် (၂၄ နာရီအတွင်း ၀ ဒသမ ၆၃ လက်မ ခန့်) ရွာသွန်းနိုင်တာကို တွေ့ရှိရပြီး အထက်ဘက် ငလျင်လှုပ်ထားတဲ့ ဒေသတွေမှာတော့ မိုးရွာနိုင်ခြေ အလွန်နည်းနိုင်တာကို တွေ့ရတယ်လို့ ဆိုပါတယ်။

Photo - CJ

#အချိန်အခါမဟုတ် #မိုးရွာသွန်းနိုင်