Mawk Kon Local Development Organization

လမစေ့ဘဲမွေးဖွားခြင်းကြောင့် မွေးကင်းစကလေးငယ်နဲ့
သူ့ရဲ့မိသားစုမှာ ဘယ်လိုပြဿနာ
တွေ ကြုံတွေ့ရနိုင်ပါသလဲ။

 လမစေ့ဘဲမွေးဖွားခြင်းဟာ မွေးကင်းစကလေးငယ်ပေါ်သာမက မိသားစုအပေါ်မှာပါ အကျိုးသက်ရောက်မှုတွေ ရှိပါတယ်။ အောက်ကပုံလေးတွေမှာ ဘယ်လိုအခက်အခဲ စိန်ခေါ်မှုတွေရှိနိုင်မလဲဆိုတာ လေ့လာကြည့်ရအောင်။

လမစေ့ဘဲမွေးဖွားတဲ့ ကလေးငယ်
လေးတွေကို ပြုစုစောင့်ရှောက်ဖို့
ဘယ်သူတွေ အတူတကွလက်တွဲ ပါဝင်ဆောင်ရွက်ကြဖို့ လိုပါသလဲ။ ဘာကြောင့်ပါလဲ။

 မိသားစုဝင်များအကူအညီနှင့် ပူးပေါင်းပါဝင်မှုသည် လမစေ့၊ ပေါင်မပြည့် ကလေးများအတွက် ကျန်းမာရေးကောင်းမွန်မှုရရှိရန်သာမက မိခင်၏ စိတ်ပိုင်းဆိုင်ရာ ကျန်းမာရေးကိုလည်း ပံ့ပိုးပေးပါသည်။
 Kangaroo Mother Care ဆောင်ရွက်ခြင်းသည် မိခင်တစ်ယောက်သာမက မိသားစုဝင်များပါ ပါဝင်နိုင်သော အရေးကြီးသော ကိစ္စတစ်ခုဖြစ်ပါသည်။
 ပဏာမကျန်းမာရေးဝန်ထမ်းများအနေဖြင့် လမစေ့မွေးကလေးများနှင့် မိသားစုများအား လိုအပ်သော ကျန်းမာရေးစောင့်ရှောက်မှု၊ အသိပညာနှင့် ပံ့ပိုးမှုများကို အချိန်နှင့်တပြေးညီပေးသင့်ပါသည်။
 လမစေ့မွေးကလေးများတွင် အန္တရာယ်လက္ခဏာများ ဒါမှမဟုတ် ပြင်းထန်သော ပြဿနာများ ထင်ရှားလျှင် ကလေးအထူးကုဆရာဝန်များနှင့် ပညာရှင်များ၏ အခန်းကဏ္ဍမှာ အရေးကြီးပါသည်။
 ဒါကြောင့်လမစေ့မွေးကလေးများအပါအဝင် မွေးကင်းစ ကလေးများအား လိုအပ်သော ကျန်းမာရေးစောင့်ရှောက်မှုများ ရရှိစေရန်အတွက် အားလုံးပူးပေါင်း၍ တာဝန်ယူ ဆောင်ရွက်ကြစို့။

မိခင်နဲ့ကလေး အသားချင်းထိကပ်ပြုစုစောင့်ရှောက်ခြင်းနဲ့ သားပိုက်ကောင်မိခင်ကဲ့သို့ ပြုစုစောင့်ရှောက်ခြင်းဆိုတာ ကတော့ အခြေခံမွေးကင်းစကလေးပြုစု
စောင့်ရှောက်မှုမှာပါဝင်တဲ့ မီးဖွားပြီးတစ်နာရီအတွင်း
မိခင်နဲ့ကလေး အသားချင်းထိကပ်ပြုစုစောင့်ရှောက်ခြင်းနဲ့ သားပိုက်ကောင်မိခင်ကဲ့သို့ ပြုစုစောင့်ရှောက်ခြင်းတို့ကို အောက်ကပုံလေးတွေမှာ လေ့လာကြည့်ရအောင်။

လမစေ့ဘဲမွေးဖွားလာတဲ့ ကလေးငယ်လေးတွေအတွက် ဘာတွေဆောင်ရွက်ပေးသင့်ပါသလဲ။

လမစေ့ဘဲမွေးတဲ့ ကလေးတွေကို အခြေခံမွေးကင်းစပြုစုစောင့်ရှောက်မှုတွေ
ပေးဖို့က အရမ်းအရေးကြီးပါတယ်။ အခြေခံစောင့်ရှောက်မှုတွေကတော့
(၁) မိခင်နှင့်ကလေး အသားချင်း
ထိကပ်ပြုစု
စောင့်ရှောက်တာတွေ၊
(၂) Kangaroo Mother Care လို့ ခေါ်တဲ့သားပိုက်ကောင်မိခင်ကဲ့သို့ ပြုစုစောင့်ရှောက်တာတွေ၊
(၃) မိခင်နို့ စောနိုင်သမျှစောစွာ
တိုက်နိုင်အောင် ပံ့ပိုးဆောင်ရွက်
ပေးတာတွေ၊
(၄) ရောဂါပိုးမဝင်ရောက်အောင်
ကာကွယ်တာတွေ၊
(၅) ဗီတာမင်ကေ အသားဆေးထိုး
ပေးတာတွေ၊
(၆) ကျန်းမာရေးဆန်းစစ်တာတွေ၊
(၇) တကယ်လို့ ကလေးမှာ အန္တရာယ်လက္ခဏာတစ်ခုခု
ဒါမှမဟုတ် ပြင်းထန်တဲ့
ပြဿနာတွေရှိရင် လိုအပ်သလို ညွှန်းပို့ဆောင်ရွက်ပေးတာတွေ၊ စတာတွေပါဝင်ပါတယ်။

ဒီလို အခြေခံမွေးကင်းစကလေး
ပြုစုစောင့်ရှောက်မှုတွေဟာ
လမစေ့၊ ပေါင်မပြည့်တဲ့
ကလေးတွေအတွက် ကုန်ကျစရိတ်
သက်သာပြီး ထိရောက်အကျိုးများတဲ့ အသက်ကယ်ပြုစုစောင့်‌ရှောက်မှုတွေ
ဖြစ်တယ်ဆိုတာ ပြောပြပါရစေ။