Dredd Atsimo Andrefana

🌳🌿𝗔𝗻𝗱𝗮𝗼 𝗵𝗮𝗺𝗮𝗻𝘁𝗮𝘁𝗿𝗮 𝗻𝘆 𝗮𝘁𝗮𝗼 𝗵𝗼𝗲 “𝗣𝗮𝗶𝗲𝗺𝗲𝗻𝘁 𝗽𝗼𝘂𝗿 𝗦𝗲𝗿𝘃𝗶𝗰𝗲𝘀 𝗘́𝗰𝗼𝘀𝘆𝘀𝘁𝗲́𝗺𝗶𝗾𝘂𝗲𝘀 (𝗣𝗦𝗘)🐦🐝

🦩🌵🚰Ny zavaboahary dia manome tolotra maro izay tena ilaina amin'ny fiainantsika andavanandro. Ny ala dia miaro ny loharano tsy ho ritra, ny faritra mando dia mampihena ny tondra-drano, ny ala honko dia miaro ny morontsiraka, ary ny tantely dia manampy betsaka amin'ny fahombiazan’ny fambolena… Ireo tombontsoa ireo, izay matetika raisina ho zavatra mahazatra fotsiny ihany sy maimaim-poana, no antsoina hoe 𝗧𝗼𝗹𝗼𝘁𝗿𝗮 𝗮𝗿𝗮-𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 (𝘚𝘦𝘳𝘷𝘪𝘤𝘦𝘴 𝘌́𝘤𝘰𝘴𝘺𝘴𝘵𝘦́𝘮𝘪𝘲𝘶𝘦𝘴).🌳

🌳🚰🐦« 𝗣𝗮𝗶𝗲𝗺𝗲𝗻𝘁 𝗽𝗼𝘂𝗿 𝗦𝗲𝗿𝘃𝗶𝗰𝗲𝘀 𝗘́𝗰𝗼𝘀𝘆𝘀𝘁𝗲́𝗺𝗶𝗾𝘂𝗲𝘀 (𝗣𝗦𝗘) »🌿🐝🌵

🌿👥️Ny 𝗧𝗮𝗺𝗯𝗲𝗿𝗶𝗺-𝗯𝗶𝗱𝘆 𝗵𝗼 𝗮𝗻'𝗻𝘆 𝘁𝗼𝗹𝗼𝘁𝗿𝗮 𝗮𝗿𝗮-𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 ( #𝗣𝗦𝗘) dia rafitra iray manome tambiny ara-bola na ara-pitaovana ho an'ireo olona na vondrom-piarahamonina miaro ny harena voajanahary sy mitazona ireo tolotra omen'ny zavaboahary ho an'ny fiarahamonina ireo mba haharitra. Ny rohifiasa PSE arak’izany dia fitaovana ara-toekarena iray ho fitantanana maharitra ny rohivoahary.🐝🐦🌳

🌳🦩🐝Tsotra ny foto-kevitra amin’izany : ireo misitraka tombontsoa avy amin'ny tontolo iainana dia mandray anjara amin'ny fanohanana ireo izay miaro sy mikajy izany. Ohatra, ny vondron’olona eny ifotony iray miaro ny ala izay miantoka ny famatsian-drano ho an'ny tanàna iray dia afaka misitraka tambiny noho ny ezaka ataony amin'ny fiarovana izany ala izany.🌵🌱

🎯𝗧𝗮𝗻𝗷𝗼𝗻’𝗻𝘆 𝗣𝗦𝗘🌿

🌳🦩Maro ny tanjon'ny PSE. Anisan'izany ny famporisihana ny fiarovana ny rohivoahary, ny fanatsarana ny fidiram-bolan'ny mponina eny ifotony, ny fampihenana ny fahasimban'ny tontolo iainana ary ny fampiroboroboana ny fampandrosoana maharitra izay mampifandanja ny fiarovana ny zavaboahary sy ny fahasalaman'ny olombelona.🌵🌱

🌳🌳Ho antsika eto Madagasikara, Ny Minisiteran’ny Tontolo iainana sy ny Fandrosoana Lovainjafy ( ) dia efa miroso amin’ny amin’ny fametrahana ity rohifiasa PSE ity, izay manome fahafahana lehibe hanomezana lanja ny ezaka ataon'ireo vondrom-piarahamonina mandray anjara amin'ny fiarovana ny ala, ny loharano, ny harena voajanahary ary ny zavamananaina maro samihafa. Fitaovana vaovao sy mahomby izy io ahafahana manaiky fa ny fiarovana ny zavaboahary dia mamokatra tombontsoa ho an'ny fiarahamonina manontolo.🌱🌵

🌳🐦𝗡𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘇𝗮𝘃𝗮𝗯𝗼𝗮𝗵𝗮𝗿𝘆 𝗱𝗶𝗮 𝘁𝘀𝘆 𝗮𝗱𝗶𝗱𝘆 𝗮𝗿𝗮-𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 𝗳𝗼𝘁𝘀𝗶𝗻𝘆, 𝗳𝗮 𝗳𝗮𝗺𝗽𝗶𝗮𝘀𝗮𝗺-𝗯𝗼𝗹𝗮 𝗵𝗼 𝗮𝗻'𝗻𝘆 𝗵𝗼𝗮𝘃𝘆 𝗶𝗵𝗮𝗻𝘆 𝗸𝗼𝗮.🐝🌿🌵

🇲🇬FANANGANAN-TSAINA SY FANOKAFANA OFISIALY NY FANKALAZANA NY FETIM-PIRENENA 2026

🗓️ Notanterahina androany 01 Jona 2026 ny lanonana fananganan-tsaina sy fanokafana amin’ny fomba ofisialy ny fankalazana ny Fetim-pirenena 2026, notarihin’Andriamatoa Préfet, niarahana tamin’ireo Sampan-draharaham-panjakana rehetra eto amin’ny Faritra Atsimo Andrefana
🌿 Nandray anjara tamin’izany ny teto anivon’ny Fitaleavam-paritry ny Tontolo Iainana sy ny Fandrosoana Lovainjafy (DREDD) Atsimo Andrefana, notarihin’Andriamatoa Tale niaraka tamin’ireo mpiara-miasa rehetra.
🎇Nanamarika ny fanombohan’ireo hetsika samihafa ho fankalazana ny faha-66 taona niverenan’ny Fahaleovantenan’i Madagasikara ity lanonana ity , entina hanamafisana ny firaisankina sy ny fitiavan-tanindrazana ary ny fandraisan’anjaran’ny rehetra amin’ny fampandrosoana ny firenena.
🇲🇬 "Ny firaisantsika no hery, ny fitiavan-tanindrazana no antoky ny fampandrosoana."

📺𝗙𝗮𝗻𝗱𝗮𝗵𝗮𝗿𝗮𝗻𝗮 𝗺𝗮𝗻𝗼𝗸𝗮𝗻𝗮 𝗻𝗮𝘁𝗮𝗼𝗻’𝗔𝗻𝗱𝗿𝗶𝗮𝗺𝗮𝘁𝗼𝗮 𝗙𝗶𝗹𝗼𝗵𝗮𝗻’𝗻𝘆 𝗙𝗮𝗻𝗮𝘃𝗮𝗼𝘇𝗮𝗻𝗮 - 📅 𝟯𝟭 𝗠𝗲𝘆 𝟮𝟬𝟮𝟲

✅️Nandritra ny fandaharana manokana nataony ny alin’ny 31 Mey 2026, dia nanazava ny 𝘇𝗮𝘃𝗮𝗯𝗶𝘁𝗮 𝘀𝘆 𝗻𝘆 𝗹𝗮𝗵𝗮𝗿𝗮𝗺-𝗽𝗮𝗵𝗮𝗺𝗲𝗵𝗮𝗻’𝗻𝘆 𝗙𝗶𝘁𝗼𝗻𝗱𝗿𝗮𝗻𝗮 𝗙𝗮𝗻𝗮𝘃𝗮𝗼𝘇𝗮𝗻𝗮 tao anatin’ny valo volana nitantanany ny firenena ny 𝗙𝗶𝗹𝗼𝗵𝗮𝗻’𝗻𝘆 𝗙𝗮𝗻𝗮𝘃𝗮𝗼𝘇𝗮𝗻𝗮 𝗻𝘆 𝗥𝗲𝗽𝗼𝗯𝗹𝗶𝗸𝗮𝗻’𝗶 𝗠𝗮𝗱𝗮𝗴𝗮𝘀𝗶𝗸𝗮𝗿𝗮, 𝗞𝗼̂𝗹𝗼̂𝗻𝗲𝗹𝘆 𝗠𝗶𝗰𝗵𝗮𝗲̈𝗹 𝗥𝗮𝗻𝗱𝗿𝗶𝗮𝗻𝗶𝗿𝗶𝗻𝗮.

💡🚰Nambarany fa anisan’ny laharam-pahamehana ny 𝗳𝗮𝗻𝗮𝘁𝘀𝗮𝗿𝗮𝗻𝗮 𝗻𝘆 𝗳𝗮𝗺𝗮𝘁𝘀𝗶𝗮𝗻𝗮 𝗿𝗮𝗻𝗼 𝗳𝗶𝘀𝗼𝘁𝗿𝗼 𝗺𝗮𝗱𝗶𝗼 𝘀𝘆 𝗵𝗲𝗿𝗶𝗻𝗮𝗿𝗮𝘁𝗿𝗮, izay anisan’ny fitakian’ny vahoaka nandritra ny tolona ny taona 2025. Efa hita taratra eny anivon’ny tokantrano maro ny vokatr’ireo ezaka natao, indrindra tany amin’ireo fokontany izay tsy nahazo rano nandritra ny taona maro. Fantsona mitentina 4 lavitrisa Ariary no novidiana hanohizana ny fanarenana sy fanitarana ny tambajotran-drano eto Antananarivo sy any amin’ireo faritra mbola mila fanatsarana toa an’i Mahajanga sy Antsiranana.

🏡💡Mahakasika an’i 𝗧𝗼𝗮𝗺𝗮𝘀𝗶𝗻𝗮, nambaran’ny Filohan’ny Fanavaozana fa 𝗲𝗳𝗮 𝘁𝗮𝗳𝗮𝘃𝗲𝗿𝗶𝗻𝗮 𝗮𝗺𝗶𝗻’𝗻𝘆 𝗹𝗮𝗼𝗻𝗶𝗻𝘆 𝗵𝗮𝘁𝗿𝗮𝗻𝘆 𝗮𝗺𝗶𝗻’𝗻𝘆 𝟵𝟴 𝗶𝘀𝗮𝗻-𝗷𝗮𝘁𝗼 𝗻𝘆 𝗳𝗮𝗺𝗮𝘁𝘀𝗶𝗮𝗻𝗮 𝗵𝗲𝗿𝗶𝗻𝗮𝗿𝗮𝘁𝗿𝗮, ary mbola mitohy ny asa fanarenana ny tambajotran-drano sy ireo fotodrafitrasa simba. Notsindriany fa maro ireo firenena sy mpandraharaha vonona hiara-hiasa amin’i Madagasikara amin’ny fanarenana sy fampandrosoana ny firenena.

🌳️🌍Tsy mbola niditra tamin’ny 𝘁𝗿𝗼𝘀𝗮 𝗻𝗮 𝗳𝗶𝗳𝗮𝗻𝗮𝗿𝗮𝗵𝗮𝗻𝗮 𝗺𝗲𝘁𝘆 𝗵𝗮𝗺𝗮𝘁𝗼𝘁𝗿𝗮 𝗻𝘆 𝗳𝗶𝗿𝗲𝗻𝗲𝗻𝗮 ny Fitondrana Fanavaozana fa mametraka fiaraha-miasa amin’ireo mpadraharaha maro entina manao manarina ireo fotodrafitrasa potika. Nohamasiny rahateo fa 𝗺𝗽𝗮𝗱𝗿𝗮𝗵𝗮𝗿𝗮𝗵𝗮 𝗺𝗮𝗺𝗼𝗿𝗼𝗻𝗮 𝗮𝘀𝗮 𝘀𝘆 𝗺𝗮𝗻𝗮𝗷𝗮 𝗻𝘆 𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 𝗮𝗿𝘆 𝗺𝗮𝗻𝗼𝗺𝗲 𝗹𝗮𝗻𝗷𝗮 𝗻𝘆 𝗳𝗮𝗵𝗮𝗶𝘇𝗮-𝗺𝗮𝗻𝗮𝗼 𝘀𝘆 𝗳𝗶𝗮𝗿𝗮𝗵𝗮-𝗺𝗶𝗮𝘀𝗮 𝗲𝗻𝘆 𝗶𝗳𝗼𝘁𝗼𝗻𝘆 no afaka miaraka amin’ny fanjakana ankehitriny.🌳🌿

✅👥️️Nohamafisiny ny maha-zava-dehibe ny 𝗳𝗶𝗵𝗮𝘃𝗮𝗻𝗮𝗻𝗮 𝗺𝗮𝗹𝗮𝗴𝗮𝘀𝘆, 𝗻𝘆 𝗮𝗱𝘆 𝗮𝗺𝗶𝗻’𝗻𝘆 𝗸𝗼𝗹𝗶𝗸𝗼𝗹𝘆 𝗮𝗿𝘆 𝗻𝘆 𝗳𝗮𝗺𝗽𝗮𝗻𝗱𝗿𝗮𝗶𝘀𝗮𝗻𝗮 𝗮𝗻𝗷𝗮𝗿𝗮 𝗻𝘆 𝘁𝗮𝗻𝗼𝗿𝗮, indrindra ireo mpianatry ny oniversite, amin’ny fanarenana sy fampandrosoana ny firenena. Nambarany fa maro ireo fanatsarana natao teny amin’ny anjerimanontolo sy ny fanohanana natokana ho an’ny mpianatra manerana ny Nosy.

✅️👥️Nampahafantatra ihany koa ny Filoham-panjakana fa hanomboka ny 3 jona ho avy izao ny 𝗳𝗶𝗸𝗮𝗼𝗻𝗮𝗻𝗱𝗼𝗵𝗮𝗺-𝗽𝗶𝗿𝗲𝗻𝗲𝗻𝗮, sehatra iray hanangonana ny hevitry ny olom-pirenena mahakasika ny fanavaozana ny firenena. Avy amin’ireo soso-kevitra sy fanapahan-kevitra iarahana mandinika no hanorenana ireo fanovana eo amin’ny rafitra sy andrim-panjakana ary ny fanomanana fifidianana madio sy eken’ny rehetra ao anatin’ny roa taona.

🌿 FARITRA AROVANA MIKEA : TRATRA INDRAY NY FITRANDRAHANA LONGRINE TSY ARA-DALÀNA ROA SOSONA 🚨

🔹 Nandritra ny 19 sy 20 Mey 2026 dia mbola nisy tambajotra mpitrandraka hazo longrine tsy ara-dalàna roa sosona indray sarona tao an-tampon-tanànan’i Milenaka sy tany amin’ny Ampihamy an'ala, ao anatin’ny Faritra Arovana Mikea.
🔸 Longrine miisa 147 no tratra nandritra ireo hetsika natao. Maneho mazava izany fa tsy misy intsony ny fandeferana manoloana ireo asa fanimbana ny harena voajanahary.

🔹 Mihamafy hatrany ny fiaraha-miasa sy ny firaisankinan’ireo mpisehatra amin’ny fiarovana ny tontolo iainana. Porofo izao fa rehefa miray hina ny rehetra dia tsy misy afa-bela ireo mpandringana ala sy mpandroba ny harena voajanahary.
Vokatry ny fiaraha-mientan’ny:
OPJ Forestier avy amin’ny DREDD Atsimo Andrefana,
ny mpitandro filaminana,
Madagascar National Parks (MNP) mpitantana ny Faritra Arovana Mikea,
ary ny Fikambanana FARAFATSI,
no nahafahana nanatanteraka izao hetsika nahomby izao.

⚖️ Taorian’ny fanadihadiana dia efa natolotra ny fitsarana ireo tompon’antoka voasambotra ary napetraka ambany fanaraha-mason’ny fitsarana mandra-piandry ny fotoam-pitsarana azy ireo.
🌱 Tandindomin-doza ny hoavin’ny taranaka raha mbola mitohy izao fanimbana ny ala izao. Reharehan’ny faritra sy ny firenena anefa ny Alan’i Mikea, izay voasokajy ho “Patrimoine Mondial”, ka mendrika harovana sy tandrovina.

🙏 Mankasitraka ireo vahoaka sy mpiara-miombon’antoka rehetra efa resy lahatra sy miara-misalahy amin’ny fiarovana ny zava-boary sy ny tontolo iainana.