EasyLife

just hour

Imilchil is a beautiful town.

Technologie

رسالة للتأمل والصبر

بزاف منا اليوم عندهم شكوك وأسئلة على اللي كيوقع فـ فلسطين، وبالضبط فـ غزة. علاش المسلمين كاملين كيدعيو، ولكن مازال النصر ما بان؟ فين هو الفرج؟ واش الله ما سمع دعائنا؟

هنا خصنا نوقفو شوية ونتفكرو. الله سبحانه وتعالى قال:
﴿خُلِقَ الإنسانُ من عَجَلٍ﴾ – [الأنبياء: 37]
الإنسان بطبعه كيستعجل الأمور، وكننسى بل الله حكيم، وكل حاجة عندو كتجي فوقتها.

من الحكم فهاد الابتلاء أن الله كيبغي يخرج المنافقين من بين المسلمين، باش يقيم عليهم الحجة، ويبان شكون اللي مع الحق فعلاً.
الله تعالى قال:
﴿ما كانَ اللَّهُ ليذرَ المؤمنينَ على ما أنتُم عليهِ حتّى يَميزَ الخبيثَ منَ الطيّبِ﴾ – [آل عمران: 179]

وزيد على هاد الشي، راه هاد الابتلاء كيختبر الصبر ديالنا، واش نقدرو نصبروا؟ واش عندنا اليقين فـ وعد الله؟
قال تعالى:
﴿أم حَسِبْتُم أن تَدْخُلوا الجَنَّةَ وَلَمّا يَعلَمِ اللَّهُ الّذينَ جَاهَدوا مِنكُمْ وَيَعلَمَ الصّابِرينَ﴾ – [آل عمران: 142]

وخّا كلشي صعيب، خاصنا نبقاو صامدين، فالدعاء، فالصبر، فالنصرة، وفالمقاطعة.
مقاطعة الشركات اللي كَتدعّم الكيان الصهيوني راه سلاح ديالنا حتى هو. كل ريال كيوصلهم، كيرجع علينا قنابل فوق رؤوس الأطفال.

واسأل الله أن ينصر المسلمين نصراً عزيزاً، ويشفي صدور قوم مؤمنين.
ومتنساوش: النصر من عند الله، غير صبروا، وثبتوا.

بزاف منا خايفين .

ماتخليش الخوف يسيطر عليك، وماتخليش كلام الناس يكسرك.
إلا ما كتبتش تنجح، راه ماشي نهاية العالم!

ماتهتم بحتى حد، راه الفشل ماشي عيب، وبالعكس، يمكن فيه الخير لي ما عارفوش دابا.
الله عندو خطط أحسن من أي حاجة كنتي كتحلم بها.

دير جهدك، وقول يا ربي وفقني، وخلي الباقي عليه.
النجاح الحقيقي هو أنك تحاول، وتوقف كل مرة كتطيح.

❤️ راه الحياة ماشي سباق، كل واحد عندو التوقيت ديالو.

الله يعاونكم كاملين، وخليو ديما الأمل فالقلب والإيمان بالله .

. السلام عليكم أحبابي، الناس اللي غادي يدوزو الباك
بغيت نقول ليكم من القلب: الله يعاونكم فهذ الأيام، ويقويكم ويعطيكم التركيز والطاقة.
راه طبيعي تحسو بالتوتر والاستريس، هادشي ماشي ضعف، هادي مرحلة حساسة والناس عاطيين للباك قيمة كبيرة،
ولكن تذكرو واحد الحاجة مهمّة:
الخوف من الفشل ماشي عيب، العيب هو نستسلمو ليه.
كونوا واثقين فراسكم، راكم قدها، وكل لحظة تعب دابا غادي تجيب فرحة كبيرة من بعد إن شاء الله.

دعواتي معاكم كاملين ❤️