Sekolo Sa Kereke - Catholic School

U motle, oho Maria 💙💙💙

Mokete oa Kemolo E Senang Sekoli (Mosireletsi oa Kopano) 08 Ts’itoe 2021

Ka la 08 Ts’itoe, Kereke e keteka le ho tlotla Kemolo E Senang Sekoli ea Maria ‘M’a rona.
Batsoali ba rona ba pele (Adama le Eva) ba ile ba khopisa Molimo ka ho etsa sebe. Ka lebaka leo; ngoana emong le emong o hlaha popelong ea ‘M’ae a ena le sebe sa tlhaho hobane re le majalefa a sebe seo sa Adama le Eva, batsoali ba rona ba pele.
Maria Movirigo o ile a fuoa mpho e bokhabane ke Morena Molimo. O ile a emoloa popelong ea Anna ea Halalelang ‘M’ae a hloka sebe sa tlhaho. Mofumahali o ne a tla balehela lefats’e Jesu, mora ea inotsi oa Molimo. E mobe le meea eohle ea hae ene e sa lokeloa ke hoba le taolo le ha ele e nyenyane feela holima Maria. O ne a sena le letheba le lenyane la sebe ‘M’a rona ea khahlehang.
Ke ka hona kereke e re rutang ho re ha re rapela re re; “ U motle, oho Maria, Moeeng le ‘meleng oa hao. Sekoli sa hlaho ha senyo ho uena...” Ke ka hona Molimo a mo apesitseng ka tlotla ena ea ho bitsoa Kemolo e Senang Sekoli.
Ka Selemo sa 1854, Mopapa Puis IX o ile a phatlalatsa le ho tempa ho lefats’e lohle ho re ntle ho khoao ea letho, Mofumahali o emotse a sena sebe. Lilemo tsa 4 kamorao ho moo, Mofumahali a itlhahisa ho Bernadette ea Halalelang, Lourdes. Ha Bernadette a botsa Mofumahali enoa e motle na ke mang. Maria a kopanya matsoho a hae sefubeng, a lelaletsa mahlo a hae leholimong a ntane ho re; “ KE NNA KEMOLO E SENANG SEKOLI.”💙

Hobaneng ka la 8 Ts’itoe?

Ke thuto tsa mahlale a bophelo ba matho (Human Biology🧬). Nako ea kemaro Ke likhoeli tse robong (9). Joale re ea tseba ka la 8 Loetse Kereke e keteka tsoalo ea Maria (Nativity/ Birthday of Mary). Ke h**e ha eba Maria o hlahile ka la 8 Loetse, Kereke e hakanya h**e Maria o emotsoe likhoeli tse robong tse fetileng eleng ka la 8 Ts’itoe. Re qeta ho qala selemo se secha sa Kerekeng ‘me ke moo re keteka Kemolo ea Maria, Ke h**e ka morao ho likhoeli tse robong hantle ho tloha kajeno re tlabe re keteka tsoalo ea Movirigo. Eleng ka la 8 Loetse 2022.

Ha re ketekeng ha monate Bahlanka ba Morena.

B A S E R E L E T S I B A K O P A N O L E R E R A P E L L E

Archbishop Elect of the Archdiocese of Durban.

Kajeno Ntate ea halalelang o thontse Bishop Siegfried Mandla Jwara e le MoArekaBishopo e mocha oa Diocese e kholo ea Durban.

Mats’eliso a ntate ea Halalelang ho Mobishopo oa Mohale’s Hoek ntate Mohlomphei John Joale Tlhomola ka lefu la Mo Cardinal Sebastian Koto Khoarai, Mobishopo oa Mehleng oa Mohale’s Hoek🕯🕊♥️

Khosana ea Kereke e Khatholike♥️🕊🕯 Sebastian Cardinal Koto - Mocardinal oa pele oa Mosotho e bile ele oa bobeli oa Le Oblata lefats’eng.

Moea oa Hae le oa balumeli bohle ba faletseng e phomole ka khotso ka mohau oa Molimo 🕯

Ha ba behoeeeeeeee♥️♥️♥️

Beke e Halalelang

Leeto la Boapostola le khotso La Ntate ea Halalelang naheng ea Iraq🇮🇶

Mopapa Francis o ngotse nalane maobane (Labohlano 05/03/2021) hanyane kamora hora ea 2pm ha a tsorama boema fofane ba Baghdad's International naheng ea Iraq. Ntate ea Halalelang Francis ke mopapa oa pele oa ho hata naheng. Leetong lena la khotso la hae la bo 33 la boapostola ba machaba o khethile ho ea Iraq ele ho tsosolosa meea ea bakriste le ho ba khothaletsa ho aha bocha naha ea bona kamora lintoa le lipolaeo tse sehloho tse bileng naheng eo.

Ka selemo sa 2017 ka Pulungoana khoebo ea likoloi tse majabajaba ea Italy e ile ea phallela Mopapa Francis ka koloi ea Lamborghini Huracán. Ntate Francis o ile a hlohonolofatsa koloi 'me ea isoa fantising (Auction). Ka 2018 koloi eo e ile ea rekisoa $950 000. Karolo ea chelete eena ea thekiso ea koloi eena ntate o ile a phallela Iraq ho re e a he bocha meaho e 'meli e sentsoeng ke Mmuso oa Iraq nakong ea ntoa, meaho eena ke sekolo sa Syrian Catholic Nursery School le Kereke e reretsoeng ho tlotlisa Maria Movirigo. Bobeli meoho ena e qetetsoe selemong sona sena.

Leeto la Semmuso ho Iraq.

Ntle le leeto la thapelo le khotso la Morena Papa moo a tla lula matsatsi a mane Middle Eastern. O kene leetong la Semmuso
maobane haa fihla Iraq moo a kopaneng le President Barham Ahmed Salih Qassim moo ho bitsoang "Presidential Palace" eleng moo President ea Iraq e kopanelang le likhoho tsa linaha tse ling teng ha ba etetse naheng ea Iraq.

Ntate Francis otla khutleng motseng oa Vatican ka Mantaha oa 08/03/2021.

Photos from St. Augustine's Major Seminary, Roma, Lesotho's post

Oho Morena re a u adora, re a u boka....Hobane o lopolotse lefats'e ka Sefapano sa hao.♥️

Diocese of Leribe - Lesotho

Mobishopo oa Leribe A.T Bane o kopanong le baprista ba diocese e boletsoeng kajeno. Taba kholo ke ho seka seka tsela e bolokehileng ea ho buloa hoa likerekeng nakong eena ea seoa sa Covid 19. Tsoalapele ho sheba leqephe Lena ho fumana litlaleho tsa phutheho eena😎

😂

Laboraro La Molora ke Eng?

Ke letsatsi la pako, moo bakriste ba ipolelang libe tsa bona ka ts'oabo le boikokobetso. Sehlabelong se Halalelang sa Missa moprista o tlola balumeli ka molora phatleng ka lets'oa la sefapano ele bopaki ba tumelo ea bona ho Jesu Kriste ea ileng a shoa a ba a tsoha bafung le sesupo sa pako le tlhonamo bakeng sa libe tsa bona. Sena moprista o se etsa a ntse a hoeshetsa mantsoe ana, "Hopola o lerole 'me otla khutlela leroleng" Kapa " Ba ka 'me o lumele Evangeli"
Letsatsi Lena ke la bohlokoa haholo hoba le supa qaleho ea sehla se secha sa selemo sa Kereke e Kh'atholike; Nako ea Karisima. Eleng eona nako ee etellang pele Paseka kapa ho re shoela hoa Morena oa Rona Jesu Kriste sefapanong. (Re tla bua hantle ka Nako eena ea Karisima hamorao bekeng eena).

Laboraro la Molora ka Bebeleng?

Che! Bebele hae re letho ka letsatsi lena. Empa e fana ka mehlala e ngata moo Molora o sebetsang ele sesupiso sa pako. Tastamenteng ea khale Jobo o bakela "leroleng le moloreng" feela joalo le Esther, Samuele, Esaiah le Jeremiah.

Molora oo o tsoa Kae?

Ho chesoa makala a ngohola ka Sontaha sa makala (Palm Sunday) hobane re so be le Sontaha sa makala selemong se holimo. Se na se re ruta h**e makala a selemo se sena atla sebelisoa ho etsa Molora selemong se tlang.
.....................................................

Mafekefeke: Seboka Sa Babishopo ba Lesotho haa joale se ntse se entse kopo taelo ea h**e likereke li koaloe bakriste ba rapelle malapeng ele ho loants'a Covid 19. Maobane ho bile le potso ka emong oa balateli ba lebota lena e qhololitseng thuto eena ea kajeno. Potso ene ele h**e na ke phoso ha mokriste a ka chesa makala a hae a khale 'me a itlola ka molora oo le ba ntlo ea hae ele ho qala Karisima hantle a baketse libe tsa hae?

💜💜💜 Boelanang le Molimo💜💜💜

💜💜💜

'Mopi oa rona ea mosa,
U mamele lithapelo
tse etsuoang ka meokho,
Ka nako ea Karisima!
Re sitoa ho pata nnete,
Reu sitsoe ha ngata,
Empa hare ipolele
Ure boseletsa bohloeki.
💜💜💜💜💜💜

Boelanang le Molimo💜💜💜 Tabolang lipelo tsa Lona eseng liaparo tsa lona.

Radio Maria Lesotho 🇱🇸

Mokete oa Mofumahali oa Lourdes.

Ka selemo sa 1858 Maria Movirigo o ile a itlhahisa ho Bernadette Soubirous pela sebaka se bitsoang Lourdes naheng ea France 🇫🇷 lehaheng le bitsoang “de Massabielle”.
Kajeno ke sehopotso sa boitlhahiso ba hae ba pele ho ngoanana enoa oa mofumanehi eo nakong eo aneng a le lilemo li 14 feela. Ka labone la 11/02/1858 Movirigo o ile a itlhahisa ho Bernadette eo aneng a ilo roalla patsi le ausi oa hae Toinette le motsoalle oa hae ‘me Mofumahali o ne a bonoa ke Bernadette ❤️ Movirigo o tsoetse pele ho itlhahisa ho moroetsana enoa makhetlo a 17 kamorao ho boitlahiso bona ba pele ( ho tloha 11/02/1858 ho isa 16/07/1858). Boitlhahisong ba hae Mofumahali ho Bernadette ka li 25/03/1858 o itse ho eena “Ke nna Kemolo e Senang Sekoli”💙

Scholastica Ea Halalelang (Movirigo) 🤍U re rapelle🕊

Kajeno ke mokete oa sehopotso sa Scholastica ea Halalelang, lefahla la Benedict Ea Halalelang. Scholastica o hlaile lilemong tsa bo 480 ‘me a inehela bosebeletsing ba Morena Molimo a sa le lilemong tse tlase a ntse a bolokile bohloeki. O ile a sala morao ngoanabo hoea Cassino ho hasa evangeli e molemo teng a ba a shoella hona moo ka lilemo tsa bo 547 AD.

Ketekang ha monate bo Scholastica❤️

Mokete o monate oa Tlhahiso ea Morena ka Tempeleng❤️

Lengeloi la Morena la bèela Maria...😍

Tsamaea hantle, oho motsoalle. U boele hae. Re roballe moo le lebitleng. U tle o tsohe, ka la bofelo, mohla kahlolo ea batho bohle.

Oho Maria, Uena ‘M’a rona, Ak’u mothuse. A tsoe kapele mahlokong: A kene thabong Ea leholimo, Moo a tla lula le bakhethuoa.

Rev Fr. Dr. Gabriel Masooana Tlaba OMI.

Morati oa Mofumahali, Sengoli sa libuka tsa Maria, Moitlami kopanong ea MaOblata a Maria ea Senang Sekoli, Morupeli sekolong se Seholo Sa Sechaba (NUL), Morupeli le Mookameli la lefapha la Philosophy ka Sekolong sa Koetliso ea Baprista (St Augustine’s Major Seminary)❤️

Kajeno ho tla ba le sehopotso sa bophelo ba mofu Ntate Gabriel Tlaba ka Hora ea bo 17h00 sealemoeeng sa Mofumahali, Radio Maria Lesotho. Ha hosane (Laboraro la li 27 Pherekhong) a tla phomotsoa borokong ba hae ba ho qetela.

Moea oa hae le ea balumeli bohle ba falletseng e phomole ka khotso ka mohau oa molimo.

Felehetsa morati oa Mofumahali ka sefela kapa thapelo ea Mofumahali seo o se ratang comment sectioneng.

Fr Bernard Ntlale.

Mofu ntate Ntlale ke emong oa baprista ba rona ba bararo ba falletseng bekeng e holimo. 'Me ntate Ntlale otla phomotsoa borokong ba hae ba ho qetela hosane (18/01/2021) ka matjeke. Ha ho bakriste le sechaba le baprista ntle le ba khethuoeng ke Kereke ho ba teng lepatong la hae moo Loretto RCM, Qoaling, Maseru. Ho hona lits'ebeletso tse tlang hoba teng hosane. Lits'ebeletso kaofela li ts'oaroa Radio Maria kajeno ebe hosane haa tloha moshareng o ea linqalong.

Meea ea Baprista ba rona le ea balumeli bohle ba faletseng e phomole ka khotso ka mohau oa Molimo.❤️🕯️

Polelo ea Seboka🇱🇸

Diocese Ea Leribe🇱🇸

TSE IPETSANG PELE - 12/01/2020

Mohlomphei Morena A.T Bane, Mobishopo oa Leribe o entse kopo-taelo ho baprista le bakriste ba diocese ea Leribe ho khaotsa ha nakoana ho etsa li Missa tse tloelehileng moo bakriste ba tlang kerekeng ka Lisontaha ele ho fokotsa ho ata hoa kokoana-hloko ea Covid 19. Re hlokometse kaofela h**e leqhubu Lena la bobeli la seoa sena le amohile batho ba bangata maphelo ka har'a naha eena. Rea Leboha Mobishopo oa rona ha o ntse o re utloela bohloko le ho qenehela maphelo a Rona.

Ha re tsoeleng pele ho rapela malapeng le ho ts'ehetsa Radio ea Mofumahali ( Radio Maria Lesotho ) e re atametsang li Aletareng tsa Morena re le malapeng ka Sehlabelo Sa Missa letsatsi le chabang le le likelang.

Source: Diocese of Leribe - Lesotho

1. Ho baloa Bukeng ea Moprofeta Isaia 42,1-4.6-7

Ke sena seo Morena Molimo a se bolelang: Ke eo mohlanka oa ka, eo ke mo emelang, mokhethoa oa ka, eo ke khahloang ke eena. Ke mo sitsitse ka moea oa ka, h**e a tle a tlisetse lichaba
toka. A ke ke a holehetsa, leha e le ho phahamisa lentsoe, kapa hona ho etsa h**e le utloahale litseleng. A ke ke a poma lehlaka le robehileng, kapa a tima lebone le taitsang. O tla tlisa toka e le ka 'nete. A ke ke a thekesela leha e le ho nyahama pelo, pele a ka hloma toka lefatseng; hobane lihleke-hleke li lebeletse taolotsa hae.
'Na ke le Morena, ke u bilelitse ho lokeng, ka ts'oara letsoho la hao, ka u bopa 'me ka u behela ho ba selekane sa sechaba le leseli
la lichaba, ho tutubolla mahlo a lifofu, ho nts'a ba holehiloeng litlamong le ba lutseng lefifing lichankaneng.

Pesalema 28 14.9-10
MORENA O TLA HLOHONOLOFATSA SECHABA SA HAE KA KHOTSO.
Lona bara ba Molimo, tlotlisang Morena,
le ananele tlotla le matla a hae.
Ananelang tlotla e lokelang lebitso la Morena, R
khumame lang Morena ea tlang a khanya khalalelo.
Lentsoe la Morena le utloahala holim'a metsi,
Morena o phahametse metsi a mangata-ngata.
Lentsoe la Morena le matla, R
lentsoe la Morena lea tlotleha.
Molimo ea tlotlehang o etsa h**e le thoathoarete.
ka tempeleng ea hae bohle ba re: Oa tlotleha
Morena o n'a rene holim'a metsi a rmoroallo
Morena o rena e le khosi ka mehla R.

2, Ho baloa Bukeng ea Liketso tsa Baapostola 10,34-38

Matsatsing ao, Peterosi a qala ho bua, a re: Ka 'nete, kea bona h**e Molimo ha a ee ka ts'obotsi ea motho, empa sechabeng sefe kapa sefe, ea mo ts'abang 'me ea etsang se lokileng oa amoheleha ho eena. Molimo o ile a romela molaetsa oa hae ho bana ba Israele, a ba tlisetsa taba tse monate, tsa khotso, ka Jesu Kriste, eo e leng Morena oa bohle. Le tseba tse etsahetseng naheng eohle ea Judea, tsa Jesu oa Nazaretha, ea ileng a qala mosebetsi oa hae Galilea, ka morao ho hlatsuo e rutiloeng ke Joannes, kamoo Molimo a ileng a mo etsa motlotsuoa kateng, ka

Mokete Oa Hlatsuo ea Morena.❤️

Tseba Mo-Cardinal Koto Sebastian Khoarai (His Eminence,Cardinal Koto Sebastian Khoarai's Fact file).

Hopola hee morati oa leqephe lena h**e Ntate Khoarai ke letsoalloa la koano St Paul's.

His Eminence Sebastian Cardinal Koto O.M.I. otla etela koano habo lapeng ka la 30th April 2017 leketlo la pele kamor'a ho khethoa ele MoCardinal ke Morena Papa,His Holiness Pope Francis I selemong se fetileng.
Ha ka la 21/01/2017 otlabe a hlaisoa sechabeng ele Mo-Cardinal oa pele ka hare ho Naha....hape ele Mo-cardinal oa bobeli oa le-Obolata (OMI) lefats'eng ka bophara le historing ea Kereke e Kh'atholike.