Shasheendra Rajapaksa Media Unit

වාරිමාර්ග හා ජල සම්පාදන රාජ්‍ය අමාත්‍ය ගරු ශෂීන්ද්‍ර රාජපක්ෂ මැතිතුමා අභිනව ධූරයේ වැඩ භාර ගැනීම බත්තරමුල්ල පිහිටි ජල සම්පාදන හා වතු යටිතල පහසුකම් සංවර්ධන අමාත්‍යාංශයේදී 2024.01.31 වන දින සිදු කෙරුණි.

මෙම අවස්ථාවට ජල සම්පාදන හා වතු යටිතල පහසුකම් සංවර්ධන අමාත්‍ය ගරු ජීවන් තොණ්ඩමන් මැතිතුමා, අමාත්‍යාංශයේ ලේකම් ඒ.සී.එම්. නෆිල් මහතා, ජල සම්පාදන මණ්ඩලයේ සභාපති නිශාන්ත රණතුංග මහතා, ජාතික ප්‍රජා ජල සැපයුම් දෙපාර්තමේන්තුවේ අධ්‍යක්ෂක ජෙනරාල් ජයතිලක හේරත් මහතා, ගරු රාජ්‍ය අමාත්‍යතුමාගේ කාර්ය මණ්ඩලයේ නිලධාරීන් හා අමාත්‍යාංශයේ නිලධාරීන් සහභාගි විය.

ලංකා සීනි සමාගමේ, පැල්වත්ත ඒකකයේ උක් වගාවන්ට අවශ්‍ය ජලය උමා ඔය ව්‍යාපෘතිය මගින් ලබා ගැනීමට ඇති හැකියාව පිලිබද සාකච්ජාවක් ඊයෙ (07) දින වාරිමාර්ග රාජ්‍ය අමාත්‍යංශ ශ්‍රවනාගාරයේදී පැවැත්විය.

මෙහිදී, උමා ඔය පහල නිම්නයට ජලය රැගෙන යන වම් ඇළ මාර්ගය ඔස්සේ දැනට වගා කටයුතු සිදු කරන ගොවීන්ට හානියක් සිදු නොවන පරිදි උක් වගාවන්ට අවශ්‍ය ජලය වැව් 02 ක් සදහා ලබා දීමටත්, ලංකා සීනි සමාගම විසින් එහි මුලික සැලසුම් ලබා දීමෙන් පසු ජනවාරි මස මුල් සතියේ සිට අදාල එකඟතාවයන්ට පත් වු ඇළ මාර්ගයන්ගේ වැඩ කටයුතු ආරම්භ කිරීමටත් වාරිමාර්ග දෙපාර්තමේන්තුවත්, ලංකා සීනි සමාගමත් මුලික එකඟතාවයකට පැමිණීම මෙහිදී සිදු විය

මේ අවස්ථාවට, ආයෝජන ප්‍රවර්ධන අමාත්‍යාංශයේ අතිරේක ලේකම් ගාමිණි විජේසිංහ, වාරිමාර්ග අධ්‍යක්ෂක ජනරාල් අජිත් ගුණසේකර, උමා ඔය ව්‍යාපෘතියේ නියෝජ්‍ය අධ්‍යක්ෂක පී.එස්.බී හේරත්, නේවාසික ඉංජිනේරු (හඳපානාගල) අමල් ලියනගේ යන මහත්වරුන්ද, ලංකා සීනි සමාගම වෙනුවෙන්, සභාපති මේජර් ජනරල් සාරඳ සමරකෝන්, ප්‍රධාන විධායක නිලධාරී ගාමිණී රාසපුත්‍ර, පැල්වත්ත ඒකකයේ ප්‍රධාන මෙහෙයුම් නිලධාරී සමන් අලහකෝන් යන මහත්වරුන් ඇතුළු පැල්වත්ත ඒකකයේ නිලධාරීන් පිරිසක් සහභාගී වුනා.

වාරිමාර්ග අමාත්‍යාංශය, හරිත දේශගුණික අරමුදල, IUCN, World Agro Forestry යන ආයතන හා එක්ව, නකල්ස් ජල පෝෂක ප්‍රදේශ වල දේශගුණික විපර්යාසයන්ගේ බලපෑමෙන් අවධානමට ලක්වන සංවේදී පරිසර පද්ධතිය හා ඒ ප්‍රදේශයේ ජීවත් වන ජනතාවගේ ජීවන තත්වය යහපත් කිරීමේ අරමුණින් ආරම්භ කරනු ලැබූ GCF Knuckles ව්‍යාපෘතියේ වැඩ සටහනකට ශෂීන්ද්‍ර රාජපක්ෂ මැතිතුමන් සහභාගී විය.

නකල්ස් ජල පෝෂක ප්‍රදේශ හරහා වැටෙන මාතලේ, මහනුවර, කුරුණෑගල, පුත්තලම හා අනුරාධපුර යන දිස්ත්‍රික්ක වල මිලියන 1.3 කට වැඩි ජනතාවකට මෙමගින් ප්‍රතිලාභ ලබෙන අතර, දීර්ඝ කාලීනව සමස්ථ රටටම මෙමගින් ප්‍රතිලාභ ලබා දීමට සැලසුම් කර ඇත.

මේ අවස්ථාවට, වාරිමාර්ග, පරිසර, මුදල්, වැවිලි කර්මාන්ත, සංචාරක හා ඉඩම්, කෘෂිකර්ම, යන අමාත්‍යංශ වල ලේකම්තුමන්ලා/තුමියන්ලා සහ සියලුම දෙපාර්තමේන්තු වල ප්‍රධානීන්, IUCN - Regional Portfolio Manager Asia and Oceania අන්ෂුමාන් සයිකියා මහතා, Country Representative ආචාර්ය ෂාමෙන් විදානගේ මහතා, ICRAF ප්‍රධාන විද්‍යාඥයින් ඇතුලු පාර්ශවකරුවන් පිරිසක් සහභාගිවිය.

වන ජීවී හා වන සංරක්ෂණ අමාත්‍ය පවිත්‍රා වන්නිආරච්වි මැතිතුමිය, අභිනවයෙන් වාරිමාර්ග අමාත්‍යතුමිය ලෙස වැඩ බාර ගත්තාය.

එතුමියගේ වැඩ කටයුතු සර්වප්‍රකාරයෙන්ම සාර්ථක වේවායි හදවතින්ම සුභ පැතුම් එක් කිරීමට ශෂීන්ද්‍ර රාජපක්ෂ මැතිතුමන් එම අවස්ථාවට සහභාගි විය.

ඓතිහාසික යටගල රාජමහා විහාරය, ඓතිහාසික සිතුල්පව් රාජමහා විහාරය, ඓතිහාසික මගුල් මහා විහාරය, තල්පේ සේලුත්තරාරාමය, යද්දෙහිකන්ද අමරසිංහාරාමය, උණවටුණේ වැල්ලේ දේවාල විහාරය, උණවටුණේ බෝධිරුක්ඛාරාමය, අම්පිටියාගොඩ ගුණරතනාරාමය යන අෂ්ට මහා විහාරාධිපති, දක්ෂිණ ලංකාවේ ප්‍රධාන සංඝ නායක, සද්ධර්ම කීර්ති ශ්‍රී රතනසාර, අග්ගමහාපණ්ඩිත මැටරඹ හේමරතන නාහිමියන්ගේ අභාවය පිළිබඳ අතිශය සංවේගයට පත් වෙමි.

සම්බුද්ධ ශාසනයේ චිරස්ථිතිය උදෙසා සුවිශාල සේවයක් කළ අපවත් වී වදාළ, දක්ෂිණ ලංකාවේ ප්‍රධාන සංඝ නායක, සද්ධර්ම කීර්ති ශ්‍රී රතනසාර, අග්ගමහාපණ්ඩිත මැටරඹ හේමරතන නායක ස්වාමීන් වහන්සේට උතුම් නිර්වාණ සුවය අත්වේවා..!

බහු කාර්‍ය සංවර්ධන කාර්‍ය සහයක තනතුර සඳහා බඳවාගත් තවත් පිරිසකට, වාරිමාර්ග අමාත්‍යංශයේ ස්ථිර පත්වීම් ප්‍රධානය කිරිම වාරිමාර්ග දෙපාර්තමේන්තු ශ්‍රවණාගාරයේදී සිදු කලහ.

මහවැලි, වාරිමාර්ග හා ක්‍රීඩා අමාත්‍ය රොෂාන් රණසිංහ මැතිතුමා, වාරිමාර්ග අමාත්‍යංශ ලේකම් යු.ඩී.සී ජයලාල් මහතා, වාරිමාර්ග දෙපාර්තමේන්තුවේ අධ්‍යක්ෂ ජනරාල් අජිත් ගුණසේකර මහතා, වාරිමාර්ග දෙපාර්තමේන්තුවේ අතිරේක ලේකම්වරුන්, අතිරේක අධ්‍යක්ෂ ජෙනරාල්වරුන් ඇතුළු නිලධාරීන් සහභාගී වුහ.

"මහවැලි උරුමය ඔබේ නිවසටම වැඩසටහන"


පසුගිය කාලසීමාව තුළ මහවැලි ඉඩම් වල අයිතිය තහවුරු නොවීම නිසා මහවැලි ජනපදිකයින්ගේ විශාල අපහසුතාවයන්ට ගැටළු වලටත් මුහුණදී තිබුනි. තවද ඉඩම් අයිතිය ලබා ගැනීමට ජනතාවට විශාල වශයෙන් මුදල් කාලය හා ශ්‍රමය වැය කිරීමට ද සිදුවිය.

සියලු කාරණා සලකා බලා මහවැලි ජනපදිකයින්ගේ ඉඩම් අයිතිය (ඔප්පුව) ඔවුන්ගේ නිවසටම ගොස් ලබාදීමට රජය තීරණය කළහ. මෙමගින් දිවයින පුරා මහවැලි ජනපදිකයින් පහළොස් දාහකට පමණ සෙත සැලසෙනු ඇත.

තවද සාම්ප්‍රදායික අධික මුදල් වියදම් කරනු ලබන උත්සව වෙනුවට අදාළ හිමිකම් ප්‍රතිලාභියාගේ නිවසටම ගෙන ගොස් භාරදීම මේ හරහා සිදු කිරීම තුළින් රටට විශාල මුදලක් ඉතිරි වනවා සේම ජනතාව පත් වූ දැඩි අපහසුතාවයට ද පිළියමක් ලැබෙනු ඇත.

මොරගහකන්ද, මහවැලි බල ප්‍රදේශයේ ඉඩම් හිමියන් සදහා දීමනා පත්‍ර ලබා දීමේ සමාරම්භය අත්තනකඩවල කොට්ඨාශයෙන් පසුගියදා (23) ආරම්භ කලා.

මේ අවස්ථාව, වාරිමාර්ග අමාත්‍ය රොෂාන් රණසිංහ මැතිතුමාගේ ප්‍රධානත්වයෙන් ආරම්භ වුනා. ප්‍රාදේශීය මහජන නියෝජිතයින්, වාරිමාර්ග අමාත්‍යාංශ ලේකම් යූ.ඩී.සී. ජයලාල් මහතා, ශ්‍රී ලංකා මහවැලි අධිකාරියේ වැඩබලන අධ්‍යක්ෂ ජනරාල් සුනිල් පෙරේරා මහතා, මහවැලි අධිකාරියේ නිලධාරී මහත්ම මහත්මීන් හා අදාළ රාජ්‍ය නිලධාරින් සහභාගී වුනා.

විශාල පිරිසකට විවිධ පැතිකඩ තුලින් ප්‍රතිලාභ ලබා දෙන, වාරිමාර්ග අමාත්‍යාංශයේ " #මහවැලි #ජල #සුරක්ෂිතතා #ආයෝජන #වැඩසටහන" මගින් ආසියානු සංවර්ධන බැංකු ණය ආධාර යටතේ ක්‍රියාත්මක, කිලෝමීටර් 28 ක දිගින් යුත් උතුරු මැද පළාත් මහ ඇළෙහි දකුණු උමං ද්වාරයේ කැණීම් කටයුතු දෙවන උමං කැණීම් යන්ත්‍රය මගින් ආරම්භ කිරීමේ උත්සවය පසුගියදා (23) සුභ මොහොතින්, පොළොන්නරුව පළාතේ මින්නේරිය කොට්ඨාශයේ ප්‍රධාන සංඝ නායක ධුරන්දර, අත්තනකඩවල බුද්ධගයා මහා විහාරාධිපති, අතිපූජ්‍ය කළත්තෑවේ පඤ්ඤානන්ද ස්වාමින්වහන්සේ ප්‍රධාන වැඩමවා වදාල ගරුතර මහා සංඝරත්නයේ පිරිත් සජ්ජායනා මධ්‍යයේ ඇලහැර, කෝඳුරුවාව වැඩබිම් පරිශ්‍රයේ දී සිදු කලා.

වාරිමාර්ග අමාත්‍ය රොෂාන් රණසිංහ මැතිතුමා , ප්‍රාදේශීය මහජන නියෝජිතයින්ද, වාරිමාර්ග අමාත්‍යාංශ ලේකම් යූ.ඩී.සී. ජයලාල්, ශ්‍රී ලංකා මහවැලි අධිකාරියේ වැඩබලන අධ්‍යක්ෂ ජනරාල් සුනිල් පෙරේරා, මහවැලි ජල සුරක්ෂිතතා ආයෝජන වැඩසටහනේ ව්‍යාපෘති අධ්‍යක්ෂ නිහාල් රූපසිංහ ඇතුළු වාරිමාර්ග, මහවැලි හා ව්‍යාපෘති කාර්යාල නිලධාරී මහත්ම මහත්මීන්, "China State Construction Engineering Corporation" ආයතනයේ නිලධාරීන්, ඇලහැර ප්‍රාදේශීය ලේකම්තුමා ඇතුලු නිලධාරීන්, ප්‍රදේශයේ ජනතාව විශාල පිරිසක්ද සහභාගී වුනා.