Simple Life

එන්න රස බත් මෙනූ එකක් බලන්න කට්ටියම 😍♥️

අද මෙනූ එකේ තියෙන්නේ,

🌸සුදු බත් (white rice)
🌸අල තෙල් දාලා (Tempered potato curry)
🌸පරිප්පු,නිවිති එක්ක කිරට (Dhal and spinach curry)
🌸වම්බටු කිරට ( Eggplant curry)
🌸පොඩි මාලු බැදලා (Fried fish)

゚viralシfypシ゚

රෑට ඉතිං වෙනසකටත් එක්ක මෙහෙමත් කමු නේද? 😍💚

හැමදාම රෑට පිටි මොනවා හරි කෑමට එකතු කර ගන්න හින්දා මෙහෙමත් කාලා බලන්න හිතුනා..හැබැයි මං ඩයට් කරන්නේ නම් නෑ..හදන්න ලොකු වෙලාවක්නම් යන්නේ නෑ..මෙතන කුකුල් මස් ටික මං කලින් මැරිනේට් කරලා තියලා අවන් එකේ ග්‍රිල් කරලා ගත්තේ..මස් ටික දානකොට ම බඩඉරිගුත් අවන් එකට දාලා ටිකක් කලින් අරගත්තා..

සලාදය නම් හදා ගත්තේ කැරට්,ගෝවා,නිවිති කොලවලට ලුණු,ගම්මිරිස් කුඩු,මයොනීස් ටිකක් කලවම් කරලා..

゚viralシfypシ゚

අද සෙනසුරාදා නිවාඩු දවසේ මෙනූ එකේ තිබුණේ මොනවද බලමුද? 😍♥️

🌸සුදු බත් (white rice)
🌸අලයි හාල්මැස්සෝ කිරට (potato and dry sprats curry)
🌸කැරට් සම්බෝල (carrot salad)
🌸බ්‍රොකලි තම්බලා (boiled broccoli)
🌸මුං ඇට කිරට ( Mung bean curry)

゚viralシfypシ゚

කෑම උයනකොට සින්දුවක් දාගෙන සිතේ සැනසිල්ලේ උයන මං වගේ තවත් අය ඉන්නවද?

ඔය කනට දාන headphone එකක් නම් මං දාන්නේ නෑ හැබැයි.ෆෝන් එක JBL එකට සම්බන්ධ කරලා ආසම සින්දුවක් දාගෙන උයන වැඩේ කරන්න මං හරි ආසයි.හැබැයි දාන සින්දුව මුළු ගෙදරටම ඇහෙන්න දාන්නේ නෑ.එහෙම දැම්මොත් ගෙදර අයගෙනුයි,අල්ලපු ගෙවල්වල අයගෙනුයි කේස්නේ 😁

මං මේ වගේ වෙලාවට අහන්නේ ටිකක් හිත නිමෙන සිංහල සින්දු තමා..මෙහෙ ඉන්නකොට ලංකාවේ ඉන්නවා වගේ නෙවෙයි නිතර සිංහල සින්දු ඇහෙනවත් අඩුයිනේ..පැරණි සිංහල චිත්‍රපටිවල සින්දු,නව පරපුරේ අයගේ කවර් සින්දු වැඩියෙන් අහනවා ඉතිං..

සින්දුවක් අහගෙන උයනකොට හිත වුණත් හරි ම නිදහස් කියලා වෙලාවකට මට හිතෙනවා.මොකද සමහර වෙලාවට අපි වැඩකරන තැන වුණු හිත රිදෙන දේවල් එහෙම නැත්තම් නෑදෑයෙක් යාලුවෙක් අතින් වුනු හිත රිදෙන දේවල් ඔහේ කල්පනා කර කර උයනවානේ..සින්දුවක් ඇහුවාම එක එක දේවල් හිතට එන එක නතර වෙනවා..😊

මං හැබැයි මෙහෙදී ගොඩක් වෙලාවට උදේට උයනවා අඩුයි..ඒ නිසා හවස හරි රෑ හරි උයනකොට තමා මේ විදියට සින්දු අහන්නේ..ඉස්සර ලංකාවේ ඉන්නකොටනම් රේඩියෝ එකේ පිරිත් දාලා පිරිත් අහන ගමන් තමා ඉව්වේ..

✍️ Simple Life

අද මෙනූ එකේ තියෙන්නේ මොනවද බලමු ද?

🌸සම්බෝල තෙල් දාලා (Fried coconut sambol)
🌸සෝයා කිරි ටිකක් දාලා (soya meat curry)
🌸ගෝවා කිරට (cabbage curry)

゚viralシfypシ゚

අද පොල්වතුර ගැන ටිකක් ලියන්න හිතුනා මට 🥥🥛🌴

ලංකාවේ ඉන්න කාලේ අගයක් නැති හැබැයි මෙහේ ආවට පස්සේ බොන්න හිතුනු දෙයක් තමා මේ පොල් වතුර.ඇත්තට ම මෙහෙ අපි මේ පොල් වතුර සල්ලිවලට තමා මිලදී ගන්නේ..මේ පොල් වතුර ලීටරයක් ඕස්ට්‍රේලියන් $2.75 පමණ වෙනවා.ආසන්න වශයෙන් රුපියල් නම් 500ක් වගේ වෙනවා..

ගොඩක්ම මං මේ පොල් වතුර බොන්න උනන්දු වුනේ රස්නේ කාලෙට එහෙම කොකා කෝලා,ෆැන්ටා වගේ පැණි රස බීම බොනවට වඩා ඇත්තටම ඇගට ගුණ නිසා..පොල්වතුරවල තියෙන ඉලෙක්ට්‍රොලයිට්ස් (electrolytes) ඒ කියන්නේ පොටෑසියම්,මැග්නීසියම්,සෝඩියම් වගේ සංඝටක අපේ සිරුර විජලනය වීමෙන් ආරක්ෂා කරනවා.විශේෂයෙන් උණුසුම් කාලගුණයක් තිබෙන අවස්ථාවන්වල වගේම ව්‍යායාම කිරීමෙන් පසු අපගේ සිරුර විජලනය වීමෙන් වලකාලීමට මේ පොල්වතුර උපකාරී වෙනවා.

ඒවගේම පොල්වතුරවල තිබෙන මැග්නීසියම් අපගේ සිරුරේ රුදිර පීඩනය සාමාන්‍ය මට්ටමක පවත්වාගෙන හදවත් රෝග අවදානම අවම කරන බව පර්යේෂණ මගින් සොයා ගෙන තියනවා.

තවත් ඇති හිතකර දෙයක් තමා පොල්වතුර අපේ ආහාර ජීර්ණ ක්‍රියාවලිය පහසු කරන අතර මල බද්ධය වැනි තත්ව අවම කරනවා.මං මුලින් සදහන් කරා වගේ පොල් වතුරවල කැලරි සහ සීනී ප්‍රතිශතය අවම මට්ටමක් තිබෙන නිසා පැණි බීමවලට ආදේශකයක් විදියට පොල්වතුර පාවිච්චි කරන්න පුලුවන්.

මං මෙහේ රෙස්ටුරන්ට්වල එහෙමත් දැකලා තියනවා කෑම කෑවයින් පස්සේ කොකා කෝලා වගේ පැණි බීම බොනවට වඩා මිනිස්සු පොල්වතුර බොනවා.

හැබැයි ඉතිං දවසකට පොල්වතුර කෝප්ප 1ක් හෝ 2ක් තමා බොන්න නිර්දේශ කරන්නේ වැඩි පුරම ඒ කියන්නේ ලීටරයක් වගේ ප්‍රමාණයක් බොන්න එපා කියලා තමා කියන්නේ..මොකද ඉතිං ඕනම දෙයක් ඕනවට වඩා කන්න බොන්න හොඳ ත් නෑනේ 😁

ඉතින් ඔයත් උයනකොට පොල්වතුර ටික විසික් කරන්නේ නැතිව බීලා බලන්න..

✍️ Simple Life

゚viralシfypシ゚

ලස්සන සුබ දවසක් වේවා යාලුවෝ හැමෝටම ♥️🌸💐

අද උදේට මෙහෙම තමයි කන්න හිතුනේ 😍
මේක මං හදා ගත්තේ ඕට්ස් වලට ස්ට්‍රෝබෙරී,කෙසෙල්,මිදි ටිකක් දාලා ග්‍රීක් යෝගට් ටිකකුත් එකතු කරලා අන්තිමට මී පැණි ටිකක් උඩින් දාලා...
හැමදාම මෙහෙම කන්න බැරි වුණත් පුලුවන් වෙලාවට හරි මෙහෙම කන එක හොඳයිනේ ♥️♥️

゚viralシfypシ゚

අද රෑට මේ මෙනූ එකත් එක්ක බත් කමුද? 😍♥️

🌸සුදු බත් (White Rice)
🌸පොල් සම්බෝල (coconut sambol)
🌸කුකුල් මස් මිරිසට (Chicken curry)

අද සම්බෝල එකනම් මලවලා හැදුවේ..හැමදාම දෙහි දාලා කන්නත් බෑනේ..මෙහෙ අපිට ගාපු පොල් ගන්න තියෙන්නේ ගොඩක් වෙලාවට freeze කරපුවා..මං ඒත් සම්බෝල හදන්න ගන්නේ desiccated coconut තමා ගොඩක් වෙලාවට..desiccated coconutවලට උණු වතුර ටිකක් දාපුවාම ගාපු පොල් වගේ සමාන ගතියක් එනවා.මේ සම්බෝලේනම් මං හැදුවේ එහෙම desiccated coconutවලට උණු වතුර ටිකක් දාලා පස්සේ මිරිස් කුඩු,කෑලි මිරිස්,ලුනු කුඩු ටිකක් එකතු කරලා හොදින් අනා ගත්තා.

ඊට පස්සේ පෑන් එකකට තෙල් ටිකක් දාලා රත් වෙන්න තියලා ඒකට අබ ටිකක්,සුදු ළූනු,ළූනු,රම්පේ,කරපිංචා දාලා ටිකක් වෙලා කලවම් කරලා පස්සෙ උම්බලකඩ ටිකකුත් එකතු කර ගත්තා.අන්තිමට අනා ගත්තු පොල් ටික එකතු කර ගත්තා..ඉක්මනින් මේ සම්බෝලේ හදා ගන්න පුලුවන් ඉතිං...

කොහෙ හිටියත් සතියට දෙතුන් සැරයක් හරි මේ වගේ සම්බෝලයක් එක්ක බත් ටිකක් කන එකනම් මං අනිවාර්යයෙන් කරන දෙයක් 😁
゚viralシfypシ゚