Reply එක Ready

බස් ගාස්තු..?

ඩීසල් මිල ඉහළ යාමට සාපේක්ෂව ජාතික බස් ගාස්තු ප්‍රතිපත්තියට අනුව අද (24) සිට ක්‍රියාත්මක වන පරිදි බස් ගාස්තු සියයට 12.19 කින් ඉහළ දැමීමට රජය තීරණය කර තිබේ.

ජාතික ගමනාගමන කොමිෂන් සභාවේ අධ්‍යක්ෂ ජනරාල් ආචාර්ය නිලාන් මිරැන්ඩා මහතා නිවේදනයක් නිකුත් කරමින් සඳහන් කළේ, පසුගිය මාර්තු 22 වන දින ලංකා සුදු ඩීසල් ලීටරයක මිල රුපියල් 303/- සිට රුපියල් 382/- දක්වා රුපියල් 79/- කින් ඉහළ යාම හේතුවෙන් මෙම තීරණය ගත් බවයි.

මෙම නව බස් ගාස්තු සංශෝධනය යටතේ ප්‍රධාන වශයෙන් ක්ෂේත්‍ර කිහිපයක වෙනස්කම් සිදු කර ඇති අතර, ඒ අනුව දැනට පවතින රුපියල් 27/- ක් වූ අවම බස් ගාස්තුව රුපියල් 30/- දක්වා රුපියල් 3/- කින් ඉහළ නංවා ඇත. එමෙන්ම, රුපියල් 2159/- ක්ව පැවති උපරිම (අවසන්) බස් ගාස්තුව රුපියල් 263/- කින් වැඩි වී රුපියල් 2422/- දක්වා සංශෝධනය වී තිබේ.

මෙම ගාස්තු වැඩිවීම සාමාන්‍ය සේවා, අර්ධ සුඛෝපභෝගී, සුඛෝපභෝගී මෙන්ම අධිවේගී මාර්ග සහ සාමාන්‍ය මාර්ගවල ධාවනය වන අධි සුඛෝපභෝගී සේවා ඇතුළු සියලුම පෞද්ගලික සහ ශ්‍රී ලංගම බස් රථ සඳහා එකලෙස බලපැවැත්වෙනු ඇත.

2002 වසරේ අනුමත ජාතික බස් ගාස්තු ප්‍රතිපත්තියට අනුව, වසරේ මුල් මාස 9 තුළ ඩීසල් මිල ඉහළ යාම සමස්ත ගාස්තු සූචිය 4% ඉක්මවා වැඩි වීමට බලපාන්නේ නම් අතුරු ගාස්තු සංශෝධනයක් සිදු කළ යුතුය. 2025 ජූලි මාසයේ සිට සිදුවූ ඩීසල් මිල සංශෝධන සමඟ සමුච්චිත වැඩිවීම රුපියල් 93/- ක් වන අතර, එය බස් ගාස්තු සූචිය 12.19% කින් ඉහළ නැංවීමට හේතු වී ඇත.

නව බස් ගාස්තු චක්‍රය සහ සියලුම අන්තර් පළාත් බස් ගාස්තු පිළිබඳ සවිස්තරාත්මක තොරතුරු ජාතික ගමනාගමන කොමිෂන් සභාවේ නිල වෙබ් අඩවිය වන http://www.ntc.gov.lk ඔස්සේ මහජනතාවට නිරීක්ෂණය කළ හැකිය. නියමිත ගාස්තුවට වඩා වැඩිපුර මුදල් අය කරන බස් රථ හිමියන්ට සහ සේවකයින්ට එරෙහිව දැඩි නීතිමය පියවර ගන්නා බව අවධාරණය කරන අධ්‍යක්ෂ ජනරාල්වරයා, යම් හෙයකින් කිසියම් අයෙකු නියමිත ගාස්තුවට වඩා වැඩි මුදලක් අය කරන්නේ නම් ඒ පිළිබඳව 1955 ක්ෂණික ඇමතුම් අංකය හෝ 071 259 5555 යන WhatsApp අංකය ඔස්සේ පැමිණිලි ඉදිරිපත් කරන ලෙස මහජනතාවගෙන් ඉල්ලා සිටියි.

අදාළ නිවේදනය පහතින්…

ඔබේ පුංචි කැපකිරීම - රටේ මහා ශක්තියයි! 🇱🇰💡

අද අපේ මාතෘභූමිය මුහුණ දී සිටින බලශක්ති අර්බුදය හමුවේ, අප සැමට පැවරී ඇත්තේ සුවිශේෂී වගකීමකි. ඔබ නිවසේදී අනවශ්‍ය ලෙස දැල්වෙන එක විදුලි බුබුළක් නිවා දැමීම හුදෙක් මුදල් ඉතිරි කිරීමක්ම නොවේ.

එම ඉතිරි කරන සෑම විදුලි ඒකකයක්ම:

තවත් දරුවෙකුගේ අධ්‍යාපනයට ආලෝකයක් වෙයි. 📚

රෝහලක ජීවිතයක් රකින යන්ත්‍රයකට පණ දෙයි. 🏥

රටේ කර්මාන්තශාලාවක දැති රෝද කැරකවීමට ශක්තියක් වෙයි. 🏗️

අභියෝගය හමුවේ නොසැලෙන රටක් ගොඩනැගීමට නම්, අපි අද පිරිමැස්මෙන් දිනන හෙටක් වෙනුවෙන් පෙළ ගැසිය යුතුමයි. ඔබත් අදම ඔබේ නිවසින් මේ වෙනස ආරම්භ කරන්න.

🕕6.00 pm සිට 🕙10.00 pm දක්වා.
වැඩි විදුලියක් වැයවන උපකරණ භාවිතය අවම කරමු..!

👉විදුලි ඉස්තිරික්කය (Iron), රෙදි සෝදන යන්ත්‍රය (Washing machine), වෝටර් හීටරය (Water heater) සහ වායු සමීකරණ (A/C) මෙම කාලය තුළ ක්‍රියාත්මක නොකිරීමට වගබලා ගන්න.

👉අනවශ්‍ය ආලෝකය නිවා දැමීම:
ඔබ සිටින කාමරයේ පමණක් ආලෝකය භාවිතා කරන්න. මිදුලේ, ගරාජයේ හෝ නිවසේ අනවශ්‍ය ස්ථානවල දල්වා ඇති අමතර බල්බ මෙම පැය 4 තුළ නිවා දමන්න.

👉පිසීමේ කටයුතු කළමනාකරණය:
හැකි සෑම විටම රාත්‍රී 6 ට පෙර පිසීමේ කටයුතු අවසන් කරන්න. විදුලි උදුන් (Electric cooker) හෝ මයික්‍රෝවේව් උදුන් භාවිතය මෙම කාලය තුළ අවම කර පිරිමැස්මෙන් කටයුතු කරන්න.

👉රූපවාහිනී සහ විනෝදාස්වාද උපකරණ:
මුළු පවුලම එක්ව එකම රූපවාහිනියක් නැරඹීමෙන් අනවශ්‍ය විදුලි වැයවීම් අඩු කරගත හැකියි. භාවිත නොකරන විට පරිගණක සහ ස්පීකර් පද්ධති 'Standby' මට්ටමේ තබන්නේ නැතිව සම්පූර්ණයෙන්ම ක්‍රියා විරහිත කරන්න.

👉ශීතකරණය නිවැරදිව භාවිතය:
රාත්‍රී කාලයේදී ශීතකරණයේ දොර අනවශ්‍ය ලෙස නිතර නිතර විවෘත කිරීමෙන් වළකින්න. එයින් ශීතකරණයේ උෂ්ණත්වය පවත්වා ගැනීමට වැයවන විදුලිය ඉතිරි වේ.

👉ස්මාර්ට් උපකරණ ආරෝපණය (Charging):
ජංගම දුරකථන, ලැප්ටොප් හෝ වෙනත් බැටරි මගින් ක්‍රියා කරන උපකරණ ආරෝපණය කිරීම රාත්‍රී 10 න් පසුව සිදු කිරීමට හුරු වන්න.

#පිරිමැස්ම #බලශක්තිඅර්බුදය

"අභියෝගාත්මක කාලයක, අපි අපේ ජීවන රටාවේ පොඩි වෙනසක් කරලා බලමුද? 🤔 🌿✨

💡 සවස 6 ට කලින් වැඩ ටික ඉවර කරගන්න.
💤 රෑ 9 ට නිදාගන්න පුරුදු වෙන්න.

මේ පොඩි වෙනසෙන් විදුලි බිල විතරක් නෙවෙයි, මනසේ නිදහසත් ලැබෙනවා. අනවශ්‍ය පීඩනයෙන් මිදිලා, සාමකාමීව මේ අභියෝගය ජයගමු. අපේ හික්මීම - රටේ ආරක්ෂාවයි! 🇱🇰💡

🏴‍☠‍It's A Timing Bomb..
මේක ටයිමින් බෝම්බයක්.. 💣

ලෝක වෙළඳපොළේ තෙල් මිල ඉහළ යද්දී අපේ රටේ මිල සංශෝධනය නොකිරීම කෙටිකාලීනව ජනතාවට සහනයක් වෙන්න පුළුවන්.

එත් ඒකෙන් දීර්ඝකාලීනව රටේ ආර්ථිකයට දැඩි බලපෑම් එල්ලවෙන අවස්ථාවක් තියනවා.

1️⃣. රජයේ මූල්‍ය පරතරය ඉහළ යාම.

රජය හෝ තෙල් සංස්ථාව ලෝක වෙළඳපොළෙන් වැඩි මිලට තෙල් මිලදී ගෙන ලංකාවේ අඩු මිලට විකිණීමේදී සිදුවන පාඩුව රජයට දැරීමට සිදු වෙනවා.

මේකේ ප්‍රතිඵලයක් විදියට:
අයවැය පරතරය තවත් වැඩි වෙනවා.
මේ පාඩුව පියවීමට රජයට තවත් ණය ගැනීමට හෝ බදු මුදල් භාවිතා කරන්න සිදු වෙනවා.

2️⃣. විදේශ විනිමය අර්බුදය

වැඩි මිලට තෙල් ආනයනය කිරීම සඳහා වැඩිපුර ඩොලර් ප්‍රමාණයක් රටෙන් බැහැරට ගලා යනවා.. මිල ඉහළ නොදැමීම නිසා පරිභෝජනය අඩු වෙන්නෙත් නැති නිසා, විදේශ විනිමය සංචිත (Foreign Reserves) මත දැඩි පීඩනයක් ඇති වෙනවා.

3️⃣. බැංකු පද්ධතියට වන බලපෑම.

ඛනිජ තෙල් සංස්ථාව සාමාන්‍යයෙන් තෙල් ආනයනය කරන්නේ රාජ්‍ය බැංකු හරහා ලබාගන්නා ණය පහසුකම් වලින්. මිල වැඩි නොකිරීම නිසා සංස්ථාව පාඩු ලබන විට, ඒ ණය ගෙවීමට නොහැකි වීමෙන් බැංකු පද්ධතියේ ස්ථාවරත්වයටද ඒක වක්‍රව බලපාන්න පුළුවන්.

4️⃣. උද්ධමනය පාලනය කිරීමේ උත්සාහය.

තෙල් මිල වැඩි නොකිරීමේ ප්‍රධාන වාසිය වන්නේ උද්ධමනය (Inflation) ක්ෂණිකව ඉහළ යාම වැළැක්වීමයි. තෙල් මිල වැඩි වූ සැනින් ප්‍රවාහන ගාස්තු සහ භාණ්ඩ මිල ඉහළ යන නිසා , රජය දැනට උත්සාහ කරන්නේ ඒ පීඩනයෙන් ජනතාව ආරක්ෂා කරන්න වෙන්න පුළුවන්.

⚠️️මේක තවදුරටත් පවත්වාගෙන ගියොත් ?

ලෝක වෙළඳපොළේ මිල දිගින් දිගටම ඉහළ ගියහොත්, අවසානයේදී රජයට මිල ඉහළ දැමීමට හෝ සැපයුම සීමා කිරීමට සිදුවෙනවා. එසේ නොවුණහොත්, ආර්ථිකය නැවතත් දැඩි අස්ථාවරත්වයකට පත්වීමේ අවදානම නිර්මාණය වෙනවා..

👉කෙටියෙන්ම කීවොත්:
මේක "පමා කරපු ටයිමින් බෝම්බයක්"වගේ වෙන්න පුළුවන්.
අද මිල වැඩි නොකිරීමෙන් ලැබෙන සහනයට වඩා වැඩි මිලක්, අනාගතයේදී ආර්ථික ලොකු අර්බුදයක්විදියට ගෙවීමට සිදුවෙනවා..

📢අපේ යෝජනාව
ඒ බෝම්බයට අපි මැරෙන්න ඕන නැ…

ඉන්ධන පිරවුම් හළකදී ආමත්‍ය නලින්ද ජයතිස්සගේ රථ වාහන පෙළකට ප්‍රහාරයක් එල්ල වූ බවට පළ වන සටහනක් සමාජ මාධ්‍ය ඔස්සේ බහුලව සංසරණය වුණා. එහි නිර්වද්‍යතාව සොයා අප සිදු කළ විමර්ශනයක් මේ.

සමාජ මාධ්‍ය සටහන් (Social Media Posts) :

රාජගිරිය ගුවන් පාලම අසල ඇති ඉන්ධන පිරවුම්හළේ දී ඊයේ(18) දින අමාත්‍ය නලින්ද ජයතිස්සගේ ආරක්ෂක රථ පෙළකට ගල් ප්‍රහාරයක් එල්ල වූ බවට සමාජ මාධ්‍ය සටහන් හුවමාරු වුණා.

මෙම සටහන් වල නිර්වද්‍යතාව පරීක්ෂා කිරීමට අප පියවර ගනු ලැබුවා.

Fact Check (කරුණු විමර්ශනය කිරීම) :

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා‌ගේ රථ පෙළකට හෝ ආරක්ෂක රථ පෙළකට ගල් ප්‍රහාරයක් එල්ල වූයේ නම් එවැනි තොරතුරක් පිළිබඳ රටේ ප්‍රධාන මාධ්‍ය ධාරා වාර්තා කළ යුතුව තිබුණ ත්, කිසිදු ප්‍රධාන මාධ්‍ය ධාරාවකින් එවැනි පුවතක් වාර්තා කර නොමැති බව අප කළ මූලික පරීක්ෂාවේදී දැක ගන්නට ලැබුණි.

එමෙන් ම සමාජ මාධ්‍ය සටහන්වල පමණක් දැක්වෙන ලෙස වාහන ගල් ප්‍රහාරයට ලක් වන අවස්ථාවක හෝ ඉන්පසු හානි වූ වාහන පෙන්වන හෝ කෝළහාලයක අවස්ථාවන් දැක්වෙන එකදු ඡායාරූපයක් හෝ වීඩියෝවක් සමාජ මාධ්‍ය ඔස්සේ පළ වී නොතිබීම ද, පුදුමයට කරුණකි.

එසේම ඉහත ඇතැම් සටහන්හි වීඩියෝ දර්ශන ඇති බවක් සඳහන් කර තිබුණ ද මේ දක්වා එවැනි කිසිඳු සාක්ෂියක් හෝ ඉදිරිපත් කර හෝ තිබුනේ නැත.

රාජගිරිය පොලීසිය

කෙසේ වෙතත් මෙවැනි කෝළහාල අවස්ථාවක් උද්ගතවී තිබුණි නම්, ඒ පිළිබඳ පොලිසියට වාර්තා විය යුතු බැවින් හා වාහන වලට හානි කිරීම මත හෝ පොලීසිය විසින් පුද්ගලයින් අත්අඩංගුවට ගැනීමක් හෝ තිබෙනවාද යන්න තහවුරු කර ගැනීම සඳහා අප රාජගිරිය පොලිස් ස්ථානයෙන් , විමසීමක් කරනු ලැබුවා.

වැලිකඩ පොලිස් ස්ථානයේ පොලිස් නිලධාරියෙකු සඳහන් කළේ, රාජගිරිය ඉන්ධන හල අසල එවැනි ගල් ප්‍රහාරයක් රථ පෙළකට එල්ල කළ බවට සිදුවීමක් වාර්තා නොවූ බවයි. එසේම අදාළ ඉන්ධන හලේ පොලිස් නිලධාරීන් දෙදෙනෙකු ද, ආරක්ෂාවට යොදවා ඇති අතර එවැනි සිදුවීමක් ඔවුන් ද වාර්තා නොකළ බවට තහවුරු කළා.

රාජගිරිය ඉන්ධන පිරවුම්හල

අප මේ පිළිබඳව තවදුරටත් තොරතුරු තහවුරු කර ගැනීම සඳහා රාජගිරිය K D U S Perera සිපෙට්කෝ ඉන්ධන පිරවුම්හලේ අයිතිකරුව ද, දුරකතන මාර්ගයෙන් සම්බන්ධ කරගත් අතර ඔහු සඳහන් කළේ ද, ඊයේ (18) දින ඉන්ධන පිරවුම් හළ තුළ පරිශ්‍රයේ කිසිදු ගැටුමක් උද්ගත නොවූ බවයි. ඉන්ධන හළින් පිටත අමාත්‍ය නලින්ද ජයතිස්ස මහතාගේ වාහනයට ගල් ප්‍රහාරයක් එල්ලවූවාද යන්න පිළිබඳ තමන් නිසි ආකාරයෙන් දැනුවත් නොමැති බව ත් සඳහන් කරනු ලැබුවා.

රාජගිරිය ඉන්ධන පිරවුම් අසල කඩ සාප්පු

රාජගිරිය ඉන්ධන පිරවුම් අසල කඩ සාප්පු කිහිපයකින් ද, අප මෙම ඉන්ධන පිරවුම්හළ අසල ඊයේ දින ගැටුමක් ඇති වූයේ ද, යන්න හා ගල් ප්‍රහාර එල්ල කළ බවට දැක තිබුණේ ද, යන්න පිළිබඳව විමසනු ලැබුවා. ඔවුන් සඳහන් කළේ, එවැනි ගැටුමක් පිළිබඳ දැක නොමැති බව ත්, එවැනි ආරංචියක් ද, දැන ගැනීමට නොලැබුණු බවයි.

අමාත්‍ය නලින්ද ජයතිස්ස

අමාත්‍ය නලින්ද ජයතිස්ස මහතාගෙන් ද, අප සමාජ මාධ්‍ය ඔස්සේ සංසරණයවන සටහන් පිළිබඳ විමසීමක් කළ අතර, අමාත්‍යවරයා පැවසූවේ, මෙම සටහන් අසත්‍ය බව ත්, තමන් ගමන් කරන්නේ තනි වාහනටක බව ත්, ආරක්ෂක රථ පෙළවල් රැගෙන යාම සිදු නොකරන බවයි.

මෙවැනි අසත්‍ය තොරතුරු මුදා හරින පාර්ශවයන් සම්බන්ධ තමන් දැනුවත් අතර අසත්‍ය තොරතුරු සමාජගත කරන එම කණ්ඩායම පිළිබඳ අපරාධ විමර්ශන කොට්ඨාශයට පැමිණිලි කර ඇති බවයි.

Conclusion (අවසාන නිගමනය) :

අපගේ විමර්ශනයෙන් පෙන්වා දෙන්නේ, අමාත්‍ය නලින්ද ජයතිස්ස මහතා රැගත් රථපෙළකට රාජගිරියේ ගුවන් පාලම අසල ඇති ඉන්ධන පිරවුම්හලේ දී ඊයේ (18)ගල් ප්‍රහාරයකට ලක් වූ බවට පළ වන සමාජ මාධ්‍ය සටහන් අසත්‍ය බවයි. එවැනි ප්‍රහාරයක් එල්ලවූ බවට කිසිදු සාක්ෂියක් නොමැති අතර රාජගිරිය පොලීසිය ද, තහවුරු කරන්නේ, එවැනි ගැටුමක් ඇති වූ බවට කිසිදු වාර්තා වීමක් නොමැති බවයි.

https://srilanka.factcrescendo.com/tag/nalinda-jayatissa/

"ගෝලීය ගින්නෙන් මව්බිම සුරකින ආණ්ඩුවේ පිළිවෙත"

🛡️ ලෝකයම නොසන්සුන් වෙද්දී, අපේ මව්බිම සුරක්ෂිත කළ
"සැබෑ ආර්ථික සහ දේශපාලන ස්ථාවරත්වය" මෙන්න!

මැදපෙරදිග ඇවිලෙන යුද ගින්න හමුවේ රජය ගෙන ඇති ක්‍රියාමාර්ග සහ රටේ ආර්ථික සුරක්ෂිතතාවය පිළිබඳව ජනාධිපතිවරයා පාර්ලිමේන්තුවේදී කළ විශේෂ අනාවරණය ඔබ දැනගත යුතුමයි. 🇱🇰

1. මව්බිමේ ගෞරවය සහ මධ්‍යස්ථභාවය:
කුමන ජාත්‍යන්තර පීඩනයක් ආවත් අපේ ස්ථාවරය "මධ්‍යස්ථභාවයයි". පසුගිය මාර්තු මාසයේදී ඉරාන යුද නාවික යාත්‍රා 3කට සහ ඇමරිකානු ප්‍රහාරක ගුවන් යානා 2කට මෙරටට පැමිණීමට අවසර ඉල්ලූ නමුත්, යුදමය සංඥා පවතින බැවින් දෙපාර්ශවයටම අවසර ලබා නොදීමට NPP රජය සෘජු තීරණයක් ගත්තා. ⚓✈️

2. 2025: ඓතිහාසික ආර්ථික ජයග්‍රහණ (දත්ත සහිතව):
විපක්ෂය මොනවා කීවත්, සංඛ්‍යා ලේඛන බොරු කියන්නේ නැත.
✅ අයවැය හිඟය: 2.4% දක්වා පහළට!
✅ ඩොලර් සංචිත: ඩොලර් බිලියන 1.8 ක ධන අතිරික්තයක්!
✅ ආදායම: සමස්ත ආදායම 117.2% කින් ඉහළට!
✅ උද්ධමනය සහ බැංකු පොලී අනුපාත මාස 17ක් පුරා තනි ඉලක්කමක ස්ථාවරව!

3. බලශක්ති සහ ආහාර සුරක්ෂිතතාව:
✅ ගෑස්: පැවති "සැපයුම්කරුවන්ගේ කාටල" බිඳ දැමීම නිසා අඛණ්ඩ සැපයුමක් සහතිකයි. මාර්තු මාසයට අවශ්‍ය මෙට්‍රික් ටොන් 38,000ම දැනටමත් සපයා අවසන්.
✅ ඖෂධ: සෞඛ්‍ය සේවය සඳහා සති 6කට අවශ්‍ය ඖෂධ සහ උපකරණ "ආරක්ෂිත තොග" ලෙස ගබඩා කර ඇත.
✅ ඉන්ධන: ඩීසල්, පෙට්‍රල් සහ ගුවන් යානා ඉන්ධන තොග සහතික කර තිබේ.

අපේ වගකීම:
ලෝකයම අර්බුදයක ඉන්න වෙලාවේ ජනතාව බිය ගන්වන, ගින්නට පිදුරු දාන පටු දේශපාලනයට හසු නොවන්න. මේ අභියෝගය ජය ගැනීමට රජය උපරිමයෙන් ක්‍රියා කරනවා. අපි පුරවැසියන් ලෙස වගකීමෙන් සහ අරපිරිමැස්මෙන් කටයුතු කරමු.

හනුමන් නොවෙමු ! ගිනි නොතියමු ! 🐒

රටට ආදරේ නම් මේ වෙලාවේ කළ යුත්තේ කුමක්ද?"

ලෝකයම අර්බුදයක ඉන්න වෙලාවේ ජනතාව බිය ගන්වන එකද? නැත්නම් රට සාමකාමීව තබා ගැනීමට සහය දෙන එකද? තීරණය ඔබ සතුයි. කුහක දේශපාලනය පරාජය කරමු!

🧮 රෙදි ගැලවෙන ගණන් මිම්මක්!

එයාර් බස් ගනුදෙනුවෙන් ලැබුණු අල්ලස් මුදලෙන් රුපියල් මිලියන 60ක් කාල්ටන් නිවසේදී ලබා දුන් බව හිටපු ශ්‍රීලංකන් CEO කපිල චන්ද්‍රසේන අද (19) අධිකරණයේදී හෙළි කළා.

එක් වතාවකට මිලියන 20 බැගින් වාර 3කදී මේ ගනුදෙනුව වෙලා තියෙනවා නම්, තව කොච්චර මේ වගේ ඒවා තියෙන්න ඇත්ද?
ගණිතය දන්නා අය නිවැරදි පිළිතුර සහ ඔබේ අදහස Comment කරන්න. 🧐👇