Hugzy Thoughts

ජීවිතේ එක පුංචි තීරණයක්වත් කෙනෙක්ගේ මුළු ජීවිතයම වෙනස් කරන්න පුළුවන් කියලා මට තේරුම් කරලා දුන්න film එකක් තමයි Swapped 💭✨
අපිට හුරු comfort zone එකෙන් ටිකක් එළියට ඇවිත්, අලුත් අත්දැකීම් වලට හිත විවෘත කළොත්… ඒකෙන් අපි වැඩෙන්නත්, අනිත් අයව තේරුම් ගන්නත් ඉගෙන ගන්නවා.

මේ movie එක ඇත්තටම කියලා දෙන්නෙ,
“අනිත් කෙනාව තේරුම් ගන්න නම්… ඔවුන්ගේ ඇස් වලින් ජීවිතේ බලන්න ඕනේ” කියලා. 🖤🍃

මිනිස්සු කියවන්න පුළුවන් වුනාම
එක වේලාවකට එක
කරැමක් ඇත්තමයි...
අවසානයේදි හැමදෙකින්ම තනිවිම...
නිවැරදි කියා සිතෙවි...
අපි ලගට එන මිනිස්සු ...
⁣යාලුවෝ ආදරය කරන අයගේ...
ඇත්ත ස්වරූපය ඉවෙන් හරි දැනෙන්න...
කාලෙත් එක්ක තැලි පොඩි වේලා අත්දැකීම් දෙනවා...දෙවියෝ..
ඉතිං මිනිස්සු කියවන්න ඉගෙන ගත්තා...
තමන්ගේ circle එක පුංචි වෙන එක අරැමයක් නෙවේ...

ලක්නා ජයසුන්දර 🧿❤️

🌿 කිලෝමීටර් 3,700ක් ඇවිද ගිය ආලෝකා… 🌿

ඔබේ වේලාවත් ඕනෑම මොහොතක උදාවිය හැකිය…
වීථී පුරා ඇවිද යන සුනඛයින් අපට අරුමයක් නොවේ.
ඔවුන් බොහෝවිට ඇවිද යන්නේ කුස පුරවාගැනීමේ බලාපොරොත්තුවෙන්.
නමුත් ඒ අතර, ආදරය ලබන සුළු මොහොතක්වත් ඔවුන්ගේ ජීවිත වෙනස් කරයි.

බටහිර බෝංගාලයේ කොල්කතා වීථී වල ජීවත් වූ මේ සුදු–දුඹුරු පැහැති සුනඛයාද
කුඩා කල සිට බොහෝ අභියෝගවලට මුහුණ දී ඇත.

නමුත් 2022 දෙසැම්බරයේදී ඔහුගේ ජීවිතය වෙනස් විය…
ඉන්දියාව පුරා පාද චාරිකාවේ යෙදුණු වියට්නාම–ඇමෙරිකානු හික්ෂූන් වහන්සේ පිරිසක් සමඟ
ඔහු අහඹු ලෙස එක්වෙයි. 🕊️

ආහාර හිඟ, රිය අනතුරු, අසනීප — කිසිවක් ඔහු නවතා දමා නැත.
ඔහු ගමන අත්හැරියේ නැත.
අවසානයේ, ඒ හික්ෂූන් වහන්සේ පිරිස ඔහුට නව ජීවිතයක් දුන්නා.
ඔහුට නව නමක් ලැබුණා — “ආලෝකා” ✨
(ආලෝකය, දීප්තිය, බලාපොරොත්තුව)

ඉන්පසු ඔහු ඇමෙරිකාවට ගොස්
“Walk for Peace” සාම පාද චාරිකාවේ කොටසක් විය.

කිලෝමීටර් 3,700ක් පුරා ලෝකයටම පෙන්වූයේ එකම පණිවිඩයක්—
💛 ආදරය ජීවිත වෙනස් කරයි
💛 අත් නොහරින්න — ඔබේ වේලාව එනවා
💛 සෑම ජීවිතයකටම අරුතක් තියෙනවා

දැන් ආලෝකා නැවතත් ශ්‍රී ලංකාවේ “Walk for Peace” චාරිකාවට එක්වීමට සූදානම්. 🇱🇰

✨ ඔහුගේ කතාව අපට කියන්නේ එක දෙයක්මයි —
“බලාපොරොත්තුව කිසිදා නැවතිලා යන්නේ නැහැ.”

✍️ Bloom & Heal LK

ඔව් මම එහෙම කෙල්ලෙක්!
අම්මා තාත්තා එක්ක ඉද්දි හුරතල් වෙවී ඉන්න දන්නවා වගේම තනියම ඕන තැනක ගිහින් වැඩක් කරගන්න පුලුවන් කෙල්ලෙක්.
අම්මා තාත්තා එක්ක ඉද්දි එයාලා හැමදේම කරනකන් බලන් ඉන්න වගේම තනියම වැඩ සීයක් උනත් කරගන්න පුලුවන් කෙල්ලෙක්.
අම්මා තාත්තා එක්ක පාරක තොටක යද්දි එයාලා පිටිපස්සේ හැන්ගෙන්න වගේම තනියම යද්දි මාවත් රැකගෙන පවුලේ නමත් රැකගෙන එන්න පුලුවන් කෙල්ලෙක්.
වගකීම් ඇගට ගන්නෙ නැතුව ඉන්න වගේම වගකීම් ඔක්කොම ඔළුව උඩ දාගෙන කරන්න පුලුවන් කෙල්ලෙක්.
මිනිස්සුන්ගෙන් කොච්වර බාදක,හැල හැප්පීම්,වේදනාවන්,හිත් රිදීම් ආවත් හයියට අල්ලන් ශක්තිමත්ව ඉන්න පුලුවන් කෙල්ලෙක්.
බදාමයක් කොන්ක්‍රීට් එකක් අනන එකේ ඉදලා පිරිමි අය කරන්න ඕන කියන වැඩත් තනියම ගේමක් නැතුව කොහොම හරි කරගන්න පුලුවන් කෙල්ලෙක්.
ඉගනගෙන ඔෆිස් එකක් ඇතුලේ ලක්ෂ ගනන් පඩි ගන්න ජොබ් එකක් කරලා ජීවත් වෙන්න වගේම පාරක හිගා කාලා හරි ජීවත් වෙන්න දන්න කෙල්ලෙක්.
සරලවම, සල්ලිකාරම මිනිහගේ ජීවිතේ වගේම දුප්පත්ම මිනිහගේ ජීවිතේ ඇතුලෙත් ජීවත් වෙන්න දන්න කෙල්ලෙක්.
ඔව්,මම ඔය ඕන දේකට ඔට්ටු කෙල්ලෙක්.!

දැන් ඔයා අවුරුද්දට නෑදෑයො ,යාළුවො එහෙම බලන්න යනකොට

📍සමහරු ,
ලස්සනට ගෙවල් හදල ඇති ,
එක්කො තිබ්බ ගෙදරට අළුතෙන් කෑල්ලක් එකතු කරලා ඇති ,
ඒ ගෙවල්වල දරුවො විභාග පාස් වෙලා ඇති ,
හොඳ රස්සාවල් ලැබිල ඇති ,ලස්සන වෙලා ඇති ,
හිටියට වඩා දියුණු වෙලා ඇති ..

ඒවා නොදැක්කා නොදැනුනා වගේ හිතෙන් පුපුර පුපුර ඉන්නැතුව කට පුරා ඒ දේවල් අගය කරන්න !
ඒ දියුණුව සාර්ථකත්වය ගැන සතුටෙන් කථා කරන්න !
ඒ ගැන එයාල එක්ක එකතු වෙලා සතුටු වෙන්න ..

ඔයාල නොදන්නවා උනාට ඒ දේවල් වෙනුවෙන් ඒ මිනිස්සු නොසෑහෙන්න මහන්සි වෙලා ඇති ,ලෝන් දාල ඇති ,
කැප කිරීම් කරලා ඇති .
ඔයාලගේ ආදරණීය අගය කිරීම් ඒ හිත් වලට තව දුර යන්න හයියක් වෙනවම තමයි ..🙏

📍තවත් සමහරු ,
තිබ්බ වාහනේ විකුණලා ඇති ,
සෑහෙන කාලෙකින් ගෙදර තීන්ත ගාලා නැතුව ඇති ,
රස්සාව නැති වෙලා ඇති , දරුවෝ විභාග ෆේල් වෙලා ඇති ,
කසාද බැඳපු නැති දරුවෝ ඇති ,
බැඳපු අයට තාම දරුවො නැතුව ඇති ,
මුරණ්ඩු වෙච්ච දරුවෝ ඇති , හිටියට වැඩිය කළු වෙලා ,කෙට්‌ටු වෙලා ,මහත් වෙලා ඇති ,
ලෙඩ හැදිලා ඇති ,
ගිය සැරේ එද්දී ගෙදරට ආව ගිය බෑණා දැන් එන්නැතුව ඇති ,

අන්න ඒවගේ දේවල් ඔයාලා අදාළ කරගන්න මහන්සි වෙන්න එපා !

ඒ ප්‍රශ්න එයාල විසඳ ගනියි ,
දැක්කත් නොදැක්කා වගේ ඉන්නව මිසක් ඒවා ගැන අහන හොයන එක ඔයාට අයිති වැඩක් නෙමෙයි 🙏

ඔයාල නොදන්න, ඔයාලට නොතේරෙන ගොඩක් දේවල් ඒ ජීවිත කථා අස්සෙ ඇති .
එයාල පහු කරපු අමාරු කාළය ගැන සමහරවිට ඔයා නොදන්නවා ඇති ,
එක්කෝ ඒ ගැන ඔයා එක්ක කථා කරන්න එයා කැමැති නැතුව ඇති .
එහෙම එකේ අවුරුද්දකට සැරයක් ගිහින් ඒ හිත් රිද්දල එන්න ඔයාට කොහෙ තියන අයිතියක් ද ?

හැමෝගෙම ජීවිත එක වගේ ගලායන්නෙ නැහැ ,

ලෝකෙට පේන්න හිනාවෙලා හිටියට මිනිස්සු හැමෝටම එක එක මට්ටම්වලින් ජීවිතේ හරි මහන්සියි .
ඒ අස්සේ එක එක්කෙනාගෙ රිදෙන වචනත් ඇහුණාම ඔයාට නොපෙන්නුවට ඒ ජීවිත තිබ්බ තැනිනුත් පහලට වැටෙනවා .
මනෝ උපදේශනය කරන කෙනෙක් විදිහට මිනිස්සුන්ගේ වචන වලින් ජීවිත වලට වන ඍනාත්මක බලපෑම සුළු පටු නැහැ කියන එක මට වගකීමෙන් කියන්න පුලුවන් .

කොහොමහරි ගේමක් ගහල ජීවිතේ ගැටගහන්න හදන මිනිස්සුන්ට වචනෙන් හයිය දෙන මිනිහෙක් වෙන්න පුලුවන්නම් විතරක් අවුරුදු කන්න ගෙවල් වලට යන්න ,
එහෙම බෑ වගේනම් ඒ හිත් කන්නෙ නැතුව ගෙදරට වෙලාම ඉන්න .

ලොකු ලොකු තෑගී වලට වඩා මේ වෙලාවේ මිනිස්සුන්ට ඕනෙ මැජික් වචන ,
අන්න ඒ නිසා ,මොනවා ගෙනිච්චෙ නැතත් මේ අවුරුද්දෙ , ආදරය පිරුණු මනුස්සකම අරගෙන යන්න 💜💜

Credit goes to Anisha Jayakody

හිතේ තියෙන පැතුම් ඉටු වෙන...
ලස්සන හීන පාට කරන්න වෙර දරන අයට...
කරට කර ජිවිතයත් එක්ක තරඟ කරන හැමෝටම..
වෙහෙස මහන්සියෙන් වැඩ කරන සැමටම....

අම්මා තාත්තා පවුලේ හැමෝටම කිරියෙන් පැණියෙන් ඉතිරේන...
නිදුක් නිරෝගී දිඝායු ලබන...

ආදරය හොයා යන අයට තමන්ගේ හිමි කාරයා හිමි කාරිය හමුවෙන..

රැකියා හොයන අයට රැකියා හමුවෙන්න කියා...
තනියම ගොඩනැගෙන...
තමන්ගේ ව්‍යාපාරය කරන සියල්ලන්ටම සාර්ථක වෙන්න කියා...

ලෙඩක් දුකක් තියන හැමෝටම..
ඉක්මනින්ම සුව වේවා කියා...

මගේ රටේ සතා සිව්පා..ස්වභාවධර්මය ආරක්ෂා වෙන්න කියා..

මගේ රටේ සිටින සියලුම ජාති ආගම් කුල බේද නොතබා..
කිරියෙන් පැණියෙන් ඉතිරේන...

තුන් වේල හොදින් කන්න..
වෙහෙස මහන්සියෙන් හම්බ කරන මුදල පවා වැඩිවේවා...

කෙත් වතු සරැසාර වෙන...

පුංච් පැංචියෝන් ගේ හිත් වලට සතුට ගෙන...

ලස්සනම ලස්සන සුබ අලුත් අවුරුද්දක් වේවා...
කියා ප්‍රාර්ථනා කරමි...

ඔබ සැමට සුභ අලුත් අවුරුද්දක් වේවා ! 🙏 😍 ❤️ 🍃
Happy Sinhala & Tamil New Year to you all !
உங்கள் அனைவருக்கும் புத்தாண்டு வாழ்த்துக்கள்!
Oba Samata Suba Aluth Awuruddak wewa!

ආදරණීය ඔබට සහ ඔබගේ පවුලේ සියලුම දෙනාට,
සුභම සුභ නව වසරක් වේවා!🙏❤️🥰

Lakna Jayasundara

කාලය යනු මිනිස්සු ගේ ස්වභාව කියාදෙන පාඩමයි...🧿

අප්පච්චි නැති වෙනකොට මට අවුරුදු 5 යි. මට යාන්තමට අප්පච්චිව මතකයි. අපි එතකොට හිටියේ පූගෝඩ අප්පච්චිගේ මහගෙදර. අප්පච්චි නැති වෙලා මාස කීපයකින් අපිට ඒ ගෙදරින් යන්න වුනා. බාප්පා එහෙමත් නැත්තම් අප්පච්චිගේ මල්ලී මට මතකයි මහ වැස්ස තිබුන දවසක අම්මයි මාවයි ගෙදරින් එළවලා දැම්මා...තොගේ මූසලකමට තමා අරුත් මැරුණේ කියලා ඒදා බාප්පා අම්මගේ මුණට කෙළ ගැහුවා. අම්මා මහ වැස්සේ මාවත් අරගෙන කිරිදිවෙල අම්මගේ අක්කගේ ගෙදරට ආවා. ඒ ගෙදර පොඩි ගෙදරක්. ඒක කාමරයක් විතරයි තිබුනේ. ඒත් අම්මගේ අක්කයි, ඒයාගේ මහත්තයි අපිට එහෙ ඉන්න දුන්නා. ලොකු අප්පච්චි ඉඩම් කච්චේරියේ කාර්‍යාල කාර්ය සහකයෙක්. අම්මා කුලී වැඩට යන්න පටන් ගත්තා. ලොකු අම්මා මාව අම්මා එනතුරු බලා ගත්තා. ලොකු අප්පච්චි ඒයාගේ යාළුවෙකුට කියලා මාව කිරිදිවෙල ගමේ පාසලට දැම්මා. මම පහ වසර ශිෂ්‍යත්වය සමත් වුනා. මට මතකයි ඒදා මගේ අම්මගේ මුණේ තිබුන හිනාව. අම්මා වාගේම ලොකු අම්මයි ලොකු අප්පච්චියි පුදුම විදියට සතුටු වුනා. අම්මා කියුවේ උඹට පුළුවන් නම් ලොකු අප්පච්චි වගේ ආණ්ඩුවේ කාර්‍යාලයක රස්සාවක් කරන්න...ඒ තරම් ඉගෙන ගනින් මයේ පුතේ කියලා. ..ශිෂ්‍යත්වයෙන් පස්සේ කොළඹ ලොකුම ඉස්කොලේට මාව දාන්න ලොකු අප්පච්චි තීරණය කරා. ඒයා අම්මට කියුවා උඹ බය වෙන්න එපා ..මම කොල්ලව බලා ගන්නම් කියලා. මට තාම මතකයි ඒ විද්‍යාලයට ආපු පළවෙනි දවස. බොනික්කෝ වගේ ලස්සනම ලස්සන ළමයි. සුදු කොක්කු වගේ. හරි ලස්සනට ඇදුම් ඇදලා කොණ්ඩේ පීරලා හුගාක් ළමයි ඉස්කොලේ ආවේ. මම බලපු ටෙලියක හිටපු බේබීලා වගේ ළමයි....මුලින් මුලින් ඉස්කොලේ නුහුරු බවක් දැනුණා. ගමේ ඉස්කොලේ වගේ නෙමෙයි, හාත්පසින්ම වෙනස්..තාත්තගේ නෑයෝ අම්මට බැනලා තිබ්බා ඕකා මොකටද කොළඹ ඉස්කොලේට දැම්මේ...තොපිට පුළුවන්ද ලොකු මිනිස්සු කරන ඒවා කරන්න කියලා. ඇත්ත....ඉස්කොලේ හිටපු හුගාක් ළමයි එක්ක ගත්තාම මම පොළවනම් ඒ ළමයි අහස වගේ...ලොකු අප්පච්චි රස්සාව ඉවරවෙලා ගෙදර ඇවිත් රෑ ගෙවල්වල තීන්ත ගාන්න ගියා. ඒ මම වෙනුවෙන් සල්ලි හොයන්න. ඒයාගේ දුවට මට තරම් ඉගෙන ගන්න බැහැ. ඒයා සමාන්‍ය පෙළ විභාගයත් අසමත් වුනා...ඒත් ලොකු අප්පච්චි කියුවේ මයේ එකෝ හොදට ඉගෙන ගනින්. උඹට පුළුවන් අපේ පවුලම ගොඩ දාන්න කියලා. ඉස්කොලේ වෑන් එකට දෙන්න...ක්‍රිඩා කරන්න අවශ්‍ය දේවල් ගන්න...ඇත්තටම හුගක් සල්ලි වියදම් වුනා. මම පුළුවන් තරම් අරපිරිමැස්මෙන් වියදම් කරා...සාමාන්‍ය පෙළ විභාගය ප්‍රතිඵල එන්න දීන කීපයකට කලින් අම්මා වත්තක වැඩ කර කරා ඉන්නකොට පොළගෙක් ගහලා මැරුණා...

මම වෙනුවෙන් දුක් විදපු අම්මව බලා ගන්න මට බැරි වුන වේදනාව මගේ හුස්ම යනකම්ම තියේවී...ඒත් ලොකු අම්මයි ලොකු අප්පච්චියි මට අම්මයි අප්පච්චියි නැති අඩුව දැනෙන්න දුන්නේ නෑ...මම සාමාන්‍ය පෙළ විභාගය ඉහළින්ම සමත්....ලොකු අප්පච්චි ප්‍රතිඵල ආපු දවසේ තෑග්ගක් විදියට වෙද නළාවක් අරගෙන ආවා...පුතේ උඹ කවදා හරි දොස්තර කෙනෙක් වෙන්න ඔනේ..මම උඹව දොස්තර කෙනෙක් කරලා තමයි පස්ස බලන්නේ..ඒ වචනවල තිබුනේ වචනවලින් කියන්න බැරි තරම් ආදරයක්...බලාපොරොත්තුවක්...

ඉද හිට මුණ ගැහුන තාත්තගේ නෑයෝ...උඹ මොකද බයෝ කරන්නේ..කරන්න පුළුවන් මගුලක් කරපන් බන්...නිකම් කාළකණ්නි වෙන්නේ නැතුව රස්සාවක් කරපන් කියලා දොස් කියුවා. පපුවට පිහි පහරවල් අනිනවා වාගේ ඒ වචන...මම හිතා ගත්තා කොහොම හරි රැන්ක් එකක් දානවා කියලා...ඔව් මම ඒක කරා....ප්‍රතිළුල ආපු දවසෙම ලොකු අප්පච්චි ගෙනත් දුන්න වෙද නළාව ඒයාගේ පපූවට තියලා මම කියුවා ඔයාට තරම් හොද පපුවක් කිසිම දොස්තර කෙනෙකුට හම්බ වෙන්නේ නැති වෙයි...

ජිවිතය කියන්නේම මහ පොතක්...සමහර පිටු තියෙනවා හරිම දුක් බරයි..සමහර පිටු තේරූම් ගන්නම බෑ...තාත්තගේ නෑයෝ ගැන හුගක් පිටු ඒ වගේ...තේරූම් ගන්න බෑ...සමහර පිටු හරිම ආදරණියයි. ලොකු අම්මගේ, ලොකු අප්පච්චිගේ අක්කගේ හැම පිටුවක්ම හරිම සුන්දරයි...ආදරණියි...පොඩි වුනත් ඒක මහ මාළිගාවක්...ලොකු අම්මා හින්දවලා හදන පරිප්පු හොද්දයි සම්බෝලයයි දිව ඔසුවක් වගේ....ඊ ලග පිටු ටික මට ලියන්න වෙන්නේ ලොකු අම්මගෙයි ලොකු අප්පච්චිගෙයි අක්කගෙයි සතුට වෙනුවෙන්....මම ඒකත් කරනවා

මේ ලෝකයේ ගොඩක් මිනිස්සු
විවිධාකාරයෙන් මොන යම් හෝ
ප්‍රශ්නයක සිටිනවා !

ඒක අඩු වැඩි වශයෙන් මානසිකව
මාරාන්තික මට්ටමක් දක්වා යන්න
පුලුවන් !

ඒක පාලනය වෙන්නේ තමන්ගේ
Capacity එකේ දරාගැනීමට අනුව සහ
මනසේ අවබෝධය ගලාගෙන යන
අකාරය අනුවයි !

නමුත් මනුස්සයෙක්ට මේ මොහොතකදි
මුණගැසෙන්න ඕන භාග්‍යවන්තම දේ වන්නේ
උතුම් බෞද්ධ දර්ශනයයි !
එයත් සමඟම spiritual energys,
nature healing සහ meditation step වගේ
දේවල් ජීවිතයට සමීප කරගන්න !

එය තනිකරම තමන්ගේ ජීවිතය ආශිර්වාද වලින් පුරවල
තමාව ශක්තිමත් කරන්න හේතු ඵලයක් වෙනවා !
සරලවම කීවොත් හරියටම technique එක්ක
අවබෝධයත් එක්ක කරනවා නම්,
මේ ජීවිතය තුලදීම miracles වෙනවාමයි !

ඉතිං මේ හැමදේම එක්ක
තමන්ට ජීවිතයට එන ප්‍රශ්න වලදි
මේ දේවල් සමීප කරගෙන බලන්න,
එක පාරම සිද්ද නොවෙන්න පුළුවන්
මොකද තමන් මේ journey එක run වෙන්නේ
කර්මයට අනුරූපව නිසා ඒ දේවල් fix කරගෙන
යන්න සිද්ද වෙනවා !
කොහොම වුනත් ලැබෙන benifits
ජීවිතයම miracle එකක් වගේ
වෙනස් කරනවා !
අපි හැමෝම full perfect නොවුනත්
පුලුවන් උපරිමයෙන්ම උත්සහ කරමු !🤍

Arjun Prasad Gamage

ඔයා පවත්වන ඕනෑම බැඳීමක් වෙනුවෙන් අවංක වෙන්න !

ඒක යාලුකමක් ,
ආදරයක් ,
මොන යම් හෝ හිතවත්කමක් උනත් කමක් නෑ ..
ඒ බැඳීමට කාරුණික වෙන්න ..
අවංක වෙන්න ..
ආදරේ වෙන්න ..
ලෙංගතු වෙන්න ..
ඔවුනොවුන් වෙනුවෙන් කිසිවක් බලාපොරොත්තු නොවී නුඹට හැකි දේ පමණක්ම ඉටු කරන්න ..!! 🤍🌱

- නෙරීනා -
🤍