Techie Instants

WordPress වෙනුවට Cloudflare වෙතින් EmDash නමින් නව CMS එකක් හඳුන්වා දෙයි

වසර 24ක් පැරණි WordPress සඳහා සාර්ථක විකල්පයක් ලෙස Cloudflare සමාගම විසින් EmDash නමින් නව open source CMS එකක් හඳුන්වා දී ඇත. මෙය සම්පූර්ණයෙන්ම TypeScript භාවිතයෙන් නිර්මාණය කර ඇති අතර Astro framework එක මත ක්‍රියාත්මක වන serverless පද්ධතියකි.

WordPress හි බහුලව දක්නට ලැබෙන plugin security ගැටලු මඟහරවා ගැනීමට මෙහිදී විශේෂ අවධානයක් යොමු කර ඇත. EmDash plugins ක්‍රියාත්මක වන්නේ වෙනම isolated sandboxes තුළ බැවින් පද්ධතියේ ආරක්ෂාව ඉතා ඉහළය.

මීට අමතරව නිර්මාණකරුවන්ට තම content සඳහා මුදල් අයකිරීම පහසු කිරීම උදෙසා x402 තාක්ෂණයද මෙහි අන්තර්ගත කර ඇත. තවද මෙය AI agents හරහා පහසුවෙන් පාලනය කළ හැකි නවීන පද්ධතියක් වන අතර දැනට පවතින WordPress sites ඉතා පහසුවෙන් EmDash වෙත import කිරීමේ හැකියාවද සපයා ඇත.

Apple සමාගම නව AI පහසුකම් වලින් සමන්විත standalone Siri app එකක් හඳුන්වා දීමට සූදානම් වෙයි.

Apple සමාගම WWDC 2026 හිදී iOS 27 සහ macOS 27 සඳහා නවතම Siri app එකක් හඳුන්වා දීමට සූදානම් වේ. මෙය systemwide AI agent එකක් ලෙස ක්‍රියා කරනු ඇත.

පරිශීලකයන්ගේ emails, messages සහ notes දත්ත භාවිතා කරමින් Perplexity සහ Google Gemini වැනි AI search tools වලට තරඟකාරී වන අයුරින් මෙය නිර්මාණය කර ඇත. මෙම නව Siri app එක chat interface එකකින් සමන්විත වන අතර, voice සහ text මගින් භාවිතා කළ හැක. මීට අමතරව පින්තූර සහ documents upload කර analysis කිරීමේ පහසුකමද මෙහි ඇත.

තවද, iPhone හි Dynamic Island සහ Spotlight search හරහා Siri වඩාත් පහසුවෙන් භාවිතා කිරීමට නව design එකක් ද Apple විසින් පරීක්ෂා කරමින් පවතී.

Apple විසින් AI පහසුකම් සහිත නවතම iOS 26.4 සහ iPadOS 26.4 නිකුත් කරයි

Apple සමාගම විසින් ඔවුන්ගේ නවතම මෙහෙයුම් පද්ධති වන iOS 26.4 සහ iPadOS 26.4 නිකුත් කර තිබේ. පරිශීලකයින්ට Settings හි Software Update හරහා මෙම නවතම සංස්කරණය ලබාගත හැක.

මෙහි ප්‍රධානතම අංගය වන්නේ Apple Music සඳහා හඳුන්වා දී ඇති AI තාක්ෂණයෙන් ක්‍රියාත්මක වන Playlist Playground විශේෂාංගයයි. මීට අමතරව Control Center මඟින් අන්තර්ජාල පහසුකම් නොමැතිව ගීත හඳුනාගත හැකි Offline Music Recognition පහසුකමද මෙයට ඇතුළත් කර ඇත.

තවද Accessibility යටතේ නව වෙනස්කම්, නව emoji අක්ෂර 8ක්, Freeform සඳහා නව මෙවලම් මෙන්ම Family Sharing භාවිතා කරන අයට තමන්ගේම payment methods භාවිතා කිරීමේ හැකියාව ද මෙම update එක මඟින් ලබා දී ඇත.

WordPress විසින් web browser එක හරහා ක්‍රියාත්මක වන නව private workspace එකක් හඳුන්වා දෙයි

WordPress ආයතනය විසින් web browser එක තුළ ක්‍රියාත්මක වන my.WordPress.net නමින් නව සේවාවක් හඳුන්වා දී ඇත. මෙහිදී hosting plan හෝ domain ලියාපදිංචියකින් තොරව පහසුවෙන් site එකක් නිර්මාණය කළ හැක.

මෙම site අන්තර්ජාලයට විවෘත නොවන අතර දත්ත සියල්ල අදාළ browser storage එකෙහි පමණක් සුරැකේ. එමනිසා වෙනත් device එකකින් එයට පිවිසිය නොහැක. එහෙත් අවශ්‍ය නම් පසුව වෙනත් WordPress host එකකට මෙය මාරු කර public කළ හැක.

මෙය private writing සහ journaling වැනි පුද්ගලික වැඩ සඳහා වඩාත් සුදුසු වේ. මෙහි ඇති App Catalog සහ AI assistant පහසුකම් හරහා plug ins වෙනස් කිරීමට සහ දත්ත කළමනාකරණය කිරීමට හැකියාව ලබා දී ඇත.

Meta සමාගම AI bots සඳහා නිර්මාණය කළ Moltbook සමාජ ජාලය මිලදී ගනී

Meta සමාගම විසින් AI bots වලට එකිනෙකා සමඟ සම්බන්ධ විය හැකි Moltbook වේදිකාව මිලදී ගෙන තිබේ. මෙමගින් AI agents හරහා ජනතාවට සහ ව්‍යාපාර වලට නව සේවාවන් ලබා දීමට ඔවුන් අපේක්ෂා කරයි.

AI වැඩසටහන් වලට තනිවම සංවාද කළ හැකි මෙම වේදිකාව තාක්ෂණික ක්ෂේත්‍රයේ දැඩි අවධානයක් දිනා ඇත. එහෙත් මෙහි ස්වයංක්‍රීය ක්‍රියාකාරීත්වය හේතුවෙන් cyber security සහ සදාචාරාත්මක ගැටළු ද මතු වී තිබේ.

Moltbook වේදිකාව නිර්මාණය කර ඇත්තේ OpenClaw නැමති AI agent tool එක භාවිතා කරමිනි. OpenAI සහ Google අභිබවා යාමට Meta සමාගම මෙලෙස AI projects සඳහා විශාල වශයෙන් ආයෝජනය කරයි.

ශ්‍රී ලංකාවේ පළමු වරට Crypto ගෙවීම් සහිත Live Music Concert එක බවට Kankalu Colombo පත් වෙයි.

CeylonCash සහ Kankalu Colombo එක්ව ශ්‍රී ලංකාවේ ප්‍රථම වතාවට live music event එකක් සඳහා crypto payments හඳුන්වා දී තිබෙන​වා.

මේ හරහා ප්‍රසංගයට සහභාගී වන්නන්ට මුදල් හෝ කාඩ්පත් නොමැතිව CeyPay භාවිතයෙන් ඩිජිටල් ගෙවීම් කළ හැක. මෙහිදී QR-based payments සහ payment links හරහා ක්ෂණිකව ගෙවීම් තහවුරු කෙරේ.

CeylonCash හි Community Lead වන Nisal Chandrasekara පවසන්නේ මෙය ශ්‍රී ලංකාව තුළ crypto payments එදිනෙදා ජීවිතයට හුරු කිරීමේ ප්‍රායෝගික පියවරක් බවයි. මෙමගින් digital assets භාවිතය සැබෑ ලෝකයේ අවශ්‍යතා සඳහා යොදාගැනීම සනිටුහන් කරයි.

මෙම Kankalu Colombo සංගීත ප්‍රසංගය මාර්තු 27 වැනිදා පස්වරු 7 සිට කොළඹ Lotus Tower හිදී පැවැත්වෙන අතර ප්‍රවේශ පත්‍ර kankalu.com වෙබ් අඩවියෙන් ලබාගත හැක.

NASA DART මෙහෙයුම මගින් Didymos ග්‍රහක පද්ධතියේ කක්ෂය වෙනස් කළ බව නවතම පර්යේෂණ තහවුරු කරයි

2022 වසරේදී NASA හි DART යානය Dimorphos ග්‍රහකයේ ගැටීමෙන් පසුව එම සමස්ත Didymos binary system හි සූර්යයා වටා ගමන් කරන trajectory එක වෙනස් වී ඇති බව නවතම පර්යේෂණ වලින් හෙළි වී ඇත. පර්යේෂකයන් විසින් stellar occultation තාක්ෂණය භාවිතා කර මෙය තහවුරු කර තිබේ.

මෙම ගැටීමේදී විසිවී ගිය debris හේතුවෙන් ඇතිවූ momentum enhancement එක මගින් orbit එක වෙනස් වීම තවත් ප්‍රබල විය. ගණනය කිරීම් වලට අනුව Didymos සාපේක්ෂව ඝන පාෂාණයක් වන අතර Dimorphos යනු ලිහිල්ව බැඳුණු ගල් හා දූවිලි එකතුවකි.

මෙයින් පෘථිවියට කිසිදු අනතුරක් නොමැති බව තහවුරු කර ඇති අතර kinetic impact method එක planetary defense සඳහා සාර්ථක බව මෙයින් ඔප්පු වේ. 2026 දී ESA හි Hera යානය මගින් මෙම දත්ත තවදුරටත් අධ්‍යයනය කිරීමට නියමිතය.

WhatsApp විසින් නව premium subscription එකක් හඳුන්වා දීමට සූදානම් වේ

බොහෝ services මේ වනවිට subscription ක්‍රමයට මාරු වී ඇති අතර WhatsApp ද ඊට එකතු වීමට සූදානම් වේ. WABetaInfo වාර්තා කරන පරිදි ඔවුන් WhatsApp Plus නමින් නව premium subscription plan එකක් හඳුන්වා දීමට කටයුතු කරමින් සිටී.

මෙහිදී app icons, themes සහ accent colors වෙනස් කිරීමේ හැකියාව මෙන්ම chats 20 ක් දක්වා pin කිරීමේ පහසුකම ලබා දෙනු ඇත. තවද exclusive stickers සහ ringtones වැනි අමතර features ද මීට ඇතුළත් වේ.

සාමාන්‍යය WhatsApp භාවිතය තවදුරටත් නොමිලේ ලබා දෙන අතර, මෙම Plus tier එක මුදල් ගෙවා ලබාගත හැකි optional පහසුකමක් පමණි. ව්‍යාපාරිකයන්ට ඇති Meta Verified පහසුකමට වඩා මෙය පාරිභෝගිකයන් ඉලක්ක කර ඇති නමුත් මෙහි මිල තවමත් අනාවරණය වී නොමැත.

Oppo Find X9 series ස්මාර්ට්ෆෝන් සඳහා Quick Share සහ නව AI පහසුකම් හඳුන්වා දෙයි

Oppo සමාගම නිවේදනය කරන්නේ ඔවුන්ගේ Find X9 series ස්මාර්ට්ෆෝන් සඳහා ඉක්මනින්ම Quick Share පහසුකම ලැබෙන බවයි. මේ හරහා Android සහ iOS, iPadOS මෙන්ම macOS devices අතර AirDrop ආකාරයෙන් file transfers සිදු කළ හැක. MediaTek සහ Google සමඟ එක්ව සංවර්ධනය කළ මෙය මාර්තු මාසයේදී software update එකක් හරහා ලබාදීමට නියමිතයි. ඉදිරියේදී Samsung Galaxy S26 series සඳහාද මෙවැනිම පහසුකමක් ලැබෙනු ඇතැයි අපේක්ෂා කෙරේ.

මීට අමතරව ඔවුන්ගේ නව Omni AI model එක මගින් ක්‍රියාත්මක වන AI Translate සහ AI Portrait Glow වැනි නව on-device AI features ද Find X9 series එකට හඳුන්වා දී ඇත.

Apple සමාගම ඩොලර් 599 කට නව MacBook Neo ලැප්ටොප් පරිගණකය හඳුන්වා දෙයි

Apple සමාගම ඔවුන්ගේ මිලෙන් අඩුම ලැප්ටොප් පරිගණකය වන MacBook Neo හඳුන්වා දෙයි. මෙහි ආරම්භක මිල ඩොලර් 599 ක් වේ.

මෙම නව පරිගණකය අඟල් 13 ක Liquid Retina display එකකින් සහ A18 Pro chip එකකින් සමන්විත වේ. මෙහි ඇලුමිනියම් නිමාව වර්ණ හතරකින් වෙළඳපොලට පැමිණේ.

එසේම පැය 16 ක battery life එකක්, 1080p FaceTime HD camera එකක් සහ fanless තාක්ෂණය මෙහි අඩංගු වේ. Apple Intelligence සහ macOS Tahoe මගින් මෙය ක්‍රියාත්මක වේ.

පාරිභෝගිකයින්ට අද සිට pre-order කළ හැකි අතර මාර්තු 11 දින සිට මෙය අලෙවිය සඳහා නිකුත් කෙරේ.

Meta සමාගමේ Ray Ban AI glasses භාවිතා කරන්නන්ගේ පුද්ගලික දත්ත පිළිබඳව බරපතල ගැටළුවක් පැනනගී

Meta සමාගමේ Ray Ban AI glasses අලෙවිය 2025 වසරේදී මිලියන හතකට වඩා ඉහළ ගොස් ඇත. නමුත් එහි අන්තර්ගත facial recognition සහ AI තාක්ෂණය හේතුවෙන් බරපතල privacy ගැටළු මතු වී තිබේ.

මෙම glasses හරහා ලබාගන්නා footage, නව AI models පුහුණු කිරීමේ data labeling කටයුතු සඳහා විදේශීය contractors ලා වෙත යවනු ලබයි. කෙන්යාවේ සේවකයින් හෙළි කරන්නේ, ඔවුන්ට පරිශීලකයින්ගේ bank cards මෙන්ම ඉතා සංවේදී සහ පුද්ගලික දර්ශන නිරීක්ෂණය කිරීමට සිදුවී ඇති බවයි. රැකියාව අහිමි වීමේ බිය නිසා ඔවුන්ට මේවා review කිරීමට සිදුවී ඇත.

AI features භාවිතා කිරීමට නම්, තම දත්ත Meta servers වෙත යැවීම අනිවාර්ය වේ. Meta සමාගම තම Terms of use හරහා මෙම human review ක්‍රියාවලිය සාධාරණීකරණය කරන අතර, මෙය තාක්ෂණික ලෝකයේ සැඟවුණු අඳුරු පැතිකඩක් පෙන්වා දෙයි.

Google සමාගම Pixel දුරකථන සහ Tablet සඳහා නව desktop mode පහසුකම හඳුන්වා දෙයි

Google සමාගම ඔවුන්ගේ March Pixel drop යාවත්කාලීන කිරීම හරහා Pixel දුරකථන සහ Tablet සඳහා නව desktop mode එකක් හඳුන්වා දී ඇත.

මෙම නව විශේෂාංගය හරහා Pixel 8 සහ ඊට නව මාදිලිවල දුරකථන USB-C මාර්ගයෙන් බාහිර monitor එකකට සම්බන්ධ කර desktop multi-window අත්දැකීමක් ලබා ගත හැක. එමෙන්ම මෙහිදී keyboard සහ mouse භාවිතා කිරීමටද පරිශීලකයින්ට හැකියාව ලැබේ. මීට අමතරව Pixel Tablet සඳහා ද overlapping windows පහසුකම මේ යටතේ හිමිවේ.

පසුගිය වසරේ සිට මෙම විශේෂාංගය අත්හදා බලමින් සිටි Google සමාගම Samsung හි DeX පහසුකම මත පදනම්ව මෙය තවදුරටත් සංවර්ධනය කර තිබේ.