Diary of Wife

ජීවිතේදී ලුණු වගේ වෙන්න ......................................................

ඇයි ඔයා එහෙම ලුණු වගේ ජීවත් වෙන්න ඉගෙන ගන්න ඕනේ...
ලුණු කවදාවත් අත්පොළසන් දෙන්නේ නැහැ.
කවුරුත් මේසයේ ඉඳගෙන කියන්නේ නැහැ,
"අද ලුණු නම් නියමයි" කියලා.
කවුරුත් ඒ ගැන පුරසාරම් දොඩන්නේ නැහැ.
කවුරුත් ඒක ඡායාරූප ගත කරන්නේ නැහැ...

නමුත් ඒක නැති වුණු ගමන්...
හැමෝටම දැනෙනවා. ඔයත් ඒ වගේ වෙන්න.
කලබල වෙන්න එපා. අවධානය සොයන්න එපා. පිළිගැනීමක් ඉල්ලමින් ජීවිතේ යදින්න එපා...

සරලවම හැම තැනම ඔබ ඉන්න.
සහයෝගය දීම, උදව් කිරීම, ගැටළු විසඳීම, සැලකිලිමත් වීම, ශක්තිය ලබා දීම, අන් අයගේ ජීවිතවලට රසයක් එක් කරමින්.
කිසිවෙකු ඔබ කොහොමද කියලා අසන්නේ නැති විට පවා ඔබ එහි සිටින ආකාරය ගැන ඔබ සිතන්න...

නමුත් දිනක ඔවුන්ට දැනෙනට හරින්න ඔබ "තවත් එක්කෙනෙක්" නෙවෙයි, හැමදේම අර්ථවත් කරපු අත්‍යවශ්‍ය කොටස කියා...

ඔබේ අත්‍යවශ්‍ය බව ලොවට කියන්න,
ඔබේ වටිනාකම ගැන කෑ ගහන්න අවශ්‍ය නොමැති බව,
හැමෝම ඔබව සමරන්න අවශ්‍ය නොමැති බව, ලුණු වලින් ඉගන ගන්න...

සමහර වෙලාවට, වැදගත්ම ආත්මයන් වඩාත්ම දෘශ්‍යමාන වෙන්නේ නැහැ...
එහෙම ආත්මයක් වෙන්න ❤ හරියට මගේ ආදරේ වගේ...

ඉතින් ආදරෙයි Janith Iddamalgoda

නදිශානි j ඉද්දමල්ගොඩ
2026.05.19

ලොව නරකම හිගනකම අන් අයට නින්දාවන් කිරීමට තමන් තුල ඇතිවන ආත්මාර්ථකාමිත්වයයි......................................................................................

තමන් උසස් යැයි හැඟවීමට අන් අයව පහත් කිරීමට අවශ්‍යව ඇති පුද්ගලයෙකුට වඩා දුක්බර දෙයක් මේ ලෝකේ තියනවා කියලා මම හිතන්නේ නැහැ...

ඇත්තටම වටිනාකමක් සහිත මිනිස්සුන්ට අවධානය සඳහා තරඟයක් අවශ්‍ය නැහැ. ඒ වගේම අන් අයගේ හදවත් ඔවුන් කිසිදා පොඩි කරන්නේ නැහැ. අන් අයට සමච්චල් කර අන් අයගේ ගෞරවය විනාශ කිරීමෙන් තමන් උසස් යැයි පෙන්වාගැනීමට ඔවුන් කිසි විටකත් උත්සාහ නොකරයි...

අප අවට තියන අපහසු සත්‍යය නම්, බොහෝ අය වෙස්වලාගත් ලෙස ජීවත් වීමයි. යථාර්ථයේ දී ඔවුන් කිසිදා මුහුණ දී නැති හිස්බව, තුවාල සහ අනාරක්ෂිත බවින් පිරී ඇති බැවින් ඔවුන් අන් අයව විවේචනය කරයි, සමච්චල් කරයි, අඩුපාඩු පෙන්වා දෙයි, සහ අන් අයගේ ආලෝකය නිවා දැමීමට උත්සාහ කරයි...

අහංකාර ලෙස කතා කිරීම ඔවුන් බුද්ධිමත් බව ලෙස සිතාගන සිටියි. අන් අයට ප්‍රසිද්ධියේ නින්දා කිරීම ඔවුන් උසස් කාරණාවක් යැයි සිතයි. ඔවුන්ගේ අනාරක්ෂිතභාවය කෙරෙහි ප්‍රතිචාර දක්වන්නේ එලෙසිනි...

අපි ජීවත් වන්නේ නින්දා කරන අයට වඩා ඒවාට අත්පොළසන් දෙන සමාජයකය. අප අවට අවංකකම අගෞරවය සමඟ පටලවාගත්, චරිතය ආක්‍රමණශීලී බව සමඟ පටලවාගත්, අව්‍යාජභාවය පිළිකුල සමඟ පටලවා ගත් පුද්ගලයින්ගෙන් පිරීලා තියෙන්නේ ...

එහෙත් ජීවිතය සෑම කෙනෙකුගේම වෙස්මුහුණු ඉතා ඉක්මනින් ඉවත් කරනවා. මොකද බොරු ගෞරවය කිසිදා රදාපවතින්නේ නැති අතර ආත්මාර්ථකාමිත්වය කිසි විටෙකත් ඔවුන්ගේ ආත්මයේ හිස්බව පුරවන්නේ නැහැ. ඉතින් ඔවුන්ගේ තෘප්තිමත් බව පිළිබදව ඔවුන්ටම ප්‍රශ්නයක් පැන නැගුන දින වෙස්මූණු ඉවත් වේ...

තනිව සිටීමට බියෙන් ඔබත් නිරන්තර නින්දාවට ඉඩ දීම ද ඔබව පාවා දීමේ ක්‍රමයකි. ඔබ කිසිවෙකුගේ චිත්තවේගීය ගොදුරක් වීමට ඉපදී නැත. අවඥාව විඳදරාගැනීමට සිදුවන ඕනෑම සම්බන්ධතාවයකට වඩා මනසේ සාමය වටිනවා... ඔබ තේරුම් ගත යුත්තේ එයයි...

ශ්‍රේශඨයන්ට සාමයෙන් සිටින කෙනෙකුට කිසිවිට පහර දීමට අවශ්‍යතාවයක් දැනෙන්නේ නැත. සැබෑ ශ්‍රේෂ්ඨත්වය කිසිවෙකු නින්දාවට පත් නොකරයි... එය ජීවිතයට සසරට ආශ්වාදයක් ලබා දෙන්නකි...

නදිශානි j ඉද්දමල්ගොඩ
2026.05.19
Janith Iddamalgoda

හිනාවෙලා ඉන්න 🥴....................................................................................

අහල පහල උඩහා පල්ලෙහා ඉන්නේ ඔයාට වරදිනකන් බලාන ඉන්න, ඔයාව අපහසුතාවට පත් කරලා සතුටු වෙන්න බලා ඉන්න, වගේම ඔයා කෙරෙහි දැඩි ඉර්ශියාවක් දක්වන මිනිසුන් නම් අනිවාර්යයෙන්ම හිනා වෙලා ඉන්න පුරුදු වෙන්න...

ඒ වගේම ජීවිතේට හොඳ මිනිස්සු ලංකරගන්න... එතකොට ඔයා වෙනස් විදියට බැබලෙන්න ගන්නවා ... මිනිස්සු හිතන දේ තවදුරටත් ඔයාට ප්‍රශ්නයක් නොවන විට ඔයාට වෙනස් විදියට හිනාවෙන්න පුලුවන් වෙනවා ...

ඒ වගේම ඔයා ඔයාගේ ගමන කෙරෙහි අවධානය යොමු කරන විට ඔයාව වෙනස් ලෙස වර්ධනය වෙනව... ඔයාව රිදවන දේ අතහැර දැමූ විට ඔයා වෙනස් ආකාරයෙන් සුව වෙනවා ...

ඒ විතරකුත් නෙමෙයි, ඔයාගේ මනස සාමයෙන් සිටින විට ඔයා වෙනස් ලෙස හිතන්න ගන්නවා ... ඔයාගේ අරමුණ පැහැදිලි වූ විට ඔයා වෙනස් ලෙස ගමනක් යනවා ...

හැමදාමත් වගේ ඔයාගේ හදවත අව්‍යාජ වූ විට ඔයා වෙනස් ලෙස කතා කරනවා ...
කෘතඥතාව ඔයාගේ ආත්මය පුරවන විට ඔයා වෙනස් ලෙස ජීවත් වෙන්න පටන් ගන්නවා...

විශ්වාසය ඇති තැනක ඔයා වෙනස් ලෙස ආදරය කරන්න පටන් ගන්නවා ...
ඔයාගේ හෘදය සාක්ෂිය පැහැදිලි උනාම වෙනස් ලෙස විවේක ගන්න පුලුවන් වෙනවා ...

බිය තවදුරටත් ඔයාව පාලනය නොකරන විට ඔයා වෙනස් ලෙස සිහින දකිනවා ...
ඔයාගේ අභිප්‍රායන් අවංක වූ විට ඔයා වෙනස් ලෙස ජයග්‍රහණය කරනවා...
ඔයාගේ ජීවිතයේ ගුණාත්මකභාවයට ඔයා ලග තබා ගන්නා පුද්ගලයින් සහ ඔයාගේ මානසිකත්වය ගැඹුරින් බලපායි....

අභ්‍යන්තර සාමය සහ නිරන්තර අනුමැතියෙන් නිදහස් වීම සැබෑ ආත්මය වඩාත් සම්පූර්ණයෙන් මතුවීමට ඉඩ සලසනවා...

නදිශානි j ඉද්දමල්ගොඩ
2026.05.16
Janith Iddamalgoda

මිනිස්සු නැතිවීම ඛේදවාචකයක් කියලා, කිසිදාක හිතන්න එපා... ඇත්තටම ඒක අපේ ජීවිත ආරක්ෂා කරගන්න තියෙන ගැඹුරුම ආශිර්වාදයක් ...

ඔයාවම තෝරා ගැනීම මුලදී ලෙහෙසි වෙන්නේ නැහෑ... සමහර වෙලාවට රිදෙනවා...
ඔයා විඳදරාගන්න පුරුදු වෙලා හිටපු කාලේ ඔයා වටේ ඉන්න හැමෝම සතුටු කරන්න උත්සාහ කළ හැටි මතක් වෙලා රිදෙනවා...
ඔයා තවදුරටත් සතුටින් හිටියේ නැති තැන්වලින් ඈත් වෙලා, ඒත් පුරුද්දෙන්, බියෙන් හෝ බැඳීමෙන් ඈත් වෙලා ඉන්න එක රිදෙනවා...

නමුත් ඔයා ඔයාටම ගරු කරන්න පටන් ගත්තම හැමදේම වෙනස් වෙනවා.
සාමය අයැදීම් වලට වඩා වටිනවා කියලා ඔයාට තේරෙන්න පටන් ගන්නේ අන්න එතකොට...

හොඳට නිදා ගන්න එක ඔයාගේ ආත්මය රිද්දගන්නවට වඩා වඩා වටිනවා...
ආදරය, මිත්‍රත්වය හෝ අවධානය පසුපස හඹා යාමට ඔයා ඉපදී නැති වග වගේම ඔයා ඉපදිලා තියෙන්නේ ඔයා කවුද කියන එකට එකඟව ජීවත් වෙන්න කියලත් ඔයාට තේරෙන්න පටන් ගන්නවා...

ඔව්... ඔයා ඔයාව තෝරා ගන්න පටන් ගත්තම, සමහර අය අපහසුතාවයට පත් වෙනවා... මොකද එයාලට දැන් තමන්වම කැප කරන ඔබේ අනුවාදයට ප්‍රවේශයක් නැති නිසා... ඒක හරි පව් වැඩක්... අනිත් අයට සුවපහසු වෙන්න පුළුවන් වෙන විදිහට බිඳ වැටෙන්න කැමති කෙනෙක් එයාලට තවදුරටත් හම්බෙන්නේ නැහැනේ ...

හැබෑම පරිවර්තනය තියෙන්නේ එතැනයි...
ගලපාගැනීමට ඔයාව කැප කිරීම නැවැත්වූ විට ජීවිතය ඔයාට සාමය ලබා දීමට පටන් ගන්නවා ...
ඔයාගේ වටිනාකම් කිසිවෙකුටත් ඒත්තු ගැන්වීමට ඔයාට අවශ්‍ය නොවන වග ඔයාම තේරුම් ගත් වෙලාවේ රැඳීලා ඉන්න කිසිදාක එකම උත්සාහයක් වත් නොගත් මිනිස්සු ගිලිහීම ගැන හිතේ සතුටක් තමයි ඇති වෙන්නේ...

මුලදී මුලදී ඔයාට පුද්ගලයින් මග හැරිය හැකි වුවද, කාලයත් සමඟ ඔයා බලවත් දෙයක් තේරුම් ගන්නවා ... පුද්ගලයන් කිසිදා මග හැරෙන්නේ නැති බවත් දිනක ඔවුන් වෙනස් වන යථාර්තය පමනක් ඔබට මග හැරෙන බවත්....

අවසානයේ කිසිවෙකු වෙනුවෙන් ඔබව පාවා නොදීමට ඉගෙන ගන්නා විට ඔබේ ආත්මය ඔබව සාමය සොයා ගන්නවා...

නදිශානි j ඉද්දමල්ගොඩ
2026.05.15
Janith Iddamalgoda

ඇයගේ ඉවසීම ඇයව දරාසිටින තාක්
ඇයද කාගේ හෝ දරුවකුට මවක්ව ඇති වග ලෝකයා නොදන්නවා ඇති ...

වැදෑමහ කැඩී නොවැටුනාට කිසිදාක
දරුවකුගේ සිනහවක් වෙනුවෙන් ඇය
ජිවිතේ උකස් කල වග,
ලෝකයා නොදන්නවා ඇති සමහවිට ...

ඉතින් අද දවස අකැප වෙන්න
හේතුවක් නෑ නෙව එහෙම ගැහැනුන්ට ...

Happy Mother’s Day to me ❤

සෑහෙන කාලෙකට පස්සේ මම ඉව්වා... ගොඩක් ආසාවෙන් ඉව්වා...
ජිවිතේ මම කරන්න ආසම දේ කලා...
ඒක නිකන්ම උයමනක් නෙවෙයි...

අනාගත්ත බත් කට උගුරෙන් පල්ලෙහාට දාගන්න බැරි තරමට අසරණ උන, හෙම්බත් උන ගෑනියෙක් විදියට නොවෙයි ජිවිතේ ගැන ආත්මය පිළිබදව තෘප්තිමත් ගෑනියෙක් විදියට ඉව්වා... උයාගත්ත බත් ටික කෑවා...

පහුකරගන ආවේ, පහුකරගන යන්න තියෙන්නේ ඇම්මැහි කදු ගොඩක් නොවුනත්, මම ඒ දුර පහුකරගන ආවා... අනිවාර්යයෙන්ම ඉස්සරහටත් යනවා...

හැබයි වෙනද කාපු බත් පතට වඩා මේ බත් පත් මට ගොඩක් විශේෂයෙන් දැනෙන්නේ ඇයි කියලා හිතලා බැලුවහම තමයි තේරුනේ ඕනෑම ස්වාදීන ගෑනියෙක්ගේ හදවත තුල උවත් තමන්ටම හිමි උන ආදරයක් රැකවරණක් ලැබීමේ ආශ්වාදය කෙතරම් පවතිනවාද යන්න...

මේ පතේ කොයි බත් ඇටේට ඔයා වග උනාද කියලා මම නොදන්නවා උනත්, මමම හම්බරකගන මමම කාපු අනර්ඝ බත් පතකට වඩා මට මේ බත් කට හරි රහයි... හිතත් පිරිලා බඩත් පිරිලා... ඒ ඔයා මාව රකිනවා කියන හැගීම ...

කවදහරි දවසක මැරිලා යන්නට මත්තෙන් මේ ලෝකෙට ආව කාරණව ඉශ්ඨ කරගන්න මට පුලුවන් වෙනවා නේද කියලා හිතෙනකොට පුදුම සතුටක් වගේම ජීවත් වෙන්න පුදුමාකාර ශක්තියක් දැනෙන්නේ...

මිනිස්සුන්ගේ ජීවිත වල හැටි ❤

නදිශානි j ඉද්දමල්ගොඩ
2026.05.09

මිනිස්සු මේ ගානටවත් ඔයාට වයිර නොකරනවනම් ඔයාගේ ජිවිතේ කිසි ලල් එකක් නැ හොදේ ...

මේ බලන්න සුපින්වතුනි මගේ පෝස්ට් එකක් share කරගන ඕපාදූපයක් එහෙට මෙහෙට කියාගන ඉන්න හැටි ...

සාමාන්‍යයෙන් share වෙනවනම් මගේ පෝස්ට් එකක් එකෙන් නවතින්නේ නෑ හොදේ...

එකයි කියන්නෙම ඒ ඔයාම තමයි හොදේ...
මොකෝ කියන්නේ මේ අකවුන්ට් එකත් බ්ලොක් කරලා දාන්නද මම... හැබැයි ඉතින් ඔයාට මම ලියන post ගානේ අකවුන්ට් හදන්න වෙනවා එහෙම උනොත්...

පව් ඉතින් 😅
අබ්බගාත ජීවිත...

සැබෑ ආදරය කිසිදාක ඔබට සම්පූර්ණ බවක් දැනෙන පරිදි මම අතුරුදහන් විය යුතු යැයි බලාපොරොත්තු වීමක් නොවේය ...
මා විසින් සියල්ල ඔබට ලබා දීම තුලින් සදහටම ඔබේ ආදරය ලැබීමේ සහතිකයක් මට හිමි නොවන බව සැබෑවටම ආදරය වේ ...

සමහර බැදීම් ඔබට වේදනාව තුළින් වැඩි යමක් උගන්වයි. සියල්ල ලබා දෙන්නේ නම්, ඔබ වෙනුවෙන් පැමිණ සිටී නම්, දැඩි ලෙස ඔබට ආදරය කරන්නේ නම්, සමාව දෙන්නේ නම්, බලා සිටින්නේ නම්, බැදීමක් විනාශ කළ නොහැකි බවයි ...

නමුත් ජීවිතය එසේ ක්‍රියාත්මක නොවේ.
ඔබේ කාලය, අවධානය, ස්ථාවරත්වය, පක්ෂපාතිත්වය සහ ජීවිතයේ හොඳම වසරවල් පවා ලබා දුන්නද අනෙක් පුද්ගලයාට ඔබව හැර පිටව යා හැකිය. පරම සත්‍ය එය වේ...

කෙනෙකුට ඕනෑවට වඩා ආදරය කිරීම යනු තවත් පුද්ගලයෙකුට ඔබේ වටිනාකමේ නිරපේක්ෂ මධ්‍යස්ථානය බවට පත් කිරීමයි.
බැදීමක් තුලදී සතුටු කිරීම, තබා ගැනීම හෝ සුරැකීම මත අනන්‍යතාවය පදනම් කරගත් විට, ඔබට ඔබවම අහිමි වේ. ඒ පුද්ගලයා හැර යන විට, ඔබට කතාවක් අහිමි නොවේ, ඔබට ඔබේ අනන්‍යතාව අහිමිවේ ...

නමුත් එහි ඇති අමාරුම පාඩම නම්, හොඳ මිනිසෙකු වීම, පක්ෂපාතීවීම,කල්පනාකාරී වීම කෙනෙකුට "පරිපූර්ණ" වීම මගින් එම පුද්ගලයා ඔබ ලග රැඳී සිටින බව සහතික නොකරන බවයි ...

හැබෑ ආදරය යනු ඔබට කොපමණ විඳදරාගත හැකිද යන්න පෙන්වීම නොව ආදරය, ගෞරවය සහ සාමය බෙදා ගැනීමයි.
එබැවින් ආදරය, සැලකිල්ල, දෙන්න නමුත් කිසි විටෙකත් කිසිවෙකු වෙනුවෙන් ඔබව අත් නොහරින්න...

නදිශානි j ඉද්දමල්ගොඩ
2026.05.06
Janith Iddamalgoda

ඔයා මගේ ජීවිතයට ආපු දවස කවදාද කියලා මට මතක නැති වුණත්,
මට හිනාවෙන්න හේතුවක් වෙලා, ජීවත් වෙන්න ශක්තියක් දුන්න ඔයාට ස්තුති…

ජීවිතේ හැම පියවරක්ම එකට යන්න බැරි වුණත්,
පුළුවන් හැම පියවරක්ම මම ඔයා එක්කම යන්න තීරණය කරනවා…

කවුරුහරි මගෙන් ඇහුවොත් මේ ලෝකේ මට ලැබුණු ලොකුම ත්‍යාගය මොකක්ද කියලා,
අනිවාර්යයෙන්ම මම ඔයා දිහාට ඇඟිල්ල දික් කරනවා…

ඇත්තම ආදරේ මොන වගේද කියලා
මට තේරුම් ගන්න ලැබුණේ ඔයා නිසාමයි…

හොඳ අම්මලා මේ ලෝකේ ඕන තරම් ඉන්නවා…
හොඳ පුතාලත් ඕන තරම් ඉන්නවා…
ඒත් හොඳ අම්මා කෙනෙකුගේ හොඳ පුතෙක් වෙන්න පුළුවන් අතලොස්සකට පමණයි…

එහෙම පුතෙක්ගේ ආදරයත් රැකවරණයත් ලැබෙන්න
මම කොච්චර වාසනාවන්ත ගැහැනියක්ද කියලා
ඔයා මට කියලා දුන්නා…

සුභ උපන්දිනයක් වේවා මගේ රත්තරන්ට…

නදිශානි j ඉද්දමල්ගොඩ
2026.05.05
Janith Iddamalgoda