Need Tv
Share
And many more.. Need to brings all you
Need TV, brings you a fresh experience with *Spine-chilling horror stories. * Game shows. *Travel programs *Knowledge for health care. *Cusine programs with tempting recipes. *Most predictive astrological segments.
20/02/2026
20/02/2026
රසෝදා ඩේරිස් අලෙවි සැලක් 😱😱ඔබේ නගරයේ හෝ ගමේ පටන් ගැනීමට අවස්ථාවක් මසකට රැ ලක්ෂ 5 කට වැඩි ආදායමක් හිමි කරගන්න👌
19/02/2026
18/02/2026
"යුද්ධය දිනන්නේ යුද පිටියේදී නොව සැලසුම තනන තැනදීය"💪
13/02/2026
අධි-සැකසූ ආහාර යනු මොනවා ද?
ඒවා ඔබට අහිතකර ද?
අධි-සැකසූ ආහාර හෘද රෝග, පිළිකා සහ කාංසාව ඇතුළු විවිධ සෞඛ්ය ගැටලු 30කට වඩා හේතු වේ.
විශ්වවිද්යාලයක් මගින් සිදු කරන ලද නව අධ්යයනයක් පෙන්වා දෙන්නේ, අධි-සැකසූ පූර්ණ නිර්මාංශික ආහාර (vegan ultra-processed food) ද සෞඛ්යයට අහිතකර විය හැකි බව ය.
එක්සත් ජනපදයේ සහ එක්සත් රාජධානියේ සාමාන්ය ආහාර වේලක අධි-සැකසූ ආහාර සාමාන්යයෙන් 50%කට වඩා වැඩි ප්රමාණයක් අඩංගු වන අතර ඒවා ලොව පුරා වැඩි වැඩියෙන් ජනප්රිය වෙමින් පවතී.
අධි-සැකසූ ආහාර යනු මොනවා ද?
අධි-සැකසූ ආහාර සඳහා තනි නිර්වචනයක් නොමැති නමුත් සාමාන්යයෙන් ඒවායේ නිවසේදී ආහාර පිසීමේදී භාවිත නොකරන අමුද්රව්ය අඩංගු වේ.
ඉන් බොහොමයක් ආහාරවල පෙනුම, රසය හෝ ස්වභාවය වැඩි දියුණු කිරීම සඳහා භාවිත කරන රසායනික ද්රව්ය, වර්ණක සහ රසකාරක වේ.
කාබනීකෘත බීම වර්ග, පැණිරස ආහාර සහ චිකන් නගට්ස් මේ සියල්ලට උදාහරණ වේ. නමුත් ඒවාට එතරම් අවධානයට ලක් නොවන ඇතැම් පාන් වර්ග, උදෑසන ආහාරය සඳහා ගනු ලබන ධාන්ය වර්ග සහ යෝගට් වර්ග ද ඇතුළත් විය හැකි ය.
අධි-සැකසූ ආහාර, සැකසූ ආහාරවලට වඩා වෙනස් වන්නේ කෙසේ ද?
විවිධ ආහාර වර්ග හඳුනා ගැනීමට උපකාර වීම පිණිස ඒවා කාණ්ඩ හතරකට බෙදා දැක්වෙන පද්ධතියක් බොහෝ විට භාවිත වේ.
සකස් නොකරන ලද සහ අවම වශයෙන් සැකසූ ආහාර:
සැකසූ අමුද්රව්ය:
සැකසූ ආහාර සහ
අධි-සැකසූ ආහාර යනු එම කාණ්ඩ 4යි.
සැකසූ ආහාර යනු පලතුරු, එළවළු, ඇට වර්ග සහ බිත්තර වැනි ස්වභාවික ආහාර (whole foods) සහ කෑම පිසීම සඳහා යොදා ගන්නා සැකසූ අමුද්රව්යවල එකතුවකි.
උදාහරණයක් ලෙස තිරිඟු පිටි, ජලය, ලුණු සහ යීස්ට්වලින් සාදන පාන් යනු සැකසූ ආහාරයකි.
කෙසේ වෙතත්, ඉමල්සිෆයර්, වර්ණක හෝ කල් තබා ගන්නා ද්රව්ය එකතු කරන්නේ නම්, පාන් අධි-සැකසූ ආහාරයක් බවට පත්වනු ඇත.
අධි-සැකසූ ආහාර හඳුනා ගන්නේ කෙසේ ද?
ස්පාඤ්ඤයේ නවාරා විශ්වවිද්යාලයේ මහජන සෞඛ්ය පිළිබඳ විශේෂඥ මහාචාර්ය මයිරා බෙස්-රස්ට්රොලෝ පවසන පරිදි අමුද්රව්ය පහකට වඩා අඩංගු නිෂ්පාදනයක් අධි-සැකසූ ආහාරයක් විය හැකි ය.
අධි-සැකසූ ආහාරවල බොහෝ විට ලුණු, සීනි සහ සංතෘප්ත මේද බහුල වේ. එක්සත් රාජධානියේ සහ තවත් සමහර රටවල මෙය ඇසුරුම්වල විශේෂයෙන් සඳහන් කර ඇත.
එය "නැවුම් ආහාරයක්" විය හැකි නමුත් කල් තබා ගන්නා ද්රව්ය නිසා ඊට දිගු ආයු කාලයක් (long shelf life) පවතී. [ඔබ මිල දී ගන්නා ආහාරවල] සෝඩියම් බෙන්සොයිට්, නයිට්රේට් සහ සල්ෆයිට්, BHA සහ BHT වැනි සංඝටක තිබේ දැයි ලේබල පරීක්ෂා කර බලන්න.
අධි-සැකසූ ආහාර ලොව පුරා ව්යාප්ත වී ඇත්තේ කෙසේ ද?
British Medical Journal සහ ජෛව තාක්ෂණ තොරතුරු සඳහා වන එක්සත් ජනපදයේ ජාතික මධ්යස්ථානයට අනුව, අධි-සැකසූ ආහාර වැඩි වශයෙන් අනුභව කරන්නේ එක්සත් රාජධානියේ සහ එක්සත් ජනපදයේ පුද්ගලයින් ය.
2023දී, එය සාමාන්ය එක්සත් ජනපද වැඩිහිටියෙකුගේ කැලරි ප්රමාණයෙන් 58%ක් සහ දරුවෙකුගේ 66%ක් විය.
එක්සත් රාජධානියේ එම අගයන් වැඩිහිටියන් සහ ළමුන් සඳහා 57% සහ 65%ක් වේ.
ජෛව තාක්ෂණ තොරතුරු සඳහා වන එක්සත් ජනපද ජාතික මධ්යස්ථානය පැවසුවේ, දකුණු කොරියාව සහ ජපානය වැනි ආසියානු රටවල සහ බ්රසීලය සහ චිලී වැනි දකුණු ඇමෙරිකානු රටවල සාමාන්යයෙන් මිනිසුන්ගේ සමස්ත කැලරි ප්රමාණයෙන් 20 - 30% දක්වා ප්රමාණයකට අධි-සැකසු ආහාර හේතුවන බව ය. දකුණු අප්රිකාවේ එම අගය 39%කි.
අධි-සැකසූ ආහාර අනුභව කිරීම නරක ද?
අධි-සැකසූ ආහාර අනුභව කිරීමෙන් ඇතිවන සෞඛ්යමය බලපෑම පිළිබඳව නිශ්චිත සාක්ෂියක් නොමැත.
කෙසේ වෙතත්, British Medical Journal ලොව පුරා මිලියන 9.9 ක ජනතාවකගේ තොරතුරු මත පදනම්ව මෑතකාලීනව සිදු කරන ලද අධ්යයනයකින් ඒවා:
• හෘද රෝගයකින් (හෘදයාබාධ සහ ආඝාතය වැනි) මරණයට පත් වීමේ වැඩි අවදානමක්
• ස්ථූලභාවය
• දෙවන වර්ගයේ දියවැඩියාව
• නින්ද පිළිබඳ ගැටලු
• කාංසාව සහ විෂාදය ආදී තත්ත්ව ඇති කිරීමට සම්බන්ධ වන බවට පැවසීය.
කෙසේ වෙතත්, මෙම රෝගාබාධවලට හේතු වූයේ ආහාර සැකසීමේ ක්රියාවලිය ද නොඑසේ නම් ඒවා බොහොමයක අඩංගු අධික මේදය, සීනි සහ ලුණු යන කාරණය ද යන්න ඔප්පු කිරීමට එම අධ්යයනයට නොහැකි විය.
ස්ථූලභාවය
"අධි-සැකසූ ආහාර අනුභව කිරීමේ පළමු හා වඩාත් ම පැහැදිලි බලපෑම තමයි බර වැඩිවීම," පෝෂණය පිළිබඳව ද ලියා ඇති ලන්ඩනයේ යුනිවර්සිටි කොලේජ්හි ප්රතිශක්තිවේදය පිළිබඳ විශේෂඥයෙකු වන ක්රිස් වැන් ටුලෙකන් පවසයි.
"මේ කෑමවල කොහොමත් මේදය, ලුණු සහ සීනි අධිකයි. නමුත් විවිධ වර්ණක සහ රසකාරක දාලා ඒවා හදලා තියෙන්නේ ඕනකමින් ම වැඩිපුර කවන්න."
ලන්ඩනයේ ඉම්පීරියල් කොලේජ්හි 2024 පෙබරවාරි මාසයේ සිදු කළ අධ්යයනයකින් කියැවෙන්නේ, 2022 වන විට ලොව පුරා බිලියනයකට වඩා වැඩි පිරිසක් ස්ථූලභාවයෙන් පෙළෙමින් සිටි බව ය. එනම්, සෑම අට දෙනෙකුගෙන් එක් පුද්ගලයෙකු ස්ථූලභාවයෙන් පෙළුණු බව ය.
තව ද 1992 සහ 2022 අතර කාලය තුළ, වැඩිහිටි කාන්තාවන් ස්ථූලභාවයෙන් පෙළීමේ අනුපාතය දෙගුණයකටත් වඩා වැඩි අගයකින් ද, වැඩිහිටි පිරිමින් සඳහා ආසන්න වශයෙන් තුන් ගුණයකින් ද දරුවන් සහ නව යෞවනයන් සඳහා එය පස් ගුණයකින් ද ඉහළ ගිය බව එහි සඳහන් වේ.
එපමණක් නොව, 2016 සිට ලෝක සෞඛ්ය සංවිධානයේ සහ ගෝලීය සෞඛ්ය නිරීක්ෂණාගාරයේ නවතම දත්ත පවසන්නේ, ඇමෙරිකාවේ වැඩිහිටියන්ගෙන් 28%කට වඩා වැඩි ගණනක්, යුරෝපයේ 26%ක්, නැගෙනහිර මධ්යධරණී කලාපයේ 19%ක් සහ අප්රිකාවේ 9%ක් දැන් ස්ථූලභාවයෙන් පෙළෙන බව ය.
ලෝක සෞඛ්ය සංවිධානය ප්රකාශ කළේ, 2016 වන විට බිලියන 2.8ක ජනතාවක් සෑම වසරක ම අධික බර හෝ ස්ථූලභාවය නිසා මිය යන බව ය.
"ලෝකයේ බොහෝ රටවල, අධි-සැකසූ ආහාර දැන් වෙළෙඳපොළේ තියෙන සාම්ප්රදායික ස්වභාවික ආහාරවලට වඩා දැරිය හැකි මිලකට ගන්න පුළුවන්," දරුවන් සඳහා වන එක්සත් ජාතීන්ගේ ඒජන්සිය වන යුනිසෙෆ්හි පෝෂණ විශේෂඥ, වෛද්ය ක්ලෙයාර් ජොන්සන් පවසයි.
දියවැඩියාව
ජාත්යන්තර දියවැඩියා සම්මේලනයට අනුව, ලොව පුරා බොහෝ පුද්ගලයින්ට දැන් දෙවන වර්ගයේ දියවැඩියාව තිබේ.
"අධි-සැකසූ ආහාරවල ඇති සීනි, ලුණු සහ මේදය වගේ ම කැලරි වැඩි සහ පෝෂ්ය පදාර්ථ අඩු ආහාර ගැනීම දෙවන වර්ගයේ දියවැඩියා අවදානම ඇති කරන සාධක වෙනවා," හෙල්සින්කි විශ්වවිද්යාලයේ මහජන සෞඛ්ය පිළිබඳ මහාචාර්ය යාක්කෝ තම්මිලෙහ්තෝ පවසයි.
මැදපෙරදිග සහ උතුරු අප්රිකාවේ දෙවන වර්ගයේ දියවැඩියා රෝගීන්ගේ සංඛ්යාවේ ඉහළ වැඩිවීමක් දක්නට ලැබේ.
"මෙම රටවල් බොහොමයක් තමන්ට අවශ්ය ආහාර නිෂ්පාදනය කර ගන්නේ නැහැ," මහාචාර්ය තම්මිලෙහ්තෝ පවසයි. "අධි-සකසන ලද ආහාර ප්රවාහනය කිරීමට සහ ගබඩා කිරීමට පහසුයි. ආහාර සමාගම් වැඩිපුර ම යවන්නේ ඒවා."
මන්දපෝෂණය
අධි-සැකසූ ආහාර බොහෝ උප-සහරා රටවල කුපෝෂණයට දායක වන බව වෛද්ය ජොන්සන් පවසයි.
'යකඩ, ඛනිජ ලවණ සහ විටමින් වැනි සාම්ප්රදායික ස්වභාවික (whole foods) ආහාරවල අඩංගු ක්ෂුද්ර පෝෂක ඒවායේ බොහෝ විට නැහැ,' ඇය පවසයි.
කෙසේ වෙතත්, එක්සත් ජනපදයේ පර්ඩියු විශ්වවිද්යාලයේ විද්යාඥයින් පවසන්නේ, අධි-සැකසූ ආහාරවල යම් ප්රතිලාභ තිබිය හැකි බව ය.
• විටමින් E සහ කැල්සියම් වැනි පෝෂ්ය පදාර්ථ ලබා දීම
• අඩු ආදායම්ලාභීන් සඳහා නැවුම් ආහාරවලට වඩා දැරිය හැකි විකල්පයක් වීම
• ආහාර නාස්තිය සහ ආහාර විෂ වීමේ අවදානම අවම කිරීම ඒවා අතර වෙයි.
ආහාර සමාගම් සමග කටයුතු කරන සහ ඒවායෙන් පරිත්යාග ලබා ගන්නා British Nutrition Foundation ද අවධාරණය කරන්නේ, අධි-සැකසූ ආහාර සියල්ල එක හා සමාන නොවන බව ය.
'අධි-සැකසූ ආහාර ලෙස වර්ග කරන උදෑසන ආහාරය සඳහා ගන්න පූර්ණ ධාන්යමය ආහාර වර්ග, ස්වභාවික පිටිවලින් හදන පාන් (wholemeal breads) සහ ලෝ-ෆැට් යෝගට් වැනි ආහාර ද්රව්යවල මේදය, ලුණු සහ සීනි ප්රමාණය අඩු වෙන්න පුළුවන්,' එහි විද්යා අධ්යක්ෂ සාරා ස්ටැනර් පවසයි. 'මේවා අත්යවශ්ය පෝෂ්ය පදාර්ථ සහ තන්තු තියෙන ප්රභවයන් විය හැක.'
හෘද රෝග
2024 ජූනි මාසයේදී සාඕ පාවුලෝ විශ්වවිද්යාලය සහ ලන්ඩනයේ ඉම්පීරියල් කොලේජ්හි අධ්යයනයකින් පෙන්වා දුන්නේ, ශාක පදනම් කරගත් අධි-සැකසූ ආහාර සෞඛ්යයට තර්ජනයක් විය හැකි බව ය.
සකස් නොකළ ශාක පදනම් කරගත් ආහාර අනුභව කිරීම හා සසඳන විට හෘදයාබාධ සහ ආඝාත වැනි රෝග ඇතිවීමේ අවදානම 7%කින් වැඩි වීම සමග අධි-සැකසූ ශාක පදනම් කරගත් ආහාර අනුභව කිරීම සම්බන්ධ බවට එහි සඳහන් විය.
උපුටා ගැනීම අන්තර් ජාලයෙනි ......
_______________________________________
අප මෙම තොරතුරු ඔබ වෙත ගෙන එන්නේ ඔබේ දැනුම සඳහායි.......................................................................
* මෙවැනි වටිනා විස්තර දිනපතා දැන ගැනීමට ''Need TV'' facebook පිටුවට Like කරන්න. ඒ වගේම අනිත් යාලුවන්ට දැනගන්න මේ ලිපිය Share කරන්න
12/02/2026
වකුගඩු වල ගල් යනු මොනවාද ?
ඒවා වළක්වා ගැනීමට ගතයුතු ආහාර මොනවාද?
වකුගඩු වල ගල් (kidney stones/ renal calculi/ nephrolithiasis) කියන්නෙ අපි බොහෝ දෙනෙක්ට අහල පුරුදු සෞඛ්ය ගැටළුවක්.
ඉතිං වකුගඩු වල ගල් කියල හඳුන්වන්නෙ මොනවගේ තත්වයක්ද? එවැනි තත්වයන් ඇතිවූ විට අපේ ආහාර රටාව වෙනස්කර ගත යුත්තේ කෙසේද කියල බලමු.
අපි සමාන්ය ව්යවහාරයේදී වකුගඩු ගල් කියල හැඳින්වුවත් මේ තත්වය වකුගඩු වල සිට මුත්රාශය දක්වා මුත්ර මාර්ගයේ ඕනෑම ස්ථානයක ඇතිවීමේ අවදානමක් තියෙන බව ඔබ මුලින්ම දැනුවත් වී සිටිය යුතුමයි.
ආහාර පාලනය,
සිරුරේ අධික බර,
සමහර රෝග තත්වයන් සහ
ඇතැම් ආහාර අතිරේක සහ ඖෂධ වර්ග නිසා වකුගඩු වල ගල් ඇතිවීමේ අවදානමක් පවතින බවයි පර්යේෂකනයන් පෙන්වා දෙනනේ.
සාමාන්යයෙන්, ඛණිජ සහ ලවණ එකතු වුන ස්ඵටික ආකාරයේ තැම්පතු වකුගඩු ගල් කියල හැඳින්වුනත් වකුගඩු ගල් ඇතිවෙන්න පුළුවන් ආකාර කීපයක්ම තියෙනවා. ප්රෝටීන පරිවෘත්තීයේ ප්රතිඵලයක් විදිහට ඇතිවෙන යූරික් අම්ලය තැම්පත් වීමෙන් වගේම මුත්රා වල ඇති ඔක්සලේට් පොස්පරස් වැනි රසායනික ද්රව්ය කැල්සියම් සමඟ එකතු වීමෙන් ඇතිවන ස්ඵටික තැම්පත් වීමුත් ඒ අතරින් ප්රධානයි.
ඔබේ මුත්රා මාර්ගය ඝන ද්රව්ය බැහැර කිරීමට නිර්මාණය කර නොමැති නිසා වකුගඩු වල ගල් ඇතිවීම වේදනාකාරී වීම පුදුමයට කාරණාවක් නම් නෙමෙයි.
ඒ නිසා දැන් අපි බලමු වකුගඩු වල ගල් වැනි තත්වයන් හඳුනාගන්න අපිට උපකාරී වෙන රෝග ලක්ෂණ මොනවද කියල.
රෝග ලක්ෂණ
සාමාන්යයෙන් මේ ස්ඵටික වකුගඩුව තුළ චලනය වීම හෝ මුත්ර මාර්ගයට ඇතුළු වීම සිදුවෙන තෙක් රෝග ලක්ෂණ ඇතිවීම සිදුවෙන්නෙ නෑ.
නමුත් වකුගඩු ගලක්, මුත්ර මාර්ගය තුළ තැම්පත් වූවොත් එය මුත්ර පිටවීම අවහිර වී වකුගඩු ඉදිමීමටත් මුත්රා පිටවන විට දැඩි අපහසුතා ඇතිකරන්නත් හේතු වෙන්න පුළුවන්.
ඒ අවස්ථාවේදී,
ඉළ ඇටයට පහළින් සහ පිටුපස දකුණු පසට සමීපව දැඩි වේදනාවක්,
පහළ උදරය සහ ඉණ ආශ්රිතව ඇතිවෙන වේදනාවක්,
මුත්රා කිරීමේදී ඇතිවෙන වේදනාවක් හෝ දැවිල්ලක් වගේම
රෝස, රතු හෝ දුඹුරු පැහැයෙන් යුතු මුත්රා,
දැඩි දුර්ගන්ධයකින් යුතු වළාකුළු වැනි පෙණ ස්වභාවයක් සහිත මුත්රා,
ඔක්කාරය සහ වමනය වගේම වෙනදාට වඩා වැඩි වාර ගණනක් කුඩා ප්රමාණවලින් නිතර නිතර මුත්රා කිරීමේ අවශ්යතාවය ඇතිවීමත් දකින්න ලැබෙනවා.
මේ වේදනාවන් ඔබට දැනෙනව නම්, ඉතාම ඉක්මණින් වෛද්ය උපදෙස් ගැනීම අනිවාර්ය බව අපි ඔබට මතක් කරන්න කැමතියි.
හොඳයි, දැන් අපි බලමු වකුගඩු රෝගී තත්වයන් වලදී අපි අපේ ආහාර රටාව වෙනස් කරගන්න ඕනෙ කොහොමද කියල.
ආහාර රටාව
වකුගඩු වල ගල් ඇතිවීමේ තත්වය හඳුනාගත්තාට පසුව ඔබේ ආහාර රටාව වෙනස් කල යුතු ආකාරය පිළිබඳව ඔබේ වෛද්යවරයා සමඟ සාකච්ඡා කර උපදෙස් ලබා ගැනීම ඉතාම වැදගත්.
ඔබේ වකුගඩු වල ගල් ඇතිවී ඇති ස්වභාවය අනුව එකිනෙකට වෙනස් ආහාර රටාවක් අනුගමනය කරන්න ඔබේ වෛද්යවරයාගෙන් උපදෙස් ලැබීම බොහෝ විට සිදුවෙන්න පුළුවන්.
නමුත් වැඩිපුර ජලය පානය කිරීම මඟින් ශරීරය සජලනය කර ගැනීම,
ලෙමන්, දොඩම්, මිදි යුෂ වැනි විටමින් C අඩංගු ආහාර වැඩිපුර ගැනීම,
හොඳ කැල්සියම්/ විටමින් D ප්රතිශතයක් ආහාර වේලට එකතු කර ගැනීම,
වගේම
ලුණු භාවිතය හැකිතරම් සීමා කිරීම,
මස් වලින් ප්රෝටීන් ලබා ගැනීම සීමා කිරීම,
ඔක්සලේට් අඩංගු චොකලට්, ඇට වර්ග, තේ, බතල වගේ ආහාර වර්ග සීමා කිරීම සහ
සීනි, වර්ණක සහ කෘතිම රසකාරක යෙදූ කෝලා වැනි පානයන් ආහාර වේලට එකතු කර ගැනීම හැකිතරම් සීමා කරන උපදෙස් බොහෝ විට වෛද්යවරුන්ගෙන් ලැබෙනවා දැකගන්න පුළුවන්.
උපුටා ගැනීම අන්තර් ජාලයෙනි ......
_______________________________________
අප මෙම තොරතුරු ඔබ වෙත ගෙන එන්නේ ඔබේ දැනුම සඳහායි.
ඔබට තව දුරටත් විස්තර අවශ්ය නම් සහ ඔබට මෙම සත්කාර කිරීමට අවශ්ය නම් නිසි වෛද්ය උපදෙස් ලබා ගැනීමට කටයුතු කරන්න........................................................................
* මෙවැනි වටිනා විස්තර දිනපතා දැන ගැනීමට අපගේ ඉසිවර අඩවිය (Isiwara Adawiya) facebook පිටුවට Like කරන්න. ඒ වගේම අනිත් යාලුවන්ට දැනගන්න මේ ලිපිය Share කරන්න..
11/02/2026
සබන් කැටේ කතන්දරේ........
ලෝකෙ හැමතැනම, හැමදෙනාම පාවිච්චි කරන සබන් මුලින්ම හොයා ගත්තෙ කොහොමද කියලා ඔබ දන්නවද? සබන් නැතුව ජීවත් වෙන්න බැරි තරමට මේ නිශ්පාදනය මිනිස්සු අතර ජනප්රිය වුණේ කොහොමද කියලා බලන්නයි අද අපේ සූදානම.
මුල්ම හඳුන්වා දීම
සබන් වල ඉතිහාසය අවුරුදු 6000ක් විතර අතීතයට යනවා. නමුත් කවුරුවත්ම දන්නෙ නැහැ ඇත්තටම කොයි විදියටද සබන් කියන මේ සේදුම් නිශ්පාදනය හොයා ගත්තෙ කියලා. ඒ වුණත් මේ වටා ගෙතුණු විවිධාකාර කතන්දර නම් බොහොමයි.
පුරාවිද්යා කැණීම් වලින් ආදි බැබිලෝනියානුවන් සබන් නිශ්පාදනය කළ බවට සාක්ෂි ලැබෙන අතර ඊජිප්තු වාසීන් සබන් නිශ්පාදනය කරලා තියෙන්නෙ ශාක සහ සත්ත්ව තෙල්, ඇල්කලයින ලුණු (ක්ෂාර ලුණු) සමඟ මිශ්ර කිරීමෙනුයි.
රෝමානුවන්ට අනුව සබන් වලට “soap” යන නම ලැබෙන්නෙ රෝමයේ පිහිටි “සපෝ කන්ද” නිසයි. සපෝ කන්දෙදි සතුන් බිලි දීමේ යාගයන් පවත්වලා තියෙනවා. වර්ෂාවත් එක්ක මේ සත්ත්ව මේදය ක්ෂාර ලුණු සහිත අළු සමඟ මිශ්ර වෙලා ටයිබර් නදියට ගලාගෙන ඇවිත් තියෙනවා. ඒ අවට මිනිස්සු රෙදි සේදීමට ඇවිත් තියෙන්නෙ මේ ටයිබර් නදියට. වෙනදාට වඩා හොඳින් රෙදි වල කුණු ඉවත් වෙන්නෙ කොහොමද කියලා හොයා බැලුවම තමයි මේ විස්තරය ඔවුන් දැනගෙන තියෙන්නෙ.
පසුකාලීනව යුරෝපීයයන් සබන් නිශ්පාදනයේදී ඔලිව් තෙල් භාවිතය ආරම්භ කළ අතර ඔවුන් එය “කැස්ටියල්” ලෙස නම් කළා. 14 වන සියවසේදී ඔලිව් තෙල් මුහුදු ජලය සමඟ මිශ්ර කිරීමෙන් ප්රංශ ජාතිකයන් විසින් තවත් සබන් විශේෂයක් හඳුන්වා දෙනු ලැබුවා.
18 වන සියවසේදිත් සබන් භාවිතා කළ පිරිසේ ලොකු වැඩි වීමක් දක්නට ලැබෙන්නෙ නැහැ. සබන් වල තිබූ අප්රසන්න ගන්ධය එයට එක් හේතුවක් වන්නට ඇති. නමුත් කාර්මික විප්ලවයෙන් පසුව නව සබන් නිශ්පාදන ක්රම හඳුන්වා දීමත්, ඒවාට සුවඳ කැවීමේ ආකාර සොයා ගැනීමත් නිසා වෙනදාට වඩා සබන් භාවිතයේ ඉහළ යාමක් දකින්නට ලැබුණා. ඉන්පස්සෙ ඇමරිකානුවොත් සබන් නිශ්පාදනය ආරම්භ කළා. වෙළඳපොළ නිශ්පාදනයක් විදියට සබන් කරලියට ආවේ 19 වැනි සියවසේදි යි.
සබන් නිශ්පාදනය සරලයි කියලා හිතුණාට මහා පරිමාණයෙන් සබන් නිශ්පාදනය පියවර ගණනාවක් සහිත සංකීර්ණ ක්රියාවලියක්. මුලින්ම මේදය සහ පොටෑෂ් ද්රාවණය නියමිත ඝණත්වය තෙක් උණු කළ යුතුයි. මෙහිදී සිදුවන ප්රතික්රයාවෙන් සබන් සහ ග්ලිසරින් ප්රතිඵල ලෙස ලැබෙනවා. සබන් සහ ග්ලිසරින් වෙන් කිරීමට ලවණ සමඟ ප්රතික්රියා කරවීම මීළඟ පියවරයි.
මෙහිදි ග්ලිසරින් අඩියේ තැන්පත් වන අතර ද්රව සබන් ඒ මත පාවෙනවා. ඉන්පසු ග්ලිසරින් නිස්සාරණය කරන අතර අනවශ්ය මේද ඉවත් කර සාන්ද්ර කෝස්ටික් ද්රාවණයක් නැවතත් ද්රව සබන් සහිත බඳුනට එකතු කරනවා. නැවතත් මෙම ද්රාවණය නියමිත තත්ත්ව යටතේ උණු කිරීමෙන් පස්සෙ ජලය සහ සුවඳ කැවීමට යොදා ගැනෙන රසායනික ද්රවය සමඟ මිශ්රකර උණු කරනවා.
මේ මිශ්රණයේ ඉහළම ස්ථරය 70%ක් සබන් සහ 30%ක් ජලය සහිත පිරිසිදු සබන් ලෙස හඳුන්වනවා. පහළ ස්ථරයේ විශාල වශයෙන් අපිරිසිදු ද්රව්ය අඩංගු වෙනවා. පිරිසිදු සබන් වෙන් කරගෙන ශීත කිරීමෙන් පස්සෙ කැමති හැඩයකට කපා ගත හැකියි.
මුලදී රෙදි සෝදා ගැනීමට භාවිතා කළ සබන් පසු කාලීනව ශරීරය පිරිසිදු කිරීමටත් යොදා ගත්තා. අද වන විට නානාප්රකාර සුවඳින් යුතු විවිධාකාර සබන් නිශ්පාදන රැසක් වෙළඳපොලේ දක්නට ලැබෙනවා.
සාමාන්යෙයන් දිය නෑමකින් පසුව සම වියළි ස්වභාවයකට පත් වෙනවා. එයට හේතු වෙන්නෙ සබන් නිසා සමේ තෙතමනය අධිකව ඉවත් වීමයි. දිගු කාලීනව සමට නුසුදුසු සබන් භාවිතයෙන් වියළීම, සම රැළි වැටීම සහ සම වියපත් වීම සිදු වෙනවා.
වෛද්යවරුන්ගේ මතයට අනුව සබන් යනු දෛනික සම පිරිසිදු කිරීමේ ක්රියාවලියට අවශ්ය වූවක් මිස සුවඳවත් කිරීමේ ද්රව්යයක් නොවෙයි. මුල්ම වරට රුව වඩවන සබන් නිශ්පාදනය කරලා තියෙන්නෙ 1878 දි පාර්ලි ප්රොක්ටර් සහ ජේම්ස් ගැම්බල් විසින්. ඔවුන් එය අයිවරි සබන් ලෙස නම් කළ අතර මෙම සබන් වර්ගය අදටත් වෙළඳපොළෙහි අලෙවි කරනු ලබනවා.
අධික රසායනික සංයුතියක් සහිත සබන්, ඉහළ පී.එච් (pH) අගයක් සහිත සබන් හෝ ඉහළ අම්ල සංයුතියක් සහිත සබන් භාවිතය සෞඛ්යයට අහිතකරයි. ඒනිසා සබන් වර්ගයක් තෝරා ගැනීමේදී මේ පිළිබඳවත් සැලකිලිමත් විය යුතුයි.
උපුටා ගැනීම අන්තර් ජාලයෙනි ......
_______________________________________
අප මෙම තොරතුරු ඔබ වෙත ගෙන එන්නේ ඔබේ දැනුම සඳහායි.......................................................................
* මෙවැනි වටිනා විස්තර දිනපතා දැන ගැනීමට ''Need TV'' facebook පිටුවට Like කරන්න. ඒ වගේම අනිත් යාලුවන්ට දැනගන්න මේ ලිපිය Share කරන්න
09/02/2026
සතියකට පාසැල් දැරියන් 9-20ක්.. තරුන තරුනියන් 7-8ක්...
හදිසි ප්රතිකාර එකකයට රැගෙන එන මේ තත්වය ??????
මොවුන් බොහොමයක් විට..
කරකැවිල්ල,
කලාන්තය..
වේගයෙන් හුස්ම ගැනීම..
පපුවේ කැක්කුම
අතේ පයේ හිරිගතිය..
අතේ පයේ ඇගිලි ඇදවීම..
පපුවේ ගැස්ම වැඩිවීම...
හුස්ම ගැනිමේ අපහසුව.
අඩ්ක ලෙස දහඩිය දැමීම..
ඇතැම්විට සිහි මද බව.
තොල්,කටෙ වියලි බව...
දැඩි නිදිමත කම..
තොල්වල හිරි ගතිය.
අත්පා දරදඩුවීම..
ඉහත ලක්ෂණ එකක් හෝ කිහිපයක් පෙන්වයි..
මෙය බොහොමයක් විට panic attack ලෙස හදුවන්න පුලුවන් දරගත නොහකි අනියත බියක් ඇතිවීම,මෙය ..
ජිව්තය පිලිබද අනියත බියක්..
හුස්ම ගැනීමට නොහකි වේයැයි ඇතිවන බියක්...
ඇතැම් අවස්ථා කලමනාකරනය කරගැනීමට නොහැකි වේයැයි බිය.
ඇතැම් රෝගී තත්වයන් නිසාද මෙසේ සිදිවිය හැකිය..
1 .,දියවැඩියාව
2. හතිය
3 තයිරොයිඩ් හොමෝන වැඩිවීම.
4 දරු ප්රසූතියකට පසුව..
5.කනේ ආබාධ ..
ඉහත රෝග නැති කෙනෙක් නම්..
කලබල නොවන්න..
රෝගියා සනසවන්න..
රොගියා වේගයෙන් හුස්ම ගන්නේ නම් තත්පර 5කට වරක් හුස්ම ගන්න උපදෙස් දෙන්න නැත්නම් නාසයෙන් හුස්ම ගෙන තොල් වසගෙන එ තුලින් හුස්ම පිටකරන්න උපදෙස් දෙන්න..
බොහොමයක් මෙය මානසික ව්යාකූලත්වය නිසා ඇතිවන්නක් නිසා මානසික උපදෙස් මගින් නිට්ටාවටම සුවකරන්න පුලුවන් එනිසා කලබල නොව් රෝහලට රැගෙන එන්න...
සාමාජිය වටපිටාව ගැන අවබෝධයක් දරුවට දෙන්න...
මෙය අනියතම බියක් ,කිසිදා ඇත්ත නොවන හැගීමක් බව තේරුම් කර දෙන්න..
..මෙය බොහොමයක් විට පාසැල් ගුරුවරුනට වැදගත් වෙයි.....ශෙයාර් කරල දෙන්න....ස්තුතියි ..වෛද්ය පාලිත ...
උපුටා ගැනීම අන්තර් ජාලයෙනි ......
_______________________________________
අප මෙම තොරතුරු ඔබ වෙත ගෙන එන්නේ ඔබේ දැනුම සඳහායි.......................................................................
* මෙවැනි වටිනා විස්තර දිනපතා දැන ගැනීමට ''Need TV'' facebook පිටුවට Like කරන්න. ඒ වගේම අනිත් යාලුවන්ට දැනගන්න මේ ලිපිය Share කරන්න
07/02/2026
සදාචාරය හා සංස්කෘතිය අතර හිරවෙන ලිංගිකත්වය
ඇරස්ටෝටල් ප්රකාශ කරන පරිදි; මිනිසාට උපතින්ම හිමි වන ප්රධාන ආශාවන් ත්රිත්වයකි. එනම් ධනය, බලය සහ ලිංගිකත්වය ළඟා කර ගැනීම යි. මින් ධනය හා බලය පිළිබඳව ප්රසිද්ධියේ කථා කළ ද, තෙවන අවශ්යතාවය පිළිබඳව ප්රසිද්ධියේ කථා නොකරයි. බොහෝ විට ලිංගිකත්වය අප්රසිද්ධ, අප්රකට මාතෘකාවක් බවට පත් වී ඇත. ඉන් ලිංගිකත්වය පිළිබඳ ආශාවක් හෝ අවශ්යතාවයක් පුද්ගලයාට නොමැති බව ප්රකාශ නොවේ.
ලිංගිකත්වය ඉගැන්වීම
ලිංගිකත්වය පිළිබඳව අවබෝධය සහ දැනුම ලබාදීම අතිශයින්ම වැදගත් ය. විශේෂයෙන්ම, නව යොවුන් වියේ පසුවන දරුවන් මේ කාල පරාසය තුළ දී ශාරීරික වශයෙන් විශාල වෙනස්කම් ප්රමාණයක් අත්විඳී. අනාගතයේ දී දරුවකු වැදීම සඳහා ශරීරය සූදානම් වේ. ශාරීරික වෙනස්කම් සමග ඔවුනට තම ශරීරය සහ ලිංගිකත්වය පිළිබඳව කුතුහලයක් ඇති වීම ස්වභාවික ය. එලෙස ඇති වන කුතුහලය සංසිඳුවා ගනු වස්, ලිංගිකත්වය පිළිබඳව කරුණු, දැනුම සොයා යනු ලබයි. නමුත්, එලෙස කරුණු සොයා යාම සඳහා විශ්වසනීය සහ විධිමත් මූලාශ්ර පවතින්නේ ඉතා අවම වශයෙනි. එලෙස කරුණු ලබා ගත හැකි විශ්වසනීය මූලාශ්ර ලෙස පාසල සහ දෙමව්පියන් හඳුනාගත හැකිය.
නමුත්, දෙමාපියන් බොහෝ විට සදාචාරය මත පදනමව ලිංගිකත්වය පිළිබඳව තම දරුවන්ට අවබෝධ කර දීමට ඉදිරිපත් නොවේ. පාසලේ ගුරුවරු ද බොහෝ විට සදාචාරය හා සංස්කෘතිය මතට මුවා වෙමින් ලිංගිකත්වය පිළිබඳ පාඩම් මඟ හරිමින් හෝ අතපසු කරමින් ඉදිරියට යනු දැකගත හැකිය. මෙලෙස මවුපියන් හා ගුරුවරුන් යන දෙපාර්ශ්වයම තමාගෙන් ඉටුවිය යුතු වගකීම් මඟ හැරීම හෝ අතපසු කිරීම හරහා තරුණ පරම්පරාවට ලිංගිකත්වය පිළිබඳව විධිමත් දැනුමක් ලැබීමේ ඉඩකඩ අහිමි වේ. බොහෝ යෞවනයන්ට ළමා වියෙන්, වැඩිහිටි වියට සංක්රමණය වන අවස්ථාවේ දී ලිංගිකත්වය පිළිබඳව ව්යාකූල හා විසංවාදී තොරතුරු ලැබේ. යෞවනයින්ට ආරක්ෂාකාරී, ඵලදායි හා පරිපූර්ණ ජීවිතයක් ගත කිරීම සඳහා අවශ්ය තොරතුරු ලබා දීමේ දැඩි අවශ්යතාවයක් මේ නිසාම උද්ගත වෙයි. පරිපූර්ණ ලිංගික අධ්යාපනයක් ලබාදීම හරහා යෞවනයන්ට ඔවුන්ගේ සමාජ සම්බන්ධතා, ලිංගිකත්වය පිළිබඳව දැනුවත් තීරණ ගැනීමට, යහපැවැත්මට අවදානම් ඇති කරන්නා වූ ස්ත්රී-පුරුෂ සමාජභාවය මත පදනම් කරගත් ප්රචණ්ඩත්වය, අසමානතාව, අනවශ්ය ගැබ් ගැනීම්, ලිංගික සම්ප්රේෂණ රෝග වැනි අවදානම්වලින් මිදී යහපත් ජීවන රටාවකට පියනැගීමට එය මනා පිටුවහලක් වේ.
නිසි ලිංගික අධ්යාපනයක් නොලැබෙන විට;
පරිපූර්ණ ලිංගික අධ්යාපනයක් නොමැති වීම හේතුවෙන් තරුණ ප්රජාව නොයෙකුත් ලිංගික රෝග සහ මානසික, කායික, සමාජීය ගැටළුවලට මුහුණ දෙන ආකාරය දැකගත හැකිය. ලංකාවේ තරුණ ජනගහනය මිලියන 4.4ක් පමණ වේ. ඉන් 50%කට පමණ නිසි ලිංගික අධ්යාපනයක් නොමැති බව කරන ලද අධ්යයනවලින් හෙළි වී ඇත. නිසි අධ්යාපනයක් නොලැබීම හරහා අනවශ්ය ලෙස නව යොවුන් වියේ දී සිදුවන ගැබ් ගැනීම, ලිංගික සම්ප්රේෂණ රෝග ව්යාප්ත වීම, කායික මානසික පීඩනයට සහ අවහිරතාවයට මුහුණ දීම යනාදී ඛේදවාචකයන් අපට දැකගත හැකිය.
ලංකාව තුළ අවුරුදු 20ට අඩු ගැබිණි මාතාවන් 20,000ක් පමණ වාර්ෂිකව වාර්තා වේ. 2018 UNICEF සංවිධාන වාර්තාවකට අනුව, 2016 ලංකාවේ ගර්භනී කාන්තාවන් අතරින් 4.6%ක් නව යොවුන් වියේ පාසල් දරුවන් ය. ඇතැම් පළාත්වල 5%ත් 8%ත් අතර අගයක් ගනී. මීට අමතරව ඒත් සමගම ලංකාව තුළ වාර්තා වන නීති විරෝධී ගබ්සා කිරීම් ද ඉහළ යමින් පවතී. මෙලෙස නව යොවුන් වියේ දී සිදුවන ගැබ් ගැනිම් (අනපේක්ෂිතව) නිසාම අදාළ දරුවන්ගේ පාසල් අධ්යාපන කටයුතු නතර වීම, සමාජීය වශයෙන් පීඩනයට ලක් වීම සහ මන්ද පෝෂණයෙන් යුතු දරුවන් බිහි වීම ආදී ප්රතිඵල දැකගත හැකිය. මෙලෙස නව යොවුන් වියේ ගැබ් ගැනීමට ප්රධාන හේතුව ලෙස නොදැනුවත්භාවය, උපත් පාලන පෙති සහ කොපු භාවිතා නොකිරීම හඳුනාගෙන ඇත.
ඊට අමතරව, අවදානම් සහ අවිධිමත් ලෙස සිදුකරන ලිංගික ක්රියාකාරකම් හරහා ලිංගික සම්ප්රේෂණ රෝග ව්යාප්ත වීමේ වැඩි අවදානමක් පවතියි. 2015 දී වාර්තා වුණු ඒඩ්ස් රෝගීන්ගෙන් 75 දෙනෙකුම වයස අවුරුදු 15ට වඩා අඩු නව යොවුන් වියේ දරුවන් වීම කනගාටුවට කරුණකි.
මේ ආකාරයට නව යොවුන් වියේ ගැබ් ගැනීම් හෝ ලිංගික රෝග ව්යාප්ත වීමට ප්රධානතම හේතුව බවට පත් වන්නේ, මෙවැනි සිදුවීම් වළක්වා ගැනීම උදෙසා නව යොවුන් වියේ දරුවන්ට පවතින අවබෝධය සහ දැනීමේ පවතින අවම බව යි. 2018 දී UNICEF සංවිධානය නිකුත් කළ වාර්තාවක තවදුරටත් දක්වන්නේ ගැහැනු දරුවන්ගෙන් සියයට හැට හයක් (66%) තමන් වැඩිවියට පත් වන තුරුම අදාළ ක්රියාවලිය පිළිබඳව කිසිවක් නොදන්නා බව ය. එසේම කොන්ඩම් එකක් භාවිතයෙන් බොහෝ ලිංගික රෝග වළක්වා ගත හැකි බවට තරුණ පරම්පරාවට අවබෝධයක් ඇත්තේ 48%ක පිරිසකට පමණි. ඒ අනුව බහුතරයකට කොන්ඩම් භාවිතය පිළිබඳ අවබෝධයක් නොමැති බව ද පැහැදිලි වේ. මෙය අනවශ්ය ගැබ් ගැනීමට මෙන්ම ලිංගික රෝග ව්යාප්ත වීමට ද හේතුවකි.
ලිංගිකත්ව අධ්යාපනයේ ඇති වැදගත්කම පිළිබඳ අවධාරණය කිරීම උදෙසාම 2016 දී එක්සත් ජාතීන්ගේ ජනගහන අරමුදල සහ අධ්යාපන අමාත්යාංශය ඒකාබද්ධව ජාතික සමීක්ෂණයක් පවත්වන ලදී. ඒ හරහා පාසල් දරුවන්ගේ ලිංගික නැඹුරුව සහ අධ්යාපනය පිළිබඳව අවධානයට ලක් වීය. මෙහි ප්රධානියා ලෙස කටයුතු කළේ කැලණිය විශ්වවිද්යාලයේ මහාචාර්ය කේ. කරුණාතිලක මහතා ය. මෙහි වාර්තාව 2019 මාර්තු මාසයේ දී නිකුත් විය. මෙම පරීක්ෂණය සඳහා අහඹු ලෙස දිවයිනම ආවරණය වන පරිදි පාසල් 294ක් තෝරාගෙන ඇත. 2776ක් දරුවන් පරීක්ෂණයට භාජනය කර ඇති අතර, එහි පිරිමි දරුවන් 1065ක් ගැහැණු දරුවන් 1707 ද වේ. විදුහල්පතිවරුන් 176ක් ද, ලිංගික අධ්යාපන විෂය භාර ගුරුවරු 276ක් ද, මීට අමතරව දෙමාපියන් 990ක් ද මේ සමීක්ෂණය සඳහා දායක කර ගෙන ඇත. මෙම පරීක්ෂණ වාර්තාවට අනුව දරුවන්ට ලිංගිකත්වය පිළිබඳ අධ්යාපනයක් ලබාදීමේ ප්රමුඛතම කාර්යභාරය පැවරෙන්නේ පාසලක ගුරුවරුන්ට ය. දෙමව්පියන්ට ද ඒ වගකීමෙන් වියුක්ත විය නොහැකි ය.
පරිපූර්ණ ලිංගික අධ්යාපනය යනු;
ලිංගිකත්වය පිළිබඳ ඥානමය, නෛතික හා සමාජ සාධක සම්බන්ධයෙන් විෂය මාලාවක් ඔස්සේ සිදුකරනු ලබන ඉගෙනුම් ඉගැන්වීම් ක්රියාවලියකි.
පරිපූර්ණ ලිංගික අධ්යාපනයක් ලබා ගැනීම තුළින්;
• ලිංගික හා ප්රජනන සෞඛ්ය හා චර්යාව සම්බන්ධ නව යොවුන් වියේ දරුවන්ගේ දැනුම සහ ආකල්ප වර්ධනය වීම.
• පාසල තුළ හෝ බාහිරව ලබා දෙන පරිපූර්ණ ලිංගික අධ්යාපනය නිසා අවදානම් සහගත ලිංගික හැසිරීම් හෝ ලිංගිකව සම්ප්රේෂණය වන රෝග පිළිබඳව අවබෝධය වර්ධනය වීම.
• එවැනි අවදානම් සහගත ක්රමයන්ගෙන් දුරස් වී සිටීමට හැකියාව ලැබීම.
• ලිංගිකත්වය පිළිබඳව පවතින ගැටළු අවම කර ගැනීමට හැකි වීම.
වැනි සාධනීය ප්රතිඵල ගණනාවක් ළඟා කරගත හැකිය.
ලිංගිකත්වය යන්න තවදුරටත් රහසක් නොවිය යුතු ය. ලිංගිකත්වය පිළිබඳ පරිපූර්ණ අවබෝධයක් යෞවන, තරුණ ප්රජාවට ලබා දීම අතිශයෙන්ම වැදගත් ය. යමක් රහසක් වූ පමණින් තරුණයන් එය සොයා යාමට දක්වන රුචිකත්වය ඉහළ ය. නමුත් අදාළ කාරණා ප්රසිද්ධියේ උගන්වන්නේ නම්, අදාළ කාරණා පිළිබඳ ප්රසිද්ධියේ කතා කරන්නේ නම් රහසිගත, අවිධිමත් මාර්ග හරහා එම කරුණු ගවේෂණය කිරීමට යොමු නොවේ. සදාචාරය හෝ සංස්කෘතියට මුවා වෙමින් තවදුරටත් ලිංගිකත්වය පිළිබඳව සාකච්ඡා කිරීම අතපසු නොකළ යුතු ය. එලෙස අතපසු කරන මොහොතක් පාසා තරුණයෙකුගේ හෝ තරුණියකගේ ජීවිතය විනාශ වීමට හැකි බව ද අමතක නොකළ යුතු ය.
උපුටා ගැනීම අන්තර් ජාලයෙනි ......
_______________________________________
අප මෙම තොරතුරු ඔබ වෙත ගෙන එන්නේ ඔබේ දැනුම සඳහායි.......................................................................
* මෙවැනි වටිනා විස්තර දිනපතා දැන ගැනීමට ''Need TV'' facebook පිටුවට Like කරන්න. ඒ වගේම අනිත් යාලුවන්ට දැනගන්න මේ ලිපිය Share කරන්න
06/02/2026
ආක්රමණ නිසා විනාශ වී ගිය පෞරාණික ශිෂ්ටාචාර.......
විජය කුමරු ඇතුළු පිරිස ඉන්දියාවේ ඉඳන් ලංකාවට පැමිණියාම, යක්ෂ ආදී ශ්රී ලාංකික ගෝත්ර වලට සිදු වූ දෙය ඔබ දන්නවා. විදේශිකයන් විසින් රටේ පාලන බලය ස්වදේශික ගෝත්ර වලින් උදුරා ගත්තා පමණක් නොවෙයි, ඔවුන් බහුතරය සමූලඝාතනය කර, ඉතිරි වූවන් දෙවනි පන්තියේ පුරවැසියන් ගණයට ලා සලකනු ලැබුවා. මෙවැනි සිදුවීම් නිසා ආදි ලංකාවේ ස්වදේශික ගෝත්ර සහ ඔවුන්ගේ ශිෂ්ටාචාරය විනාශ වී ගියා.
විදේශ ආක්රමණ නිසා මහා ශිෂ්ටාචාර වැනසී යෑම ලෝක ඉතිහාසය පුරාවටම දක්නට ලැබෙන්නක්. මෙය බොහෝ විටම සිදුවුණේ මුහුදු මගින් දේශ ගවේශණයේ ආරම්භයත් සමඟයි. ප්රධානකොටම ස්පාඤ්ඤ සහ ඉංග්රීසි ජාතීන් නැව් මගින් නව ලෝකය සොයා සප්ත සාගරයන්ගේ සංචාරය කළ අතර, ඔවුන් ගොඩබසිනා රට වල වාසය කළ දියුණු ගෝත්ර විනාශ කර රටෙහි පාලන බලය අල්ලා ගැනීම ඔවුන් විසින් සිදු කළා. මේ හේතුව නිසා බොහොමයක් දියුණු ශිෂ්ටාචාර විනාශයට පත්වී මිහිමතින් තුරන්ව ගියා.
මේ ලිපිය එවැනි ශිෂ්ටාචාර කීපයක් ගැනයි.
ඉන්කා ශිෂ්ටාචාරය
ඉන්කා යනු දකුණු ඇමරිකාවේ ඇන්ඩීස් කඳුකරය ආශ්රිතව පීරු දේශය මූලික කරගෙන බිහි වුණු ශිෂ්ටාචාරයක්. ඉන්කාවන් ඇරඹුනේ ක්රි.ව. 12වන සියවසේ ලෙසයි සැලකෙන්නේ. කුඩාවට ඇරඹුනු ඉන්කා අධිරාජ්යය ක්රමයෙන් යුධ බලය තර කර ගනිමින් වර්තමාන උතුරු ඉක්වදෝර සීමාවේ සිට මධ්යම චිලිය දක්වා පැතිර තිබුණා. ‘ටවන්ටින්සුයු’ නමින් හැඳින්වුනු ඉන්කා රාජ්යයේ ස්වර්ණමය යුගයේ දී එහි ගෝත්ර සහ ජාතීන් 100කට පමණ අයත් පදිංචිකරුවන් මිලියන 12ක් පමණ සිටින්නට ඇතැයි පැවසෙනවා.
ඉන්කා පුරාවෘත වලට අනුව සියල්ල මැවූ දෙවි විරකොචා ශාන්තිකර සාගරයේ සිට පීරුහි ටිටිකාකා විලට පැමිණ හිරුත්, සියළු ගෝත්රත් මවා තිබෙනවා. පසුව මෙම දෙවි විසින්ම සියළු ගෝත්ර වලළා දමා ඇති අතර හිරු දෙවි ඉන්ටි විසින් ඉන්කාවරුන්ව නැවත ගොඩගෙන ජීවය ලබා දෙනවා. ඉන්ටි ගේ පුතු මන්කො ඛපක් පළමු ඉන්කා පාලකයා ලෙසයි පුරාවෘත වල සඳහන් වන්නේ.
ඉන්කා අධිරාජ්යය විනාශ වී යෑමට මූලිකවම බලපෑවේ ස්පාඤ්ඤ ආක්රමණයි. යුරෝපීයයන් විසින් ගෙන ආ වසූරිය වැනි රෝග නිසා ඉන්කා ජනගහනයෙන් 65% – 90% අතර පිරිසක් මරණයට ද පත්වුණා. ඉන්කා පාලක වේනා ඛපක් ක්රි.ව. 1528 දී මියගිය අතර ඔහුගේ පුතුන් වන වස්කා සහ ඇටහෝල්පා විසින් සිවිල් යුද්ධයක් මෙහෙයවමින් සිටියා. ෆ්රැන්සිස්කෝ පිසාරෝ ඇතුළු ස්පාඤ්ඤ ආක්රමණිකයින් විසින් වසූරිය වසංගතයේත්, සිවිල් යුද්ධයේත් වාසිය ගෙන ඉන්කා ශිෂ්ටාචාරය විනාශ කර දැමීමට සමත් වුණා.
ස්වදේශික ඇමරිකානුවන්
‘රතු ඉන්දියානුවන්’ නමින් හැඳින්වෙන ස්වදේශික ඇමරිකානුවන් ඇමරිකාව බිහිවුණු දා පටන් එහි සිටින්නන් ලෙසයි පුරාවෘත වල සඳහන් වන්නේ. ස්වදේශික ඇමරිකානු භාෂා 300කට අධික ප්රමණයක් තිබී ඇති අතර ප්රධාන ගෝත්ර 84ක් හඳුනාගැනෙනවා.
ස්වදේශික ඇමරිකානුවන්ට විනාශය ගෙනාවේ 1620 දී යුරෝපයේ සිට ආගමික නිදහස සොයා පැමිණි පියුරිටන්වරුන් ඇතුළු සුදු ජාතිකයින් විසිනුයි. ඔවුන් විසින් ගෙන ආ වසූරිය, සරම්ප, සහ කහ උණ වසංගත වලට ඔරොත්තු දීමට ප්රතිශක්තියක් නොතිබූ ස්වදේශිකයන් මිලියන ගණනින් මියගියා. වසංගත නිසා 90%ක් පමණත්, ඔවුන්ගේ ඉඩම්වලින් පන්නා හැරුණු නිසා, ඔවුන් ආහාරයට ගත් යැක් ගවයින් සුදු ජාතිකයින් විසින් විනෝදයට දඩයම් කිරීම නිසා ආහාර හිඟයකට මුහුණ පෑ නිසා සහ මිථ්යා දෘෂ්ඨිකයන් ලෙස සලකා මරා දැමුණු නිසාත් ඉතිරියෙන් බොහෝ පිරිසකුත් මිහිපිටින් තුරන් වී ගියා.
ඇමරිකාවේ මුල් අයිතිකරුවන් වූ ගෝත්ර කීපයක් ඔවුන්ට වෙන් කර දී ඇති අක්කර ගණනක කුඩා රක්ෂිත ප්රදේශ වල අදටත් වාසය කරනවා.
ඇස්ටෙක් ශිෂ්ටාචාරය
ඇස්ටෙක්වරුන් ඇරඹුනේ සංචාරක ගෝත්රයක් ලෙස උතුරු මෙක්සිකානු ප්රදේශ වලින්. ඒ 13වන සියවසේ දි යි. පසුව මධ්යම මෙක්සිකෝවේ ටිනොච්ටිට්ලන් නගරය ගොඩනැංවීමෙන් පසු ඇස්ටෙක්වරුන් මහා ශිෂ්ටාරයක් ලෙස වර්ධනය වීම ඇරඹුණා. ඇස්ටෙක් රණකාමීන් මුළු මෙක්සිකෝව පුරාම සිය අණසක පතුරවනු ලැබුවා. ඇස්ටෙක් ශිෂ්ටාචාරයේ ස්වර්ණමය යුගයේ දී එහි රාජ්යවල මිනිසුන් මිලියන 11ක් පමණ වාසය කරන්නට ඇතැයි සැලකෙනවා.
ඇස්ටෙක් රාජධානියේ අවසානය ළඟා වූයේ හර්නැන් කෝටෙස් ඇතුළු ස්පාඤ්ඤ ආක්රමණිකයින් මෙක්සිකෝවට ළඟා වීමත් සමඟයි. පළමුව ඔවුන් ඉතා මිත්රශීලී වුණා. එකල ඇස්ටෙක් අධිරාජයා වූ දෙවන මොන්ටෙසුමා සමඟ ත්යාගයන් පවා හුවමාරු කරගනිමින් මිත්රශීලී සබඳතාවක් ඇරඹීමට කෝටෙස් ඇතුළු සොල්දාදු පිරිස සමත්වුණා.
කෙසේ වෙතත්, ස්පාඤ්ඤ සොල්දාදුවන් පිරිසක් ඇස්ටෙක් වරුන් අතින් ඝාතනය වීමත් සමඟ ඇතිවන කලබලකාරී තත්ත්වයේ දී මොන්ටෙසුමා අනුගමනය කළ ක්රියා පිළිවෙත පිළිබඳව අප්රසාදයට පත්වන ඇස්ටෙක් රණවිරුවන් ඔහුව බලයෙන් පහකොට වෙනත් පාලකයෙකු පත්කර ගත්තා. කෝටෙස් ඇතුළු පිරිසට ටිනොච්ටිට්ලන් හැර යෑමට සිදුවුණත්, එම අවස්ථාවෙන් ප්රයෝජන ගැනීමට සැලසුම් සකස්කරගැනීමට කෝටෙස්ට හැකිවුණා. තවත් මාස දහයකට පසු තමාට පක්ෂ ස්වදේශික කණ්ඩායම් ද රැස්කරගන්නා කෝටෙස්, ක්රි.ව. 1521 දී නගරය වටලෑවා. ආහාර හිඟයත්, වසංගතයනුත් නිසා නගරය ඇදවැටෙද්දී එහි බලය අල්ලාගත් කෝටෙස් ඇතුළු පිරිස් එහි ඉදිකර තිබූ ඇස්ටෙක් ගොඩනැගිලි විනාශ කර දමා ස්පාඤ්ඤ කොලනියක් පිහිටුවනු ලැබුවා. ඇස්ටෙක් ශිෂ්ටාරය අවසන් වූයේ එසේ යි.
ලොව බොහොමයක් පැරණි ශිෂ්ටාචාරයන් සුදු ජාතිකයින්ගේ ආක්රමණ නිසා බිඳ වැටී විනාශ වී ගියා. ඔවුන් විසින් මිථ්යා දෘෂ්ඨික අනුවණයින් ලෙස හැඳින්වුණු මෙම පැරණි වැසියන් බොහොමයක් දෙනා සුදු ජාතික ආක්රමණිකයින් විසින් ගෙන ආ වසංගත හා ඔවුන් විසින් ස්වදේශිකයන් මත පටවන ලද පීඩා නිසා මරණයට පත්ව මිහිපිටින් අතුගෑවී ගියා. ආක්රමණිකයන්ගේ බල තණ්හාව සහ කෲරත්වය නිසා ඉතාමත් ශෝකජනක අවසානයන් අත්කරගත් ශිෂ්ටාචාරයන්, ජාතීන්, සහ ගෝත්ර එමටයි. මෙහි සඳහන් වූයේ එයින් තුනක් ගැන පමණයි.
උපුටා ගැනීම අන්තර් ජාලයෙනි ......
_______________________________________
අප මෙම තොරතුරු ඔබ වෙත ගෙන එන්නේ ඔබේ දැනුම සඳහායි.......................................................................
* මෙවැනි වටිනා විස්තර දිනපතා දැන ගැනීමට ''Need TV'' facebook පිටුවට Like කරන්න. ඒ වගේම අනිත් යාලුවන්ට දැනගන්න මේ ලිපිය Share කරන්න
06/02/2026
හෘදයාබාධ සහ ආඝාතයෙන් මිදීමට නම්.....
"ඔබේ කොලෙස්ටරෝල් මට්ටම අවුරුදු 25 වන විට පරීක්ෂා කර ගන්න"
සෞඛ්ය සම්පන්න දිවියක් ගත කිරීම සඳහා වයස අවුරුදු 25 වන විට කොලෙස්ටරෝල් පරීක්ෂාවක් සිදු කළ යුතු බව පර්යේෂකයින් කණ්ඩායමක් පෙන්වා දී තිබේ.
පර්යේෂකයින් පවසන්නේ, හෘද රෝග හා ආඝාතයට ගොදුරු වීමෙන් ඇති වන ජීවිත අවදානම ගණනය කිරීම සඳහා එලෙස කොලෙස්ටරෝල් පරීක්ෂා කිරීම වැදගත් වන බවය.
The Lancet සගරාවේ පළ කර ඇති මෙම පර්යේෂණය, දශක ගණනාවක් තිස්සේ "නරක" කොලෙස්ටරෝල් උවමනාවට වඩා ශරීරගතව තිබීම නිසා ඇති වන දිගු කාලීන සෞඛ්ය අවදානම් පිළිබඳව සොයා බැලීමට සිදු කළ වඩාත් ම පුළුල් පරීක්ෂණය ලෙස සැලකේ.
පර්යේෂකයින් පවසන්නේ, ආහාර ගැනීම වෙනස් කිරීම හා ඖෂධ භාවිතයෙන් කොලෙස්ටරෝල් අවම කිරීමට පියවර ගැනීම ඉක්මන් වන තරමට ප්රතිඵල වඩා යහපත් වන බවය.
කොලෙස්ටරෝල් යනු මොනවා ද?
කොලෙස්ටරෝල් යනු මේදමය ද්රව්යයක් වන අතර එය ලිපිඩයකි. ඒවා ඇතැම් ආහාරවල ඇතුළත් වන අතර අක්මාව තුළ ද නිපදවෙයි.
ඊස්ට්රජන් සහ ටෙස්ටොස්ටෙරෝන් වැනි හෝමෝන මෙන් ම විටමින් ඩී සහ වෙනත් සංයෝග සෑදීම සඳහා ඒවා ශරීරයට අවශ්ය වේ.
කොලෙස්ටරෝල් වර්ග දෙකක් පවතී:
• අධි - ඝනත්ව ලයිපොප්රෝටීන් හෙවත් HDL (High-density lipoprotein) නමැති "හිතකර" කොලෙස්ටරෝල් වර්ගය ශරීරය නිරෝගීව තබා ගැනීමට උපකාර වේ.
• අඩු - ඝනත්ව ලයිපොප්රෝටීන් හෙවත් LDL (Low-density lipoprotein) නමැති "අහිතකර" කොලෙස්ටරෝල් වර්ගය මගින් ධමනි අවහිර වේ.
පර්යේෂකයින් සොයා ගත්තේ කුමක් ද?
පර්යේෂණ කණ්ඩායම රටවල් 19 ක පුද්ගලයන් 400,000 කට ආසන්න සංඛ්යාවකගේ දත්ත විශ්ලේෂණය කළ අතර "නරක - කොලෙස්ටරෝල්" මට්ටම සහ වැඩිහිටි වියේ මුල් කාලයේ සිට ඉදිරි අවුරුදු 40 හෝ ඊට වැඩි කාලය තුළ හෘද රෝග ඇති වීමේ අවදානම අතර ශක්තිමත් සම්බන්ධතාවයක් ඇතැයි සොයා ගත්හ.
වයස අවුරුදු 35 සහ ඊට වැඩි පුද්ගලයින්ගේ ස්ත්රී පුරුෂ භාවය, නරක - කොලෙස්ටරෝල් මට්ටම, වයස සහ අවදානම් සාධක වන දුම්පානය, දියවැඩියාව, උස - බර සහ රුධිර පීඩනය ආදිය පරීක්ෂා කිරීමෙන් ඔවුන්ට හෘදයාබාධ හෝ ආඝාතය ඇති වීමේ සම්භාවිතාව තක්සේරු කිරීමට ද පර්යේෂකයින්ට හැකි විය.
මෙම පර්යේෂණ කෘතියේ සම කර්තෘ හැම්බර්ග් විශ්වවිද්යාල හෘද මධ්යස්ථානයේ මහාචාර්ය ස්ටෙෆාන් බ්ලැන්කන්බර්ග් පැවසුවේ, "පුද්ගලයෙකුට ලිපිඩ අඩු කිරීමේ ප්රතිකාරයක් තිබිය යුතු ද යන්න තීරණය කිරීමට සායනයේ දැනට භාවිත කෙරෙන අවදානම් ලකුණු මට්ටම මගින් අවදානම තක්සේරු කරන්නේ, වසර 10 කට විතරයි. ඒකෙන් ජීවිත කාලය තුළ ඇති අවදානම අවතක්සේරු වෙන්න පුළුවන්. විශේෂයෙන් ම යෞවනයන් සම්බන්ධයෙන්."
එක්සත් රාජධානියේ මිලියන අටක් පමණ ජනතාව මේදය අඩු කිරීමේ ඖෂධ ලබා ගන්නා අතර එමගින් රුධිරයේ නරක කොලෙස්ටරෝල් මට්ටම අඩු වෙයි.
එමගින්, වසර පහක් ඖෂධ ගන්නා සෑම 50 දෙනෙකුගෙන් එක් අයෙකු ම හෘදයාබාධ හෝ ආඝාතයට ගොදුරු වීමෙන් වළක්වා ගත හැකි බවට ඇස්තමේන්තු කර ඇත.
ක්රියාකාරී ජීවන රටාවක් සහ සෞඛ්ය සම්පන්න ආහාර මගින් ද කොලෙස්ටරෝල් අඩු කර ගත හැකිය.
කොලෙස්ටරෝල් පාලනය කරන ඖෂධ වයස අවුරුදු 30දී ගත යුතු ද?
අනිවාර්ය නොවේ. ඉහළ කොලෙස්ටරෝල් මට්ටමක් ඇති ඕනෑ ම වැඩිහිටියෙකු ඖෂධ ලබා ගත යුතු යැයි මෙම පර්යේෂකයෝ නිර්දේශ නොකරති.
මහාචාර්ය බ්ලැකන්බර්ග් බීබීසී පුවත් සේවයට පැවසුවේ, "යෞවනයන් ඔවුන්ගේ කොලෙස්ටරෝල් මට්ටම දැනගෙන එහි ප්රතිඵලය පිළිබඳව දැනුවත් තීරණයක් ගත යුතු යැයි මම නිර්දේශ කරනවා. එහිදී ඖෂධ භාවිත කිරීම ගැනත් ඔවුන්ට තීරණයක් ගත හැකියි."
කෙසේ වෙතත්, සෞඛ්ය සම්පන්න ජීවන රටාවකට යොමු නොවී මිනිසුන් ඖෂධ මත යැපෙන අන්තරායක් පවතින බවත්, එම ඖෂධවලින් සාමාන්යයෙන් හොඳ ප්රතිඵල ලැබුණ ද, දශක ගණනාවක් තිස්සේ ඒවා ගැනීමෙන් ඇති විය හැකි අතුරු ආබාධ පිළිබඳව මෙතෙක් අධ්යයනයක් සිදු කර නොමැති බවත් ඔහු පැවසීය.
බ්රිතාන්යයේ British Heart Foundation ආයතනයේ වෛද්ය අධ්යක්ෂ මහාචාර්ය ශ්රීමත් නිලේෂ් සමානි පැවසුවේ, "හෘදයාබාධ සහ ආඝාතය සදහා බලපාන ප්රධානතම සාධකය කොලෙස්ටරෝල් බව මෙම පර්යේෂණය මගින් යළිත් තහවුරු වූ," බවය.
"සමහර පුද්ගලයින්ට, කොලෙස්ටරෝල් අඩු කිරීමට මුල් අවධියේදී පියවර ගැනීමෙන්, මෙම රෝගවලින් ඔවුන්ගේ ජීවිත කාලය පුරා ම ඇති අවදානම අවම කර ගැනීම සඳහා සැලකිය යුතු මග පෙන්වීමක් මෙම පර්යේෂණය තුළින් ලැබෙනවා."
උපුටා ගැනීම අන්තර් ජාලයෙනි ......
_______________________________________
අප මෙම තොරතුරු ඔබ වෙත ගෙන එන්නේ ඔබේ දැනුම සඳහායි.......................................................................
* මෙවැනි වටිනා විස්තර දිනපතා දැන ගැනීමට ''Need TV'' facebook පිටුවට Like කරන්න. ඒ වගේම අනිත් යාලුවන්ට දැනගන්න මේ ලිපිය Share කරන්න
Click here to claim your Sponsored Listing.