Dimuthu Design Homes

නිවාස සහ ඉදිකිරීම් සඳහා භාවිතා වන පාද
බෙදීම විද්‍යාත්මක ද


පරිසරයේ ඇති ශක්තිගලනයට බාධා අවහිර නොවෙන පරිධි පරිසරය වෙනස් කිරීමකට ලක්කිරීම උදෙසා සිත දියුනුකල සෘෂීන් විසින් එසේ පරිසරය වෙනස් කරන ලබන්නාවූ අයගේ පරිමාණයට සාපේක්ෂ මිනුමක් ආකාරයට ලබාගන්නා දත්තයක් පදනම් කරගෙන බොහොම විද්‍යානුකූලව සිදුකරනලද නිර්මාණයක්, විද්‍යුත්චුම්භක තරංගයක එක් තරංග ආයාමයක් ගැන සිතන්න ,බිංදුවෙන් පටන් ගෙන උපරිම අගයක් දක්වා ගොස් නැවත බිංදුවට පැමිණ අවමයක් දක්වා ගොස් නැවත බිංදුවට පැමිණීමයි එයින් සංකේතවත් වෙන්නේ බිංදුවෙන් ආරම්භව ඉදිරියට ප්‍රධාන ලක්ෂ5 ක් හමුවෙනවා, එහි බිංදුව මතින් ගමන් කරන කොටස් තුන ශුභ ලෙස සලකනවා, එවැනි කොටස් තුනක එකතුවකින් සැදුම් ලත් ඒකකයක් මඟින් පරිසරයේ විෂම ශක්තීන් නිවස සමඟ ඝට්ටනය වලක්වා ඇතුලත ශක්තීන් යාමනය වෙනව, බිංදුව ලක්ෂය මතින් යන කොටස් වල කුළුණු, බිත්ති ඉදිකිරීමෙන් ගෘහය හරහා විෂයම ශක්ති ගලනය අඩලවෙනව ,ගෘහ මූලිකයාගේ හස්තමාන ඒකකයක් තමයි මේ සඳහා යොදාගන්නේ එයට රියන කියල ව්‍යවහාර කරනව

අත්තිවාරම සහ Floor concrete ගැන
තාක්ෂණික අදහසක්
අත්තිවාරම සහ බිම කොන්ක්‍රීට් කිරීමේදී සිදුවන තාක්ෂණික දෝශයක් සහ නොදැනුවත් කමත් නිසා කල්යත්ම නිවැසියන්ට මුහුණ දීමට සිදුවන අපහසුතාවන් හේතුවෙන් අමතර වියදමක් දැරීමට සිදුවීමක් වලක්වා ගැනීමට කලහැකි දෙයක් ගැන අප මෙහිදී සාකච්ඡා කිරීමට බලාපොරොත්තු වන්නේ
නිවාස සැලසුමක් සකස් කිරීමේදී සැලසුම සකස් කරන්නාවූ ඉඩමෙහි පවතින ස්වභාවය පසෙහි ස්වභාවය පිහිටීම ගැන නියත වශයෙන්ම අවබෝධයක් සැලසුම් ශිල්පියා විසින් ලබාගතයුතුයි, මතුපිටින් බැලීමට අමතරව තැන් කිහිපයක් සැලකිය යුතු ගැඹුරකට සිදුරුකර බැලීම , අවට ඉදිකර ඇති නිවාස වල තත්වය ,ළිං පවතී නම් එමගින් අදාල කලාපයේ භූගත ජල මට්ටම වැනි අදහස් එකතු කරගත යුතු වෙනව, මෙසේ එකතු කරගත් දත්ත පාදක කරගෙන තමයි යෝජිත නිවාස සැලසුමේ අත්තිවාරම තීර්ණය කරන්නේ , අත්තිවාරමේ පළල සහ ගැඹුර ප්‍රධාන වෙනව , මහල් නිවාසයක නම් බේස් වලේ ගැඹුර දිග පළල වගේම පාදම් කොන්ක්‍රීට් එකේ ඝණකම තීරණය කරනව , මේ සාකච්ඡා කල කරුණු ගොඩක් වෙලාවට සැලසුම් පතට (plan එකට) ඇතුලත් කරනව
බොහෝ වෙලාවට සිදුවෙන්නේ තනිමහල් නිවාස නම් 6"x9" කළුගල් බැමි බිත්ති පිහිටන සීමාවන් වටා ඉදිකරල ඒමත අඟල් 6 ක් හෝ 9 ක ඝණකමට 10mm කම්බි දෙකක් දාල Tie Beam එකක් යෙදීම , දෙමහල් හෝ තෙමහල් නම් බේස් කනු අදාල මට්ටම දක්වා කොන්ක්‍රීට් කර පස්පුරවා 12mm කම්බි හතරක් අධාරයෙන් 9" හෝ 1' ප්‍රමාණයට පළල අඩියක් හෝ අඟල් නවයක් උසට Tie Beam එකක් දැමීම , මෙන්න මේ ආකාරයට පලමුව Tie Beam එක ඉදිකරල අනතුරුව පස්පුරවා තලා බිම කොන්ක්‍රීට් (Floor concrete ) කිරීම තමයි බොහො වෙලාවට සිදු කරන්නේ ,
අවස්තාවන් දෙකකදී ටයිබීම් සහ පොළව කොන්ක්‍රීට් කිරීම සිදුවන නිසා එම කොන්ක්‍රීට් දෙක සම්බන්ධ වන ස්ථාන වන ටයිබීම් ආසන්නයේ දුර්වල බැඳීමක පවතිනව , කල්‍ යත්ම දුර්වල ස්තාන පළුදුවෙලා ඉතා සියුම් විවර ඇතිවෙනව එම විවර මඟින් වේයන් කුහුඹුවන් වැනි සතුන් මඟින් නිවෙස්වල ගෘහභාණ්ඩ සහ දොර උළුඅස්ස සඳහා හානිකරනව , නිවැසියන්ට අමතර පිරිවැයක් දරන්න වෙනව anty termite treatment වලට , ඒසඳහා පොළවට විශාල වශයෙන් වස යෙදිමක් වෙනව එම වස පොළව තුල වසර 5 , 10 දක්වා පවතිනව කියලයි අලෙවි කරුවන් කියන්නේ , ඔබගේ අසල් වාසීන් සහ ඔබ භූගත ජලය පරිභෝජනය කරනව නම් එම වස එකතු වෙන්නත් පුළුවන් භූගත ජලයට, නිවස ඉදිකරන අවස්තාවේ කල්පනාකාරිව කටයුතු කලානම් මේ අමතර වියදම් පරිසර හානි මොනවත්ම යෙදෙන්නේ නෑ
තනිමහල් නිවාසයක නම් කළුගල් බැමි බඳල පස්පුරවල ටයි බීම් සහ Floor concrete එක එකට සිදු කරන්න පුළුවන් , දුර්වල පසක් පවතිනව නම් අදාල භූමියේ Floor Concrete එක සඳහා කාලේ කම්බිවලින් 1'x1' කොටු එන ලෙස කම්බි යොදන්න පුළුවන් ,දෙමහල් හෝ තෙමහල් නිවසක නිවාසයක නම් අදල ටයිබීම් මට්ටමට කණු ඉදිකරල පස්පුරවල ටයිබීම් බැඳල ටයිබීම් සහ Floor concrete එක එකට සිදුකරන්න පුළුවන් එවිට අප පෙර සඳහන් කල ආකාරයේ දුර්වල සන්ධි පිහිටන්නෙ නෑ එක ඒකකයක් ලෙස ශක්තිමත්ව පවතිනව , කෘමි හානිනෑ බිත්ති බැඳගෙන යනකොට බදාම අපතේ යන්නේ නෑ , ස්ලැබ් ඉදිකරනවිට ලෙවල් වෙනස් වෙන්නෙ නෑ ටයිල් කරන්න ගියාම උළු අස්ස කපන්න වෙන්නෙ නෑ මේ වගේ ගොඩක් වාසි තියෙනව
මෙහිදී විශේෂ අවධානයක් දෙන්න වෙනව බාත් රූම් එකේ vast water පිටවීම් නල, ගලි සඳහා සහ මුළුතැන් ගෙයහි සින්ක් එකේ බටය, වොෂින් මැෂින් එක පිහිටුවන ස්තානයේ vast out එක මේවාට අදාල බට යොදල, අදාල drop තියල කොන්ක්‍රීට් කරන්න

හොඳයි එහෙනම් තවත් දවසක ඔබට වැදගත් වන යමකින් හමුවෙමු එතෙක් Dimuthudesignhome පිටුව Follow කරල තියාගන්න

ස්ලැබ් මට්ටමට column එකක් ඉදිකිරීමටයන
වියදම සෙවීම

දෙමහල් තෙමහල් නිවාස ඉදිකරන අය සඳහා පොදුවේ පැනනගින ගැටලුවක් නිරාකරණය කරගන්න උදව්වක් වෙන්නයි අද උත්සාහ කරන්නේ,
බේස් එක දාලා slab මට්ටමට 9"x9" කණුවක් ඉදිකිරීමට යන වියදම සොයන සූත්‍රයක් සකස් කරල දෙන්නයි අද උත්සාහය, විශේෂයෙන්ම කියන්න ඕනා පොළවේ පිහිටීම හොඳම මට්ටමක පවතින අවස්තාවක ( soil condition ගැන වෙනම පසුවට කතාකරනව) ,වගේම විශේෂ structure design එකක් නොයෙදෙන අවස්තාවක සාමාණ්‍යෙන් භාවිතාවන 3'x3'x3' බේස් වලක් කපල 9" ඝණකමට බේස් එකක් සහ 12mm කම්බි 4ක් යොදාගෙන සකස් කරන 9"x9" column එකක්,
භාණ්ඩ මිල සහ කුලී මුදල් කලින් කලට වෙනස් වෙන නිසා ඕනෑම කාලයකට ගැලපෙන ලෙස මිල ගණන් සොයාගත හැකි ක්‍රමයක් සකස් කරල ඉදිරිපත් කරන්න තීරණය කලා, පොළව මට්ටමෙන් ටයිබීම් යොදන බවත් එතැන් සිට අඩි 10ක් දක්වා කණු ඉදිකිරීම සිදුකරන බවත් සලකා ගණනය කිරීම් සිදුකර ඇත
ද්‍රව්‍ය/ කුලිය ඒකකමිල මිල
01. 12mm කම්බි4 ........... .......
02.10mm කම්බි 2.33 ........... .......
03. 6"x6" සිරප් 3.5Kg ........... .......
04. බයින්ඩින් 0.4 Kg ........... ........
05. සිමෙන්ති කොට්ට 3 ........... ........
06. වැලි ඝණ අඩි 7.5 ........... ........
07. මෙටල් ඝණ අඩි 15 ............ ........
08. බේස් දැමීම සඳහා ............ .........
09. කණු දැමීම දි.අ 13 ............ .........

මේ අදාල ගණනය කිරීම් සිදු කිරීමෙන් කණුවක් සඳහා යන වියදම සොයා ගන්න හැකියාව තියෙනව , මෙහිදී විශේෂ කරුණු කිහිපයක් මතු කරන්න ඕනා මැටල් සහ වැලි ඝණ අඩි 100 ක් නොලැබෙන නිසා ඔබට ලැබෙන ඝණ අඩි ගණන හරි හැටි දැනගෙන එක ඝණ අඩියක වියදම සොයාගෙන ඉහත මැටල් සහ වැලි ප්‍රමාණ සඳහා ඇතුලත් කරගන්න කියනව වගේම, බේස් දැමීමේදී බේස් එක හෑරීම ඇතුලත් වෙනව , කණු දැමීමේදි අදාල මිලට අච්චු සඳහා වියදම ඇතුලත් කර ගණනය කිරීම් කරගන්න බොහො වෙලාවට කොන්ත්‍රාත් කරුවන් එම මුදල ඇතුලත් කරල තමයි මිල ගණන් කියන්නේ

හොඳයි එහෙනම් තවත් දවසක ඔබට වැදගත් වන යමකින් හමුවෙමු එතෙක් Dimuthu Design Homes පිටුව Follow කරල තියාගන්න

සිමෙන්ති කොට්ටයක කොන්ක්‍රීට් වලින් අපිට කොච්චර වැඩකරගන්න පුළුවන් ද

කොන්ක්‍රීට් එකක් ඔබ මොනයම් හෝ කටයුත්තක් සඳහා භාවිතා කරනව නම් උදාහරණයක් ලෙස 9"x9", 1'x1' ,1'x2' යන විවිධ ප්‍රමාණ කණු (column ), විවිධ ප්‍රමාණ බීම්, විවිධ ප්‍රමාණ ලින්ටල්,සඳහා වගේම floor concrete , slab concrete සඳහා ද කොන්ක්‍රීට් විවිධ ඝණකම් යටතේ යොදාගන්නව, අද අපි බලමු එවැනි අවස්තාවක දික් අඩි කීයක් වර්ග අඩි කීයක් සිමෙන්ති කොට්ටයකින් සකස් කරගන්න පුළුවන් ද කියල,
මෙහිදී කොන්ක්‍රීට් එකේ ප්‍රමිතිය රඳවා ගැනීම සඳහා පරිමාණ පෙට්ටියක් භාවිතා කරන්න උත්සාහ කරන්න , (දිග ,පළල, උස )12"x12"x15" පරිමාණ පෙට්ටියක්(ඝණ අඩි1.25) කියන්නේ සිමෙන්ති කොට්ටයක පරිමාව ඒ කියන්නේ මේ පෙට්ටියට සිමෙන්ති කොට්ටයක් දැම්මම ,පෙට්ටියේ කටමට්ටමට එනව ,
1:2:4 කොන්ක්‍රීට් තමයි නිවෙස්වල සාමන්‍ය කටයුතු සඳහා බොහෝවෙලාවට භාවිතා කරන්නේ, ඒ නිසා අපි බලමු ඉහත ආකාරයට පරිමාණ පෙට්ටියෙන් මැනල වියලි පරිමාව පෙට්ටි 7 ක් යොදල හොඳට මිශ්‍ර කරල , කොන්ක්‍රීට් එකෙන් පිටත්ට ජලය පිට නොවෙන ලෙස ගුණාත්මක කොන්ක්‍රීට් අනාගෙන අනතුරුව ඉහත සඳහන් කල පරිමාණ පෙට්ටියෙන් මැන්නම පරිමාව ලෙස එනව පෙට්ටි 4කුත් තවත් පෙට්ටියක අඟල් 4ක් අඩුවෙන් ඒකියන්නේ 11/15ක් එනව, මෙය දශම කලාම ආසන්න ලෙස පරිමාණ පෙට්ටි 4.733 එනව, ඉහතදීම පරිමාණ පෙට්ටියේ පරිමාව ඝණ අඩි 1.25ක් ලෙස සොයාගත්ත නිසා, කොන්ක්‍රීට් පරිමාව ලෙස එනව 5.916 (4.733x1.25) මම මේ කියන කාරණා අපි වැඩබිම්වලදි ප්‍රායෝගිකව අත්දකින ඒවා නිසා ඔබටත් පුළුවන් ඔබගේ කටයුතු සඳහා භාවිතා කරන්න
දැන් අපි බලමු 5" ඝණකම slab එකක වර්ග අඩි කීයක් දාන්න පුළුවන් ද කියල
5" ඝණකම ව.අ.= 5.916x12/5
=14.19
ආසන්න වශයෙන් වර්ග අඩි 14ක්
3" ඝණකම ව.අ = 5.916x12/3
=23.6
ආසන්න වශයෙන් වර්ග අඩි 23ක්
එලෙසම 4" ඝණකම වර්ග අඩි 17ක් ආසන්න කොන්ක්‍රීට් ඇතිරීම කරන්න පුළුවන්
දැන් අපි බලමු කණු ,බීම ලින්ටල් සඳහා කොහොමද කියල
මෙහිදී 9"x9" කණු අඩියක් සඳහා ගණනය කරමු =9"x9"12"/ 1728 ,
=ඝණාඅඩි 0.5625
සිමෙන්ති කොට්ටයකින් යෙදිය හැකි ප්‍රමාණය
=5.916/0.5625
=දික් අඩි10.5
ආසන්න වශයෙන් 9"9" කණු අඩි 10ක් යොදන්න පුළුවන් ඒ ආකාරයට ඔබට අවශ්‍ය ගණනයන් මේ ආධාරයෙන් සිදුකරගන්න පුළුවන්
මෙලෙස ගණනය කිරීම් කලාම ඔබට වාසියක් එනව ඔබගේ ඉදිකිරීම් වලදි වරින් වර අමුද්‍රව්‍ය ගෙන ඒමට යන වියදම එහෙම අවම වෙනව අපි ඊළගට ඔබට පැහැදිලි කරන්නම් වැලි සහ මෙටල් ප්‍රමාණයක් සොයන ආකාරය
ඔබගේ යම් ඉදිකිරීක් සඳහා ඉහත ආකාරයට ගණණය කලාම සිමෙන්ති කොට්ට 400ක් කොන්ක්‍රීට් සඳහා යනව කියල හිතමු
සි වැ ග
1 2 4
වැලි ප්‍රමාණය සෙවීම
400x2x1.25 (1.25 කියන්නේ මතකනේ සිමෙන්ති කොට්ටයක පරිමාව)
ඝණ අඩි 1000
ඒ කියන්නේ කියුබ් 10ක්
මැටල් ප්‍රමාණය සෙවීම
400x4x1.25
ඝණ අඩි 2000
ඒ කියන්නේ කියුබ් 20ක්
හොඳයි එහෙනම් තවත් දවසක ඔබට වැදගත් වන යමකින් හමුවෙමු එතෙක් Dimuthudesignhome පිටුව Follow කරල තියාගන්න

Concrete (කොන්ක්‍රීට්) භාවිතය

කොන්ක්‍රීටයක් යනු,

සිමෙන්ති (Cement)
වැලි (Sand)
කුඩාවට කඩාගන්නා ලද විවිධ ප්‍රමාණයේ කළුගල් (Metal),
ජලය (Water)
යන අමුද්‍රව්‍යන්, යම් නිශ්චිත අනුපාතයකට මිශ්‍රකර සකස්කරගනු ලබන කෘත්‍රිම මිශ්‍රණයකි.

කොන්ක්‍රීට් සෑදීම සඳහා යොදාගන්නා අමු ද්‍රව්‍ය අතරින්

සිමෙන්ති(Cement) සහ වැලි(Sand) - “සියුම් සමාහාරක” (Fine Aggregate) ලෙසින්ද,

විවිධ ප්‍රමාණයේ කළු ගල් (Concrete Metal) - “රළු සමාහාරක” (Coarse Aggregate) ලෙසින්ද,

හඳුන්වනු ලැබේ.

ආරම්භක අවස්ථාවේදී කොන්ක්‍රීට් මිශ්‍රණය, එය තැන්පත් කරනු ලබන භාජනයේ හෝ අච්චුවේ හෝ හැඩය ලැබගන්නා, වැගිරෙනසුළු අර්ධ ඝණ තත්වයේ පවතී. යම් නිශ්චිත කාල පරාසයකට පසුව, ඉතා ශක්තිමත් ඝණ ද්‍රව්‍යයක් බවට මුළුමනින්ම පරිවර්තනය වේ.

සාපේක්ෂව මිලෙන් අඩු වීමත්, භාවිතයේ ඇති පහසුවත්, එමෙන්ම කාර්මික මට්ටමේ යෙදීම් වලදී යම්යම් අමතර සංඝටක එකතුකිරීමෙන්, කොන්ක්‍රීට් හි ආවේනික ගතිගුණ වෙනස්කරන්න එහෙමත් නැතිනම් වැඩිදියුණු කරන්න තියෙන හැකියාවත් හේතුකොට ගෙන, කොන්ක්‍රීට් නූතන ඉදිකිරීම් සදහා ජනප්‍රියම අමුද්‍රව්‍යයක් බවට පත් වී ඇත.

නිවසක් ඉදිකිරීමේදී යොදාගැනෙන කොන්ක්‍රීට් වර්ග ප්‍රධාන වශයෙන් වර්ග දෙකකි. එනම්,

කම්බි යොදා වැරගන්වූ කොන්ක්‍රීට් (Reinforced Concrete)
කම්බි යොදාගනු නොලබන කොන්ක්‍රීට් (Non Reinforced Concrete)
1. කම්බි යොදා වැරගන්වූ කොන්ක්‍රීට් (Reinforced Concrete)



කොන්ක්‍රීට් යනු, සම්පීඩන ශක්තිය උපරිමව ඇති, ආතන්‍ය ශක්තිය නැති භංගුර ද්‍රව්‍යයකි. මෙහි ආතන්‍ය ශක්තිය ඇති කිරීම සඳහා, අධි ආතන්‍ය කම්බි (High Yield Steel) යොදා ගනී.

වැර ගැන්වූ කොන්ක්‍රීට් සඳහා,

සිමෙන්ති (Cement)
වැලි (Sand)
20mm (අඟල් 3/4) ප්‍රමාණයේ කළු ගල් (Concrete Metal)
අධි ආතන්‍ය කම්බි (High Yield Steel) යොදා ගනී.


වැරගැන්වූ කොන්ක්‍රීට් මිශ්‍රණය සඳහා, ඉහත කී අමු ද්‍රව්‍ය වල බහුලවම භාවිතා වන අනුපාතය,

සිමෙන්ති : වැලි : 20mm කළු ගල් = 1 : 2 : 4 වේ.

මෙම අනුපාතයට මිශ්‍ර කර සාදාගත් කොන්ක්‍රීටයක් Grade 20 ලෙසින් ශ්‍රේණිගත කරනු ලැබේ. මෙහි අදහස වන්නේ,

දින 28 කදී මෙවන් කොන්ක්‍රීටයක් 20N/mm2 ක සම්පීඩන ශක්තියක් අවම වශයෙන් ලබාගන්නා බවයි.

මෙම අනුපාතය 1:2:4(20) වශයෙන් සටහන් කර දක්වයි. මෙහි වරහන් තුල සටහන් කර ඇත්තේ, මිශ්‍රණය සඳහා යොදාගන්නා කළු ගල් වල ප්‍රමාණයයි. එය 20mm හෙවත් අඟල් 4/3 වේ.



තට්ටු හෙවත් මහල් ගොඩනැගිල්ලක,

Concrete Column Basees (කොන්ක්‍රීට් කණු සඳහා පාදම්)
Concrete Columns (කොන්ක්‍රීට් කණු)
Concrete Beams (කොන්ක්‍රීට් තලාඳ)
Concrete Lintels (කොන්ක්‍රීට් ලින්ටල්)
Concrete Slabs (කොන්ක්‍රීට් තල)
යන සියලුම ඉදිකිරීම්, කම්බි යොදා වැරගන්වූ කොන්ක්‍රීට් (Reinforced Concrete) සඳහා හොඳම උදාහරණ වේ.

2. කම්බි යොදාගනු නොලබන කොන්ක්‍රීට් (Non Reinforced Concrete)

මෙම කොන්ක්‍රීට් සඳහා,

සිමෙන්ති (Cement)
වැලි (Sand)
20mm (අඟල් 3/4) සිට 37.5mm (අඟල් 1 1/2 ) ප්‍රමාණයේ කළු ගල් (Concrete Metal) යොදා ගනී.
මේ සඳහා කම්බි යොදාගන්නේ නැත.



වැරගැන්වූ නැති කොන්ක්‍රීට් මිශ්‍රණය සඳහා, ඉහත කී අමු ද්‍රව්‍ය වල බහුලවම භාවිතා වන අනුපාතය,

සිමෙන්ති : වැලි : කළු ගල් = 1 : 3 : 6 වේ.

මෙම අනුපාතයට මිශ්‍ර කර සාදාගත් කොන්ක්‍රීටයක් Grade 15 ලෙසින් ශ්‍රේණිගත කරනු ලැබේ. මෙහි අදහස වන්නේ,

දින 28 කදී මෙවන් කොන්ක්‍රීටයක් 15N/mm2 ක සම්පීඩන ශක්තියක් අවම වශයෙන් ලබාගන්නා බවයි.

මෙම අනුපාතය 1:3:6(20 සිට 37.5) වශයෙන් සටහන් කර දක්වයි. මෙහි වරහන් තුල සටහන් කර ඇත්තේ, මිශ්‍රණය සඳහා යොදාගන්නා කළු ගල් වල ප්‍රමාණයයි.

එය 20mm සිට 37.5mm හෙවත් අඟල් 4/3 සිට අඟල් 1 1/2 පරාසයක් ගනී.

ගොඩනැගිල්ලක,

Floor Concrete (ගෙබිම් කොන්ක්‍රීට් කිරීම)
Blinding (Screed) Concrete (අත්තිවාරම් සහ පාදම් දැමීමට පෙර යොදන කොන්ක්‍රීට්)
යන අවස්ථා වලදී Screed concrete යොදාගනී.



කොන්ක්‍රීට් මිශ්‍රණයක් සඳහා, වැරදි අනුපාතයකට අමුද්‍රව්‍ය යොදාගැනීම හේතු කොට ගෙන,

මිශ්‍රණය සඳහා භාවිතාවන කළුගල් ප්‍රමාණය 25%කින් පමණ අඩුවීම
ඉදිකරනු ලබන කොන්ක්‍රීට් ව්‍යුහයේ (Structure) ශක්තිය අඩුවිම
සිමෙන්ති, වැලි ආදි අනෙකුත් අමුදුව්‍ය සදහා වන පිරිවැය වැඩිවිම
යන අවාසි අත්විදින්නට සිදුවේ

තාක්ෂණිකව මෙවන් මිශ්‍රණ අනුපාතයන් සකස්කර ඇත්තේ හොදින් ඇසුරුණ රළු සමාහාරක අතර හිදැස් සියල්ල සියුම් සමාහාරක අංශුන්ගෙන් පිරී සිදුරු රහිත ඝණයක් ඇතිවන ලෙසයි.

නිසි ලෙස මිශ්‍ර නොවූ සහ නිසි අනුපාතයට අමු ද්‍රව්‍ය නොයොදා සැකසු කොන්ක්‍රීට් ව්‍යුහයක් (Concrete structure) තුල, මීවද ආකාරයේ සිදුරු(Honey comb) දක්නට ලැබේ. මෙසේ තත්ත්වයට පත් වූ කොන්ක්‍රීට් ව්‍යුහයක ශක්තිය දුර්වල වේ

ගාල්ල ලබුදූවට ආසන්නව වැඩ අවසන් වෙමින් පවතින නිවසක් , වාස්තු විද්‍යාණුකූලව සහ සුභ නැකැත් පාදක කරගනිමින් සෙමින් සෙමින් සාර්තක අවසානයක් කරාලඟාවන නිවසක්

"ඇයි සංස්ථා සිමෙන්ති Slab කොන්ක්‍රීට් වලට අවුල්? , හාඩ්වෙයාර් එකෙන් කිව්වෙ සංස්ථා තමා හොදම එක කියලා..බාසුන්නැහෙත් ඒකම කිව්වා..ඔයා ඇයි ඔහොම කියන්නෙ?"

කියලා කෙනෙක්ට අහන්න පුළුවන්.
මේකයි, ලංකාවෙ වෙළඳපොලේ ප්‍රධාන වශයෙන් සිමෙන්ති වර්ග තුනක් තියෙනවා. ඒ SLS 107 සිමෙන්ති, SLS 1247 සිමෙන්ති සහ SLS 1253 සිමෙන්ති විදියට.
ඕකෙන් SLS 1247 සහ SLS 107 සිමෙන්ති තමා කොන්ක්‍රීට් වලට හොද SLS 1253 සිමෙන්ති කොන්ක්‍රීට් වලට සුදුසු නෑ.
107 සිමෙන්ති ද 1247 සිමෙන්ති ද වඩාත් හොද?
107 සිමෙන්ති කියන්නෙ සාමාන්‍ය පෝට්ලන්ඩ් සිමෙන්ති, SLS 1247 න් එන්නෙ flyash මිශ්‍ර කරපු සිමෙන්ති . (සංයෝග කරන ලද ද්‍රාව සිමෙන්ති කියලා ගහලා තියෙනවා ලොකුවට)
ගෙවල් වගේ හදද්දි මේ දෙකෙන් කෝක පාවිච්චි කලත් වෙනසක් නෑ, ඒත් හොදම එක නම් 1247. ඔයා ලොකු පාලම් වගේ ඒවට භාවිතා කරන්නෙ SLS 1247 සිමෙන්ති.
මේ SLS 1247 සිමෙන්ති වල විශේෂ ලක්ෂණ කීපයක් තියෙනවා ඒ තමා මේකෙ තාප විමෝචනය ගොඩක් අඩුයි,ඒ නිසා පුපුරන්නෙ නෑ. ඒ වගේම මළකෑමට ප්‍රතිරෝධීයි.
ඒ වගේ දේවල් නිසා මේ SLS 1247 සිමෙන්තිය තමා හොදම එක වෙන්නෙ කොන්ක්‍රීට් වලට.
හැබැයි කලින් කිව්වා වගේ නිවසක වගේ පොඩි කොන්ක්‍රීට් වැඩ වලදි මේ දෙකෙන් කෝක පාවිච්චි කලත් වෙනසක් නැති තරම්.
ඇයි SLS 1253 සිමෙන්ති කොන්ක්‍රීට් වලට නොසුදුසු වෙන්නෙ?
මොකද 1253න් එන්නෙ හුණගල් මිශ්‍ර සිමෙන්ති.
මේක කොන්ක්‍රීට් වලට සුදුසු නැතිවෙන්නෙ අමතරව එකතු කරල තියෙන හුණු (Lime) නිසා.
ඒක සුදුසු බිත්ති බදින්න සහ කපරාරුවට, මොකද මේ සිමෙන්ති හොදට ඇලෙනවා.
මේකෙන් කොන්ක්‍රීට් දැම්මොත්, කොන්ක්‍රිට් එක හැකිලිලා (Shirnk) පොඩි පිපිරීම් උනත් ඇති වෙන්න පුලුවන් අමතරව මිශ්‍ර කරලා තියෙන Lime නිසා.
දැන් දන්නවනෙ මේවගෙ වෙනස්කම්.
ඉතින් ආයෙ කොන්ක්‍රීට් වලට සිමෙන්ති ගද්දි SLS 1247 සහ SLS 107 සිමෙන්ති ගන්න.
හාඩ්වෙයාර් එකේ මුදලාලි මොනා කිව්වත්, බාසුන්නැහැ මොනා කිව්වත් ඒ අයටත් මේක කියලා හරි සිමෙන්තිය තෝරගන්න.
පොඩි පොඩි ලින්ටල් දාන ඒවට වගේ නම් ඉතින් මොන සිමෙන්තියෙන් කොන්ක්‍රීට් දැම්මත් ඒකෙ අවුලක් නෑ.