Fletcher Gull
Share
Not a spare tire...
شو بيبقى من العيد
بس يخلص العيد
بس يبهتوا الألوان
ويصير الهمّ يزيد
وتبقى الشجرة حزينة
عريانة من الزينة
ما فيها ضوّ يضوّي
وغصنها تاكي وحيد…
شو بيبقى من البلاد
بس يفلّوا الولاد
شو بيبقى من هالأمّ
اللي قلبها صار بعيد
يمكن ب بيت تاني
يمكن ببلد تاني
أو يمكن بشي نجمة
عم تلمع من بعيد…
شو بيبقى من العيد
بس يخلص العيد
وتصير الدنيي رماديّة
والناس بهمّها ملهيّة
عم بتمرّق إيامها
وتنطر يرجع العيد…
هيك، من دون ما يسأل راح عالهدى
صوتو إنخفت ما ردّدو إلاّ الصدى
باس الدني وقلاّ بشوفك بخير
وسرّب من دون ما يودّع حدا…
هيك يا صاحب بتفلّ ما بتقول
وَلَو ما إنت بتعرف مش هيك الأصول
قول في أصحاب، وفي أهل رح يبكوا
و إنّو غيابك هالمرّة رح يطول…
إنكسر الإبريق وإندلق كلّ الزيت
وتفتفتت صورة العيلة بهاك البيت
وعيون ملّت الأرض دموع
الدني كلاّ تغيّرت من بعد ما فلّيت…
سافرت ومعك خلص الحكي
وأحرف الكلمات صارت مشربكة
وتنشوفك لازم نغمّض عيوننا
وعيوننا، لازمتلنا مفتّحة… للبكي…