குவைத் தமிழ் இஸ்லாமியச் சங்கம் (K-Tic)

ஹிஜ்ரி 1427ம் ஆண்டு முஹர்ரம் மாதம் பிறை 5 (பிப்ரவரி 3, 2006) அன்று குவைத்தில் வாழும் தமிழ் உலமாக்கள், அறிஞர் பெருமக்கள், சிந்தனையாளர்கள் பலரின் மேற்பார்வையில், பலவித ஆலோசனைகளின் அடிப்படையில், பல அமர்வுகள் அமர்ந்து குவைத் நாட்டில் உருவாக்கப்பட்ட “கே-டிக்” என்றழைக்கப்படும் நமது குவைத் தமிழ் இஸ்லாமியச் சங்கம் (K-Tic) சமூக, சமய அடிப்படையில் மறுமை வெற்றியை பிரதான நோக்கமாகக் கொண்டு நற்பணிகளாற்றும் ஓர் தமிழ் இஸ்லாமிய முன்னோடி அமைப்பு.

“(நம்பிக்கையாளர்களே!) நீங்கள்தான், மனிதர்களில் தோன்றிய சமூகத்தார்களிலெல்லாம் மிக்க மேன்மையானவர்கள். (ஏனென்றால்,) நீங்கள் (மனிதர்களை) நன்மையான காரியங்களை(ச் செய்யும்படி) ஏவி, பாவமான காரியங்களிலிருந்து (அவர்களை) விலக்கி, மெய்யாகவே அல்லாஹ்வை நம்பிக்கைக் கொள்கின்றீர்கள்” - திருக்குர்ஆன் 3:110” என்ற அல்லாஹ்வின் வேதவாக்கினை கொள்கையாகக் கொண்டு உருவாக்கப்பட்ட அமைப்பு.

“வெற்றி பெறும் கூட்டம்” என நபிகள் நாயகம் (ஸல்) அவர்கள் முன்னறிவிப்பு செய்தார்களே, அந்த நபிமொழிக்கேற்ப அமைக்கப்பட்டுள்ள “அஹ்லுஸ் ஸுன்னத் வல் ஜமாஅத்” கொள்கையை அடிப்படையாகக் கொண்டு துவக்கப்பட்ட நாள் முதல் இன்று வரை சீரிய முறையில் செயல்பட்டு வரும் அமைப்பு.

குவைத்தில் வாழும் இந்திய மற்றும் இலங்கையைச் சார்ந்த தமிழறிந்த மக்கள் அனைவரின் ஈருலக வெற்றிக்கும் வழிகாட்டும் அமைப்பு. தமிழ் இஸ்லாமிய அறிஞர் (ஆலிம்) பெருமக்கள், சமூக சேவகர்கள், சமுதாய சிந்தனையாளர்கள் பலரின் மேலான உழைப்பினால் உருவாக்கப்பட்டுள்ள அமைப்பு.

குவைத் இந்திய தூதரகம், குவைத் அரசின் மஸ்ஜிதுல் கபீர் நிர்வாகம், பள்ளிவாசல்கள் துறை நிர்வாகம் மற்றும் அவ்காஃப் / இஸ்லாமிய விவகாரங்கள் துறை அமைச்சகம், தமிழ்நாடு மாநில ஜமாஅத்துல் உலமா சபை, தமிழ்நாடு அரசின் தமிழ் இணையக் கல்விக்கழகம், இந்திய இஸ்லாமியக் கல்வி வாரியம் மற்றும் தமிழ்நாடு மஜ்லிஸ் தஃலீமுல் குர்ஆன் (மக்தப் தஃலீம் கமிட்டி) ஆகியவற்றில் பதிவு செய்யப்பட்டுள்ள அமைப்பு.

தமிழறிந்த இஸ்லாமிய சமுதாய மக்கள் இறை நம்பிக்கை (ஈமான்), வணக்க வழிபாடு, கல்வியறிவு, வேலைவாய்ப்பு, பரிசுத்த வாழ்க்கை, மறுமை வெற்றி போன்ற எல்லா வகையிலும் உயர்வு பெற வேண்டும் என்ற உயரிய நோக்கமும், மனித குலமனைத்திற்கும் தொண்டாற்ற வேண்டும் என்ற நற்சிந்தனையும் இச்சங்கத்தின் ஆணிவேர்களாக ஆழப் பதிந்துள்ளன.

கடந்த ஜூலை (2011) மாதம் முதல் ஃகைத்தானில் அமைந்துள்ள மிக்தாத் பின் அம்ரு(ரழி) பள்ளிவாசலில் தமிழில் ஜும்ஆப் பேருரையை நிகழ்த்திக் கொண்டு வருகின்றது குவைத் தமிழ் இஸ்லாமியச் சங்கம்.

குவைத்தில் வாழும் மார்க்க அறிஞர்கள், சீர்மிகு சிந்தனையாளர்கள், சமூக, சமய நல நோக்குடன் செயல்படும் தன்னார்வத் தொண்டர்கள் மற்றும் சங்க உறுப்பினர்கள் போன்றோரின் உழைப்பு, பொருளாதார உதவிகள் மூலமாக அல்லாஹ்வின் மேலான அருளுடன் இவ்வாறான சேவைகளை மக்களுக்கு செயலாற்றிக் கொண்டு இருக்கின்றது குவைத் தமிழ் இஸ்லாமியச் சங்கம்.

இத்துடன் அல்லாஹ்வின் மேலான நாட்டம் இருந்தால் இன்னும் பல நற்பணிகளை செயல்படுத்த இச்சங்கம் முடிவெடுத்துள்ளது.

இறை அழைப்புப் பணிக்கு எவ்வாறெல்லாம் நம் உழைப்பை வழங்க முடியுமோ, அவ்வாறெல்லாம் வழங்கி, இறை மார்க்கம் இந்த மண்ணில் தூய்மையான முறையில் மக்களை சென்றடைய முயற்சி செய்து, மாசில்லா மார்க்கப் பிரச்சாரம் நடைபெற, அதன் மூலம் நாமும் நம்மை சார்ந்தோரும் ஈருலகிலும் வெற்றி பெற்றவர்களாக ஆகி, வல்லோன் அல்லாஹ்வின் வற்றாத கருணை எங்கும் எப்போதும் நம்மை வந்தடைய அவனிடமே பிரார்த்தனை செய்தவர்களாக...

அல்லாஹ்வின் திருப்பொருத்தத்தை மட்டுமே நாடி நாங்கள் செய்துகொண்டிருக்கும் இத்தகைய பணிகளில் தங்களையும், தங்களைச் சார்ந்தோரையும் இணைத்துக்கொண்டு மறுமை வாழ்விற்கு தேவையான நற்செயல்களைச் சேர்ந்தே திரட்டலாம் என்ற ஆவலில் தங்களின் உதவிகளையும், ஒத்துழைப்புகளையும், பிரார்த்தனைகளையும் தங்களிடமிருந்து அன்புடன் எதிர்பார்க்கின்றோம்.

எல்லாம் வல்ல அல்லாஹ் நம் செயல்கள் அனைத்தையும் அவனுக்காக மட்டுமே செய்யக்கூடிய வகையில் ஆக்கியருள்வானாக! நம் நல்லெண்ணங்கள் யாவும் நாடியபடி நடக்க நல்லருள் நல்குவானாக! ஆமீன்!!

இஸ்லாத்தை பிறருக்கும் எடுத்துரைப்போம்! இணைந்தே நாமும் அவ்வழி நடப்போம்!! சமூகப் பிணிகளை நீக்குவதே நம் சமூகப் பணியாக இருக்கட்டும்!!!

அல்லாஹ், ரஸூல் சொன்னதை நாமும் கற்போம்! அறியாத பிற மக்களுக்கும் அவற்றை கற்பிப்போம்!!

(இறை நம்பிக்கையாளர்களே!) நன்மைக்கும், (அல்லாஹ்வுடைய) அச்சத்திற்கும் நீங்கள் ஒருவருக்கொருவர் உதவியாக இருங்கள்”

- திருக்குர்ஆன் அத்தியாயம் : 5 (அல் மாயிதா), வசனம் 2

வஸ்ஸலாம்.

குவைத் தமிழ் இஸ்லாமியச் சங்கத்தின் செயற்திட்டங்களில் சில...*

· நம் தமிழ் இஸ்லாமிய சமுதாய மக்களுக்கிடையே ஊடுருவியுள்ள இஸ்லாத்திற்கு அப்பாற்பட்ட, தவறான கொள்கைகள் / சிந்தனைகள் / குழப்பங்கள் போன்றவற்றை களைதல்.

· மாதத்திற்கொருமுறை / இருமுறை / வாரந்தோறும் அல்குர்ஆன், நபிமொழி (ஹதீஸ்), ஃபிக்ஹ், ஷரீஅத் வகுப்பு / சொற்பொழிவு / பயான்கள் ஏற்பாடு செய்தல்.

· குவைத் வாழ் தமிழ் முஸ்லிம்களுக்கு இஸ்லாமிய சிறப்பு நிகழ்ச்சிகள், இஸ்லாமிய சுற்றுலா / சிற்றுலா போன்றவற்றை ஏற்பாடு செய்தல் மற்றும் இஸ்லாமிய பொது அறிவுப் போட்டிகள் நடத்துதல்.

· இஸ்லாமிய மாணவ மாணவியருக்கு திருக்குர்ஆன் ஆரம்ப பாடசாலை (மதரஸா)யும், மனன வகுப்புகளும் நடத்துதல்.

· இணையதளம் (Website), கைப்பேசி குறுஞ்செய்தி (SMS), மின்னஞ்சல் (Email) மற்றும் இணையதள குழுமம் (Group) வாயிலாக இஸ்லாமியச் செய்திகளை எடுத்துரைத்தல்.

· மாற்று மத சகோதர, சகோதரிகளுக்கு இஸ்லாத்தை எடுத்துரைக்கும் “இஸ்லாமிய அழைப்பு(தஃவா)ப்” பணி செய்தல்.

· வாரந்தோறும் / மாதந்தோறும் இஸ்லாமிய பிரசுரங்கள், கையேடுகள், நூற்கள், இதழ்கள் மற்றும் குறுந்தகடு(CD/DVD)கள் வெளியிடுதல்.

· தாயகத்தில் வெளியாகும் இஸ்லாமியத் தமிழ் வார, மாத / மாதமிருமுறை இதழ்கள், நூற்கள், மலர்கள் போன்றவற்றை தருவித்து அறிமுகப்படுத்துதல் / விநியோகித்தல்.

· தமிழ், உர்தூ, அரபி மற்றும் ஆங்கில மொழிகளில் வெளியாகும் நூற்கள் மற்றும் குறுந்தகடு(CD/DVD)கள் அடங்கிய இலவச இஸ்லாமிய நூலகம் அமைத்தல்.

· வருடத்திற்கொருமுறை / இருமுறை தாயகம் / மற்ற நாடுகளிலிருந்து தமிழ் இஸ்லாமிய அறிஞர் (ஆலிம்) பெருமக்கள், பேராசிரியர்கள் மற்றும் சமுதாய சிந்தனையாளர்கள் ஆகியோரை சிறப்பு அழைப்பாளர்களாக வரவழைத்து, ஈருலகிலும் பயனளிக்கும் சிறப்பு நிகழ்ச்சிகளை ஏற்பாடு செய்தல்.

· குவைத்திலுள்ள மருத்துவமனைகளுக்குச் சென்று நோயாளிகளை நலம் விசாரித்தல், அவர்களுக்குத் தேவையான அத்தியாவசிய உதவிகளை செய்தல்.

· வாழ்க்கையில் மனதளவில் சோர்வடைந்த / பாதிக்கப்பட்ட / தாழ்வுணர்வு கொண்டோருக்கான ஆலோசனை முகாம் மற்றும் வாழ்க்கையின் முன்னேற்றத்திற்கான (தன்னம்பிக்கை வளர்த்தல், மேம்படுத்துதல், பேச்சாற்றல், மேடை சொற்பொழிவு மற்றும் மருத்துவ / சட்ட ஆலோசனை போன்வற்றில்) பயிலரங்கம் / பயிற்சி முகாம்களை நடத்துதல்.

· வருடத்திற்கொருமுறை / இருமுறை புனித உம்ரா பயணத்தை சிறந்த முறையில் ஏற்பாடு செய்தல் மற்றும் புனித ஹஜ் / உம்ரா செல்வோருக்கான பயிற்சி / வழிகாட்டி வகுப்புகள் ஏற்பாடு செய்தல்.

· நம் சமுதாய மக்களுக்கு கல்வியின் அவசியத்தை எடுத்துக் கூறி, அதற்குண்டான விழிப்புணர்வை ஏற்படுத்துதல். தகுதியிருந்தும் கல்வி கற்க வசதியில்லாத மாணவ, மாணவியருக்கு கல்வி உதவித் தொகை கிடைக்க உதவி செய்தல்.

· நம் சமுதாய மக்களின் முன்னேற்றத்திற்காக குவைத்திலும், மற்ற நாடுகளிலும் உள்ள வேலை வாய்ப்புகளை கண்டறிய, அதற்கான தகுதி வாய்ந்தவர்களை அறிய அல்லது அவ்வகை தகுதிகளை மேம்படுத்த பயன்மிக்க ஆலோசனைகள் வழங்குதல்.

· குவைத் வாழ் தமிழ் மக்களின் நலன்களை கருத்தில் கொண்டு “கல்வி அறக்கட்டளை” ஒன்றினை உருவாக்கி, அதன் மூலம் கல்விக்கூடங்களை நிறுவி, அவற்றை சிறப்பாக நடத்துதல்.

· “தாருஸ் ஸத(க்)கா (தர்ம சபை)” ஏற்படுத்தி ஏழை, எளியோர், அனாதைகள், நலிவுற்றோர், ஊனமுற்றோர் போன்ற தேவையுடையோருக்கு உதவி செய்தல்.

· திருக்குர்ஆன், புனித நபிமொழி(ஹதீஸ்)கள், உத்தம நபித்தோழர்(ஸஹாபாக்)கள், (ஹதீஸ்களையும், ஷரீஅத் சட்டங்களையும் தொகுத்தளித்த) மரியாதைக்குரிய இமாம்கள், இறைநேசர்(அவ்லியாக்)கள் / நல்லோர்களான முன்னோர்(ஸலஃபு ஸாலிஹீன்)கள் ஆகியோருக்கு கொடுக்க வேண்டிய கண்ணியத்தை கொடுத்தல்! கண்ணியக் குறைவாக நட(ந்)த்து(கொள்)வோருக்கு நேர்வழி (ஹிதாயத்) கிடைக்க துஆ செய்வதுடன், சத்தியத்தை எடுத்துரைத்து அவர்கள் நேரிய வழியில் செல்ல உதவி செய்தல்!!

இன்ஷா அல்லாஹ்...

இன்னும் இன்னும் உண்டு பல சேவைகள் / செயற்பாடுகள்!

இதற்குத் தேவை தங்களின் துஆக்கள் / உதவிகள் & ஒத்துழைப்புகள்!!

இவற்றால் கிடைக்கும் அல்லாஹ்வின் அளவிலா அருட்கொடைகள்!!!

நன்மைகளை நாடி இணைந்திடுவோம் இஸ்லாமியப் பணிகளில்...!

அரும்பணியாற்றிடுவோம் அல்லாஹ்வின் பாதையில்...!!

நம் குவைத் தமிழ் இஸ்லாமியச் சங்கம்!

தமிழ் பேசும் ஒவ்வொரு முஸ்லிமும் இதில் அங்கம்!!

*இவை குவைத் தமிழ் இஸ்லாமியச் சங்கம் ஆரம்பிக்கப்பட்டபோது ஏற்படுத்தப்பட்ட திட்டங்கள். இறையருளால் இன்று இவற்றுடன் மேலதிகமான பல்வேறு நற்பணிகள் செயல்படுத்தப்படுகின்றன.

Assalaamu Alaikkum Warahma!

Kuwait Tamil Islamic Committee (K-Tic), a virtuous, non-profit socio welfare organization of Tamil speaking Muslim community in Kuwait, (established in 2006 - registered with Indian Embassy of Kuwait and also with The Administration of Grand Mosque / Kuwait Ministry of Awqaf and Islamic Affairs).

K-Tic has a impressive name among the socio-welfare organizations in Kuwait and Gulf countries whose benevolent works and enlightening activities and conserving Islamic uniqueness and also well known with the thousands of Indians especially all Tamil speaking people in Kuwait.

This Facebppk page is started on behlaf of K-Tic, The Organization having the following objectives and field of focus :

1. Stepping forward and putting effort to eradicate struggles / problems faced by our Tamil Muslims within our Community and alerting the youth not to fall as a prey of Terrorism.

2. Presenting Islam to the brothers & sister of our Tamil commune and instigating Islamic Da'wa within our Community by organizing Al-Quran, Hadiths, Shareeya & Fiqh Classes and Arranging to deliver Regular Monthly / Fortnightly / Weekly Islamic Lectures in Tamil.

3. Arranging at least one or two Grand Program to deliver a Special Speech (Lecture) by Well-known Scholar from our Homelands.

4. Establishing Classes for Teaching Al-Quran & Fiqh for Kids, and Co-existence.

5. Moralizing General & Islamic Awareness thru Website (Internet) and SMS.

6. Arranging one or two Umrah Trips per year in a precise manner.

7. Arranging to issue FREE Monthly Magazines (PIRAI Newsletter), yearly Souvenir and Periodicals from Homelands & circulating them to our Community. Distributing our grand program CDs to the members for FREE.

8. Most of our following programs, seminars shall be presented to all in general - irrespective of religion. Similarly even quiz programs to all Indian schools children.

Insha Allah many more..... Please contact (+965) 97872482