Dr Rasool Clinic
Share
حشوات،حشوات جذور،طقم ثابت ومتحرك،تبييض السنان بالليز?
جهاز الQuicksleeper لتخدير الاسنان خصوصا لحالات حشوات الجذور او القلع والي يكون بيها المراجع يعاني من التهاب حول ذروة جذر السن بحيث السن ما يتخدر 100% بالطرق التقليديه(حتى لو ننطي اكثر من ابره بنج) ويبقى المراجع يحس بالالم طيله فترة العمل.
ميزة هذا الجهاز :-
١-المراجع ابد ما يتألم اثناء اعطاء البنج بسبب تصميم وتقنيه رأس الابرة بصوره حديثه.
٢-التخدير بي 100% بأقل من ١مل من البنج لان يخترق عظم الفك والبنج يحقن مباشرتا حول السن.
٣-الطبيب يكدر يشتغل مباشرتا بعد الانتهاء من اعطاء البنج ودون الحاجه للانتظار .
٤-المراجع ما يحس بخدر في اللسان او الشفه ((السن فقط هو الي يتخدر)).
حاله جديده لجسر زيركون يتم بواسطه الماسح الرقمي لTrios 3 الافضل عالميا✌🏻
بعد ماكو اي روائح مزعجه تصير بسبب التعويضات
ماكو بقايا اكل تتجمع بسبب اختلاف القياسات بسبب الطبعه((العجينه))
التطابق اللوني بين الاسنان الطبيعيه والتعويضات يتم بواسطه السكنر الدجتل🤗 .
19/02/2022
جانب من اعمالنا ليوم الخميس
الطبعه الرقميه بجهاز ترايوس الاحدث عالميا
الدقه الحاليه لا مثيل لها
بانتظار وصول جسر الزيركون 🤗🤗🤗
15/02/2022
اليوم بدء العمل بجهاز trios 3 من 3 shape
طبعاتنا منا وجاي كلها رقميه
منا وجاي لون اي تعويض زاركون حيكون دقيق ١٠٠٪ واي تعويض او زراعه او حتى اي نوع صعب من الابتسامه حتكون دقيقه ١٠٠٪
22/11/2021
تم اضافه جهاز Biolase الى عتاد عيادتنا🤗
من افضل الاجهزه الحديثه من ناحيه تجميل اللثه وتبييض الاسنان ومعالجه مشاكل مفصل الفك .
04/02/2021
غلق الفراغات بين الاسنان باستعمال حشوات يابانيه نوع توكوياما بنفس نسق ولون السن😉
29/07/2020
اليوم وبأقل من أسبوع خلصنا كت كامل ((30 قطعه))لفحص كورونا من شركه BIOZEK الهولنديه وبينت النتائج كالتالي:-
24 مراجع طلع عنده فقط نمطC يعني مسحته سالبه😃 وماعنده اي شي.
6 من الاخوه المراجعين ظهر عدهم نمط C و IgG وبعد الحديث وياهم تبين انو همه ظهرت عليهم اعراض قبل اكثر من شهر او شهرين(طبعا المراجع اذا عنده فد ورقه/صوره✍️ من طبيبه تبين انو اخر مسحه سالبه فهذا كبل نشتغله) واذا مجان مسوي اي مسحه فنأجله بين ال٢١ لل٣٠ يوم وبعدها نشتغله عادي.
الحمد لله ما اجانه اي احد وطلع عنده بالفحص اجسام مضاده نوع IgM🥶 ((اي اصابه حديثه)).
نكدر نكول من خلال هذا الفحص انو 20% من الناس المجاورين لموقع العياده((الكاظميه)) صاير عدهم مناعه من الوباء وهاي النسبه التقريبيه احتمال تكون اعلى بالمناطق الشعبيه.
😃
23/07/2020
بعد التوكل على الله اليوم رجعنا نفتح العياده بعد ما عزلناها حوالي ٣٩ يوم بسبب فايروس كورونا وخطورته العاليه على طبيب الاسنان/المراجعين بسبب الرذاذ المتطاير اثناء عمليه حفر الاسنان.
طبعا احنه اتخذنا اجرائات و قائيه اكثر من السابق وكالاتي:-
1-قبل ما نبلش اي شغل ضروري المراجع يتغرغر بمحلول البوفيدون المخفف وهذا ضروري جدا لتعقيم منطقه الفم والانف والحنجره.
2-جبنا كتات هولنديه Biozek لفحص كورونا نفحص بيها اي مراجع يريد تحشيه اسنانه ((اهل القلع والتقويم ما مشمولين بهذا الشي)) وهذا الفحص نتيجه تطلع وره ١٠ دقايق من الفحص ويتم داخل عيادتنا وطبعا اذا اجانه مراجع وجانت عده اصابه قديمه فنتاكد من فحوصاته القديمه ونقارنها ويه نتائج الفحوصات الجديده من خلال الIgG و الIgM طبعا سعر الفحص مناسب جدا((١٥ الف دينار فقط)) وبفضله المراجع والطبيب حيرتاح بالعمل اكثر وصوره ال3 كتات الي رافقها بالبوست هيه لشغل اليوم والنتيجه جانت الحمد لله سالبه للجميع.
3-اشترينا جهاز ال aerosol suction وهذا جهاز جدا مهم لسحب الرذاذ المتطاير من فم المراجع وتقليل خطوره انتشار الفايروس بالعياده.
4-راح نستقبل حالات قليله باليوم بين ال٣-٤ بعد ما كنا نستلم اعداد فوق ال10 حتى نمنع اي تزاحم بالعياده ولتسهيل التعقيم بين مراجع ومراجع.
⚫️نعتذر لكل مراجع اتصل بينا او راسلنا خلال فتره تعزيل العياده وماكدرنا نشتغله🙏🙏🙏
13/12/2019
تقويم أسنان لمريضه عمرها حوالي ١٧ سنه تعاني من تضيق في الفك عظم الفك العلوي مع تزاحم للاسنان
تم إجراء التقويم خلال ١٣ مده ١٣ شهر وبدون قلع لأي سن😊😊😊.
22/08/2019
تجميل الاسنان الاماميه بأستخدام حشوات يابانيه نوع ((توكوياما)) وبطريقه ال layering للحصول على اعلى جماليه للاسنان
12/06/2019
تقويم اسنان لمريضه تعاني من تزاحم في اسنان الفك العلوي والسفلي مع عدم وجود مساحه كافيه للأنياب
أدت لخروجها بعيدا عن الاطباق((قوس الفك))
تمت المعالجه بواسطه اجهزه تقويم وتوسيع للفك من دون الحاجه لقلع اي سن من الاسنان✌🏻وبدون اي الم😊
Click here to claim your Sponsored Listing.
Category
Telephone
Website
Address
Baghdad
Opening Hours
| Monday | 15:30 - 20:30 |
| Tuesday | 15:30 - 20:30 |
| Wednesday | 15:30 - 20:30 |
| Thursday | 15:30 - 20:30 |
| Saturday | 15:30 - 20:30 |
| Sunday | 09:00 - 20:30 |