NORKA Roots
Share
Norka-Roots is the field agency of the Department of Norka, Government Of Kerala. NORKA is the first department of its kind in India.
To ensure the welfare of the Non-Resident Keralites, redress their grievances, safeguard their rights, rehabilitation of the returned migrants and facilitate investments in the state, the Non-Keralite Affairs Department was set up by the Government of Kerala in 1996. Since then, NORKA has been playing a vital role in the lives of NRKs, supporting them in times of need and lending them a helping ha
02/06/2026
കണ്ണൂരിലെ സ്വകാര്യ ഭക്ഷ്യ നിര്മ്മാണ യൂണിറ്റില് ഒഴിവുകള്
തിരിച്ചെത്തിയ പ്രവാസികള്ക്ക് നോര്ക്ക റൂട്ട്സ് വഴി അപേക്ഷിക്കാം
കണ്ണൂർ ജില്ലയിലെ ഭക്ഷ്യ നിർമ്മാണ സ്ഥാപനമായ ഓസോണ് മാര്ട്ടിലെ ഒഴിവുളള വിവിധ തസ്തികകളിലേക്ക് മടങ്ങിയെത്തിയ പ്രവാസികളിൽ നിന്നും അപേക്ഷ ക്ഷണിച്ചു. സൂപ്പർമാർക്കറ്റ് ആൻഡ് ഫ്രഷ് പ്രൊഡ്യൂസ് വർക്കർ, കമ്മ്യൂണിറ്റി സെയിൽസ് ആൻഡ് ഓപ്പറേഷൻസ് എക്സിക്യൂട്ടീവ്, ഫിഷ് ആൻഡ് മീറ്റ് സെക്ഷൻ വർക്കർ, ക്ലീനിംഗ് ആൻഡ് മെയിന്റനൻസ് വർക്കർ, അക്കൗണ്ട്സ് ആൻഡ് ബില്ലിംഗ് സ്റ്റാഫ്, ഷെഫ് എന്നീ തസ്തികകളിലാണ് ഒഴിവുകൾ. പൂർണ്ണസമയ (Full Time) അടിസ്ഥാനത്തിലാണ് നിയമനം. താല്പര്യമുള്ളവര്ക്ക് നോർക്ക റൂട്സിന്റെ വെബ്സൈറ്റ് സന്ദർശിച്ച് ആവശ്യമായ രേഖകള് സഹിതം 2026 ജൂൺ 10-നകം ഓണ്ലൈനായി അപേക്ഷ നല്കേണ്ടതാണ്. നോർക്ക റൂട്ട്സ് ഓഫീസുകളിൽ നേരിട്ട് അപേക്ഷ സ്വീകരിക്കുന്നതല്ല.
വിദേശരാജ്യത്തെ ജീവിതാനുഭവങ്ങളും വിദ്യാഭ്യാസവും കൈമുതലാക്കി കേരളത്തിൽ തിരിച്ചെത്തുന്ന പ്രവാസികേരളീയര്ക്ക് നാട്ടിലെ സംരംഭങ്ങളിൽ തൊഴിൽ ലഭ്യമാക്കുന്നതിന് ലക്ഷ്യമിട്ട് സംസ്ഥാന സര്ക്കാര് നോര്ക്ക റൂട്ട്സ് മുഖേന നടപ്പിലാക്കുന്ന നോർക്ക അസിസ്റ്റഡ് & മൊബിലൈസ്ഡ് എംപ്ലോയ്മെന്റ് അഥവ നെയിം പദ്ധതി പ്രകാരമാണ് അപേക്ഷ ക്ഷണിക്കുന്നത്. കൂടുതല് വിവരങ്ങള്ക്ക് 0471-2770523 (പ്രവൃത്തി ദിനങ്ങളില്, ഓഫീസ് സമയത്ത്) നമ്പറിലോ 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802012345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
01/06/2026
ടെക്നോപാർക്കിലെ സ്വകാര്യസ്ഥാപനത്തില് ഒഴിവുകള്…
തിരിച്ചെത്തിയ പ്രവാസികള്ക്ക് നോര്ക്ക റൂട്ട്സ് വഴി അപേക്ഷിക്കാം…
തിരുവനന്തപുരം ടെക്നോപാർക്ക് ആസ്ഥാനമായി വിദ്യാഭ്യാസ മേഖലയില് പ്രവർത്തിക്കുന്ന സ്വകാര്യ സ്ഥാപനമായ എക്സ്ട്രാ ജി ക്ലബ് പ്രൈവറ്റ് ലിമിറ്റഡിലെ വിവിധ ഒഴിവുകളിലേയ്ക്ക് മടങ്ങിയെത്തിയ പ്രവാസികളിൽ നിന്നും അപേക്ഷ ക്ഷണിച്ചു. ജനറൽ മാനേജർ, എ.ജി.എം-ചീഫ് കോർഡിനേറ്റേഴ്സ്, കോർഡിനേറ്റേഴ്സ് എന്നീ തസ്തികകളിലാണ് അവസരം. കേരളത്തിലെ വിവിധ ജില്ലകളിലായി പൂർണ്ണസമയ അടിസ്ഥാനത്തിലാണ് നിയമനം. താല്പര്യമുള്ളവര്ക്ക് നോർക്ക റൂട്സിന്റെ ഔദ്യോഗിക വെബ്സൈറ്റ് സന്ദർശിച്ച് ആവശ്യമായ രേഖകള് സഹിതം 2026 ജൂൺ 09-നകം ഓണ്ലൈനായി അപേക്ഷ നല്കേണ്ടതാണ്. നോർക്ക റൂട്സ് ഓഫീസുകളിൽ നേരിട്ട് അപേക്ഷ സ്വീകരിക്കുന്നതല്ല.
വിദേശരാജ്യത്തെ ജീവിതാനുഭവങ്ങളും വിദ്യാഭ്യാസവും കൈമുതലാക്കി കേരളത്തിൽ തിരിച്ചെത്തുന്ന പ്രവാസികേരളീയര്ക്ക് നാട്ടിലെ സംരംഭങ്ങളിൽ തൊഴിൽ ലഭ്യമാക്കുന്നതിന് ലക്ഷ്യമിട്ട് സംസ്ഥാന സര്ക്കാര് നോര്ക്ക റൂട്ട്സ് മുഖേന നടപ്പിലാക്കുന്ന നോർക്ക അസിസ്റ്റഡ് & മൊബിലൈസ്ഡ് എംപ്ലോയ്മെന്റ് അഥവ നെയിം പദ്ധതി പ്രകാരമാണ് അപേക്ഷ ക്ഷണിക്കുന്നത്. കൂടുതല് വിവരങ്ങള്ക്ക് 0471-2770523 (പ്രവൃത്തി ദിനങ്ങളില്, ഓഫീസ് സമയത്ത്) നമ്പറിലോ 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802012345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
27/05/2026
ഏവര്ക്കും ബലി പെരുന്നാൾ ആശംസകള്…
27/05/2026
ത്യാഗത്തിന്റെയും ആത്മസമര്പ്പണത്തിന്റെയും മഹത്തായ സന്ദേശമാണ് ബലി പെരുന്നാൾ. ബലി പെരുന്നാൾ നൽകുന്ന സന്ദേശങ്ങളുടെ മൂല്യം ദൈനംദിന ജീവിതത്തിലും പ്രസരിപ്പിക്കാനാകണം. ആഘോഷങ്ങൾ നൽകുന്ന ആത്മീയ വെളിച്ചം സമൂഹത്തെ ഒന്നാകെ മാനവികതയിലേക്ക് നയിക്കട്ടെ. പ്രതിസന്ധികളിലൊന്നും തളരാതെ ജീവിതയാത്രയിൽ കരുത്ത് നൽകുന്നതാകണം നമ്മുടെ ആഘോഷങ്ങളെല്ലാം. ഏവര്ക്കും ബക്രീദ് ആശംസകള്.
27/05/2026
ജര്മ്മനിയിലേയ്ക്കുളള നഴ്സിംങ് പരിശീലനം ഇനി കേരളത്തിലെ കോളേജുകളിലും
ഗ്ലോബല് സ്കില് പാര്ട്ണര്ഷിപ്പില് പങ്കാളികളായി GIZ ഉം നോര്ക്കയും…കരാര് രാജ്യത്ത് ആദ്യം
ഗ്ലോബല് സ്കില് പാര്ട്ണര്ഷിപ്പ് നഴ്സിംങ് മോഡലില് പങ്കാളികളായി ജർമ്മൻ ഫെഡറൽ റിപ്പബ്ലിക്കിന്റെ ഉടമസ്ഥതയിലുള്ള ജര്മ്മന് ഏജന്സി ഫോര് ഇന്റര്നാഷണല് കോ-ഓപ്പറേഷനും ((GIZ) സംസ്ഥാന സര്ക്കാര് സ്ഥാപനമായ നോര്ക്ക റൂട്ട്സും കരാര് കൈമാറി. സുരക്ഷിതവും സുതാര്യവുമായ വിദേശ തൊഴില് കുടിയേറ്റം ഉറപ്പാക്കുന്നതിനൊപ്പം കേരളത്തില് നിന്നും ജര്മ്മനിയിലേയ്ക്കുളള നഴ്സിംങ് റിക്രൂട്ട്മെന്റില് വിപ്ലവകരമായ മാറ്റങ്ങള്ക്ക് വഴിയൊരുക്കുന്നതുമാണ് കരാര്. ബി.എസ്.സി നഴ്സിംങ് പരിശീലനത്തോടൊപ്പം തന്നെ ബി 2 വരെയുളള ജര്മ്മന് ഭാഷാ പരിശീലനവും, ജര്മ്മനിയിലേയ്ക്കുളള നൈപുണ്യ വിടവ് പരിഹരിക്കുന്നതിനുളള അധിക പരിശീലനവും ലഭ്യമാക്കുന്നതാണ് പദ്ധതി. ഇതിനാല് കോഴ്സ് പൂര്ത്തിയാക്കുന്ന സമയത്തുതന്നെ വിദ്യാര്ത്ഥികള്ക്ക് ജര്മ്മനിയില് രജിസ്ട്രേഡ് നഴ്സ് ആയി ജോലി ചെയ്യുന്നതിനുളള അംഗീകാരം കൂടി പദ്ധതി വഴി ലഭിക്കുമെന്നതാണ് പ്രത്യേകത.
ഗ്ലോബൽ സ്കിൽസ് പാർട്ണർഷിപ്പ് നഴ്സിംഗ് പ്രോജക്ട് ലീഡ് ജുഡിത്ത് ഹീപ്പെ, നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അജിത് കോളശ്ശേരി, GIZ പ്രോഗ്രാം കംപോണന്റ് മാനേജർ ലിജു ജോർജ്ജ് എന്നിവര് തമ്മിലാണ് കരാര് കൈമാറിയത്. തിരുവനന്തപുരം തൈക്കാട് നോര്ക്ക സെന്ററില് നടന്ന ചടങ്ങില് സ്റ്റേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ എജ്യുക്കേഷൻ ആൻഡ് ടെക്നോളജി (SI-MET) ഡയറക്ടര് ഡോ. ആശാ.എസ്.കുമാർ, നോര്ക്ക റൂട്ട്സ് ജനറൽ മാനേജർ ഉല്ലാസ് കൃഷ്ണൻ, റിക്രൂട്ട്മെന്റ് മാനേജര് പ്രകാശ് പി ജോസഫ്, നോര്ക്ക റൂട്ട്സ്, GIZ പ്രതിനിധികള് എന്നിവര് സംബന്ധിച്ചു. ഗ്ലോബല് സ്കില് പാര്ട്ണര്ഷിപ്പ് ഫ്രെയിംവർക്കില് പങ്കാളികളാകുന്ന കേരളത്തിലെ നഴ്സിംങ് കോളേജുകള്, നോര്ക്ക റൂട്ട്സ്, GIZ എന്നിവര് സംയുക്തമായിട്ടാണ് പദ്ധതി നടപ്പിലാക്കുന്നത്. അന്താരാഷ്ട്ര നിലവാരത്തില് നഴ്സിംഗ് മേഖലയിലെ നൈപുണ്യ വികസനം, തൊഴിൽ സാധ്യത ഉറപ്പാക്കല് എന്നിവ ലക്ഷ്യമിട്ടുളളതാണ് കരാര്. രാജ്യത്താദ്യമായാണ് ഇതിനായി കരാര് ഒപ്പിടുന്നത്.
26/05/2026
ജര്മ്മനിയിലേയ്ക്കുളള ആരോഗ്യപ്രവര്ത്തകരുടെ റിക്രൂട്ട്മെന്റ്
നോര്ക്കയും ഷാരിറ്റെ യൂണിവേഴ്സിറ്റി ഹോസ്പിറ്റലും കരാര് കൈമാറി
കേരളത്തില്നിന്നും ജര്മ്മനിയിലേയ്ക്ക് നഴ്സിംങ്, പാരാമെഡിക്കല് പ്രൊഫഷണലുകള്, വിദഗ്ധ ആരോഗ്യ പ്രവര്ത്തകര് എന്നിവരുടെ റിക്രൂട്ട്മെന്റിനായി ആഗോള തലത്തില് വിഖ്യാതമായ ജര്മ്മനിയിലെ ഷാരിറ്റെ യൂണിവേഴ്സിറ്റി ഹോസ്പിറ്റലും സംസ്ഥാനസര്ക്കാര് സ്ഥാപനമായ നോര്ക്ക റൂട്ട്സും കരാറിലായി. ഹെഡ് ഓഫ് ഷാരിറ്റെ ഇന്റഗ്രേഷന് മാനേജ്മെന്റ് ചീഫ് എക്സിക്യൂട്ടീവ് ഓഫീസര് നാഗി സലാസും (Nagi Salaz) നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അജിത് കോളശ്ശേരിയും തമ്മിലാണ് കരാര് കൈമാറിയത്. തിരുവനന്തപുരം തൈക്കാട് നോര്ക്ക സെന്ററില് നടന്ന ചടങ്ങില് ഷാരിറ്റെ ഇന്റഗ്രേഷന് മാനേജര് തോമസ് ഗ്രോസെ, നോര്ക്ക റൂട്ട്സ് ജനറൽ മാനേജർ ഉല്ലാസ് കൃഷ്ണൻ, റിക്രൂട്ട്മെന്റ് മാനേജര് പ്രകാശ് പി ജോസഫ്, മറ്റ് ജീവനക്കാര് എന്നിവരും സംബന്ധിച്ചു. കരാറിന്റെ ഭാഗമായി തെരഞ്ഞെടുക്കപ്പെടുന്ന ഉദ്യോഗാര്ഥികള്ക്ക് നിയമന നടപടികള് പൂര്ണ്ണമായും സൗജന്യമായിരിക്കും. ഇതോടൊപ്പം സൗജന്യ ജര്മന് ഭാഷാപരിശീലനം, സാംസ്കാരിക-ഇന്റഗ്രേഷന് പരിശീലനം, പരിശീലന കാലയളവില് സൗജന്യ താമസം, ഭക്ഷണം എന്നിവയും ലഭ്യമാക്കും. ആദ്യഘട്ടത്തില് കേരളത്തില്നിന്നുള്ള 100 നഴ്സുമാരുടെ ടാലന്റ് പൂള് രൂപീകരിക്കാനാണ് ഷാരിറ്റെ പദ്ധതിയിടുന്നത്.
അത്യാധുനിക ചികിത്സ, മെഡിക്കല് ഗവേഷണം, മെഡിക്കല് വിദ്യാഭ്യാസം എന്നീ മേഖലകളില് ലോകപ്രശസ്തമാണ് മൂന്നു നൂറ്റാണ്ടിലേറെ പാരമ്പര്യവും നോബല് ജേതാക്കളുടെ പൈതൃകവുമുളള ഷാരിറ്റെ യൂണിവേഴ്സിറ്റി ഹോസ്പിറ്റല്. മെഡിസിന്, ഡെന്റിസ്ട്രി, നഴ്സിംഗ് മേഖലകളിലായി ആയിരത്തോളം വിദ്യാര്ഥികള് ഇവിടെ പഠനം നടത്തുന്നുണ്ട്. കാന്സര്, ഹൃദ്രോഗ ചികിത്സ, ന്യൂറോളജി, അപൂര്വ രോഗങ്ങള് തുടങ്ങിയ സൂപ്പര് സ്പെഷ്യാലിറ്റി മേഖലകളില് ലോകോത്തര സേവനമാണ് ഷാരിറ്റെ നല്കുന്നത്. കേരളത്തില് നിന്നുളള 300 ലധികം നഴ്സുമാര് നിലവില് ജോലിചെയ്യുന്നുണ്ട്. 2026 ജൂണ് ഒന്നു മുതല് പ്രാബല്യത്തില് വരുന്ന കരാറിന് 2028 മേയ് 31 വരെ കാലാവധിയുണ്ടാകും.
25/05/2026
പ്രവാസികൾക്കായുളള നോര്ക്ക സേവനങ്ങളെക്കുറിച്ചറിയാം…
സൗജന്യ വെബിനാർ മെയ് 30 ന്. ഇപ്പോള് രജിസ്റ്റര് ചെയ്യാം.
പ്രവാസി കേരളീയര്ക്കും, വിദേശത്തേക്ക് ജോലി, പഠനം എന്നിവയ്ക്കായി തയ്യാറെടുക്കുന്നവർക്കുമായി 2026 മെയ് 30 ന് (ഇന്ത്യൻ സമയം: 02:00 PM, യൂറോപ്യൻ സമയം: 10:30 AM) ഇ-റൂട്ട്സ് എന്ന പേരില് സൗജന്യ വെബിനാര് സംഘടിപ്പിക്കുന്നു. പങ്കെടുക്കാന് താല്പര്യമുളളവര് നോര്ക്ക റൂട്ട്സ് വെബ്ബ്സൈറ്റ് സന്ദര്ശിച്ച് മെയ് 29ന് മുന്പായി രജിസ്റ്റര് ചെയ്യേണ്ടതാണ്. രജിസ്റ്റര് ചെയ്യുന്നവരില് നിന്നും തിരഞ്ഞെടുക്കുന്ന 1000 പേര്ക്കാണ് വെബിനാറില് പങ്കെടുക്കാന് കഴിയുക. പ്രവാസികേരളീയര്ക്കായുളള നോര്ക്ക വകുപ്പിന്റെയും നോര്ക്ക റൂട്ട്സിന്റെയും പദ്ധതികള്, സേവനങ്ങള് എന്നിവ സംബന്ധിച്ചും പ്രവാസത്തിനു തയ്യാറെടുക്കുന്നവർ പാലിക്കേണ്ട മുൻകരുതലുകളെക്കുറിച്ചും അവബോധം നല്കുകയാണ് ലക്ഷ്യം. പോളണ്ടിലെ വാർസോ സെന്റ് മേരീസ് ഇന്ത്യൻ ഓർത്തഡോക്സ് OCYM യൂണിറ്റ്, കേരള അസോസിയേഷൻ പോളണ്ട് (KAP), വേൾഡ് മലയാളി ഫെഡറേഷൻ (WMF), മറ്റ് രജിസ്റ്റർ ചെയ്ത മലയാളി പ്രവാസി സംഘടനകൾ എന്നിവരുടെ സഹകരണത്തോടെയാണ് വെബിനാര്.
24/05/2026
നോർക്ക റൂട്ട്സ് കോഴിക്കോട് സെന്ററില് മെയ് 25 നും 26 നും അറ്റസ്റ്റേഷൻ ഉണ്ടായിരിക്കില്ല.
സാങ്കേതിക കാരണങ്ങളാൽ 2026 മെയ് 25, 26 (തിങ്കൾ , ചൊവ്വ) തീയതികളിൽ നോർക്ക റൂട്ട്സിന്റെ കോഴിക്കോട് സര്ട്ടിഫിക്കറ്റ് ഒതന്റിക്കേഷന് സെന്ററില് അറ്റസ്റ്റേഷന് സേവനം ഉണ്ടായിരിക്കുന്നതല്ല.
21/05/2026
ജർമ്മനിയിലേ വിവിധ ആശുപത്രികളില് 100 നഴ്സ് ഒഴിവുകള്
നോർക്ക റൂട്ട്സ് റിക്രൂട്ട്മെന്റിലേയ്ക്ക് മെയ് 24 വരെ അപേക്ഷ നല്കാം
ജർമ്മനിയിലെ വിവിധ ആശുപത്രികളിലേക്കുള്ള 100 നഴ്സിംങ് ഒഴിവുകളിലേയ്ക്ക് സംസ്ഥാന സര്ക്കാര് സ്ഥാപനമായ നോർക്ക റൂട്ട്സ് സംഘടിപ്പിക്കുന്ന വര്ക്ക് ഇന് ഹെല്ത്ത്, ജര്മ്മനി റിക്രൂട്ട്മെന്റിലേയ്ക്ക് 2026 മെയ് 24 വരെ അപേക്ഷ നല്കാം. നഴ്സിങ്ങിൽ ബിരുദമോ പോസ്റ്റ് ബേസിക് ബാച്ച്ലേഴ്സ് ഡിഗ്രിയോ ഉള്ളവർക്ക് അപേക്ഷിക്കാം. കുറഞ്ഞത് രണ്ടു വർഷത്തെ പ്രവൃത്തിപരിചയം നിർബന്ധമാണ്. പ്രായപരിധി: 2026 മെയ് 31-ന് 36 വയസ്സ് കവിയരുത്. താല്പര്യമുള്ളവർക്ക് നോര്ക്ക റൂട്ട്സ് വെബ്സൈറ്റ് സന്ദർശിച്ച് അപേക്ഷ നല്കാവുന്നതാണ്. അപേക്ഷകർക്കു ഐ.സി.യൂ അല്ലെങ്കിൽ മെഡിക്കൽ സർജിക്കൽ വാർഡ്, ഓങ്കോളജി വാർഡ്, ന്യൂറോളജി വാർഡ്, ജീറിയാട്രിക് വാർഡ് , പ്രൈവറ്റ് വാർഡ്, മറ്റു അഡൾട് ഇൻപേഷ്യന്റ് വാർഡ് തുടങ്ങിയവയിൽ ബെഡ് സൈഡ് പേഷ്യന്റ് കെയർ എക്സ്പീരിയൻസ് ഉണ്ടായിരിക്കേണ്ടതാണ്. പീഡിയാട്രിക് അല്ലെങ്കിൽ നിയോ നാറ്റോളോജി മാത്രം പ്രവൃത്തിപരിചയം ഉള്ളവരെ പരിഗണിക്കുന്നതല്ല. അപേക്ഷിക്കുന്ന സമയത്ത് ജർമ്മൻ ഭാഷാ പരിജ്ഞാനം ആവശ്യമില്ല. ജർമൻ ഭാഷയിൽ B1 അല്ലെങ്കിൽ B2 യോഗ്യത ഉള്ളവരും, നോര്ക്ക ട്രിപ്പിള് വിന് പ്രോഗ്രാമിലേയ്ക്ക് തിരഞ്ഞെടുക്കപ്പെട്ടവരും അപേക്ഷിക്കേണ്ടതില്ല
അഭിമുഖങ്ങളില് നിന്നും തിരഞ്ഞടുക്കപ്പെടുന്നവർക്ക് എ 1 മുതൽ ബി 2 ലെവൽ വരെ സൗജന്യ ജര്മ്മന് ഭാഷാപരിശീലനം ലഭിക്കുന്നതാണ്. ബി 1 ലെവൽ മുതല് താമസം, ഭക്ഷണം എന്നിവ സൗജന്യമായിരിക്കും. കൂടാതെ A2 ലെവൽ പാസ്സാകുന്നവർക്ക് 100 യൂറോയും, B1 ലെവൽ പാസ്സ് ആകുന്നവർക്ക് 150 യൂറോയും ബി 2 ലെവൽ പാസ്സാകുന്നവർക്ക് 200 യൂറോയും ആദ്യത്തെ ചാൻസിൽ പാസ്സ് ആകുന്നവർക്കു 100 യൂറോ അധികമായും സ്കോളർഷിപ്പിനും അര്ഹതയുണ്ടാകും. ബി 2 ലെവൽ വിജയകരമായി പൂർത്തിയാക്കുന്നവർക്ക് ജർമനിയിലെ ആശുപത്രികളിൽ നേഴ്സ് ആയി നിയമനം ലഭിക്കും. തുടക്ക ശമ്പളം കുറഞ്ഞത് 2400 യൂറോ ആണ്. വിസ പ്രോസസ്സിംഗ്, വിമാന ടിക്കറ്റ് ഉൾപ്പെടെയുള്ള എല്ലാ ചെലവുകളും സൗജന്യമാണ്. കൂടുതൽ വിവരങ്ങൾക്ക് 0471-2770536, 2770540, 2770539,2770566 (പ്രവൃത്തി ദിനങ്ങളില്, ഓഫീസ് സമയത്ത്) എന്നീ നമ്പറുകളിലോ 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബൽ കോണ്ടാക്ട് സെന്ററിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
Click here to claim your Sponsored Listing.
Category
Contact the organization
Telephone
Address
Thiruvananthapuram
695014