JVS

പടിഞ്ഞാറേതിൽ ശ്രീ. ജോർജ് മാത്യുവിൻ്റെയും ശ്രീമതി അന്നമ്മ മാത്യുവിൻ്റെയും മകൻ ശ്രീ. സിബി ടോം മാത്യുവും കുടുംബവും തങ്ങളുടെ വല്യപ്പച്ചൻ്റെയും വല്യമ്മച്ചിയുടെയും സ്മരണാർത്ഥവും മാതാപിതാക്കളുടെ എൺപതാം ജന്മദിനം പ്രമാണിച്ചും മാതൃ ഇടവകയായ നമ്മുടെ പള്ളിയിൽ പരിശുദ്ധ പരുമല തിരുമേനിയുടെ അതിമനോഹരമായ ഒരു ഛായാചിത്രം ഇന്ന് സമർപ്പിക്കുകയുണ്ടായി.
​പരിശുദ്ധ പരുമല തിരുമേനിയുടെ പാദസ്പർശമേറ്റ നമ്മുടെ ഈ ദൈവാലയത്തിൽ തിരുമേനിയുടെ 123-ആം ഓർമ്മപ്പെരുന്നാളിൻ്റെ പരുമലയിലെ കൊടിയേറ്റ് ദിവസമായ ഇന്ന് ഇപ്രകാരമൊരു സമർപ്പണം ലഭിച്ചത് നമുക്ക് വലിയ അനുഗ്രഹമായും അഭിമാനമായും കരുതിക്കൊണ്ട് ദൈവതിരുമുൻപാകെ നന്ദി അർപ്പിക്കുന്നു.
​ശ്രീ. സിബി ടോം മാത്യുവിൻ്റെയും കുടുംബത്തിൻ്റെയും ഈ അർപ്പണം ദൈവതിരുസന്നിധിയിലുള്ള അദ്ദേഹത്തിൻ്റെ അചഞ്ചലമായ ഭക്തിയുടെയും സ്വന്തം ഇടവകയോടുള്ള സ്നേഹത്തിൻ്റെയും ദൃഢമായ തെളിവാണ്. നമ്മുടെ ഇടവകയുടെ ചരിത്രത്തിലും ആത്മീയ ജീവിതത്തിലും ഈ ചിത്രം എന്നും ഒരു അമൂല്യ സമ്പത്തായി നിലനിൽക്കട്ടെ എന്ന് ആഗ്രഹിക്കുകയും പ്രാർത്ഥിക്കുകയും ചെയ്യുന്നു.
​ഒന്നര വർഷക്കാലം പ്രയത്നിച്ച്, ജീവൻ തുടിക്കുന്ന പരിശുദ്ധ പിതാവിൻ്റെ ഈ ചിത്രം പൂർത്തീകരിച്ച ശ്രീ. രാജു പുതുച്ചേരിയെ (ബാംഗ്ലൂർ) ദൈവം സമൃദ്ധമായി അനുഗ്രഹിക്കട്ടെ എന്ന് പ്രാർത്ഥിക്കുന്നു. ഒപ്പം, അദ്ദേഹത്തിൻ്റെ മേഖലയിൽ കൂടുതൽ ശോഭിക്കുവാൻ ദൈവം ഇടയാക്കട്ടെ എന്നും ആശംസിക്കുന്നു.

❤️Joseph V S💐