Collector & District Magistrate - Aurangabad

Collector & District Magistrate - Aurangabad

Official Page of Collector and District Magistrate - Aurangabad
Website: Aurangabad.gov.in
Facebook,

Photos from Collector & District Magistrate - Aurangabad's post 10/06/2023

मराठवाडा मुक्तीसंग्राम स्मृती स्मारक उभारणार....पालकमंत्री

Photos from Collector & District Magistrate - Aurangabad's post 10/06/2023

सैन्य भरती मेळावा २५ जूनपासून.....प्रशासन सज्ज..

Photos from Collector & District Magistrate - Aurangabad's post 08/06/2023

मराठवाडा मुक्ती संग्राम स्मृती स्मारक उभारणार-पालकमंत्री

मराठवाडा मुक्तीसंग्राम अमृत महोत्सवी वर्षानिमित्त आढावा
औरंगाबाद, दि. 16(विमाका):- मराठवाडा मुक्तिसंग्रामाच्या अमृत महोत्सवी वर्षानिमित्त महानगराच्या मध्यवर्ती ठिकाणी भव्य असे स्मृती स्मारक उभारण्यात येणार असून हे स्मारक विद्यार्थी, नागरिक व पर्यटक यांच्यासाठी प्रेरणा देणारे ठरेल, अशी माहिती पालकमंत्री संदीपान भूमरे यांनी दिली.

विभागीय आयुक्त कार्यालयात मराठवाडा मुक्तीसंग्राम अमृत महोत्सवी वर्षानिमित्त मंत्रीमंडळ उप समितीची बैठकीत पालकमंत्री श्री. भूमरे बोलत होते. यावेळी विभागीय आयुक्त सुनील केंद्रेकर, जिल्हाधिकारी आस्तिककुमार पाण्डेय, सामान्य प्रशासन विभागाचे उपायुक्त जगदिश मिनीयार यांच्यासह व्हिडीओ कॉन्फरसिंगव्दारे आठही जिल्हयाचे जिल्हाधिकारी उपस्थित होते.

पालकमंत्री श्री.भूमरे म्हणाले, मराठवाडा मुक्तीसंग्रामाच्या मराठवाडा मुक्तिसंग्रामाच्या अमृत महोत्सवी वर्षानिमित्त मराठवाडयातील आठही जिल्हयात विविध उपक्रमाचे आयोजन करण्यात आले आहे. महानगरातील मध्यवर्ती ठिकाणी स्मारक उभारण्यात येणार आहे. अंदाजे 100 कोटी रूपये खर्चून 200 फुट उंची असलेले हे स्मृती स्मारक उभारण्यात येणार आहे. दोन वर्षात स्मारकाचे काम पूर्ण होईल. महानगरात एक चांगली वास्तू उभी राहणार असून या स्मारकामुळे विद्यार्थी, नागरिक व पर्यटकांसाठी प्रेरणा देणारे ठरेल. सर्व सोईसुविधांनी परिपूर्ण असे स्मारक असणार आहे. यामध्ये सांस्कृतिक सभागृह, प्रदर्शन हॉल, ग्रामीण कला, मराठवाडा मुक्ती संग्रामातील आठवणी, इतिहास, ग्रंथालय यासह सर्वच सुविधा असणार आहेत. विद्यार्थी, पर्यटक व नागरिकांसाठी एक चांगले प्रेक्षणीय स्थळ व प्रेरणा देणारे ठिकाण उभे राहणार आहे.

विभागीय आयुक्त श्री. केंद्रेकर यांनी मराठवाडा मुक्तीसंग्रामाच्या मराठवाडा मुक्तिसंग्रामाच्या अमृत महोत्सवी वर्षानिमित्त करण्यात आलेल्या नियोजनाबाबत माहिती दिली.
यावेळी विविध विभागांचे प्रमुख अधिकारी उपस्थित होते.

Photos from Collector & District Magistrate - Aurangabad's post 06/06/2023

पालकमंत्र्यांनी घेतला विविध विकास कामांचा आढावा

जिल्ह्यातील विकास कामांना गती देत वेळेत प्रकल्प पूर्ण करा
- पालकमंत्री संदिपान भूमरे

औरंगाबाद, दि. 0६ (जिमाका) : शहरासाठी महत्वपूर्ण असणारी पाणीपुरवठा योजना, गरीबांसाठीची घरकुल योजना, प्रधानमंत्री ग्रामसडक योजना, ब्रम्हगव्हाण उपसा सिंचन योजना, पैठण येथील संत ज्ञानेश्वर उद्यान अशा अनेक प्रकल्पांचे काम सुरू आहे. ह्या विकासात्मक कामांना गती देत सर्व प्रकल्प वेळेत पूर्ण करण्याचे निर्देश पालकमंत्री संदिपान भूमरे यांनी दिले.
पालकमंत्री संदिपान भूमरे यांनी महानगर पालिका, एमएसईबी, विभागीय क्रिडा संकुल, ब्रम्ह गव्हाण उपसा सिंचन येाजना, पैठण येथील संत ज्ञानेश्वर उद्यान, धुळे-सेालापुर महामार्गाची दुरूस्ती अशा अनेक विविध विकासकामांचा आढावा घेतला. यावेळी जिल्हाधिकारी आस्तिक कुमार पांडेय, मनपा प्रशासक जी.श्रीकांत तसेच विविध विभागांचे विभाग प्रमुख उपस्थित होते.
पालकमंत्री म्हणाले शहरासाठी महत्वपूर्ण असणाऱ्या पाणीपुरवठा योजनेचे काम संथगतीने सुरू आहे. हे काम वेळेत पूर्ण होण्यासाठी अधिकची यंत्रणा लावून जलद गतीने कामे पूर्ण करावेत. तसेच अंतर्गत पाईपलाईनचे काम गतीने करावे. योजनेची पाईपलाईन पूर्ण झाल्यावरच रस्त्यांची कामे हाती घ्यावेत तसेच काम करणाऱ्या संस्थेच्या अधिकाऱ्यांसोबत बैठक घेऊन दिलेल्या काल मर्यादेत काम पूर्ण करावे. हर्सुल भागातील पाणीपुरवठ्याचे काम ऑक्टोबर पर्यंत पूर्ण करण्याचे निर्देश देखील संबंधितांना दिले.
मनपा प्रशासक जी श्रीकांत यांनी रामनगर तसेच सिग्मा हॉस्पिटल परिसरात वाहतूकीस अडथळा ठरणाऱ्या वृक्षांचे पुनर्रोपण करण्याबाबत पालकमंत्री यांना सुचविले. तसेच महापालिकेच्या नवीन इमारतीबाबत प्रस्ताव तयार करुन संमतीसाठी पाठविणार असल्याचेही जी. श्रीकांत म्हणाले.
महानगरपालिकेची इमारत बांधताना अत्याधुनिक पद्धतीचा अवलंब करुन दर्जेदार इमारत उभारण्याचे निर्देश देखील पालकमंत्र्यानी यावेळी दिले.
नवीन प्रशासकीय संकुल तसेच पैठण येथील प्रशासकीय इमारतीच्या कामाला गती द्या
जिल्हा प्रशासनाच्या नवीन प्रशासकीय संकुलाच्या कामाला गती द्यावी तसेच पैठण येथील प्रशासकीय इमारत आणि नाट्यगृहाचे देखील काम लवकर सुरू करण्याचे निर्देश त्यांनी योवळी दिले.
जिल्हाधिकारी आस्तिक कुमार पांडेय यांनी शहरातील नवीन विश्राम गृहाच्या सद्यस्थितीबाबत पालकमंत्री यांना माहिती दिली. ह्या विश्रामगृहाचे काम अंतिम टप्प्यात असून नोव्हेंबर पर्यंत हे विश्रामगृह तयार होणार आहे. तसेच पैठण येथील नवीन विश्रामगृहासाठी देखील जागा अंतिम करुन लवकरच काम सुरू करणार असल्याचेही ते म्हणाले.

घरकुल योजनेसाठी जागांची पाहणी करण्याचे निर्देश
पालकमंत्री यांनी घरकुल योजनेचा आढावा घेतला. मनपा प्रशासक जी श्रीकांत यांनी या प्रकल्पाविषयी सविस्तर माहिती दिली. गरीबांना स्वस्तात घरे मिळावे यासाठी जास्त घरे बांधणे आवश्यक आहे. हर्सुल परिसरात घरकुलासाठी अधिकची जागा उपलब्ध होऊ शकते. सुंदरवाडी परिसरातील आरक्षण उठवले तर मोठी घरकुल योजना होऊ शकत असल्याचे जी. श्रीकांत यांनी सांगितले. यासंबधी महापालिका स्तरावर कार्यवाही करुन शहरातील लोक प्रतिनिधीं सोबतच्या बैठकीचे नियोजन करावे. गारखेडा परिसरात धर्मवीर आनंद दिघे यांचे स्मारक बनविण्यासाठी आवश्यक ती कार्यवाही करावी तसेच माहेश्वरी समाजाच्या मागण्या पूर्ण करण्यासाठी त्यांच्या प्रतिनिधीची बैठक आयोजित करण्याचे निर्देश दिले.

विभागीय क्रीडा संकुलात आंतरराष्ट्रीय दर्जाच्या सुविधा निर्माण करा
विभागीय क्रीडा संकुलामध्ये सिंथेटीक ट्रॅक उभारण्यासाठी तसेच इतर सुविधांसाठी 17 कोटी रुपयांचा निधी दिला आहे. या सिंथेटीक ट्रॅकचे काम लवकरात लवकर पूर्ण करावे. खेळाडूंसाठी खरेदी करण्यात आलेले साहित्याचे वाटप करा. तसेच खेळाडू घडविण्यासाठी आवश्यक असणाऱ्या सर्व सुविधा निर्माण करुन खेळांडूमध्ये सकारात्मक भावना वृध्दीगंत करा असे देखील त्यांनी सांगितले.

ब्रम्हगव्हाण उपसा जल सिंचन योजनेच्या उर्वरित भूसंपादनाची प्रक्रीया तात्काळ पूर्ण करा
ब्रम्हगव्हाण उपसा जल सिंचन योजनेअंतर्गत सोनवाडीसह 10 गावांच्या भूसंपादनाची प्रक्रीया पुर्ण झाली आहे. पुढील प्रक्रीया तात्काळ पूर्ण करुन गांवकऱ्यांना एका महिन्यात मावेजा देण्याचे निर्देश देखील पालकमंत्र्यांनी यावेळी दिले.

पैठण येथील संत ज्ञानेश्वर उद्यान सुशोभिकरणाचे कामे पूर्ण करा
पैठण येथील संत ज्ञानेश्वर उद्यानाच्या सुशोभिकरणासाठी शासन आणि जिल्हा नियोजन समितीच्या माध्यमातून निधी देण्यात आलेला आहे. उद्यानाच्या सुशोभिकरणाची काम देखील सुरू आहेत. उद्यान पूर्ववत सुरू होण्यासाठी दिलेल्या वेळेत कामे पूर्ण करा जेणेकरुन पर्यटक शहरात येतील आणि शहरांमध्ये रोजगाराच्या संधीत वाढ होईल. उद्यानात निर्माण करण्यात येत असलेल्या सुविधांचा संपूर्ण विकास आराखडा सादर करा उद्यानाच्या विकासासाठी निधीची कमतरता पडणार नाही. पैठण प्रवेशव्दाराबाबत देखील महावितरणणे तात्काळ कार्यवाही करुन नियोजित वेळेत प्रवेशव्दाराचे काम पूर्ण करावे. धनगाव तसेच ओवा याठिकाणी तात्काळ ट्रासफार्मर बसविण्याच्या देखील सूचना केल्या.

सोलापुर-धुळे महामार्गाची करणार पाहणी
सोलापुर-धुळे ह्या महामार्गाची जिल्ह्याच्या विकासात महत्वाची भूमिका आहे. सोलापुर ते औरंगाबाद रस्त्याचे काम उत्कृष्ट आहे. परंतु औरंगाबाद ते कन्नड दरम्यान रस्त्यांवर खड्डे पडले असल्याने अपघाताची शक्यता आहे. त्यामुळे या रस्त्याच्या दुरूस्तीचे काम लवकरात लवकर पूर्ण करावे. तसेच पैठण रस्त्याचं देखील काम लवकर पूर्ण करण्याचे निर्देश संबंधितांना दिले.

प्रधानमंत्री ग्रामसडक योजनेची कामे तातडीने पूर्ण करावीत
प्रधानमंत्री ग्रामसडक योजना तसेच मुख्यमंत्री ग्रामसडक योजनेअंतर्गत जिल्ह्यातील अनेक कामे अपूर्ण अवस्थेत असल्याने नागरिकांना त्रास सहन करावा लागत आहे. संबंधित विभागांनी अपूर्ण रस्त्यांच्या कामांना गती देत तातडीने पूर्ण करण्याचे निर्देश देखील त्यांनी दिले.
*****

Photos from Collector & District Magistrate - Aurangabad's post 26/05/2023

कन्नड येथे मुख्यमंत्र्यांच्या हस्ते ‘शासन आपल्या दारी’ अभियानाचा शुभारंभ
------------
सुमारे दीड लाख लाभार्थ्यांना ५ हजार ४५७ कोटींच्या निधीचे वाटप
-------------

'शासन आपल्या दारी' अभियान एक क्रांतिकारी निर्णय
-मुख्यमंत्री एकनाथ शिंदे

औरंगाबाद दि २६ (जिमाका)- सर्वसामान्य नागरिकांना शासकीय योजनांचा लाभ घेण्यासाठी शासकीय कार्यालयात चकरा माराव्या लागू नये म्हणून राज्य सरकारने ‘शासन आपल्या दारी’ हा उपक्रम सुरू केला आहे. या उपक्रमामुळे लाभार्थ्यांना एकाच छताखाली अनेक योजनांचा लाभ मिळत असल्याने हा उपक्रम राबविण्याचा निर्णय क्रांतिकारी ठरत आहे, असे प्रतिपादन मुख्यमंत्री एकनाथ शिंदे यांनी केले.

औरंगाबाद जिल्ह्यातील कन्नड येथे मुख्यमंत्री एकनाथ शिंदे यांच्या हस्ते राज्य शासनाने सुरु केलेल्या 'शासन आपल्या दारी' अभियानाचा आज शुभारंभ करण्यात आला. यावेळी मुख्यमंत्री बोलत होते.
केंद्रीय अर्थ राज्यमंत्री डॉ भागवत कराड, पालकमंत्री संदीपान भुमरे, सहकार मंत्री अतुल सावे , कृषी मंत्री अब्दुल सत्तार, आमदार सर्वश्री हरिभाऊ बागडे, रमेश बोरनारे , उदय सिंग राजपूत, कृषी आयुक्त सुनील चव्हाण, जिल्हाधिकारी आस्तिक कुमार पाण्डेय, मुख्य कार्यकारी अधिकारी विकास मीना आदी उपस्थित होते.

शासकीय योजना सुलभपणे जनतेपर्यंत पोहोचविण्यासाठी ‘शासन आपल्या दारी’ अभियान राज्यात राबविण्यात येत असून लाखो नागरिकांना त्याचा लाभ मिळतो आहे. आज जिल्ह्यातील १ लाख ४९ हजार ५७२ लाभार्थ्यांना ५ हजार ४५७ कोटी रुपयांच्या निधीचे वाटप होत आहे. शासनाने जलसिंचनाच्या २८ प्रलंबित योजनांना सुधारित प्रशासकीय मान्यता दिल्यामुळे ६ लाख हेक्टर जमीन ओलिताखाली येणार आहे. 'नमो शेतकरी सन्मान योजना' बळीराजाला लाभदायी ठरत आहे, असेही मुख्यमंत्री श्री. शिंदे म्हणाले.

सर्वसामान्यांचे, कष्टकऱ्यांचे, शेतकऱ्यांचे आणि समाजातील सर्वच घटकांचे हे सरकार असून त्यांच्या हिताचे हिताचे अनेक निर्णय हे सरकार घेत आहे. केंद्राप्रमाणे राज्यामध्ये ‘नमो शेतकरी सन्मान योजना’ राबविण्यात येत असून केंद्राप्रमाणे राज्यानेही ६ हजार रुपयांची मदत दिलेली आहे. आकांक्षित जिल्ह्यातील शेतकऱ्यांना देखील १५ हजार रुपयांची आर्थिक मदत देण्यात येणार आहे. एनडीआरएफच्या नियमात बदल करून ही मदत दुप्पटीने वाढवून आता तीन हेक्टर करण्यात आली आहे. गोगलगायींमुळे शेतीच्या नुकसानीची देखील आता भरपाई शासन देत असल्याचे मुख्यमंत्री म्हणाले.

मराठवाड्यातील शेतकऱ्यांना जोडधंदे करण्यासाठी वाढीव निधी देण्यात येत आहे. मागेल त्याला शेततळे, ठिबक सिंचन, अस्तरीकरण अशा अनेक योजनासाठी शासन निधी देण्यात येत आहे, असे सांगून मनरेगाअंतर्गत १० लाख शेतकऱ्यांना लाभ मिळाला आहे. शेतकऱ्यांसाठी काही नियम शिथिल केले आहेत. शासन बळीराजाच्या पाठीशी भक्कमपणे उभे आहे, अशी ग्वाही मुख्यमंत्री श्री. शिंदे यांनी यावेळी दिली.

राज्याच्या विकासाला प्रधानमंत्री नरेंद्र मोदी यांचे पाठबळ आहे. कृषी क्षेत्रातील पायाभूत विकासासाठी २० हजार कोटी तर रेल्वे तसेच रस्ते विकासासाठी १३०० कोटी रुपये दिले आहेत. मराठवाड्यातील महत्वाकांक्षी वॉटर ग्रीड प्रकल्पासाठी केंद्राकडे निधीची मागणी करणार आहोत, आणि केंद्र सरकार नक्कीच भरीव निधी देईल, असा विश्वास मुख्यमंत्री श्री. शिंदे यांनी व्यक्त केला. प्रधानमंत्री श्री. मोदी यांच्या नेतृत्वामुळे देशाची अर्थव्यवस्था ११ व्या क्रमांकावरून ५ व्या क्रमांकावर आलेली आहे. ही आपल्या देशाची प्रगती आहे. जी- २० चे अध्यक्षपद आपल्याला मिळाले हा देखील आपला सन्मान आहे, हे सांगून केंद्राच्या आणि राज्याच्या माध्यमातून गरिबांसाठी अनेक योजना राबविल्या जात आहेत त्यांचा लाभ घेण्याचे आवाहन मुख्यमंत्री एकनाथ शिंदे यांनी यावेळी केले.

केंद्रीय वित्त राज्यमंत्री डॉ. भागवत कराड म्हणाले, जनतेला केंद्र आणि राज्य शासनाच्या अनेक योजनाचा लाभ देण्यात येत आहे. नमो किसान सन्मान योजना, पीक विमा योजना, जनधन योजनेचा लाभ घेणाऱ्यांचे प्रमाण अधिक आहे. प्रधानमंत्री आयुष्यामान योजनेतंर्गत देशात ५० कोटी लोकांनी योजनांचा लाभ घेतला आहे. केंद्र सरकारने कृषि क्षेत्रातील पायाभूत सुविधांसाठी १ लाख कोटी रुपयांचा निधी ठेवलेला असल्याचेही ते म्हणाले.

‘शासन आपल्या दारी’ अभियानाचे सर्व यंत्रणांनी उत्तम प्रकारे केले आहे. या उपक्रमामुळे अनेक लाभार्थ्यांना विविध प्रकारचा लाभ मिळणार आहे. नागरिकांनी या उपक्रमाचा जास्तीत जास्त लाभ घेण्याचे आवाहन पालकमंत्री संदीपान भुमरे यांनी केले.

या उपक्रमाच्या माध्यमातून आज अनेक लाभार्थ्यांना विविध विभागांच्या योजनांचा लाभ एकाच छताखाली मिळत आहे. कै. गोपीनाथराव मुंडे शेतकरी अपघात विमा योजनेच्या माध्यमातून १०० दिवसाच्या आत २ लाख रुपयांची मदत मयताच्या कुटुंबांना मिळत आहे. आज या उपक्रमाच्या माध्यमातून १ लाख २५ हजार लोकांना एकाचवेळी लाभ मिळणार आहे, असे कृषिमंत्री अब्दुल सत्तार म्हणाले.
सहकार मंत्री अतुल सावे म्हणाले, राज्यात अनेक विकासाची कामे सुरू आहेत. जल जीवन मिशन ही महत्वकांक्षी योजना असून या योजनेचा लाभ राज्यातील जनतेला मिळत आहेत. शेतकऱ्यांना १ रुपयात विमा संरक्षण मिळत आहे तर ५ लाखांचा आरोग्य विमा देखील मिळत आहे. सहकार विभागाच्या महात्मा ज्योतिबा फुले सन्मान योजनेचे अनेक लाभार्थी आहेत. हे सरकार शेतकऱ्यांचे आहे. शासनाने ६९ हजार हेक्टर जमीन कर्जमुक्त केली असल्याचेही ते म्हणाले.

कार्यक्रमाचे प्रास्ताविक जिल्हाधिकारी आस्तिक कुमार पाण्डेय यांनी केले. ते म्हणाले, ‘शासन आपल्या दारी’ अभियानाच्या माध्यमातून वरिष्ठ अधिकारी शासकीय योजनांचा लाभ देण्यासाठी जनतेच्या दारात जात आहे. या उपक्रमाच्या माध्यमातून नागरिकांना विविध योजनांचा लाभ देण्यासाठी व्यापक प्रयत्न करण्यात येत आहेत. महसूल विभागांतर्गत १७ हजार २४८, ग्रामविकास विभाग ११ हजार ५४५ , कृषी विभाग ६४ हजार १८४, नगरविकास विभाग ११ हजार ८१४ अशा अनेक विभागाच्या योजनांचा लाभ देण्यात येत असल्याचेही ते म्हणाले.

मुख्यमंत्री श्री. शिंदे यांच्या हस्ते लाभार्थ्यांना प्रातिनिधीक स्वरुपात लाभवस्तू व प्रमाणपत्रांचे वितरण करण्यात आले.या उपक्रमाच्या माध्यमातून जिल्ह्यातील लाभार्थ्यांना विविध योजनांचा लाभ उपलब्ध करुन देण्यात आला. देशसेवेमध्ये विशेष कार्यामुळे नवल भाऊसाहेब दफादार यांना ‘मेन्शन इस डिसपॅच’ पदक देवून तसेच राजाभाऊ दगडुबा करपे यांना घेतलेल्या कर्जावर तीन लाख रुपयांचे अनुदान वितरीत करण्यात आले. महसूल व सामाजिक न्याय विभागाकडून देण्यात येणाऱ्या विविध दाखल्यांचे देखील वितरण करण्यात आले. तसेच जिल्ह्यातील ‘ग्रामसुरक्षा दला’च्या हेल्पलाईनचा देखील शुभारंभ यावेळी मुख्यमंत्र्यांच्या हस्ते करण्यात आला.
0000

क्षणचित्रे-
• कन्नड येथे कार्यक्रमस्थळी शासनाच्या विविध विभागांच्या योजना, उपक्रमांची माहिती देणारे स्टॉल्स लावण्यात आले होते, या स्टॉल्सवर नाग़रिकांनी मोठी गर्दी केली होती.
• कृषि, उद्योग, ग्रामविकास, शिक्षण आदी विभागांच्या योजनांमधील ट्रॅक्टर्स, व्यावसायिक वाहने, हार्वेस्टर यंत्रांची आकर्षक सजावट करण्यात आली होती.
• सर्व स्टॉल्सला मुख्यमंत्री एकनाथ शिंदे यांनी भेट देऊन पाहणी केली.

26/05/2023

🎥📡📡🎥📡📡
_Watch Live_

* | कन्नड येथे मुख्यमंत्री एकनाथ शिंदे यांच्या हस्ते 'शासन आपल्या दारी' उपक्रमाचा शुभारंभ*
https://youtube.com/live/tahxqJCI4fI?feature=share

24/05/2023

जिल्हाधिकारी आस्तिक कुमार पाण्डेय यांनी शुक्रवार २६ मे २०२३ रोजी अंधानेर ता कन्नड येथे #शासनआपल्यादारी या अभियानाबाबत जनतेला केलेले आवाहन

Photos from Collector & District Magistrate - Aurangabad's post 20/05/2023

प्रशासन आणि पदाधिकाऱ्यांच्या समन्वयातून सामान्य जनतेचे प्रश्न सोडवावे

- राधाकृष्ण विखे पाटील



औरंगाबाद दि 20 (जिमाका) सामान्य जनतेच्या कल्याणासाठी शासन अनेक योजनांची अंमलबजावणी करते. या योजनांचा लाभ देण्याबरोबरच प्रशासनातील अधिकारी आणि लोकप्रतिनीधी, पदाधिकारी यांनी समन्वयातून सामान्य जनतेचे प्रश्न सोडविण्याचे आवाहन महसूल मंत्री विखे पाटील यांनी केले.

जिल्हा‍धिकारी कार्यालयात आयोजित पदाधिकारी आणि अधिकारी यांच्या समन्वय बैठकीत ते बोलत होते. यावेळी केंद्रीय वित्त राज्यमंत्री डॉ. भागवत कराड, सहकारमंत्री अतुल सावे, आमदार हरिभाऊ बागडे, प्रशांत बंब, जिल्हाधिकारी अस्तिककुमार पाण्डेय, मनपा आयुक्त जी. श्रीकांत, पोलीस अधिक्षक मनिष कलवानिया, शिरीष बोराळकर, संजय किनीकर तसेच विविध पदधिकारी उपस्थित होते.

महसूल मंत्री म्हणाले शासकीय योजना सामन्य जनतेपर्यंत पोहचविण्यासाठी तसेच त्यांच्या समस्या सोडण्यासाठी पदाधिकारी काम करत असतात. हे काम करत असताना प्रशासनातील अधिकाऱ्यांनी त्यांना मदत करणे आवश्यक आहे. पदाधिकारी आणि अधिकारी यांनी समन्वयाने काम केल्यास शासकीय योजना तळागाळातील सामान्य जनतेपर्यंत पोहचतील असेही ते म्हणाले.

शासन आपल्या दारी हे अभियान यशस्वीपणे राबविण्यासाठी सर्वांनी प्रयत्न करणे गरजेचे आहे. विविध योजनेचा लाभ पात्र लाभार्थ्यांपर्यंत पोहचविण्यासाठी उपविभागीय अधिकारी यांनी तहसिलदार, गटविकास अधिकारी आणि संबंधित अधिकारी यांची बैठक घ्यावी असेही ते म्हणाले.

यावेळी आमदार हरिभाऊ बागडे, प्रशांत बंब तसेच शिरीष बोराळकर, संजय किनीकर आणि इतर पदधिकाऱ्यांनी सूचना केल्या. त्या सूचनांची दखल घेऊन त्यावर तातडीने अंमलबजावणी करण्याचे निर्देश महसूल मंत्र्यांनी दिले.

***

Photos from Collector & District Magistrate - Aurangabad's post 20/05/2023

सामान्य माणसाला स्वस्तात वाळू मिळणार
- राधाकृष्ण विखे पाटील

औरंगाबाद दि 20 (जिमाका) शासन सामान्य नागरिकांसाठी अनेक योजना व उपक्रम राबवित आहे. सामान्य नागरिकाला केवळ ६०० रुपयांत वाळू देण्याचा महत्वपूर्ण निर्णय शासनाने घेतल्याने त्यांच्या घराचे स्वप्न पूर्ण होणार असल्याचे महसूल मंत्री राधाकृष्ण विखे पाटील म्हणाले.
मराठवाड्यातील पहिल्या शासकीय वाळू विक्री केंद्राचे उद्घाटन वैजापूर तालुक्यातील झोलेगाव येथे महसूल मंत्री राधाकृष्ण विखे पाटील यांच्या हस्ते पार पडले. त्यावेळी ते बोलत होते. यावेळी आमदार रमेश बोरनारे, जिल्हाधिकारी आस्तिक कुमार पाण्डेय, पोलीस अधीक्षक मनीष कलवानिया , अपर जिल्हाधिकारी डॉ अनंत गव्हाणे, उपविभागीय अधिकारी राहुल गायकवाड आदी उपस्थित होते.

श्री पाटील म्हणाले शासनाने घरकुल धारकांना मोफत वाळू देण्याचा महत्वपूर्ण निर्णय घेतला आहे. शासकीय वाळू विक्री केंद्रामुळे अवैध वाळू विक्रीला आळा बसणार असून गरीब माणसाचे घराचे स्वप्न पूर्ण होणार आहे. अवैध वाळू उपसा केल्याने होणारी पर्यावरणाची हानी आता या शासकीय वाळू केंद्रामुळे नक्कीच कमी होणार आहे. या उपक्रमात परिवहन विभागाची महत्वपूर्ण भूमिका आहे. या विभागाने वाळू वाहतूकीचे दर कमी केल्यास सामान्य माणसाला आणखी फायदा होईल. शासनाने स्वस्तात वाळू उपलब्ध करून दिल्याने घराच्या किंमती देखील कमी होतील असेही ते म्हणाले.
*****

Photos from Collector & District Magistrate - Aurangabad's post 18/05/2023

जूनपर्यंत जिल्हा विकास आराखडा तयार करण्याचे पालकमंत्री यांचे निर्देश

12/05/2023

सर्व योजना घेऊन आले ... #शासनआपल्यादारी
CMOMaharashtra
Devendra Fadnavis

Photos from Collector & District Magistrate - Aurangabad's post 12/05/2023

खते, बियाणे, कीटकनाशके उपलब्धतेसाठी नियोजन करा...
पालकमंत्री यांचे आदेश

Photos from Collector & District Magistrate - Aurangabad's post 01/05/2023

शासन खंबीरपणे शेतकऱ्यांच्या पाठीशी
- पालकमंत्री संदिपान भूमरे

• जलयुक्त शिवार योजनेच्या दुसऱ्या टप्प्याला सुरूवात
• मराठवाड्यात खरीप पीक कर्ज वाटपामध्ये जिल्हा प्रथम क्रमांकावर
• शिवभोजनाचा 50 लाख गरजूंनी घेतला लाभ
• मनरेगा अंतर्गत मातोश्री ग्राम समृध्दी पानंद रस्ते योजना घोषित

औरंगाबाद दि 01 (जिमाका)- शेतकरी आपल्या राज्याचा मुख्य कणा आहे. शेतकऱ्यांच्या सर्वांगीण विकास व कल्याणासाठी शासन विविध योजना राबवित आहे. सिंचनाचे प्रमाण वाढावे म्हणून राज्य सरकार पुरेशा उपाय योजना करीत आहे. पहिल्या टप्यात यशस्वी ठरलेल्या जलयुक्त शिवार योजनेचा दुसरा टप्पा राबविण्याचा निर्णय सरकारने घेतला असून त्याप्रमाणे कार्यवाही सुरू झाली आहे. दुसऱ्सा टप्यासाठी जिल्ह्यातील 119 गावांची निवड करण्यात आली आहे. आराखडा तयार करण्याचे काम प्रगतीपथावर असून शासन खंबीरपणे शेतकऱ्यांच्या पाठिशी असल्याचे पालकमंत्री संदिपान भूमरे यांनी सांगितले.
महाराष्ट्र राज्य स्थापनेच्या वर्धापन दिनानिमित्त पालकमंत्री संदिपान भूमरे यांच्या हस्ते ‘देवगिरी मैदान’ पोलिस आयुक्त कार्यालय येथे ध्वजारोहणाचा मुख्य शासकीय समारंभ पार पडला. त्यावेळी शुभेच्छा संदेशपर भाषणात ते बोलत होते. यावेळी विभागीय आयुक्त सुनिल केंद्रेकर, पोलिस आयुक्त मनोज लोहिया, विक्रीकर सहआयुक्त जी. श्रीकांत, जिल्हाधिकारी आस्तिक कुमार पांडेय, मुख्य कार्यकारी अधिकारी विकास मीना, पोलिस अधिक्षक मनीष कलवानिया, उपस्थित होते.
पालकमंत्री पुढे म्हणाले की, आजपासून बरोबर 63 वर्षांपूर्वी आजच्या दिवशी महाराष्ट्र राज्याची स्थापना झाली. आता आपल्या राज्याला राज्यगीतही मिळाले आहे. याबाबतचा निर्णयही आपल्या सरकारने घेतला आणि ‘जय जय महाराष्ट्र माझा- गर्जा महाराष्ट्र माझा’ हे कवी राजा बढेयांचे गीत आता राज्याचे गीत झाले आहे. शेतकरी आपल्या राज्याचा मुख्य कणा आहे. या शेतकऱ्यांच्या पाठिशी आमचे सरकार खंबीरपणे उभे आहे. शेतकऱ्यांच्या सर्वांगीण विकास व कल्याणासाठी विविध योजना राबविण्यात येत आहेत. यंदाच्या खरीप हंगामासाठी शेतकऱ्यांना वेळेत पीक कर्ज पुरवठा करण्याचे निर्देश जिल्हा प्रशासनाला दिले असल्याचे त्यांनी सांगितले. शासनाने आता ‘सततचापाऊस’ ही बाब सुद्धा नैसर्गिक आपत्ती म्हणून घोषित केली आहे. एवढेच नव्हे, तर अतिवृष्टी, अवकाळी पावसाचा फटका आपल्या जिल्ह्यातील शेतकऱ्यांनाही बसला आहे. अशा शेतकऱ्यांच्या मदतीसाठी राज्य शासनाने वेळो वेळी तातडीने मदत जाहीर केली आहे.जिल्ह्यातील नागरिकांना शासकीय योजनांचा लाभ मिळावा या करिता 15 एप्रिल ते 15 जून 2023 दरम्यान प्रत्येक जिल्ह्यात ‘शासकीय योजनांची जत्रा’हा अभिन व उपक्रम राबविण्यात येत आहे. या माध्यमातून जिल्ह्यातील 75 हजार नागरिकांना शासकीय योजनांचा लाभ मिळवून देण्यात येणार आहे. महात्मा गांधी राष्ट्रीय ग्रामीण रोजगार हमी योजने अंतर्गत राज्याचा मागील वर्षाचा खर्च रुपये 2400 कोटी होता. तो यावर्षी 3400 कोटी करण्यात आलेला आहे. या अंतर्गत 21 लाख मजूर कुटुंबांना अकुशल स्वरूपाचे काम दिले आहे. योजना अधिक प्रभावीपणे राबविण्यासाठी वेग वेगळे लोकाभिमुख निर्णय घोषित केले आहे. ज्यामध्ये प्रामुख्याने विहिरींची संख्या, अंतराची अट, भुजल प्रमाणपत्र रद्द केले आहे. वृक्ष लागवडी अंतर्गत मोहोगणी, मिलीया डुबिया सारखी वृक्ष लागवड व जवळपास 70 प्रकारचे वृक्ष लागवड, वन औषधी व ड्रॅगनफ्रुट, केळी, द्राक्षतसेच फुल पिके देखील योजनेतून घेण्यात येत आहे. मनरेगाअंतर्गत मातोश्री ग्राम समृद्धी पानंद रस्ते योजना घोषित केली असून 1 किलो मीटर कामासाठी रुपये 24 लक्ष अनुदान देण्यात येते. राज्यामध्ये जवळपास 38 हजार किलो मीटर रस्ते मंजूर केलेले असून त्यापैकी आपल्या जिल्ह्यामध्ये 4000 किलो मीटर रस्ते मंजूर केले आहे. जेकी राज्यामध्ये सर्वाधिक आहेत. जिल्ह्याचा मागच्या वर्षीचा खर्च 99 कोटी रुपये होता. तो या वर्षी 170 कोटी झालेला आहे.राज्यात खर्चानुसार आपल्या जिल्हाचा 5 वा क्रमांक आहे.वृक्ष लागवडी मध्ये देखील फार मोठ्या प्रमाणात वृक्ष लागवड करण्यात आलेली असून राज्यामध्ये देखील आपला जिल्हा प्रथम क्रमांकावर आहे. गुरांचे गोठे देखील मोठ्या प्रमाणात मंजूर करण्यात आलेले असून राज्यात आपल्या जिल्ह्यात सर्वाधिक गुरांचे गोठे मंजूर केले असल्याचेही यावेळी ते म्हणाले.

भाषणातील महत्वाचे मुद्दे:
• खरीप पीक कर्ज वाटपामध्ये जिल्हा मराठवाड्यात प्रथम क्रमांकावर
• खरीप हंमागा मध्ये शेतकरी बांधवांना 1 हजार 300 कोटी रुपये पीक कर्जाचे वाटप
• महात्मा जोतीराव फुले शेतकरी कर्जमुक्ती योजनेअंतर्गत जिल्ह्यातील 2 लाख 40 हजार लाभार्थ्यांना 994 कोटीरकमेचा कर्ज मुक्तीचा लाभ
• प्रोत्साहनपर योजनेअंतर्गत 26 हजार शेतकरी लाभार्थ्यांना 80 कोटी इतक्या रकमेच्या कर्जमुक्तीचा लाभ
• नानाजी देशमुख कृषी संजीवनी प्रकल्पाच्या अंमलबजावणीमध्ये जिल्हा सुरुवातीपासून राज्यामध्ये प्रथमस्थानी
• प्रकल्पामधून 1 लाख 13 हजार शेतकऱ्यांना 734 कोटी रुपयांचे अनुदान वाटप
• खरीप हंगामामध्ये 1 लाख 91 हजार सभासदांना 1 हजार 330 कोटी तर रब्बी हंगामामध्ये 64 हजार सभासदांना 623 कोटी रुपयांचे कर्ज वाटप
• गोपीनाथ मुंढे शेतकरी अपघात विमा योजनेअंतर्गत 175 प्रस्तावांना मंजूरी
• प्रधानमंत्री सूक्ष्म अन्न प्रक्रिया योजनेमध्ये आपला जिल्हा देशात प्रथम क्रमांकावर-927 उद्योजकांना कर्जाचे वाटप
• 75 वर्षांवरील 36 लाख एवढ्या नागरिकांनी योजनेचा लाभ घेतला
• महिलांना प्रवास भाड्यात 50 टक्के सवलत- 14 लाख 30 हजार महिलांनी घेतला लाभ
• दिवाळीनंतर गुढी पाडवा आणि डॉ. बाबासाहेब आंबेडकर जयंतीच्या पार्श्वभूमीवर राज्य सरकारने 100 रुपयांत ‘आनंदाचा शिधा’ देण्याचा निर्णय घेतला. जिल्ह्यात अंदाजे 10 लाख 60 हजार किटचे वाटप
• प्रधानमंत्री गरीब कल्याण योजना व राष्ट्रीय अन्न सुरक्षा योजना मिळून 1 लाख 20 हजार मेट्रीक टन मोफत धान्य वितरीत
• सरासरी दरमहा 22 लाख 40 हजार लाभार्थ्यांना मोफत धान्याचा लाभ
• शिवभोजन-एकूण 61 शिव भोजन केंद्रांमधून दैनदिन 7 हजार शिव भोजन थाळी वाटप
• आज पर्यंत 50 लाख गरजूंनी घेतला योजनेचा लाभ
• जिल्ह्यातील 25 तृतीय पंथीयांना रेशन कार्ड आणि 47 तृतीय पंथीयांना ओळखपत्राचे वाटप
• कै. गोपिनाथराव मुंडे ऊस तोड कामगार कल्याण महामंडळांतर्गत 1 हजार 500 कामगारांना ओळखपत्र

पालकमंत्री यांच्या हस्ते विविध पुरस्कारांचे वितरण-
यावेळी पालकमंत्र्यांच्या हस्ते पुरस्कारांचे वितरण् आणि विहीत विभागाच्या 17 उमेदावारास नियुक्ती आदेश वितरण करण्यात आले. तसेच पोलिस दलामध्ये उल्लेखनीय कार्य करणाऱ्या अधिकारी आणि कर्मचाऱ्यांना गौरविण्यात आले. यामध्ये उमाजी पवार, कारागृह उपमहानिरीक्षक, मनिष कलवानिया, पोलिस अधिक्षक, जयदत्त भवर, पोलिस उप अधीक्षक, मच्छिंद्र सुरवसे, पोलिस निरीक्षक संजय लोहकरे, पोलिस निरीक्षक,रामेश्वर रेंगे, , पोलिस निरीक्षक,अतुल वाळेक, , पोलिस निरीक्षक, गणेश नलावडे , पोलिस निरीक्षक,रोहित गांगुर्डे, देविदास शेवाळे, शिवाजी घोरपडे, अमोल सोनवणे, अशोक अवचार, इ. समावेश होता.
• राजेश चिंतामण भोसले पाटील- छत्रपती शिवाजी महाराजवन श्रीपुरस्कार 2018
• शिवाजी नाग नाथराव राऊत- छत्रपती शिवाजी महाराजवन श्रीपुरस्कार 2019
• शिवाजी कला वाणिज्य व विज्ञान महाविद्यालय कन्नड- शैक्षणिक संस्था विभागस्तर 2018
• वृक्षारोपण व वृक्ष संवर्धन फाऊंडेशन तिसगाव- सेवा भावी संस्था विभागस्तर 2018
• जय विश्व कर्मा सर्वोदय संस्था बीड बायपास रोड –सेवाभावी संस्था विभागस्तर 2019
• दिपक एरंडे- तलाठी यांना सन्मान पत्र व रोख रक्कम देण्यात आली.

000 000

Photos from Collector & District Magistrate - Aurangabad's post 27/04/2023

'मन की बातचा' रविवारी 100 वा भाग प्रसारित होणार - केंद्रीय अर्थ राज्यमंत्री डॉ. भागवत कराड

औरंगाबाद, दि.27, (विमाका) :- प्रधानमंत्री पंतप्रधान नरेंद्र मोदी यांनी देशवासियांना थेट संबोधण्यासाठी 'मन की बात' कार्यक्रम सुरू केला. येत्या रविवारी 30 एप्रिल रोजी सकाळी 11 वाजता शंभरावा भाग प्रसारित होणार आहे. महानगरासह गावागावात कार्यक्रमाचे प्रसारण ऐकण्यासाठी उपस्थित रहावे, असे आवाहन केंद्रीय अर्थ राज्यमंत्री डॉ. भागवत कराड यांनी आज केले.

जिल्हाधिकारी कार्यालयात केंद्रीय अर्थ राज्यमंत्री डॉ. कराड यांनी व्हिडीओ कॉन्फरसिंगव्दारे जिल्हयातील सर्व तहसीलदार, गटविकास अधिकारी यांच्याशी संवाद साधला. यावेळी जिल्हाधिकारी अस्तीककुमार पांडेय, जिल्हा परिषदेचे मुख्य कार्यकारी अधिकारी विकास मीना आदीसह प्रमुख अधिकारी उपस्थित होते.

डॉ. कराड म्हणाले, प्रधानमंत्री नरेंद्र मोदी यांनी 2014 मध्ये सुरू केलेला मन की बात कार्यक्रम अखंडीतपणे सुरू आहे. येत्या रविवारी या कार्यक्रमाचा 100 वा भाग प्रसारित होणार आहे. मन की बात कार्यक्रमाच्या माध्यमातून देशात विविध क्षेत्रात उल्लेखनीय कामगिरी केलेल्यांचा उल्लेख केला आहे. 100 वा भाग विशेष असणार आहे, त्यामुळे 'मन की बात' कार्यक्रमाचा शंभरावा भाग सर्वांना ऐकता यावा, यासाठी गावातील ग्रामपंचायत कार्यालय, सोसायटी कार्यालय, अंगणवाडी तसेच जिथे जिथे शक्य आहे तिथे कार्यक्रम ऐकण्याची व्यवस्था करण्यात येणार आहे.

महानगरासह गावागावात कार्यक्रमाचे प्रसारण ऐकण्यासाठी उपस्थित रहावे, असे आवाहन श्री कराड यांनी केले.

जिल्हाधिकारी पांडेय , मुख्य कार्यकारी अधिकारी मीना यांनीही 'मन की बात' कार्यक्रम ऐकण्यासाठी व्यवस्था करण्यात येणार असल्याचे सांगून नागरिकांनी मन की बात कार्यक्रमाचे प्रसारण ऐकण्यासाठी उपस्थित रहावे, असे आवाहन केले.

यावेळी तहसीलदार, गट विकास अधिकारी यांच्याह जिल्हा प्रशासनातील अधिकारी उपस्थित होते.
**-**

Photos from Collector & District Magistrate - Aurangabad's post 27/04/2023

औद्योगिक विकासासाठी जिल्हा उद्योग मित्र समितीने समन्वयाने कार्य करावे
– जिल्हाधिकारी अस्तिक कुमार पाण्डेय
औरंगाबाद, दि 27 (जिमाका) : औरंगाबाद जिल्ह्यामध्ये वाळूज आणि चिकलठाणा ह्या औद्योगिक क्षेत्रासह डीएमआयसी आणि ऑरिक सिटी या पंचतारांकित औद्योगिक वसाहती आहेत या वसाहतीमध्ये उद्योग क्षेत्राला येणाऱ्या अडचणी जिल्हा उद्योग मित्र समितीने दूर कराव्यात असे जिल्हाधिकारी तथा जिल्हा उद्योग मित्र समितीचे अध्यक्ष अस्तिक कुमार पाण्डेय यांनी सांगितले. या बैठकीस जिल्हा उद्योग केंद्राच्या महाव्यवस्थापक करुणा खरात,निवासी उपजिल्हाधिकारी जनार्दन विधाते ,विविध उद्योगाचे प्रतिनिधी त्याचप्रमाणे औद्योगिक संघटनांचे प्रतिनिधी या समितीच्या बैठकीत उपस्थित होते.
औद्योगिक विकासासाठी रस्ते, वीज ,पाणीपुरवठा त्याचप्रमाणे कचऱ्याचे योग्य प्रकारे विल्हेवाट लावणे आवश्यक असते, औद्योगिक वसाहतीमध्ये काम करणारा कामगार यांना देखील आवश्यक असणाऱ्या सुविधा उपलब्ध करून देण्यामध्ये उद्योग मित्र समितीने उपाययोजना करावी. विविध संघटनेच्या प्रतिनिधींनीही याबाबत सकारात्मक भूमिका घ्यावी, औद्योगिक वसाहतीच्या लगतच्या ग्रामपंचायतमध्ये असणाऱ्या विविध औद्योगिक समस्याविषयी या बैठकीत चर्चा करण्यात आली. औरंगाबाद- पुणे महामार्गावर छावणी रस्त्याचे चौपदरीकरण आणि रेल्वे उड्डाणपूल बांधणे, साजापूर ते एमआयडीसी वाळूज हा रस्ता जोडणे. एमआयडीसीत प्रवेश करण्यासाठी ओयासीस चौकात उड्डाणपूल बांधणे, माथाडी कामगारांच्या समस्या सोडवण्यासाठी त्यांना प्रशिक्षण आणि नोंदणी करणे, ग्रामपंचायतीकडून आकारला जाणाऱ्या करा बाबत जिल्हा परिषद आणि ग्रामसेवक यांच्याबाबत सकारात्मक भूमिका घेऊन कराची वसुली करणे ,आदि विषयावर चर्चा करण्यात आली.
एम आय डी सी क्षेत्राबाहेरील गट नं मधील घटकांना अकृषक परवाने नसल्याने शासनाच्या सवलती मिळण्यास अडचणी येतात. याबाबत सदर गट नं क्षेत्रातील उद्योग घटकाची यादी जिल्हाधिकारी कार्यालयाच्या सादर करण्याचे निर्देश प्रादेशिक अधिकारी महाराष्ट्र औद्योगिक विकास महामंडळ यांना जिल्हाधिकारी यांनी दिले.
वाळूज औद्योगिक परिसरातील गट नंबर मधील उद्योगांना मूलभूत सुविधा आवश्यक आहेत. यात परवाने, वीज, रस्ते याबाबतची मागणी मांडली. चिकलठाणा एमआयडीसी मध्ये पायाभूत सुविधा त्याचप्रमाणे एमआयडीसीमध्ये छोट्या उद्योजकांसाठी भूखंड उपलब्ध करून देण्याबाबतही चर्चा करण्यात आली .शेंद्रा औद्योगिक क्षेत्राकरिता वीज वितरण कंपनीचे स्वतंत्र देखभाल दुरुस्ती केंद्र स्थापन करण्याबाबत या बैठकीमध्ये निर्णय घेण्यात आला. शेंद्रा औद्योगिक क्षेत्रांमध्ये महाराष्ट्र औद्योगिक विकास महामंडळाने राखीव ठेवलेला जागेवर स्वतंत्र पोलीस स्टेशनची निर्मिती करण्यासाठी पोलीस अधीक्षक व अधिकारी यांनी प्रत्यक्ष भेट देऊन सदरील जागेची पाहणी करावी व त्याचा अहवाल पुढील बैठकीमध्ये सादर करण्याचे निर्देश जिल्हाधिकारी यांनी दिले.
*****

Photos from Collector & District Magistrate - Aurangabad's post 13/04/2023

‘आनंदाचा शिधा’मुळे सणांचा आनंद द्विगुणीत झाला- शामा सदावर्ते
औरंगाबाद, दि. 13 (जिमाका वृत्तसेवा) : - शासनाने 'आनंदाचा शिधा ' दिल्यामुळे आम्हाला अत्यंत कमी किंमतीत साखर,रवा, तेल आणि चणाडाळ मिळाली.राज्य शासनाने सण, उत्सवाच्या पार्श्वभूमीवर अन्न व नागरी पुरवठा व ग्राहक संरक्षण विभागामार्फत लाभार्थ्यांना दिलेल्या आनंदाचा शिधा या उपक्रमामुळे आमचा सणाचा आनंद द्विगुणीत झाला. याबद्दल मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्यासह यंत्रणेचे आभार मानते. अशा भावना औरंगाबाद येथील श्रीमती शामा सदावर्ते यांनी व्यक्त केल्या.
अन्न व नागरी पुरवठा व ग्राहक संरक्षण विभागामार्फत राबविण्यात येणाऱ्या आनंदाचा शिधा व इतर योजनेच्या लाभार्थ्यांशी आज दुपारी मुख्यमंत्री एकनाथ शिंदे, अन्न व नागरी पुरवठा मंत्री रविंद्र चव्हाण यांनी व्हीडीओ कान्‍फरसिंगद्वारे संवाद साधला, यावेळी श्रीमती शामा सदावर्ते बोलत होत्या.
सार्वजनिक वितरण व्यवस्थेअंतर्गत वितरीत करण्यात येणाऱ्या शिधा जिन्नसांचे वितरण पात्र लाभार्थ्यांना होणे, याबाबत लाभार्थ्यांच्या प्रतिक्रिया जाणून घेणे तसेच रास्तभाव दुकानांमार्फत योजनेचा लाभ घेताना येणाऱ्या अडचणी समजून घेण्यासाठी या कार्यक्रमाचे आयोजन करण्यात आले होते. यावेळी जिल्हाधिकारी कार्यालयातील सभागृहात जिल्हाधिकारी आस्तिक कुमार पाण्डेय, पुरवठा उपायुक्त पांडुरंग कुलकर्णी, पुरवठा अधिकारी वर्षाराणी भोसले यांच्यासह पुरवठा विभागाचे अधिकारी, कर्मचारी व जिल्ह्यातील आनंदाचा शिधा संच, शिवभोजन थाळी या योजनांचा लाभ घेतलेले लाभार्थी उपस्थित होते.

शिवभोजन मध्ये चांगले जेवण मिळते - पूजा पंडित
यावेळी शिवभोजन योजनेचे शहरातील लाभार्थी श्रीमती पूजा पंडित यांच्याशीही मुख्यमंत्री महोदयांनी संवाद साधला. यावेळी बोलतांना श्रीमती पंडित म्हणाल्या, माझा भाजीपाल्याचा व्यवसाय आहे. अनेकदा दुपारी जेवायला घरी जात येत नसल्याने शिवभोजन योजनेतंर्गत भोजन करते जेवणाचा दर्जाही चांगला असतो. वरण, भात, भाजी, पोळी उत्तम असते त्यामुळे मी नियमित येथे भोजन करते असेही त्या म्हणाल्या.
००००००

Photos from Collector & District Magistrate - Aurangabad's post 13/04/2023

पैठण व आपेगांव येथील विकास कामे जलदगतीने पूर्ण करा

-पालकमंत्री संदिपान भूमरे



औरंगाबाद दि 13 (जिमाका) श्री क्षेत्र पैठण व आपेगांव येथे अनेक भाविक भेट देतात. त्यामुळे पैठण व आपेगाव येथील विकास प्राधीकरणांतर्गत सुरू असलेली विकास कामे जलदगतीने पूर्ण करण्याचे निर्देश पालकमंत्री संदिपान भूमरे यांनी दिले.

पालकमंत्री संदिपान भूमरे यांच्या अध्यक्षतेखाली पैठण व आपेगाव विकास प्राधिकरणांतर्गत मंजुर आराखड्यातील विकास कामांची आढावा बैठक पार पडली. यावेळी जिल्हाधिकारी आस्तिक कुमार पांडेय, आमदार प्रदीप जैस्वाल, उपविभागीय अधिकारी स्वप्निल मोरे तसेच संबंधित विभागांचे विभागप्रमुख उपस्थित होते. या बैठकीत पालकमंत्र्यांना सादरीकरणाव्दारे विकास कामांची माहिती देण्यात आली.

पालकमंत्री म्हणाले पैठण येथील नाथ मंदिरातील विद्युत रोषणाईचे सुरू असलेले काम तातडीने पूर्ण करावे तसेच मंदिरा शेजारी असणारे अतिक्रमण काढणे गरजेचे आहे. आपेगांव येथील घाटाचे काम लवकर पूर्ण करावे. या प्राधिकरणासाठी निधी कमी पडू देणार नसल्याचेही पालकमंत्री म्हणाले.



000 000

Want your business to be the top-listed Government Service in Aurangabad?
Click here to claim your Sponsored Listing.

Videos (show all)

गणेशोत्सव 2022 च्या अनुषंगाने जिल्हाधिकारी सुनील चव्हाण यांच्या अध्यक्षतेखाली आज सर्व विभागाची आढावा बैठक झाली. या बैठकी...
औरंगाबाद : अग्नीवीर भरतीतील जळगावहून आलेले उमेदवार तुषार पाटील यांनी प्रशासनाने जेवणाची, वाहतुकीची उत्तम सुविधा केल्याचे...
"हर घर तिरंगा"१३ ते १५ ऑगस्ट दरम्यान राबवल्या जाणाऱ्या "हर घर तिरंगा" मोहिमेत सहभागी व्हा.
*हर घर तिरंगा हा उपक्रम उत्सव म्हणून साजरा करा- जिल्हाधिकारी सुनील चव्हाण*
लसीकरणामध्ये आपला जिल्हा राज्यात २६ नंबर वरून १६ व्या नंबर वर आला आहे. हे सर्व औरंगाबादकरांच यश आहे. पण यावरच थांबून चाल...
नोंदणीकृत असंघटित कामगारांना मोफत मिळणार भारत मान्य UAN कार्ड
जिल्हाधिकारी कार्यालयात VC व्दारे पालकमंत्री यांनी अतिवृष्टीमुळे बाधित झालेल्या शेतीपिकांचे नुकसान, जीवितहानी, उपाययोजना...
नदी काठच्या नागरिकांनी सतर्क राहावे - जिल्हाधिकारी सुनील चव्हाण जिल्ह्यात पावासाचा जोर कायम असून नदी काठच्या नागरिकांनी ...
Tokyo-2020 Cheer4India सायकल रॅली.

Telephone

Address


Collector Office
Aurangabad
431001

Opening Hours

Monday 10am - 6pm
Tuesday 10am - 6pm
Wednesday 10am - 6pm
Thursday 10am - 6pm
Friday 10am - 6pm

Other Government Organizations in Aurangabad (show all)
DEO Aurangabad DEO Aurangabad
Central Administrative Building, Fazalpura Aurangabad
Aurangabad, 431001

SVEEP & Voter Awareness

All Types Info All Types Info
MUHALLA ALI NAGAR TIKRI Road
Aurangabad, 824101

Hello Friends Welcome to the My YouTube Channel @All Types Info Please Like And Subscribe My Channel

Chhatrapati Sambhajinagar Smart City Chhatrapati Sambhajinagar Smart City
War Room, Babasaheb Ambedkar Research Centre
Aurangabad, 431001

Official Page of Chhatrapati Sambhajinagar Smart City Development Corporation Limited (CSSCDCL)

Government College of Engineering, Aurangabad Government College of Engineering, Aurangabad
Aurangabad, 431005

Established in 1960, Government College of Engineering, Aurangabad (GECA) is an Autonomous engineeri

Div Commissioner Social Welfare Aurangabad Div Commissioner Social Welfare Aurangabad
Cc
Aurangabad, 431001

Divisional commissioner social Welfare Aurangabad

TB Mukta Bharat - Chhatrapati Sambhaji Nagar TB Mukta Bharat - Chhatrapati Sambhaji Nagar
Aurangabad, 431005

Working towards eliminating TB in India by 2025 #TBMuktaBharat

EPFO RO, Aurangabad EPFO RO, Aurangabad
EPFO Regional Office, Bhavishya Nidhi Bhawan, N1, Town Cente, CIDCO
Aurangabad, 431003

Mpsc Daily Update And Saralseva Exam Preparation Mpsc Daily Update And Saralseva Exam Preparation
Ols Education Aurangabad
Aurangabad

Police Bharti Preparation Mpsc Daily Update Mpsc English

Dio Chhatrapati Sambhajinagar Dio Chhatrapati Sambhajinagar
Aurangabad
Aurangabad, 431003

Official Facebook Account of District Information Office, Directorate of Information & Public Relati

ASI Aurangabad Circle ASI Aurangabad Circle
Government Of India “PADMAPANI BHAVAN” O/o Superintending Archaeologist Archaeological Survey Of India Aurangabad Circle, Aurangabad –
Aurangabad, 431002

Archaeological Survey of India, Aurangabad Circle