Widlensandy

“Nan sikoloji, sèvo a pwoteje imaj li genyen de tèt li.”
Sa vle di kisa vrèman?
Chak moun bati yon imaj de tèt li nan lespri li:
“Mwen se yon bon moun.”
“Mwen pa konn fè mal.”
“Mwen toujou gen rezon.”
Men kestyon an se: kisa ki pase lè reyalite a frape imaj sa?
Souvan, olye nou aksepte nou fè erè, sèvo a chèche eskiz.
Li blame lòt moun.
Li minimize fot la.
Li chanje istwa a pou l ka toujou santi li “bon”.
Se pa paske nou mechan.
Se paske sèvo a pa renmen santi li an danje.
Lè yo atake konpòtman nou, nou santi se nou menm yo atake.
Men filozofi mande nou yon lòt kestyon:
👉🏾 Èske verite a pi enpòtan pase imaj nou?
👉🏾 Èske nou gen kouraj pou kraze imaj sa pou nou grandi?
Paske pafwa, sa ki anpeche nou evolye se pa mank kapasite…
Se pè pou n wè tèt nou jan nou ye vrèman.
Vrè fòs la pa nan pwoteje imaj nou.
Li nan aksepte feblès nou.
Kisa nou panse? 👇🏾
Èske sèvo a pwoteje nou… oswa li anpeche nou grandi?

“Poukisa anpil moun prefere rete gen rezon… menm si sa koute yo lapè?”
Paske pou anpil moun, gen rezon = genyen batay la. Lapè, li menm, pa toujou bay menm satisfaksyon an. Lè ou gen rezon, ou santi w valide, fyè, ou pwouve w pa t fou. Men souvan, pri a wo: tansyon, relasyon kase, dòmi ki pa bon.
Genyen tou ego. Ego a di: “Si m lage, m pèdi.” Men an reyalite, pafwa lage se pa pèdi, se chwazi trankilite w.
Gen moun ki grandi nan anviwònman kote konpwomi = feblès, kidonk yo defann pozisyon yo menm lè kè yo fatige.
Finalman, gen verite sa a: lapè mande matirite. Li mande pou w di: “M ka gen rezon, men m chwazi kalm.” E sa pa fasil ditou.
👉 Kesyon an se: ou prefere genyen diskisyon an, oswa pwoteje kè w?
Paske gen batay ou ka genyen… epi ou toujou pèdi lapè w.