HOCC

望見家鄉，黑洞日子終於嚟到尾聲😭～
所有本地外地單昨晚終於完成，俾啲掌聲成個血汗團隊！

恤個靚髮賀賀佢✂️👦🏼。
終於可以返嚟繼續唱歌寫歌寫書🤪～～～

P.s. 如果你今日內都未收到單號，可能係資料唔正確，我哋寄唔到出去，麻煩check吓短訊同埋email聯絡我哋客服。

謝謝🙏🏽。

一切從簡，能夠喺紙皮盒堆中還貨債過生日都係一種幸福🥰。

49歲，距離我嘅「50歲前要做到的事」目標又邁進一步，
今年繼續進化進步，多謝大家一直背後大力縱容。

最好嘅生日禮物已由大家合力送上，衷心感謝。♥️

P.s. btw大家施壓成功，正在考慮加印😉

繼續淹沒喺SF膠紙同埋紙盒海當中，今日星期日血汗工廠休息，本菇都冒出嚟喘喘氣、寫寫字。
寫咗個blog，有啲長，唔repost喺度喇，講解pack貨流程，想睇自己碌過去。

（學林日曦）point form 大包圍 update，務求大家忍忍手放過我地人手不足嘅CS🙇🏽‍♂️🙌🏽：

1）上週奮力出咗大部分cassette boxset（第二難pack），嚟緊呢個禮拜會繼續pack冠軍難處理嘅黑膠加boxset，同埋啲超級大單，如果你仲未收到貨，望望自己張單係咪呢兩個類別，可以安慰自己，你張單好大可能會係我親手pack；

2）因黑膠好難放入大盒，意外新發現「子母單」（一單兩件）這個option，可以分開兩件寄。上述1）嘅單會咁處理。
大家本週收到件時，爭隻黑膠唔好panic，不妨睇清楚係咪有個仔會跟住阿媽嚟；

3）二月尾pre-order嘅有號碼黑膠尾數終於到港，本週內會寄出；

4）其餘黑膠陸續到港，俾多少少耐性我，事關我已經催到碟廠就嚟block我；

5）誠意推介大家去睇睇blog，睇吓我幾咁認真對待大家嘅件，或者就唔忍心再催我🤪。

6）有啲好奇，到底有幾多人未買到黑膠？舉個手嚟望望🙋🏽‍♂️

無論如何，感謝你地，咁洶湧嘅支持唔做好佢俾你地都唔係人～！竭盡所能務求生日前出得曬堆黑膠。

P.s. 話說上圖呢件bandtee真係好好著，呢排變咗我嘅制服飛佛🤤剩餘少少幫我去埋佢thanks。

隻碟做咗三年，但因Vee不在港，基本上八九成時間都必須隔空製作，由編曲到錄音到錄結他cello到混音到mastering，都要用科技去幫忙搭橋樑。

前日要錄podcast，終於有機會集合全部人喺同一室，重組返成個製作過程/案情，覺得呢班人真係好叻好叻。

除咗音樂技能之外，更珍貴係嗰種勇於實驗嘅心，由掌舵成張碟嘅方向嘅明仔，佢細心又遼闊嘅視野，判到去到兩位編曲人手上，讓佢哋施展佢哋嘅法術將畫面成形。

當中會有各種嘅推倒重做，或者再改再執，但正因為大家都一心為咗件事好，沒有多餘嘅ego，甚至一句怨言都未聽過，先令到成件事，即使要隔空運作，都可以配合得咁好。最後嘅成品亦令我呢個歌手得到一種難得嘅煥然一新。

更感恩係佢地無嫌棄我經驗不足，在我戰戰兢兢嘗試編曲時，製造一個沒有批判只有包容嘅safe space俾我去大膽嘗試，並且首次被接納採用🥹，讓我踏出呢個第一步。

非常感恩，個天喺四年前將「不如搵明仔做監製」呢個想法送咗俾我，令我可以喺呢一個重要階段（無論係歌手生涯或者人生亦然），得到呢班人咁全面嘅照顧。

謝謝明仔，謝謝Vee，謝謝菜菜子，同埋（無喺畫面出現）客串咗一首歌，幫我哋喺最後階段畫龍點睛嘅hobing。

Love you all,
期待下次，錄音室再聚。😉

P.s. 大家密切留意podcast，講咗好多歌曲背後嘅製作故事好好聽😍。

完全人間蒸發，進入咗pack貨嘅黑洞～

想盡能力將大家狂風掃落葉式落嘅五六千張單快啲pack完，已經動用曬所有鄉親父老、向全部friend碌爆曬所有卡，每日十二工時咁開日夜班，務求能快啲將啲碟啊merch啊安全送到大家手上🙌🏽🙏🏽🙇🏽‍♂️

知道大家等咗好耐（雖然本身都係寫四月中開始發出⋯⋯），我哋都每日摩打手咁喪pack；不過訂單眾多，加上有啲貨仍然趕製中，例如黑膠（四月底先再有貨）、cassette boxset（尋日開始寄出）、pins set等（明天到貨），大家真係要俾多少少時間我哋⋯⋯😅

極多謝大家咁踴躍嘅支持，希望大家可以俾多少少耐性，等貨期間去聽住碟聽住podcast先啦，長命功夫啊啊啊～～～

P.s. 最後一張相表達：pack到眼鯨鯨。