Contact information, map and directions, contact form, opening hours, services, ratings, photos, videos and announcements from gp, Industrial Company, Tbilisi.
კომპანიის მიმოხილვა
შეზღუდული პასუხისმგებლობის საზოგადოება „ჯიპი" დაარსდა 2011 წელს. „ჯიპი"-ს ძირითადი მიმართულებაა მშენებლობისთვის საჭირო მსუბუქი თბოსაიზოლაციო საშენებლო მასალების წარმოება, აგროსექტორის განვითარება, მის მიერ წარმოებული პროდუქცია, რომელიც მოიხსენება, როგორც ეკოლოგიურად სუფთა ბუნებრივი პროდუქტი - აფუებული პერლიტი, აგროპერლიტი, პერლიტობეტონი, პერლიტობლოკი, პემზა, პემზის ბლოკი,
ბაზალტის ბამბა და სხვა.განსაკუთრებით გამოირჩევა მაღალიხარისხით.
დღესდღეობით საერთაშორისო სამშენებლო ბაზარზე არსებობს კონკურენტი, თუმცა კომპანიამ დაიმსახურა როგორც სახელმწიფო, ისე კერძო დამკვეთის ნდობა, ამ ნდობას პირველ რიგში განაპირობებს ხარისხი, რაც თანამედროვე დასავლური სამშენებლო ტექნოლოგიების აქტიური დანერგვით და ძლიერი ტექნიკურ-ინჟინერთა პერსონალის მუშაობით მიიღწევა. ყველა ზემოთხსენებული საქმიანობის საამქროები აღჭურვილია ულტრა თანამედროვე მანქანა-დანადგარებით და საწარმოო ხაზებით, რომელთა მეშვეობითც კომპანიას შეუძლია აწარმოოს მაღალხარისხიანი პროდუქცია.
დიდი ხანია მსოფლიო თანამეგობრობის პრობლემაა ენერგოკრიზისი, ენერგომატარებლების დეფიციტი. მრავალი ქვეყანა მუშაობს ახალ ტექნოლოგიებზე რაც შეამცირებს ენერგო დანახარჯებს. საქართველოც ერთ-ერთი ის ქვეყანაა, რომელიც გამოირჩევა მაღალი ენერგო მოხმარების მხრივ, რაც ზრდის დანახარჯებს და ამცირებს ეკონომიკის მდგრად განვითარებას.
ჩვენი ჯგუფი ახალგაზრდაა და აერთიანებს რამდენიმე ორგანიზაციას, რომლებიც ძირითადად დაკავებულია მსუბუქი თბოსაიზოლაციო სამშენებლო მასალების მოპოვებით, გადამუშავებითა და წარმოებით.
რამდენიმე წლიანი პრაქტიკული და თეორიული გამოცდილების საფუძველზე, გვინდა შემოგთავაზოთ ადგილობრივი ნედლეულისაგან დამზადებული მაღალეფექტური, მსუბუქი, ეკოლოგიურად სუფთა თბო და ბგერასაიზოლაციო მასალები.
პერლიტი
- იდეალური თბო-ბგერასაიზოლაციო მასალაა, მისი დიაპაზონია -200 დან + 900 გრადუსამდე;
- ზრდის კონსტრუქციის ცეცხლმედეგობას (3 - 4 სთ);
- ეკოლოგიურად სუფთა სტერილური მასალაა;
- აქვს მცირე მოცულობითი წონა, შესაბამისად მინიმალური დატვირთვა კონსტრუქციებზე;
- არ ლპება, არ ზიანდება მწერების და მღრღნელების მიერ;
- 80%-მდე ამცირებს სითბოს დანაკარგებს კედლებიდან, რაც საშუალებას იძლევა 40-50%-ით შემცირდეს ენერგეტიკული (ბუნ. აირი, ელ. ენერგია) დანახარჯები სახლის ექსპლოატაციის დროს.
- ზრდის შენობების სეისმომდგრადობას.
20 სმ-იანი პერლიტობლოკების კედელი, თავისი თბოსაიზოლაციო მაჩვენებლებით ცვლის ერთმეტრიანი აგურის წყობას. ამ დროს ასეთი კედელი არ საჭიროებს დამატებით დათბუნებას. ამ მასალისგან აშენებული საცხოვრებელი სახლები, არ იწვიან და არ ინგრევიან ხანძრის შემთხვევაში. ჩატარებული ცდების შედეგად დადგინდა, რომ 1 სმ-იანი პერლიტობეტონის კედელი 2 სთ-ის განმავლობაში უძლებს ცეცხლის ალის პირდაპირ ზემოქმედებას სტრუქტურის დაუშლელად. თავისი სიმსუბუქის გამო პერლიტის გამოყენება 25-30%-ით ამცირებს ნაგებობის საძირკველისა და მზიდი კონსტრუქციის სტატიკურ დატვირთვას, ასევე მცირდება მშენებლობის ხარჯი 30-40%-ით, ვინაიდან 20 სმ-ის სისქის პერლიტის კედელი ცვლის 60 სმ-იან სისქის პემზობეტონის კედელს. ამასთან ერთად აფუებული პერლიტი გამოიყენება სასმელი წყლის, წვენების, კონიაკის, ღვინის, მცენარეული და ტექნიკური ზეთების, ნავთობპროდუქტების, ქიმიური ხსნარებისა და ანტიბიოტიკების საფილტრე ფხვნილად. სოფლის მეურნეობაში იგი ცნობილია აგროპერლიტის სახელით. მისი თვისებაა გააფხვიეროს ნიადაგი, შთანთქოს, ხანგრძლივად შეინახოს და თანდათან გასცეს გარემოში მკვებავი ელემენტების იონები, შესაძლებელია მინერალურ და ორგანულ სასუქთან ერთად მისი ნიადაგში შეყვანა, რაც სასუქის მოქმედებისა და გამოყებების ეფექტურობას 25-30%-ით ზრდის. ჭარბი ნალექების დროს მას შეუძლია 400-600%-ით შეიწოვოს სითხე, ხოლო გვალვის დროს თანაბრად გასცეს დაგროვილი სითხე, ეს კი ამცირებს მორწყვის ინტენსივობას.
ბაზალტის ბოჭკო და ბამბა
- იდეალური თბო-ბგერასაიზოლაციო მასალაა, მისი დიაპაზონია -270 დან + 900 გრადუსამდე.;
- არ იწვის, არ იშლება +1000 გრადუსამდე, ზრდის კონსტრუქციის ცეცხლმედეგობას;
- ეკოლოგიურად სუფთა სტერილური მასალაა;
- აქვს მცირე მოცულობითი წონა;
- არ ლპება, არ ზიანდება მწერების და მღრღნელების მიერ;
ბაზალტის ბამბის მასალის გამოყენება რეკომენდირებულია ბგერა და თბოსაიზოლაციოდ, შენობების კედლების, სახურავებისა და იატაკების თბოიზოლაციებში, სამრეწველო და საყოფაცხოვრებო შენობა-ნაგებობებში ხანძარ საწინააღმდეგო ნორმების უზრუნველსაყოფად, ბოილერებისა და ცენტრლური გათბობის სისტემების თბოიზოლაციებში. ბაზალტის დაჭრილი ბოჭკო შექმნილია ბეტონში, დუღაბში და სხვა ცემენტურ ხსნარებში შესარევად. ბაზალტის დაჭრილი ბოჭკო გამოიყენება როგორც ბზარსაწინააღმდეგო საშუალება მზა ბეტონში, მოსაჭიმ (სტიაჟკა) ბეტონში და სხვა ტიპის დუღაბებში. დუღაბში თანაბრად განაწილებული მსუბუქი ბოჭკოები უზრუნველყოფენ ბეტონის არმირებას. ბაზალტის დაჭრილი ბოჭკო არ იწვერება ბეტონის ზედაპირიდან და დამატებით მოპირკეთებას არ საჭიროებს.
