For your beauty's

فيديوهات و وصفات عناية بالبشرة و الشعر

01/11/2023
27/06/2023

لبيك ربي و ان لم اكن بين الزحام ملبيا
اللهم اجعلنا ممن غفر لهم 💜
تقبل الله منا و منكم صالح الاعمال

14/02/2023
13/02/2023

#رسائلكم 😱😱😱😭😱😱

غلط مع واحد لي هو رجلي سمعو والديا قلوله تزوج هوا بسيف باش قبل بي فتح علي مادرت والو تقول كونت ضيف في درنا وجا داني هوا مادرلي والو لا ذهب لا قش قعت عنده 6شهور من بعد خته ولا تعير في تقولي مادرتيش عرس ك ناس منبعد ضربتني رجلي مكانش هنا كان خدام جي من شهرين عيطو رجلي قلوله مرتك كانت راح تضرب ما يعني باغو يصلكو رواحم انا مه والله ماضرتها ولا وصلتها انا روحت لدارنا قعت عام مام الله يرحمها خويا مكانوش قبلني عندهم هوا بنلي سكنا منبعد انا روحت لداري قعت عام وعقد عليا روحنا غير انا هوا منبعد ولا يضربني ويسبني مام مرضت حكمها الكونسار وماتت الله يرحمها هوا ولا يضربني ويسبني ويسب مام مايخلي مايقول وشحال من مرة يحوزني فليل انانقعد عند باب حت يدخني راه عارف خويا مراحش يقبني هو يقولي ماتقعديش في داري كول ما يضربني يقولي راكي مطلاق كان قيلهلي زوج مرة مرا هذي فل عيد الكبير روح عند خوالي نغفرهم قعت يمين خواتته كانو في دارهم انا سكنا حضاهم قلوله مرتك راهي دخل رجلا وتخرج تحوس وراهي تسحرلك وتهدر فل تلفون مع رجال يعني كذب في كذب هوا امنهم وجا داني من عند خوالي ولا يسب ويضرب ماخلاش في انا نحلفله مادرت والو قعد شهرين هو مايهدرش معيا عيت كي ندير والو هو يهدر مع خواتته نورمال تقول مادرو والو انا نار شعل في قتله يا انا يخواتتك ولا طلقني هوا قلي كي ولات هاك راكي مطلق بثلاث دروك راني مطلقة مزال راني عنده مارنيش حب روح عند خويا تزوج ودرنا يعني دار مام الله يرحمها عيش فيا خويا والله ضيف ماروح حت روح عنده ونعيش علابلي راح يكرهلي حياتي هوا مرته رجلي قتله نت خرج خلني انا نقعد في دارك حت يفرج ربي هو ماحبش قلي روحي عند خ*ل ولا قعدي معيا انا كرهت ذل تاعه باب ومام مطلقين وعيش في فرنسا متزوج مايحوس علينا تقول ماعنده ولاد والو بغيت روح لدار العجزة عندي 10سنين زواج بيدون اولاد في عمري 29

01/02/2023
31/01/2023
18/01/2023

شرايكم ؟

16/12/2022

أنا تزوجت صغيرة 17 سنة دوك عندي 25 سنة موصلتش حتى للباك راجلي عندو بنت عمو تقرا ميدسين عندها 23 سنة وجاية شابة سيفيليزي باباها لباس بيه عندها طوموبيل راحت مع بيها لدبي لفرنسا لا علينا جاو لدار لعيلة في هذا لفاكونس أنا كونت فدارنا وخويا وصلني تلاقيت بيها برا سلمت عليها وخويا منزلش من طوموبيل فاتو يومين ولا قالي خويا عجبتني وباغي نخطبها وخويا الله يبارك ماعندو ماخصو هدرو دارنا مع دارهم قالو طفلة محبتش ومزالها صغيرة وتقرا وووو لمهم حطو سبايب هكا
لمشكل هو انو كي كونت مع راجلي قلتلو علاش قالو صغيرة وزيد مهما تطلع بيها لمرا تقعد لدار راجلها قلتلو وعلاش أنا تزوجت مولات 17 سنة سيد تفلڨ بضحك قالي تقارني روحك بيها نتي لا قراية لا نيفو تقارني روحك بيها قالي واحد ماضربك على يدك وقالك اتزوجي والديك كرهو منك زوجوك برك قالي تعرفي غير تكلي وترقدي وقعد يمدح فيها قدامي ويقول ان شاء الله بناتي يولو كيفها ويرفعلو راسي
أنا ماهدرت حتى كلمة مابكيت ماوالو لدرك راني مشوكية مافهمتش واش بيا حابة نبكي مقدرتشع...
م.ن.ق. و.ل.ة.

16/12/2022

#رسائلكـــــم
اليوم جات يما لعندي على غفلة وقت لفطور زوجتي خليتها حطت زوج طباسا فيهم بطاطا بالجاج ....انا رحت فتحت لباب لقيتها يما مرتي سمعتها رفدت لفطور وخباتو فالكوزينة وجات سلمت عليها ودخلتها انا رحت لطابلة نشوف كاشما خص باه نعيط ليما تفطر ملقيت والو عيطت لزوجتي فالكوزينة قلتلها علاه رفدتي قاتلي باسكو مدرتش حسابها وجات على غفلة ميكفيناش قاتلي افطر نتا وانا نقصر معاها امبعد كي تكمل ارواح نتا قصر معاها وانا نفطر انا مامنتش واش هدرت بكل صحانية وجه قلتلها دوك ترفدي وتحطيهم كولي نتي ويما انا نروح نفطر برة المهم من داك نهار مرتي طاحت من عيني وكرهتها ومانيش قادر نخزر فيها و راني حاب نربيها بضرة لي تحط ميمتي بين عينيها...!!

14/12/2022

تقطع القلب 😭😭😭💔💔💔💔💔💔
جيت نحكيلكم اليوم حكاية صحبتي أو بمعنى آخر كانت صحبتي 😢
لحقت 31سنة ماتزوجتش هي شابة وقارية كانت طموحة بزاف كان الزواج آخر همها قرينا في لافاك وحدة بصح كل وحدة وسبيسياليتي نتاعها تلاقينا في الإقامة الجامعية ورجعنا حبابات نروح لدارهم ومين داك نبات عندهم وتجي لدارنا بصح جامي تبات ماتحبش باسكو باباها واعر ويماها أكثر حتى وليت نحس روحي تقيلة عليهم ونديرلها مشاكل كي نروح ليها حتى رجعت مانروحش كامل بصح قعدنا صحابات بعد التخرج كل وحدة رجعت لولايتها وخدمنا في زوج وقعدنا en contact المهم انا تزوجت وحضرت عرسي وفرحنا وشراتلي سنسلة نتاع ذهب وخاتم مع انو كنت نخدم في سونطراك وهي في شركة خاصة يعني الشهرية نتاعها بالنسبة ليا حق صاك شباب بصح من كتر تحبني من نهار تخطبت وهي تلملي في الدراهم قاتلي تستاهلي كل خير وانا قررت نديرلها كادو جامي حلمت بيه ولا جا في بالها المهم وباختصار انقطعت اخبارها عني قريب 4 سنوات malgré كانت amie avec moi sur Facebook بصح جامي نحكيو مع بعض (كل وحدة فينا مشغولة بحياتها ) انا مات بابا تزوجو خياتي هي تزوجو خياتها وخاوتها ماتت جداتها مارحت ليها ماجات ليا هي ماتحط ni story ni publications sur Facebook وانا كيف كيف هنا نقصد على الحياة الشخصية بصح تحط أدعية ولا كاش منظر طبيعي ولا المهم جامي تعرفي واش ولا كيفاش عايشة المهم بعد 4 سنوات لقيتها كاتبة ودارت ايموجي هدا👈😜 انا حسبلي تتمسخر وكي قريتو حسيت روحي توحشتهااااااا بعتلها مسج قولتلها توحشتك وين هاد الغيبة مارجعتليش خلاتلي vu حسيت كي شغل حشمتني زعفت عليها😡 بعد سمانة لقيتها en ligne في المسنجر عيتلها هدرت معايا ببرووود قولتلها واشبيك احكيلي واسمحيلي والله انشغلت عليك وحتى انتي ماكنتيش تبعتيلي نورمالمو ماتزعفي عليا مانزعف عليك بصح كي نحبك مش حابةنخسرك احكيلي واش بيك حتى ترتقت بالبكاء قولتلها خلعتيني احكي ازربي قاتلي مش هدرة نتاع تليفون المهم قلت لراجلي نعرض فرح صحبتي للدار وراهي مقلقة حاول طول شويا باش هي تكون الاز قالي ماشي مشكل مع انو ماعندوش صحاب باسكو دارنا بعيدة وين كان يسكن وصحابو وحومتو قالي امالا نروح عند نسيبنا (راجل اختو) للحانوت كان وقت الصيف وراجل اختو يفتح للعشرة نتاع الليل يبيع حوائج المهم جات عندي تعرف داري بصح من تكملة:
قاتلي دوكا برك ضربتني يما قبل مانجي انا تنخلعت امرأة فايتة التلاتين تضريها يماها علاش؟؟!!! شافتني مخلوعة قاتلي طيبت الفطور وغسلت اللماعن قلتها كي نجي نمسح الدار زعفت عليا وضربتنى طلعت شعرها على وجهها مندوب ومخبش والدم قاتلي هادي يما وراتلي ظهرها قاتلي هدا بابا (أزرق ومتورم) المهم هي تبكي وانا نبكي عرفت أنها متزوجتش باسكو يماها كانت كل مايجي خاطب تقعد تقولها هدا طويل هدا قصير هدا فقير وهي صحبتي عاقلة وتسمع بزاف ليماها وحتى خطبها آخر واحد مرفه وشباب يماها تقولها كبير بزاف هو 46 سنة وراتوهلي والله يبان بابيش راكم تعرفو صحاب الدراهم الأكل الصحي والsport قبل ماتنخطب حبست من الخدمة وقعدت في الدار للشغل نتاع الدار باسكو يماها تظل تشكي من الشغل نتاع الدار ماراكيش تعاونيني تظلي برا وتدعيلها يوميا بالشر وتزيد تعايرها بالبايرة وتحرش باباها يضربها كانت تحكمها من شعرها من دار لدار كي ماتمسحش هداك النهار ولا تجي ماكلة مش مليحة تبهدلها قدام الجيران قاتلي كرهت من التبهدايل قلت بالاك من التعب مارانيش نخدم في خدمتي نتاع الدار مليح نقعد وبلاك ترضى عليا يما قعدت في الدار تخدم الشغل هكداك وماسلكتش كل يوم مشاكل حتى خرجت خطرة تقضي تلاقات بخطيبها شافها حبها خطبها 5 أشهر مخطوبة وفرحانة ويماها كل يوم تتضارب معاها وكي عرفت يماها تسكن وحدها زادت شعلت كانت تقولها دايما شكون يديك ناس دارك راح ماتتفاهميش معاهم وادا صحتلك شمبرة راكي مليحة لي قدك راهم يزوجو في أولادهم يعني ماحملتهاش تتزوج بواحد لاباس بيه وعازب ودارها وحدها حتى واش كانت تجهز تديلها خطرة جبة خطرة فيزو غير تحتاج حاجة تقولها اجبديها من هاذيك الفاليزة مانعرف لا يديك ولايدور في رايو المهم هي تبكي بالشهقة تبان طفلة صغيرة 10 سنين ماتفوتهمش تقولي انا واش درتلها تقولي شوفي شعري ناض فيه الشيب يعني كبرت حتى الماكلة تذلني باش ناكل malgré انا لي نطيب حتى وليت ناكل بالتخبية باش نشبع والله يالبنات غير كانت عدرة شكون يصحلو يحكي معاها كلمة .وحتى وهي في هاديك الحالة شابة والله صح شيانت بلبزاف بص شعرها قعد طويل وشباب كيما عرفتها عينيها خضورة ومدبالين وجهها كان منور رجع شاحب فمها غزو بصح ناشف مش قادرة تهدر تحسيها كي شغل مصدومة وتحكي قطعتلي قلبي المهم قاتلي اوعديني تدعيلي في صلاتك خطيبي مايعرفش انو كنت نتضرب نخاف غدوة من غدوة يضربني هو تاني باسكو يما تقولي غير نشوفو نقولو هاذي نتاع كفوف قولتلها اوعديني تقعدي تحكي معايا ونتلاقاو قاتلي نوعدك المهم شربت عندي قهوة وفطرت وراحت وفي الليل جيت نعيطلها ماتربونديش بعتلها مليار مسج ونعيط غدوة من داك قلت لراجلي يسموك دوك تديني على 6 ونص نتاع الصباح نبكي ونحلل فيه هو مافهم والو كنت ليل كامل نحكيلو عليها وكي مردتش عليا حتى هو خاف عليها وتوسوس قالي ايه عندك الحق تروحي ليها بصح مش مع 6 نتاع الصباح المهم داني وغير لحقت لقيت طومبيلات والناس عندهم كل ماتتقدم الطومبيل قلبي يتزير نقول لراجلي واش كاين ياك راهي مليحة ياك ماصرالها والو علاش راهم ملمومين عند الباب ياك باباها ويماها مايحبوش الضياف علاش الغاشي هدا وتحكمي هتيسريا نتاع بكا وهو يسكت فيا وصلنا عند الباب رجليا فشلو وماقدرتش نحركهم وماقدرتش نخرج من الطوموبيل حبط راجلي يسقسي قالوا. بنت الشيخ عيسى ماتت سكتة قلبية رجع راجلي وجهو اكحلللل قالي نهدر معاك تشدي روحك sinon والله غير نضربك قدام الرجال قالي فرح ماتت انا تما ماعرفتش كيفاش حبطت من الطوموبيل ولقيت روحي قدامها قولتلها يا الخداعة ياك قولتيلي تحكي معايا كل يوم علاش رحتي ونبكي حتى. انصرعت رحت للسبيطار غير فطنت لقيت راجلي قدامي حزنت عليها قريب عام باش قدرت نخرج من الصدمة غادتني قلت كون ربي يرزقني بنت نسميها عليها😢 ربي يرحمك يافرح تمرمدت بزاف في دارهم وخطيبها هبل عليها باسكو حبها من قلبو سافر للخارج سمعت قالو .قال موحال نتوج جزائرية تزوجت وحدة قاورية والله أعلم كي دخلت نشوف قلت بلاك راه تزوج ونساها لقيتو كتبت في الفيسبوك ديالو 😢

ومنشور آخر كاتب
بلوكيتو و بلوكيت كل حاجة تتعلق بيها رجعت حزينة وحاسة بالذنب واليوم الذكرى الثانية على وفاتها😢 إن لله وإن إليه راجعون ربي يرحمك ويجعلك من أهل الجنة ياااارب الكادو نتاع عرسها درتو عمرة لواحد الشيخ ومرتو العام لي فات فقراء وقلتلهم يدعيولها وهدا العام قررت نجهز عروسة محتاجة تكون قد صحبتي فرح 30 سنة فما فوق
منقولة

06/12/2022

نقةلكم هادي و نرقد..
مافهمتش علاه رجعت باردة قاع هك شغل علاقات الحب هادوك و وحدة تبكي ع واحد ما تغيضنيش نحسها تااافهة و شغل. راهي طيح من قيمتها ..
مانعرف في تعاملاتي مع ناس برررردت لوكان واحد يبااات يهدر عند راسي ولا احساااس و حاجه ما تتحرك فيا ..
وشنو راني شاااافيو مليح عالموقف لي فيض الكاس .. يعني سبتي علابالي بيها
شحال كنت دمي حار و غيارة و مقلقه هاكدا و و و ... واااااالو برررردت طووووول منين داك نستحلاها نقول مليحه منين داك نقول لالا وش راه صاريلي علاه مات قلبي .. ماعاد يغيضني واااااالو الله ييييسهل ع كلش مهم ما تجيييش فيا و تخطي راسي و بعدوني نعيش ..
ماعرفتش والله .. منين داك بنادم تتخلط عليه ما يفهمش ايلا راه فالخير ولا فالشر .. ماعرفت لا نعمة ولا نقمة
وش رايكم !!!! هههههه حتا و علابالي مش ح ياثر فيا رايكم زعما مانيش نطلب فالنقد حبيت ندي وجهة نظر تاعكم نتوما كون جات فيكم كيش تشوفوووها ..
تصبحو ع خير 💋

05/12/2022

صراحة باش توصلي لهدف لازم تتخلاي على بزااف منها كيما انا شهرية راجلي 4 ملاين ونص وعندي زوج دراري ، لازم تتخلاي على المكياج ااكوسميتك الخرجات القش واللبسة .
انا حابة ندير الدار صدقوني نظل نلم ونخمم خصتني ماشينة لافي والدراري يقراو ولازم الواحد يخبي للزمان يعني الواحد نسى روحو تماما لحتى البارح جاو عندنا نسا لواسي هكا زيارة عادي
هوما لابسين ومحطيين طالقين شعورهم ومكياج وصبايغ و انا لابسة روبة عندها عامين والله ماني نكذب عليكم بصح عندها عامين راكم تعرفو مع الغسيل ومع التقشف والحسابات مازدت صبغت مازدت شريت مكياج وحوايج ختي تمدلي جبات تاعها لي ماتلبسهمش ودراري تاني متطلباتهم.
راجلي دخل قعد يقصر معانا قعد يشوف فيا وفيهم شفتو يشوف فيا شوفة عيانة من بعد قصرنا وضحكنا وراحو
قعد عشية كاملة مقلق ومايهدرش معايا بلا سبة
فالليل قتلو واشبيك دار السبة تاع الماكلة ماعجباتوش ناض قلب الطباسة وكسرهم و قلي هادي ماكلة هادي وبدى يفرغ في قلبو قلي ماتصلحي لوالو لاطياب لا زين لاعقلية وسب سب قتلو كيفاش هادي فهمني فيها قلي رآها عاجباتك روحك تباني كي الطلابة في وسط النساء لا لبسة لا حطة قلي نتي و ولادك لابسين غير القديم قتلو شهريتك ماتكيفناش راني نحبس لمستقبلنا
قلي راكي تبهدلي وقارني معاهم قلي تباني عجوزة وطلابة في وسطهم وتحشمي دوك يقولو مرت فلان دائرة هكا وهكا.
في الاخر عرفت بلي الراجل مايهمو والو لا سكنة لا والو يهمو تكوني عند روحك وحطة وشابة والا مايستعرفش قع بيك ويلقى ماخير منك مايشوفش ليك .

30/11/2022

سؤال هذا تاع جارتي هي الزوجة ثانية راجلها كان خدام موظف عادي وهي تاني خدامة معاه في نفس الشركة مدولو اديال على حساب شهرياتهم مع بعض.. زوجته الاول ساكنة مع دار العايلة وعندها اربع بنات وولد.. الزوج تاعها كان ليلة عندها وليلة عند ضرتها.. زوجها تعرض لحادث وراه مشلول مشكل انه ضرتها محبتش تحكمو عندها هي قاعدة فالدار .. قالتها كما كان نهار عندي نهار عندك حتى ضرك كيف كيف وصحبتي خدامة متقدرش تقابلو هو حشاكم كلش تحته ضرتها سبعة تاع صبح تحطولها عند الباب.. وتروح كما كان يخرج من دار من عندها على سبعة تاع صباح ويدخل على 10 تاع ليل قالتلها مالا سبعة تاع صباح تخرجو وتقوللها مجيبيهش حتى عشرة تاع الليل مهم راهي في مشكل كبير معاها قالتلها تخلصها محبتش.. صحبتي ملقاتش حل معاه خممت دير خدامة طلبتلها مليون ونص يعني خلصتها تتقسم بين زوج راهي تخليه وحدو فالدار حتى ترجع لعشية تلقاه وسخ مبهدل وجيعان حبت تطلق منو وخافت على دار لانهم اكيد راح تقعد لراجلها وتخرج هي تيري... مهم راهي في حيرة لعندها اقتراح

30/11/2022

#ميساج
الله يحفظك حطيلي ميساجي راني في حالة محتاجة استشارة
مهم انا متزوجة ماعنديش بزاف ملي زيدت ولدي الاول وانا جاية بيضة شعري كحل حروفي كحلين راجلي نفس الشيء مكانش فينا لي عينيه زرقين ولا شعرو صفر مهم ولدي خرج اشقر عينيه زرقين وشعرو صفر ذهب في البدية قلت بلاك مع الوقت يولو كحلين لكن فاتو شهورة وبقاو زرقين عرفت بلي خلاص هاذو عينيه المهم مادرتلوش سبوع في يامات اللوالا بحكم كانو عندي ظروف وكذا اي درتهله كي كبر شوية مالا كي درتله سبوع جات خت راجلي وعجوزتي وعائلته كنا نقصروا نورمال حتى قاتلي خت راجلي ياخي ولدك مجا يشبهلك ماجا يشبه لخويا منعرت مين جاب هاذ العينين وقعدت تضحك مهم قتلها نورمال انا جدي عينيه خضرين وخالي ولافامي تاع ماما كلهم عينيهم زرقين دنك حاجة عادية اي قاتلي لااا منظنش قتلها لا هكا هاو تعرفي خير مني (بحكم انا طبيبة وحياتي كاملة نقرا على ذي امور وكلش )بصح والله مش قصدي تكبرا ولا انما قلتهالها بعفوية اي هي غاضتها اي وتنوض قاتلي زعما واش اكي حاسبة روحك تخلعينا بالعلم تاعك ونتي لفعة تحت تبن وقعدت تخلط فالهدرة وقاتلي باينة راكي خادعة خويا منعرت مين جبتيله هاذ الولد وجاية تقوليلي وراثة ماوراثة مهم دبزة ناضت وزقا وانا قعدت ساكتة باش نكالمي الحالة وقعدت نقلها واش كي تهدري الله يهديك اي راجلي سمع الحس طلع يجري عندنا لقاها تتاهم فيا فشرفي راح يجري ليها ضربها كي ضربها تماك وين زادت شعلت قاتله روح شوف مرتك الخامجة وصحابها لي كانت معاهم وحبيبها حكيم لي كانت تسهر معاه حتى نص الليل تتمعشق معاه وحتى كي خطبتها وقعدت تهدر معاه وتبغيه شوف باينة ولده(بحكم ختو هي صحبة صحبتي الانتيم ومش هي لي عرفتني براجلي نن تعرفنا وحدنا حتى لقيتها تعرف صحبتي الانتيم وحكاتلها على حكيم هذا كان يحبني وقت جامعة ) مهم هنا راجلي عينيه ولاو حمرين انا خفت صايي جاليا ديراكت ماسقسانيش ضربني قدام قاع ناس ونسا خاوته يسلكو وماما وختي يبعدو فيه عليا وهو يقولي شكون حكيم هذاا وعجوزتي وخته والله ماسلكو عليا خلاوه يضربني مهم تخلطت وصرات بهديلة كحلة قدام ناس وراجلي قاسني لدارنا راني في فايت سيمانة ماعيط ماحوس بعثتلب خته قاتلي دك نوريله لي كابتور تاعك ونوريله لي راه مخلوع فيك وحاسبك شريفة ودك نطلقك منه يالي حاسبة روحك عليا بمستواك
يابنات راني قريب نجيف من البكا ني مظلومة يابنات هذا حكيم صح كلين منو بصح مش كيما حكاتها شغل هذا حكيم كان يحبني قاع عوام جامعة انا مكنتش نحبه اي كان يبعثلي فالفيس تمعشيق وكذا ويسبوتيني فلي قروب حتى خطبني وماقبلتش بشك مكنتش نحبه مي هو بقا دايها مورايا كان ينشر في اسمي ويقلهم نموت عليها وكلش ويقلهم مكانش لي يقربلها مهم كان حب من جيهتو برك ونستعرف اني غلطت ساعات صحاباتي قالولي كيفاش يحبك ونتي مترديش عليه اي ساعات كنت نحكي معاه فالفيس وهو يتمعشق وانا نرد عليه بصح مش بحب ولا مي كنت نحكي معاه بصح من بعد بلوكيته وقاع هكا ماخطانيش كي تزوجت وبقا يهدد فيا بدوك لي كابتور وكذا واني سور هو لي بعثلها لي كابتور نعرفو واعر بصح ملي تخطبت من راجلي مزدتش حكيت معاه غير مرة بعثلي صح فليل وقالي دك نخطفك وكذا مهم جاوبته قتله اخطيني وووو مهم خالوطة بصح ني كتأكدة هدرتي نقية معاه
خلاص ني نرجف خايفة حياتي زوجية تتحطم راني في كآبة ماني ناكل ماني نشرب حتى ولدي منيش نرضع فيه منيش حابة ندعي على خته تخرج فيها والله كيما درت ماتهنيت دار وحدك ياكلوك تسكتيلهم ياكلوك تردي عليهم ياكلوك درك انا فاش غلطت فهموني
ربي يحفظكم نصحوني واش ندير ميهمنيش راجلي قد ماهمتني سمعتي عند العائلة تبهدلت خلاص حياتي تحطمت كون يوصلوها لبابا يتبرا مني بلا منحكو على راجلي لي راه مشكوك فيه يطلقني
انصحوني ربي يحفظكم

30/11/2022

يا نساء ارواحو تسمعو يانساء رانا مخلوعين وقلوبنا حابسة ،اختي راهي راح تمووووت راهي مابين الحياة والموت راهي في صدمة لعمر تخيلو راجلها الي فنات خياتها وهيا تعاون فيه وتزيد فيه وتطلب على جالو وتسيق الديور على جالو طعنها ياناس ارواحو تسمعو لعجب الي صرالها ،راجل اختي هذا لا خدمة لا زدمة داتو ماصو نهار يخدم وعام لالا المهم قعدت معاه عامين وعندها طفلة قاتلو يا راجل علاه ما ديريش طابلة نتاع بوراك مدام رانا ساكنين قدام ليسي وسيام ورانا نسترزقو منها ليفرج ربي بالسيف خذا رايها هيا طيب الديول فالدار وتوجدلو وهو غير يطيب ويبيع قدام باب الدار الي هيا قراج وقاسماتو المهم بداو الخدمة وربي سهلهالهم وعادو يدخلو فالمصروف مشاااء الله وعاد مايخصهم والو فاتو عامين وهوما عايشين مشاء الله وخد النهار قالها نعرفك مرا وواقفة معايا راجل نتكل عليك تليميي20مليون فالعام قاتلو علاه قالها عندي مشروع وكون تلايميهم صح نحطك فوق راسي وكون نربح فيه حاحة ماتخصك ،ايا ناضت اختي تنحي من لحمها ولحم بناتها وتخبي قعدت للعرا للجوع وهو كل يوم يوعدها بالنهار الي راح يخرجو منو من الطين ويقلها نخليك تولي لالات النساء فات العام وعطاتو 20 الي كانت تلم فيهم بالعشرة والعشرين وتخبي عند ماما وكانت تقلها ماما راجلك مراهش عاجبني علاه راكي تقتلي في روحك وفي بناتك شوفي لعمرك شوية وهيا والو المهم هزهم السيد وراح خطب بيهم وخدة كبيرة في عمرها56سنة ميقرية وكانت عايشة مع باباها وتوفى وخلالها الدار والطونوبيل دفعهم مهر وكي سمعنا بلخبر ماآمناش كي راحلو بابا قالو الشرع حلل4 وبنتك وجه ميزيرية راني حاب نعيش مانفناش عمري نبيع فالبوراك ،حكماتو اختي قاتلو علاه غدرتني وتقولي مشروع وووو قالها بالنسبة ليا مشروع نخرج من الهم نتاعك والمعيشة معاك قاتلو وبناتك قالها الا حبيتي تقعدي اقعدي قلتي لالا النفقة توصلك وراكي قاعدة فالقراج وكملي بيعي اابوراك اختي طاحت هزينها راهي لليوم فالسبيطار طلعتلتها لاطونسيو شلتها نص غير دموعها يسيلو حسبي الله فيه ربي يسلك حقها منو ،عندكم تامنو الرجال كولو واشربو وتكساو وبذرو وجامي تشفقي عليه
#منقولة
العبرة جامي توقفي معا دزيري كحل الراس بويسك نهار تطلع بيه يقعدك عليه😊

27/11/2022

#رسائلكــم
خو راجلي تزوج العام لي فات راجلي عندو عام وهو ملي نقعد معاه وهو يهدر غير على مرت خوه ويشكر فيها قدامي يقولي: الله يبارك الله يبارك شوفي هذاك الزين هذيك لطاي هذيك الحطة بوبية و فرات يا سعدو خويا كي داها ياريتني عرفتها قبل راني انا لول لي طرت بيها .
كيفماه ندير معاه والله كر ه ت نهار كامل وهو يحكي غير عليها تقول عليه يعشق فيها .

26/11/2022

مساء نور لبنات حبيت نفرغ قلبي ليوم درت قهوة لعرسي يعني غدوة نروح لدار راجلي أيا عيطتلي ختو قاتلي جيبي قشك ممبعد انا قتلها ملقيتش لي يجيبلي قشي المهم حتى راجلي طونوبيل تاعو خسرتلو المهم ممبعد قاتلي ختو غدوة نجيبو لقش صباح قتلها منقدرش خطرش غدوة منمونوش فدار رانا رايحين للحفافة او كي قتلها انا هادا قاتلي يماك ماجيش معاك داركم مايجوش فالكورتاج هادي اول مرة نسمع بيها المهم ياخوتاتي هدرت مع راجلي قالي مكانش منها هاد الهدرة أيا دربت وحد ساعة عاوتلو قتلو سلام صافا أيا بداني نني متسمهيش لهدرة او ماني قاتلي والديك وخواتاتك مايجوش او او او سما حب بسيف نمشي راي ختو او كانو محبوش ماما تحضر انا غاضتني بزاف ممبعد كفر عليا او كوبى بعت لختو ميساج قتلها كيفاه يما مجيش بدات تعتبر فيا وتسب فيا قاتلي حنا ناس كرامى وعقليتك مشيها مع والديك هنا حسيتها عايرتني او خلي خلي واش من معاير قتلها كي ولات هادا والله مانجي عندكم او زيد مزال ماقلت بسم الله ففي داكم بديتوني ولا راني غالطة حتى ماما غاضتها عمرها وبكات وكانت فرحانة وحابة تفرح لعرس لول لي فالدار بنتها الصغيرة قاع كيفاه متفرحلهاش المهم وكلت عليها ربي قتلها عندك بنات في رقبتك خافي مولاك المهم بكيت حتى عينا تنفخو رفدت يدي لربي ووكلت عليها ربي قالت كيما عايرتني وعايرتلي بابا ربي وكيلها انشاء الله ربي انشاء الله يذللها ويذل لي عايرني وحقرني حسبي الله ونعم الوكيل هادا مانقول او دك انا بطلت لعرس مانيش غالطة ياك قالتلي نتيا لي تندمي والله مارقدت ليل علاجال لمعايرات تاوعها غاضتني عمري نكتب ونبكي حتى 3 تاع صباح نتمنى ربي يدوقها من نفس لكاس اكبر ندامة درت فيها ثيقة وكنت نحكيلها علا روحي مع لخر وليت معايرة عند لي يسوا ومايسوا ربي يخليهم معايرة

منقولة

14/11/2022

ارواحو نسسسحقكم يرحم باباكم شوفو وش سقساني واحد و ماعرفتش كيفاه نجاوبو من جيهة هادي خيانة و صاحبو لانتيييم و من جيهة تفكرت قول الرسول تع ستر المؤمن .. دبرو علينا وش نديييرو
_____________________________
شفت وحد جاست كلاني قلبي
و معرفتش واش ندير
صحبي خاطب وحدة وداير فيوناسي وڨع وصاحبي سواسوا بارح شفتها يدراڨي فيها واحد ومدلها تليفون وكتبتلو نومرو تاعها واليوم شفتها معاه وتضحك وشادة في يدو
سقسيتو قبيل قتلو مزلت خاطب درت روحي زعمة نسقسي و قتلو وينتا تفريها وجوبني كشغل متحمس وفرحان
دوك حبيت نسقسي قبل مانهدر اسكو عند حق نقلو ولا لالا
انا خفت نقلو نولي في مشكل و تاني كاش ما يصرالو ولا كاش مايدير خايف من ردت الفعل تاعو
والله تلفتلي ونفس وقت كلاني قلبي
لولة خممت فيها قلت نحكمها ونهدر معها بعد قلت لالا
يارب واش داني من هديك طريق ونشوف
ايه هداك هو بروبلام جيت نصورها طلعت معاه لي طنوبيل وراحت
وخفت نصورها نولي في مشكل
مهم علبلي لوكان نهدر راح نولي في مشكل
وتاني مقودة صاحبي زوالي يازح يلڨط فيها بدورو ويخدم من صبح ليل
سقسيتو كوفت روحي زعمة قتلو واش داير فيها مزلت خاطب قالي مزلت راهي قريب ان شاء الله وعاقيبة ليك و متحمس وفرحان
راني في وحد حالة متتصوريش
تمنيت نكون عما و مشفتش
خممت نقلو تخرب دار وقادر تلحق والديها كاش مايدرولها على رقبتي وهو واش يسرا فيه حل ملقيتوش محبيت نقول حتا واحد خفت عليهم 😭💔💔💔
اعطووولنا حل كيش نديييرو والله حرت ما نقووولو خفت ندير غلطة هك ولا هك
قلت نسقسي و اكبر راي نديرو عليه و صاييي وش رايكم نتوما

10/11/2022

#رسائلكم
حبيت نحكي على مرت خويا لما تدخل للكوزينة دير شيخ في تلفون يحكي قصص الأنبياء أو ينصح ويوجه وقصص دينية ومتحكي ولا كلمة تخدم شغلها وترجع لبيتها حتى امي والفت كل ماتدخل تدخل حتى هي معاها وتقلها فهميني واش يقول بحكم الوالدة كبيرة شوي ترجع تفهمها وتحكيلها هذك القصة ولا عمرها من وقت ماتزوجت عندنا سمعتها حكات في انسان ولا داخلت في واحد وأمي بحكم خالطتها رجعت عندها ثقافة في الدين ولما يروح وليدي عند جداتو تحكيلو هذا القصص من هذا المنبر حبيت نشكر أهلها اللي عرفو يربيوها تربية صالحة

10/11/2022

نغسل بيه شعري اذا مانفعش ماراحش يضر
نستعملو جال دوش
كي نغسل حوايجي ونجي نشلل نحط شوية تبقى ريحتهم شابة مرات نغسل بيه المواعين يقلع ريحة البيض
نستعملو صانيبو خطرة على خطرة نسيق بيه
بقالي غي نمرق بيه كي ندير العشا وصاي😌🙂😁😁😁😁

Photos from For your beauty's post 09/11/2022

#اعلااااان
حملة دعم حسابات انستغرام لي مهتمين يبعتو بريفي طريييقة ساهلة و بااااطل
متابعين حقييقييين

09/11/2022

#رسائلكم # #
السلام عليكم و رحمة الله وبركاته اختي حطيلي حكايتي تعيشي
انا تزوجت صغيرة فسبعطاش عام ونسكن قدام دارنا ...نروح كل ثلاث ولا اربع أيام لدارنا ونقعد ليلة ونرجع لداري لقيت هكا ربع سنين حتى تزوج اخي ...بدلت السيستام بلا مايقولي اي واحد رجعت نروح مرة كل شهر نبات ليلة ونرجع لداري ...ولاني ماعنديش اطفال كنت خفيفة ظريفة نروح نقعد مع ماما فشمبرتها ونعاون فالماعن ولا العشاء ونبات ونروح ...بعد فترة لاحظت مرت اخي حاجة عينها عليا 🤔ضك نفهمكم مالا يجي عرس فالحومة نتفاهمو مع ماما ومرت خويا وخياتي نروحو مع بعض وغير نرجع لداري تولي تقول لماما هيا نروحو ضك نقلها ماما اسناي فلانة ياك تفاهمنا تروح معانا تقلها لا لا نروحو ضك ....مثلا نشري حاجة ونروح بيها لدارنا تشوفني ينوض الحس فالدار ياتداوس مع ماما ولا خياتي ولا راجلها ...مثلا تجي مناسبة عقيقة ولا ختانة ولا تنوض حس باش انا مانحيش ؟نعطيكم مثال انا راجلي قعد مدة طويلة ماخدمش والحمد لله دراهم ماخلاوناش ولما رجع يخدم شرالي جبة رحت بيها لدارنا شوية هكا دخل خويا وتنوض الحرب فشمبرتو لعياط ولخبيط رحنا نجرو لقيناه ضربها عيطت عليه يما وانا تاني وقلنالو وعلاه ضربتها وقاعدين نحامو عليها حتى نطق هو وقالي هاذي اللي راكي تحامي عليها ضربتها علاجالك ،😓قالي راهي غايرة منك كي شريت جبة !انا ندهشت ومالقيت مانقول وماما قاتلو معليش يابني اشريلها جبة ...قالها. يامات ماجاتش فالجبة راهي نهار كامل تهدر غير عليها هاي خرجت هاي جات هاي شرات هاذي ساحرة راجلها دايرلها رايها ووووووو...انا تشوكيت مالقيتش وش نقول انا كنت دايرتها اختي ...درت ليها وسقسيتها فاش انا خير منك باش تغيري مني .؟سكتت وخرجت من الشومبرة ...وانا روحت قعدت حايرة فاش انا خيرمنها باش تغير مني هي احسن مني فكلش مانيش نحسد فيها ربي يزيدها هي عندها اطفال الله يبارك وانا ماعنديش هي عندها راجلها خدمتو مسورية ربي يبارك وانا راجلي يخدم مرة فالفال .وخلي وخلي ...فهموني دكا على وجه ربي وش ندير معاها كيفاش نتصرف معاها كي نروح لدارنا ؟

09/11/2022

#رسائلكم
سلام ختي انا طفلة في عمري 23 عام هذا عام نتخرج كل اصبع بصنعة نفتل طعام ونعجن خبز ندير كلش أبحث عن زوج صالح يكون بقوص وطويل وحبذا لون يكون خدام في سونطراك
بدون تجريح من فضلكم

09/11/2022

#رسائلكم
تزوجت بمرتي عن حب وبعد مدة صراتلي مشكلة مع مرتي بسبب الفايس لقاتني نحكي مع وحدة كبرت لحكاية ولحقت للطلاق وبعد تدخل الكبار ووعدتها مانزيدش نعاودها رجعت وبعدها زدت غلطت وحكيت مع بنات في الفايس وكشفتني وهذي المرة وعدتها ماتتعاودش بصح مؤخرا حسيتها تبدلت بزاف ومش حاطة معايا قلت بالاك كرهت مني من الخيانة وانا كنت صايي تبت المهم عسيتها لقيتها تحكي مع راجل اختي في الفايس ومش هدرة عادي تاعي افامي شغل رايحين يبداو علاقة ولا معجبين ببعضاهم هو يحكيلها على اختي باللي مهملاتو وهي تقولو عليا باللي خاين المهم انا حصلت خفت نطلقها ونفضحهم تطلق اختي وتتخرب دارها خفت نسكت تزيد تتمادى وتخوني وانا راني مصبر روحي انها توب لاني انا ثاني غلطت وحكيت وتبت بصح مادرتش علاقة ولا زنيت وحسبتها هي تاني تردلي في الضربة وما تتجاوزش حدودها يعني نسقسيكم نبقى ساكت وهي توب وحدها ولا نفضح الحالة ونخرب داري ودار اختي ونيتم ولادي وولاد اختي رغم اني لمحتلها اني نفيق وترد بالها ومزالها تحكي معاه ولحد الان يحكو فايس فقط وماطاحوش في المحظور قلت نخليها تنتقم تبرد قلبها ونسامحها كيما سامحتني وفي نفس الوقت ماقدرتش النار شاعلة في قلبي والكارثة انو راجل اختي ظهر رخيس وخاين واش تنصحوني خاوتي.

08/11/2022

اكثر حاجه لازم تتعلميها في حياتك فالوقت اللي رانا فيه دوك انك جاااااااامي و مهما صرا و كي تخلا دنيا عمرك ولا تتنااااااااازلي عن لي حاجه مع الراجل جااامي و هادي القصة للعبرة

انا خطبني واحد حالتو المادية صفر يعني تنفضيه ماتلقايش عندو مياتلف ، يخدم عساس فالليل يخلص زوج ملاين ، لادار لاوالو ، قبلت بيه ، خطبني مدة 3سنين قتلو ماجيبش المهيبات وجد. للعرس وخلاص، والمهر قالنا كي نوجدهم نمدهملك ، يعني جابلي خاتم فقط.
كي لحق العرس بقالو 3 اشهر قلي مانشريش لاشومبر ، خويا الكبير رح يبدل تاعو ويعطيني القديمة نصبغها، قتلو كيفاش لاشومبر ماتشريش 3 سنين واش كنت دير ياك قتلك وجد للعرس ماجيبلي والو ، ناض ياكل في روحو وغسلني وسبني وقلي ماكيش فحلة على جال شومبرة كليتيني غدوة كون كاش مايصرالي ماتوقفيش معايا وحبس معايا ، وهو لي عطلني 3 سنين خطبة ، و خطبوني ما احسن منو وكانو يقولو مخطوبة وقعدت معاه 3 سنين قرعة ديودوغون ماشفتهاش منو.
دوكا سمعت خبارو من عند الناس بسك نشي بعيد علينا، سمعت بيه خطب ودار فيونصاي الله الله دالها لافاليز بدوزانها معمرة من كلش ، و راه يخدم خدمة وحدوخرة بسك هو عساس فالليل، يخدم يومين وفالنهار قاعد يعني قاعد 5 ايام في السمانة، زاد ولى يخدم في حانوت يعني عندو زوج شهريات .
و كرى سكنة ورح يسكن وحدو وقريب عرسو.🙂
يعني غلطي اني تنازلت وقبلت بيه هكداك ، كون قتلو جيبلي وجيبلي و اكريلي كون راه زاد خدمة وحدوخرة كي تنازلت لاشومبر وقلي مانشريلكش وكي طاح مع لي تشرطت عليه وتكبرت عليه ولا شاطر ويخدم زوج خدمات ويكري دار .
ادو العبرة من حكايتي، جامي تسمحي في حقك من اللخر، اتشرطي كي نتي كي لبنات ماعندكش يد ناقصة ولا عين ناقصة
#منقولة

07/11/2022

سلام اخوات راح نهبل راني بايتة اعصابي محروقة مقدرتش نتجاوز الموقف لي صرالي نحكيلكم واعطوني رايكم
انا بداري وحدي وعندي ختو جارتي وراجلي عارض صحابو عيطلي قلي وش نجيب قررت وش ندير اطباق وصيتو على كلشي ونستنى فالسبع يجيبلي لقضان باه نبدا نطيب وفجاة تبعثلي ختو تقلي سقمي دارك وارواحي تعاونيني ره راجلك بعثلي لقضيان باه نطيبلكم وراني وصيتو وش يجيب ودات ميني اخر قاع وعادي تخيلو الموقف علاه معنديش يدين ؟منعرفش نطيب؟حق ربي غير نطيب طياب لي ياكلو صباعهم عليه حمد لله مش قال منعرفش ولا
درك فهموني كفاه نتعامل مع بوهيوف لي عطاهلي ربي يمشو فيه من وذنيه
انا مهدرتش معاه قاع منايفاتو منبعد خدمتلي قلت غدوة صباح ندابزو ولي صا يصرا ساعات نقول ندقو بموس ونتهنى؟ لاه راني دايرة داري مالا علاه تزوجت ولا دايرني غير لفتيح رجلين وفحاجة الشان منيش تع شنا ولا وشنو حق ربي رح تحكمني الجلطة كاين دك لي يقلولي نورمال انا مش نورمال ونحتاج يكومونتيو لي مجاتهمش نورمال

07/11/2022

#رسائلـكم
شوفو وش صرالي كي كليت خلطة تسمين و الحبوب وش هو الحل 😭😭😭

07/11/2022

#رسائلكـــــم
سلام عليكم انا عندي 4 اشهر زواج راجلي من اسبوع اول يعيط عليا بزاف يعبط سيريو ويهدر بيديه فهمتوا ميعاملنيش بالحسنة منبا كي كنت عروسة مكانش هك ومخرجنا محوسنا قاعدة غير فدار خرجني دك خطرة للبوسطة رفدت شهرية تع بطالة كي كنا جايزين قتلوا معليه حبيت نجوز على هد الحانوت ناض يعيط على طول راسوا ويهدر بيديه ناس برا تتفرج حنا كنا فطونوبيل مهم انا خلاص قريب متت دموع شديتهم بسيف رحت للبوسطة وكملت جيت دك والله مني ساكتة من لبكا ديمن هك يوجعني بكلاموا من نهار لول
دراهم جامي يخليلي فدار ديمن كي نحتاج حاجة نحصل حت نقل لعجوزتي نهبط ليها وتشريلي كي يدخل لدار ميحطش قع صرف يخاف نديه اذا جاب باطة شكولا لازم هوا ياكل متلا 3 وانا حبة يقسم يحاسبني جامي جبلي هكا وحط حلويات ولا حاجة ويقل مرتي والوا
منداك نحشم نطلب من عجوزتي نشري بدراهمي مي انا منيش مسؤولة به تقضي لدار كي يجي نقلوا اني شريت بعشرالاف ردهالي من حقي انا منيش نخدم ونحب نلم بلاك كشم نشري ودار فارغة حبيت منداك نشري ماعن والوا ميمدش مهم كي نقلوا ردلي اني صرفت متلا من دراهمي ينوض يعيط يقلي يك وش فيها تصرفي على دار.... مهم ياكلني
ولا يمعنيلي على دراهمي بلي لازم نصرف على روحي ونرمال ...
انا حقيقة ني نمووت بلوجع انا طول عمري بابا يخلينا لشر ونلموا لبسة الناس ملي كنت صغيرة كون منخدمش مناكلش كون منخدمش منلبسش كون منخدمش منداوش والله منشوفوا منوا دوروا دك تزوجت فرحت قلت اخيرا يولي عندي راجل فكتافي ملقيتش والله ني نتحرق ماما تعيط تقلي راه مليح متفاهمين نقلها بخير ةش ندير اصلا محال نقتل روحي ومنوليش لدارنا متلا مقدرتش مقدرتش ني نتحرق غيضتني عمري لاه مربحتش انا تخيلوا نهار صباحي ناس تنوض فرحانة تتدلل كلش لفمها انا نضت غسلت قلتلوا ديني للحفافة اني شادة رونديفوا محبش يخاه وناس لبليدة يديروا فطور لعروسة ولازم تمشط ولازم تبان محبش قلي منمدلكش دراهم بزاف 400الف انا كي قلي هك خلاص عرفت مدام نهار صباحي قلي هك وعن فيا دراهم فهمت حياتي كفه حتكون علاه نشوف رجال يمدوا لنساهم فالاعراس يروحوا للحفافة وانا صباحي صبااحي بقيت هكك وشعري طويل نقعد عليه غسلتوا وجبدوا نجبد.ونبكي قريب مت منعرفش قع نماكيي والله لبست قفطان وشديت شعري وهبطت حسيت روحي صغيرة حسيت حبا نموت
مهم دك عطوني حل بكيت هدرت معاه عادي يصالحني دقيقة وكمل حياتي كم راهي اني تعذب

07/11/2022

#رسائلكم
كنت راكبة في طاكسي جماعي أنا وطاكسيار و البنات قاعدين ملور ، الطاكسيار كان داير موسيقى و منقص للصوت ، الطفلة لي قاعدة من ورانا كانت تهدر في التلفون مع خطيبها و لا حبيبها والله ماعلبالي و كانت تقولو بلي راني في عرس و هو مكانش مأمنها ، فجأة الطاكسيور زاد للموسيقى ، و لقيت البنات من ورانا كامل يزغرتو و يصفقو و أنا لا إرادي وليت نصفق معاهم ، و ممبعد هي قالتلوا : راك شاك فيا ، و راحت كوبات عليه في وجهو و قالتلنا يعطيكم الصحة ، و مبعد كل حاجة رجعت كيما كانت عادي و الموقف هذا أثبتلي بلي احنا الجزائريين تاع شدة👏👏

Vous voulez que votre entreprise soit Magasin la plus cotée à Marseille ?
Cliquez ici pour réclamer votre Listage Commercial.

Vidéos (voir toutes)

ونتي وش راكي تستناي 🙂😠مع تحضير طلبياتكم دفعة الاسبوع المقبل 📩💪😎🇩🇿🌿..سر كثافة للشعر  جودة منتوجاتنا 😎🌿💁‍♀️#sidr_mask #hai...
مع تحضير طلبياتكم دفعة الاسبوع المقبل 📩💪😎🇩🇿🌿..سر كثافة للشعر  جودة منتوجاتنا 😎🌿💁‍♀️#sidr_mask #hair_care #علاج_مشاكل_الش...
كورس العناية بالشعر الطبيعي#علاج_التساقط #علاج_الشعر #ماسكات_طبيعية #السدر_للشعر #السدر_بالوسط_الزيتي #الحناء_للشعر #الح...
كورس العناية بالشعر الطبيعي#علاج_التساقط #علاج_الشعر #ماسكات_طبيعية #السدر_للشعر #السدر_بالوسط_الزيتي #الحناء_للشعر #الح...
اعظم علاج لهشاشة العظام
لمذا عليك ان تتوقف عن شرب القهوة الان
فقر الدم أسباب و حلول
هادا بابا .. قتلو صورلي دار جديدة كيفماه دايرة 🤣🤣🤣😂😂😅😅
Makeup tutorial  💄👠💅💋
وداعا للهالات السوداء و انتفاخ العين #shorts #reels #هالات_سوداء #وصفات_طبيعية #جمال #صحة #تجميل #مكياج
الدلكة المغربية على أصولها ✨❤️ #shorts #reels #عنايةبالشعر #عنايةشخصية #وصفات_طبيعية #تجميل #مكياج
ماسك إزالة ٱثار البثور ✨🤍

Site Web

Adresse


Marseille

Autres Commerce de détail à Marseille (voir toutes)
Atelier Rigal Atelier Rigal
Marseille, 13110

Merci de vous intéresser à notre boutique, nos stickers seront satisfaire vos attentes !

BOLI WOW BOLI WOW
Marseille

DES PHOTOS ET VIDÉOS LUMINEUSES Prenez des photos parfaites ! Pour vos posts Instagram, vos shooti

SandKriss Création SandKriss Création
Marseille, Provence-Alpes-Côte D'Azur
Marseille, 13001

Bonjour, SandKrissCreation est une petite entreprise familiale de création de bijoux de différentes matières et de différents styles mais toujours des pièces uniques. Ce que nous ...

Kalash Modz YTB Kalash Modz YTB
Marseille, Provence-Alpes-Côte D'Azur
Marseille, 13001

Flore Tailles Gourmandes Flore Tailles Gourmandes
"Grand V"/117 Traverse De La Montre
Marseille, 13011

Magasin de vêtements grande taille sur Marseille du 42 jusqu’au 62 et + Prêt-à-porter, cérémonie et mariage

Souko Cecile Souko Cecile
Marseille
Marseille

Bijoux, Accessoires, Deco... Artisanaux (pièce unique / série limitée). + Vêtements femme, fabri

DECO DARI 13 DECO DARI 13
119 Avenue CAMILLE PELLETAN
Marseille

Spécialiste du salon marocain sur mesure.

ETM Personnalisation de textile ETM Personnalisation de textile
13002, Provence-Alpes-Côte D'Azur
Marseille, 13002

ETM C'est la personnalisation #MadeinMarseille By ETM

Chez samia et soumaya Chez samia et soumaya
Marseille, Provence-Alpes-Côte D'Azur
Marseille, 13001

Epicerie Epicerie
36 Impasse Du Maroc
Marseille, 13012

EPICERIE FINE DE TRADITION ITALIENNE

Iman paris Iman paris
Rue De Marseille
Marseille, 13007

� IMAN_PARIS® � - C'est une marque de vêtements de luxe et limité au nombre de pièces. - Un style Chic, Street, Hype, pour hommes, femmes et enfants.

Hygiene-moderne Hygiene-moderne
73 Boulevard Viala
Marseille, 13015

Les meilleurs produits pour l’Hygiene du corps et de la maison pour un nouvel air