Chuuk -Environmental Protection Agency

Chuuk -Environmental Protection Agency

The main role of the agency is to work in cooperation with communities, non-government organizations Laws, Regulations and Policies

1. Environmental Protection Act of 1994
2.

Littering Law
3. Chuuk State Clean Environment Act of 2018
4. Solid Waste Regulations
5. Earth Moving Regulations
6. Environmental Impact Assessment (EIA) Regulations
and more to be posted

13/09/2022

Ach meseik me pwapwa ren ami fansoun ngeni ach ei page.

EKIS MO NGE MI CHAPUR

13/09/2022

Ach ennetin kinisou ren ei ran ikenai pun a pwan fisioch oh ponuweta ach we Award Ceremony fan iten ewe Trash Challenge ren ei Micronesia Clean-Up Day September 13, 2022. Fakkun pwan ach ennetin kinisou chapur ngeni nouch Atefon Kipina Alexander Narruhn, ren an fansoun mi auchea mi pwan mommot nefinach ikenai. Pwan tori nouch kewe (3) Director seni ach pu**in Department of Transportation & Public Works, ren Mr. Tos Nakayama, Director Bia Nanota seni ach Pu**in Public Safety, me nouch Executive Director Bradford Mori seni ach ei Chuuk Chuuk -Environmental Protection Agency. Chiechiach souemwen seni ew me ew ach kewe fisu (7) kuumi ir mi makkei iter pun repwe fiti ach ei Trash Challenge. Ikenai sia pwan mochen sipwe esinna ekkei fitu kuumi ra winneni ekkewe win ikkei tettenin:

1. $1,000.00 a no ngeni pwiich kewe seni ach we Saponong Women Ministry non sapwuch Mwan, Weno Island
2. $750.00 a pwan no ngeni chiechian kewe seni ach we kuumien Achocho seni sapwuch Neauo, Weno Island
3. $500.00 a pwan no ngeni chiechiach seni ach we kuumien Likitu seni sapwuch Sapuk, Weno.

Apwan wor 4 kinikinin win nge sia chok awora setifiket (Certificate) non ekkei pekin:

1. Presidential Stewardship Environmental Award - a no ngeni pwiich kewe seni ach we Oneisom Women Association seni fonuwach Oneisom non Chuuk. Iei aewin fonu ika municipality a wanong Solid Waste Management non ar k***t me muun. Ir ra pwan akkom ne tingor aninis ngeni ach ei ofesin EPA ar repwe anisir fan iten ei angangen Solid Waste Management. Ei angang fengen nefinen ach ofes me Oneisom mi chok soposop tori ikenai.

2. Business adopted Eco-friendly products - ei certificate a no ngeni Deal Fair Store - sia men fakkun pwan esinna ach ei kompeni ren an achocho me mochen fori sakkun fofor mwirinno fan iten ach annukun EPA. Ach ei kompani a pwan anisi ach ofesin EPA ne atoura eoch angangen asukuna aramas fan iten ei kompeni a wanong non fonuwach ekkoch ar kap mi mak, "Tumunu nimeoch fonuwach".

3. School that has active Environmental Club - a pwan no ngeni St. Cecilia School - Ach ei sukusn a sinneno ar achocho ne fori angangen atake me osukuna pekin environment ngeni ekkewe chon sukun. Special thanks goes out to Jes Phillip ren an achocho me attures fan iten ach environment

4. Group consistently doing Monthly Clean Up - chiechiach seni ach we Chuuk Women Council - sa men fakkun pwan essina an chiechiach kei fin CWC achocho iteiten maram ne fori angangen enimenim iteiten maram.

Saingonon ach kapasen kinisou ngeni meinisin chiechiach kewe kuumi ami mi makkei itemi non ach ei Trash Challenge nge ouse kuna itemi, fakkun kinisou chapur ren ami fansoun me netipemi ami mi fangeto non ewe ew wiken enimenim. Sipwe tingor me pesei ekkena netip me ami fansoun sopweno ami achocho me tong fan iten fonuwach Chuuk State.

12/09/2022

MICRONESIA CLEAN UP DAY TOMORROW September 13,

SA SUU
ARAMASEN CHUUK MEINISIN
SIPWENE ENIMENIMA
FONUWACH KEI

12/09/2022

When buying new equipment, look for ‘ozone friendly’, ‘HCFC free’ or ‘energy efficient’. Remember: if it is energy efficient, it will not only help save the environment but will also reduce your energy bills!

09/09/2022

All of the things we buy today will eventually become waste.

08/09/2022

MICRONESIA CLEAN UP DAY on SEPTEMBER 13, 2022

LET'S ALL GET OUT OF OUR COMFORT ZONE AND SHOW THAT WE CARE FOR OUR ISLAND OF CHUUK

TONGOM CHUUK IEI UWA EPPIRU NGONUK, SA SUU!!

08/09/2022

MICRONESIA CLEAN UP DAY on Tuesday, September 13, 2022

RANIN ENIMENIM mi kapunguno me ren nouch we Adefon President David Panuelo.

Sipwe namanam tekia womi nouwisin muun me namanam, ach anean me tingor sipwe apochokuna ngeni aramas ese fakkun nifinifin usun ei ranin enimenim, won anach kana, nukun ach kana sukun me faan, sitowa pwan ekis meinisin. Sipwe fakkun pwarano ach tipeew me chuunguu nimeochun me ningochun fonuwach.

Kinisou chapur

Photos from Chuuk -Environmental Protection Agency's post 06/09/2022

Met sipwene fen apasa ren watten me nimechunon ei neni, aropen anen sapwuch ei Neauo ren amwararen an ei kuumien Achocho seni pusin sopwuch Neauo? Ning, nimenimoch, amwarar an ei kuumi angang fan iten fonuwan ei.

Ach kinisou chapur ese nea ren ukukun an meseik ikenai. Nge nesor? Ach anean pun epwe pwan chok sopwosopw tori nesor me pennon

Photos from Chuuk -Environmental Protection Agency's post 06/09/2022

Fakkun pwan nimenimoch, mwirinno ar ei kuumien Likitu seni Sapuk. Seni Nemwan feinong ekis nuseni ewe fan me pwan ew basketball court a nonom Arochia. Watte petewen me nimengawen peen tiin me mecha a nimenimeno seni ei neni. Ei kuumi ir mi mo fot ira ning mwirin ar ei animenim.

Fakkun kinisou, kinisou chapur

Photos from Chuuk -Environmental Protection Agency's post 06/09/2022

Ach ennetin kinisou ngeni ach we kuumien Saponong Women Ministry seni Mwan, Weno ren mwirinnon ar angang non ei neni. Ei neni ra kan eita ngeni Ororen AWM/ASA, a fis pun nenien sakopaten nimengaw me petewen. Ikenai sia chok neuu seni ewe anenap mesen FSM Bank, iwe nefochofochouu neset. Sipwe mo pwan episi ei group aa.

05/09/2022

Sia pwan fakkun kinisou chapur ngeni ach we ew nenien amomo konik ika (water bottling company) ren Aqua Star (BS Distributing Company) me nouch kewe chon angangen ach ei Water & Waste Water a nom fan emwenien Mr. PJ Rikat, ren ar angang mi fakkun mwirinno iei ach ei kompeni a pwan tongeni anisi aramas.

FAKKUN KINISOU CHAPUR

Photos from Chuuk -Environmental Protection Agency's post 02/09/2022

Mwa met ren amwararen angangen mesen pøun niekewe fin Saponong Women Ministry me ar kewe auchea mwan me nour kewe achengicheng. Iwe wesen pungun mwa pwipwii Grace Serious me om we team.

02/09/2022

Sapuk is on fire, anon pwipwi Rowena K. Andrew. Iwe met punungawen ewe Likitu Team Ren nimejunån won anån Nemwan feinong Arochia pwan ekisenong nuseni ou pii maa ikewe? Kikikikkk, kinisou knsou Likitu Team

02/09/2022

Ikenai Sept 02 ewe kitten champion an ekkewe kuuki mi registered ngeni ewe Micronesia Clean Up Trash Challenge.

Photos from Chuuk -Environmental Protection Agency's post 02/09/2022

Achocho Team nge ouwa pusin nom non iten ami na team, ACHOCHO. RANINGAW RANI EOCH nge SI røkûrókû. Anon chon Xavier chok nge "Rain or Sine, we burn...

Photos from Chuuk -Environmental Protection Agency's post 01/09/2022

Today's top trending topic on our fb page is this Trash Challenge going on. Different groups were registered and we are so excited to finalize the winners by tomorrow. We hope it continues forever and does not end tomorrow.
Just imagine, if all the villages were to register, how would our island of Weno look like? Sise fen mwenin kapas ren ach meseik ren chok mo ekkei kaukun ekkei fitu kuumi mi aani achocho me atturesi fan iten nimechun me ningen fonuwach.

Photos were taken "Before and During" the clean up. Stay connected for the end results to be in the "After photos" by tomorrow afternoon.

Photos from Chuuk -Environmental Protection Agency's post 01/09/2022

Ese wor aramas nge nerasen chok an ewe kumien PYCA seni sopwuch Peniesene

Photos from Chuuk -Environmental Protection Agency's post 01/09/2022

Likitu Team seni sopwuch Sapuk, kinisou ngeni kemi ren ikenai

31/08/2022

Esinesin ngeni ekkewe kuumi ouwa vt ach we Trash Challenge for the Micronesia Clea Up Day pun Nesor ewe sasingin "After" ami angang weires epwe fakkun fich pun epwe pwarata ion a champion non ei ekkemis. Oupwe fakkun amwonota ngeni nesor pun ekkena sasing repwe fich. Sasingin ami kana kinikin tori pwan sasingin ami kana group pun FSM President epwe kuna kemi me ami angang weires me achocho fan iten nimechun me ningen fonuwach.

KAMPARE, KAMPARE ESAPW WOR ACHANUU PUN INA OM FEIOCH KOPWE ANGEI NON SEPTEMBER 13, 2022.

FAKKUN KINISOU CHAPUR

31/08/2022

Likitu Team me CB Radio Channel 34, oune mwonota pun iei uwa saa ngeni kemi

Photos from Chuuk -Environmental Protection Agency's post 31/08/2022

Pwan ikkeir chiechiach seni ACH we Chuuk Women Council Ra Kan wisen enimenima downtown. Ach kinisou ngeni kemi meinisin

Photos from Chuuk -Environmental Protection Agency's post 31/08/2022

Iei ei neni sia men aani weiresin puna fis pwe nenien kapich an ekkoch aramas. Sipwe fakkun tingor maw ngeni kemi aramas ese fakkun pwan nifinifin pun ei neni esapw nenien kapich. Ouse mochen ousapw piingawetiw ikei.

Photos from Chuuk -Environmental Protection Agency's post 31/08/2022

Pwan fakkun nimenimoch neniach ika iei usun ach eteneki me tumunu nimochun fonuwach. Kinisou ngeni ewe mwichen Saponong Women Ministry me ar kei mwan ren ar tipechuu aninis fengen non ekiek me mokutukut. Iei chok i nepoputan ach kei angang ese mo wesino nge a fen iei ukukun ar achocho.

Photos from Chuuk -Environmental Protection Agency's post 31/08/2022

Neauo Achengicheng, pwan ew ach kewe kuumi ra fiti ach ei Trash Challenge ren ach na Micronesia Clean Up Day, fakkun pwan achocho fan iten sopwuch me fonuwach Weno. Kinisou ngonuk meinap Masasy ren om emwen ngeni ach ei kuumi

Photos from Chuuk -Environmental Protection Agency's post 30/08/2022

Non ewe Monday Aug 29, a poputa ach we angangen enimenim. Ekkewe kuumien enimenim ra fiti ach we Trash Challenge ren ewe Micronesia Clean Up Day, ra fakkun isongasi pun enan feioch ina pekinon achocho me nikitu. Kinisou chapur ngeni ach we Achocho Team seni sopuuch Neauo.

25/08/2022

World Ozone Day is just around the corner. September 16, pwan ina ew ach auchean ran sia pwan fein ngeni. A fakkun watte wisach ach sipwe anisi me tumunu ach ei Ozone Layer. Ekkena ami mi kan chok sani nom non patapat me uun me patapat, ouse mochen oupwe pwan nenengenochu met sakkun anonon ami kana air con me freezer ika ice box pun mi wor ekkena ese chiwen mumuta an epwe tonong non fonuwach kei. Ekkei anonon ach kei pisek a nom non ena tettennin pisek ra kan aita ngeni Ozone Depleting Substance (ODS). Iei chok ekis manappen porausen pwan ach ei ew kinikinin angang ika ran sia fetan ngeni.

25/08/2022

Sia fakkun pwan mochen uwei ach kapasen kinisou ngeni ekkewe kumi ika team ra register ngeni ach we Trash Challenge epwe poputa next week August 29 - Sept 02, 2022. Sia anean pwe amo oupwe kan mwitir ngeni ami kewe neni a fen affat non ekkena ran pun sipwe pwan tufichin chuchufengen me esinna fengeni kich. Kampare kampare, oute chok fakkun achanuu. Chechemeni ewe kapas era pun, " Echi konik esapw mwonuuch". Ach kinisou pwan ach pwapwa

Photos from Chuuk -Environmental Protection Agency's post 17/08/2022

Today August 17, 2022 - ILLEGAL DUMPING IN NANTAKU AREA

ESE FAKKUN MUMUTA AN EMON EPWE KAPICH FETAN ME NUKUN ACH WE NENIEN KAPICH A NOM NUKUNUPPEN ACH WE PU**IN PUBLIC WORKS, TRANSCO

16/08/2022

MI FAKKUN ANNUK OM KOPWE PIINGAW FETAN USUN EI ANNUK CSL 191-33 A FEN AFFATA

KOSAPW PIINGAW

16/08/2022

AMI KANA CHON ANGEI ME OCHOCH PWAPWA (TURTLE) PUN MI CHOK KESIP IEI SENI EWE JUNE 1 TORI AUGUST 31 PWAN SENI DECEMBER 1 TORI JANUARY 31. INA PUN OU KAN PWAN TUMUNUOCH PUN FAKKUN WATTE TIPISIN OM ATAI EI ANNUK

16/08/2022

IT IS ILLEGAL TO TAKE OR KILL ANY SPECIES OF SEA TURTLE FROM JUNE 1 TO AUGUST 31 AND FROM DECEMBER 1 TO JANUARY 31

Photos from Chuuk -Environmental Protection Agency's post 09/08/2022

ADAPTATION FUND PROJECT
"Enhancing the climate change resilience fo vulnerable island communities in the Federated States of Micronesia"

Pwan iei ew ach water project a kawor seni fonuwach kewe nukun nge a nom fan tumunuwen ew ach kewe putai non ach we Muunap. A wor emon nouch state operation and Finance Officer a kan wisen tumunu ach ei project me non fonuwach Chuuk. Ei project ika aninis a kawor an epwe anisi fonuwach kei non FSM fan iten forutan minafon tank me fori sefani ekkewe tank a fen wor ren ew me ew imwach kewe pwan tori forun me anukunuk sefanin ekkewe ito mi wor won fonuwach kewe. Ei aninis iwe a poputa ngeni ruu (2) fonu non ew me ew ekkewe ruanu (4) state non FSM. Iwe sia kinisou pun ruu (2) fonuwach ren Satawan me Lekinoch ra pwan pachenong non ei aninis. Kefinitan ekkei fonu iwe sia angei seni repot seni non ekkewe ier non fansoun ach kewe putai me ofes ra efisi ewe angangen checki konik ika Water Assessment.
Iwe fan ewe June seni ewe 6-12 a ukukun ew wik, nouch we AF Operation & Finance Officer itan Adore William me pwan chiechian tuupun ach ei ofes ra efisi ar sai ngeni ekkewe ruu (2) fonu ar repwene eiamwiri nonnomun ei project. A wor ruemon (2) chon angang, emon seni Satawan iwe pwan emon seni Lekinioch ra kan wisen fori angangen ei project. Iwe non an ewe AF Officer me chiechian kewe ra tori ekkewe ruu (2) iwe ra kuna ekkewe neni me menei ei aninis. Iwe ei aninis a awora ukukun 4 minafon tank me pisekin, ruu (2) won ew me ew ekkei fonu. Ekkei chon angang repwe pwan niwin sefaniti ekkei fonu ar repwe sopweno ar angang fan iten fonuwach kei.

08/08/2022

September 13, a nom non nouch annuk pwe epwene ew ranin animenim non unusen fonuwach FSM. Ei annuk a punguno non ewe Micronesia Islands Forum e fis non fonuwach Chuuk non ewe 2019. Iwe iteiten ier ach Ofesin EPA a kan wisen mesemes won met kokkotun me mokutukutun ach ei auchean ran. Non ekkewe ier a no, iwe kich me ekkoch pwan chiechiach non Chuuk sa kan angang fengen ne enimenima ekkoch neniach kewe akkaewin won ei mokuren Chuuk. Non ei ier iwe a ekis ammeseik pokiten epwene wor winen chon achocho ne enimenima ekkewe neni a men kan watte nimengawan iteiten ran. Ach ei mokutukut nge a chok eochun ngeni ekkewe amwicheich ika group.

Amo ita oupwe chuto non ach ofes ami oupwe registerini ami kana group pun oupwe tongeni pachenong non ei ekkemis epwe fis seni August 29 ngeni September 02, 2022. Emwitirukote pun kete mang seni August 22 pun ina saingonon ach etiwa chon fiti ach ei angangen ekkemis won nimenimoch non ena kinikin kopwe pusin finata om kopwe nimeti.

KINISOU CHAPUR

08/08/2022

MWAAA MET CHUUK REN WATTEN EI WIN???
KOKORI ACH OFESIN EPA IKA FEN CHUTO NON ACH OFES REN TICHIKIN PORAUSAN. 330-4158

28/07/2022

Nesoranim achengicheng aramasen Chuuk meinisin, sia chok kan pwan anean amo oupwe kan pwan fifiti kich non ekkan kunok pwan nesor me ponon ren pwan ekkoch auchean porausen ach angang.

Photos from Chuuk -Environmental Protection Agency's post 28/07/2022

A pwan wor ew ach project seni ewe EU GCCA + SUPA fan iten osupwangen konik non fonuwach Chuuk State. Ei aninis ika project a kawor monian seni ewe European Union (EU) ewe a ngeni Secretary of the Pacific Community (SPC) epwe wisen amwokutu. Ei project a kawor, a achufengeni ach we muunap non FSM me ach ei muun Chuuk ika Chuuk EPA ar repwe angang fengen. Ei aninis iwe epwe keran iei aewin an epwe tori fonuwach Chuuk iwe sia satuni ne poputani won unungat (3) fonuwach kewe non Northwest ika Nomun Pattiw ren Pollap, Polowat me Pulusuk (Houk).

Non ewe June 6 ngeni June 19 non chok ei ier, engon me emon (11) chochon ei kumi a tupu seni ach kewe kinikin. A wor pusin emon tupun ach ei SPC, i ewe a kan wisen amweni angangen me kokkotun ei project non Chuuk, I a kan nonom fan non ach ei ofesin EPA, fiti fengen me pwan emon tumun ach we ofes, emon coordinator pwan tupun ewe AF Project, me pwan ekkoch. Ir ekkei ra efisi ar sai ngeni ekkewe fonuwen Pattiw ar repwene atoura ruwe me onuu (26) tank ukukun 1,500 kanon masowan ew. Inetin ekkei tank iwe a iei usun: wanu ( 8 ) Polowat, pwan wanu ( 8 ) Houk iwe iwe engon (10) Pollap.
Non ei sai, ukukun ew esopw wik, iwe ekkei chon angang ra pacheta ukukun onuu (6) chok tank, ruu (2) ngeni ew me ew ekkewe unungat (3) fonuwan non Pattiw an epwe anisi me amonata ngeni ekkoch me nein ar kewe osupwangen konik. Iwe ikkei ekkewe neni a wor ekkewe tank ie:
Won fonuwach Pollap, ekkei 2 tank a non ren ewe Imwen fel ika faan.
Won fonuwach Polowat iwe ekkei 2 tank ra pwan nom ren ewe imwen sukun
Fonuwach Houk - pwan 2 tank ra pwan nom ren ewe imwen fel.
Chiechiach kei chon angang repwe pwan niwin sefan ngeni fonuwach kewe non ekkan maram ar repwe sopweno me asopwaeochuweno angangen ei project.

Photos from Chuuk -Environmental Protection Agency's post 28/07/2022

Won ewe oror Penta Dock ren ach kewe public markets downtown, chiechiach kewe seni ach we Pu**in Public Works & Transportation fiti fengen me fitemon chiechiach seni ach ei Ofesin EPA ra fori ar angangen nimeti me ataeno ekkewe waa ika ship mei kokkotiw seni non ekkewe ier. Efoch me nein ekkei ship a fen tota nge ei efoch iei ach we putai mi chiwen anganga.
Ach ennetin kinisou ngeni Director Tos Nakayama me Chief Masahiro (Roro) Mori me nouch chon angang ren ami angang weires fan iten fonuwach.

28/07/2022

Aramasen Chuuk meinisin,

Ach we Ofesin EPA non Chuuk a pwan chok mochen atoura ach kapasen kinisou ngeni chiechiach chon angangen ach ewe pekin Water & Wastewater me ach we ew Water Bottling Company ren Island Choice Water Bottling Company ren ar angang fengen me tipeew iei popun ach we kompani a pwan tongeni anisi aramasen fonuwach Chuuk. CONGRATULATIONS👍👍ISLAND CHOICE WATER BOTTLING COMPANY

25/07/2022

Pwan ew ach kewe program ika kinikin non ach ei Ofesin EPA ewe a kan iteni Natural Resources iwe a kan pwan wisen tumunu seni Neman, won chuuk tori neset, fai non. Iwe ew me nein ach kewe angang non ach ei kinikin a men auchea an ami achengicheng aramasen Chuuk oupwe pwan sinei me weweiti. EARTH MOVING - a kan fis nupwen emon aramas ika kompeni epwe angei ika atai fonu ika neset. Iwe epwe akkom chuto non ach we Ofesin EPA an epwe amasou noun taropwe ika Application for Earth Moving Permit. Ikkei ekkoch me nein ekkei mettoch mi attai ach annukun Earth Moving iwe a menei om kopwe angei om mumuta akkom.
1. Landfill - amasou fonu ika saat
2. Apwuropwur fonu
3. Tukotuk pii ika angei anget, aan, fourupw, fou manaw
4. Atai chia
Me pwan ekkoch

Ka tongeni kokkori ach ofes 330-4158 ika chuto rech ach sipwe anisuk

K I N I S O U C H A P U R

21/07/2022

Ren chok pwan ekis afatafatochun ach we pekin cheki ekkewe nenien amomo konik ika Water Bottling Company pun ach ei pekin Water & Wastewater Program/Division iwe a kan checki Water Quality - ika cheki nimochun me murinnon ach kewe konik seni ewe ionap, ian ewe bisnis a aea seni ian tori ewe saingonon paip a kusu-wu me ian an epwene tonong non ekkewe nenien konik ika plastic (5 gallons).
Nge Ren nimenimen ach kana neni tori nour kewe chon angang iwe chiechiach kewe seni Sanitation non Pu**in Health Services ra kan wisen mesemes won.

21/07/2022

KAPAS ESINESIN NGENI ARAMAS ESE FAKKUN NIFINIFIN

Ew me nein ach kewe Programs non EPA, ewe a iteni Water and Wastewater, a kan wisen checki me tesini ach kewe nenien amomo konikin uun ika ekkewe Water Bottling Company non Chuuk. Ei Program ika kinikinin non ach ofesin EPA a kan checheki ach kei neni iteiten mwirin unungat (3) maram. Iwe fan chok ei maramen July nouch kewe chon angang ra pwan fori ar angangen check non iwe a iei usun porausan. A wor ukukun onu (6) ach kei Water Bottling Company non Chuuk iwe unungat (3) chok me nein ach kei bisnis ra angei nour certification, wewen nge ir chok ra passini an EPA ei check iwe pwan ir chok ra tongeni amomo ekkei konik. Ikkei iten ach kei bisnis:
1. Summit - A nonom Mwan Village
2. Aqua Star (An Josie) GEMVJ - A nonom Seletiw
3. Dr. Kenedy - A nonom Iras Seletiw

Ekkewe pwan unungat (3) nenien amomo konik ren refill - Water Bottling Company iwe ir mi mo temporarily closed ika kesipeno non tori fansoun ese pon tori an ach ei ofes epwe pwan fori ar angangen cheki ar kewe konik me neni.

Ika mi wor ami kapas eis me wewengaw ngeni ach ei esinesin, iwe ouse mochen kokkori ach ei ofes a nampani 330-4158 ika pusin chuto non ach we ofes a nonom Nantaku.

KINISOU CHAPUR

Videos (show all)

Telephone

Website

Address


P O Box 1439
Weno
96942

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Other Government Organizations in Weno (show all)
CHUUK Senate PIO CHUUK Senate PIO
Nantaku
Weno, 96942

Aramasen Chuuk, iei ämi ei page ouwa tongeni oupwe eto fiti kich ren porousen met mei fiffis non ew