CHUUK Senate PIO

CHUUK Senate PIO

Aramasen Chuuk, iei ämi ei page ouwa tongeni oupwe eto fiti kich ren porousen met mei fiffis non ew

14/12/2021

December 9, 2021. 5th day of the 1st Special Session, 1st Regular Session non ei 16th Chuuk State Legislature.

Roll call- (8 present, 2 absent)

Sntr. ESAH, Sekap – Present
Sntr. KANTO, Esly – Present
Sntr. KUOR, Matthias – Present
Sntr. MARAR, Julio – Present
Sntr. RAIN, Harris – Present
Sntr. STEPHEN, Nelson – Present
Sntr. YAMAMOTO, Andrel (Cheche) – Present
Flr. Ldr. HETIBACK, Atanasio – Excused
V.P. NAKAYAMA, Wisney – Excused
Pres. KONY, Arno. H. – Present

8 Senators mi present, mei wor quorum, mwich mi tongeni sopwospwono.

Sipwe fokun sopwei ach kinisou me mwareiti Kot ren manaw me pochokun, pwan tufich, iteiten ran fansoun meinisin, mwareiti Kot, kinisou ngeni Kot. Iei Senate a nom won 5th ika enimuen rannin mwich atapwanapwan. Mr. President, the Honorable Arno H. Kony a pwan wisen emweni mwich. Mei wor taropwe masowen agenda ika masowen mwich, ra katonong nemwich seni non ewe Oruwen rannin mwich tori non ei Enimuen ran. Aa wor taropwen nominations ren ekoch wiis mei menei an epwe kopwunguno meren Senate, aa pwan wor taropwen ekoch aninis ngeni ekewe Federal Programs mei menei an Senate epwe pwan fori an angang won. Iwe ikei ekei ekoch taropwe auchea masowen mwich upwe ekis aporausa ngeni kich.

Ekewe taropwen nominations ra tori Senate, a wor ukuukun 5 nominations, iwe a iei usun porouser:

1. Mr. Roger S. Mori as the Special Assistant to the Governor on Resources and Development.
2. Mr. Harry Narruhn as an Associate Justice for Chuuk State Supreme Court.
3. Dr. Abram Ichin as member of Chuuk State Health Care Plan Board.
4. Mr. Johnny Arnold as member of Chuuk State Health Care Plan Board.
5. Mr. Robert Umwech as member of Chuuk State Health Care Plan Board.

Ikei chok mwo met a tori ei utten Senate, (tettenir kei a chok fiti tettenin ar tori kich).

Iwe ren ekewe Federal Programs, ikei ekei programs mi wor won fonuwach ei mokuren Chuuk, Weno, mi pwan wor ekoch sub recipient mi nom won fonuwach kewe fitu ren Satawal, Namoluk iwe Siis. Ir meinisin ra nom fan tumwunuwen ewe ioonap a iteni Behavioral Health and Wellness Program (BH&WP), a nonom orun ach ewe Pioing. Ra kan wisen fori angangen afani, eteneki me tumwunu ekewe ir mi mentally disable, ekewe ir mi addicted ngeni drugs (OPIOID), iwe pwan ekei ekoch sub recipient ir mi fokun achocho ne fori an epwe kisino angangen unumi sakaw, maruo, me ekewe ekoch substances sarafo ra fokun pwucheno rer. Iwe ikei ekei program ra kawor, iwe mi pwan kakatou aninisiir iteiten ier(year). Iwe aninisir ei a wor angang won, nupwen epwe fokun taweochuno iwe a tou ngenir pwe repwe nounou ne fori ar angang.

Iwe fokun kinisou chapur iei pwan met ukukun sia tufichin wato ngeni kich ikenai, ach kapong sefan ngeni kemi achengicheng aramasen Chuuk. Chechemeni pwe ika mei wor omw kapas eis, ka tongeni kori nouch na nampa, mi pwan wor ena email ka tongeni email ngeni kich won. Kinisou sefan oune pwan nonom.

07/12/2021

November 29, 2021. 1st day of the 1st Special Session, 1st Regular Session non ei 16th Chuuk State Legislature.

Roll call- (7 present, 3 absent)

Sntr. ESAH, Sekap – Excused
Sntr. KANTO, Esly – Present
Sntr. KUOR, Matthias – Present
Sntr. MARAR, Julio – Present
Sntr. RAIN, Harris – Present
Sntr. STEPHEN, Nelson – Present
Sntr. YAMAMOTO, Andrel (Cheche) – Excused
Flr. Ldr. HETIBACK, Atanasio – Present
V.P. NAKAYAMA, Wisney – Excused
Pres. KONY, Arno. H. – Present

7 Senators mi present, mei wor quorum, mwich mi tongeni sopwospwono.

Ran annim ami achengicheng aramasen Chuuk meinisin, kinisou ngeni lang pwe sia pwan tongeni chiechi fengen sefan won ach ei page. Sia fokun mochen welcome ami sefan ngeni ach ei Chuuk Senate page. Sia mochen aporousa pwe a wor echo convening call seni the Honorable Governor faniten ew special session, ika ew mwich atapwanapwan. Special sessions ika mwich atapwanapwan, esapw nape seni 15 rannin mwich ika fen kisi seni, chinon chok ika mei wor taropwen an epwe kanapono rannin, iwe ikenai a poputa ewin ran.

Ikenai Sarinfan, Mr. President, the Honorable Arno H. Kony, a suki ei ewin rannin mwich atapwanapwan, non ei aewin Mwichenap, non ei Engon me Onuwen Anepwungun mwun Chuuk. A poputa mwich, noun Kot chon angang ren Chief of Dispensary, Wanporun Takamichy Mori a wisen uwei efiochun sukun ei special session.

Mi wor echo chok taropwen masowen mwich, iei ewe convening call a eto seni ach ewe Executive branch. Ei convening call, iwe a eiteita met ekei auchean an kawor ei special session. Iwe a wor akekis poporous fengen tori an a sareno mwich, Mr. President a aserano mwich, repwap pwan niwin sefan kunok 10 nesosorun Tuesday November 30, 2021.

26/10/2021

October 22, 2021. 60th day of the 1st Regular Session non ei 16th Chuuk State Legislature.

Roll call- (8 present, 2 absent)

Sntr. ESAH, Sekap – Present
Sntr. KANTO, Esly – Present
Sntr. KUOR, Matthias – Excused
Sntr. MARAR, Julio – Present
Sntr. RAIN, Harris – Present
Sntr. STEPHEN, Nelson – Excused
Sntr. YAMAMOTO, Andrel (Cheche) – Present
Flr. Ldr. HETIBACK, Atanasio – Present
V.P. NAKAYAMA, Wisney – Present
Pres. KONY, Arno. H. – Present

8 Senators mi present, mei wor quorum, mwich mi tongeni sopwospwono.

Ai kapong ngeni kemi achengicheng aramasen Chuuk meinisin, non iten ach Samol Sises Kraist, ran annim. Non ei 60 rannin mwichenap, pwan iei ewe saingon rannin mwichenap, a suk meren ewe ammafen President, the Honorable Arno H. Kony. Ra tonong won agenda, iwe a katonong ne mwich pwe meinisin ekewe taropwe Senate re angang won iwe a transmitted ngeni House of Representatives ren an epwe wor ar angang won, iei chok ukukun masowen agenda.

Sipwe fokun kinisou ngeni samach kei auchean Senators pwe ar angang mi fokun fis me pwonueta. Non ei saingonon rannin mwich, ir meinisin ekewe members mi present ra watiw ar kinisou me kapasen pesepes fengen an epwe wor; tong fengen, tipeew fengen me angang fengen, pwe ika e wor ekei iwe angang epwe fokun mwokutuno. Iwe ra pwan watiw ar kapong akawenewen ngeni chon ar kewe kinikinin, nge naponon iwe ar kinisou, ar kinisou chapur ren ami nukunuk me epinukunuk, ami mi ngenir non ami finiireta pwe repwe tupwun ach kewe kinikin non ei utten Senate.

Iwe achengicheng aramasen Chuuk, ei Ewin mwichenap, non ei Engon me Onuwen Anepwungun Mwun Chuuk, a Sine Die, ika sarefoch. Kinisou chapur ren ami fifiti kich, anean pwe oupwe sopwei non ekan fansoun repwe feito, ika tufich me tongeni mi wor rech. Ai kapong sefan ngeni kemi, oune pwan nonom.

21/10/2021

October 19, 2021. 59th day of the 1st Regular Session non ei 16th Chuuk State Legislature.

Roll call- (7 present, 3 absent)
Sntr. ESAH, Sekap – Present
Sntr. KANTO, Esly – Present
Sntr. KUOR, Matthias – Excused
Sntr. MARAR, Julio – Excused
Sntr. RAIN, Harris – Present
Sntr. STEPHEN, Nelson – Excused
Sntr. YAMAMOTO, Andrel (Cheche) – Present
Flr. Ldr. HETIBACK, Atanasio – Present
V.P. NAKAYAMA, Wisney – Present
Pres. KONY, Arno. H. – Present

7 Senators mi present, mei wor quorum, mwich mi tongeni sopwospwono.

Ai kapong ngeni kemi achengicheng aramasen Chuuk meinisin, non kinamwen ach ewe chon nemenem, ran annim. Iei a 59 rannin mwich an ekei Senators, wewen pwe a chok 1 nusun ar rannin mwich mi chiwen nom. Members meinisin, fokun achocho ne fifiti mwich, wor mwo samaw nge fokun achocho chok. Iwe non ei 59 rannin mwich, ewe ammafen President of the Senate, the Honorable Arno H. Kony a wisen emweni mwich. A wor pwan ekewe ruacho taropwe Senate a fori an angang won, S.B. 16-12 , me S.B. 16-14, ir me ruacho ra katonong faniten an epwe wor Oruwan me kosopwonon annea wor. Iwe a iei usun porouser.

Ewe Senate Bill No. 16-12, itenapan e apasa, “To amend Section 25 (1) of CSL No. 3-95-27, to remove the mandatory aspect of retirement in Chuuk at age 60, to establish an optional choice for retirement at age 65 in the State of Chuuk, and for other purposes.” Ei bill a assign ngeni ewe committee won JGR, ewe a nom fan emwenien Chairman Rain me Vice Chairman Kanto, ei bill iwe a men fokun watte angang won, faniten ar kuta fesifesi met epwe mwurinno. A wor emwenin meren ewe Chairman, iwe ra angang angang won, tori ar ra tipeew fengen won metekewe akaekis ekesiwin. Iwe a tonong an epwe ne wor Oruwen me kosopwonon annei won, ra uttut, iwe a ketiw. Iei a titino ngeni ewe House of Representatives pwe repwe pwan fori ar angang won, pwe nupwen chok repwe tipeew ngeni, iwe a titino ngeni Governor pwe epwe sign, iwe ika pwe a sign, a winiti ew wesewesen annukun Chuuk.

Oruwan, ewe Senate Bill No. 16-14, itenapan e apasa, “To appropriate the sum of $434,068.00 or so much thereof the Debt Relief Fund for the purpose of paying the debts and obligations of Chuuk State Government pursuant to CSL No. 9 – 07 – 09, as amended by CSL No. 15 – 19 – 06, and for other purposes.” Ei bill a kawor an epwe omusa ekewe niwinimang an ach ei mwuun Chuuk ngeni aramas me sopai. Met mei eto meren Executive, pwe ita epwe chok 93,520.00, iwe nge Senate a nenengeni pwe mei tongeni an epwe ekis awateno, iwe iei a kanapono, a tori $434,068.00. Vice Chairman Rain a pwan wisen emweni ei bill, a pwan wor ekis apasapas won tori an a wor tipeew fengen, ah katonong ren an epwe wor Oruwen me kosopwonon annea, iwe a pwan ketiw. Iwe pwan usun chok ewe echo bill akoum, ei bill a pwan titino ngeni House of Representatives an epwe pwan wor ar angang won, pwe nupwen epwe ketiw merer non Ewin me Oruwen annea, iwe a no ngeni Governor an epwe pwan signei pwe epwe wesen ew annukun Chuuk.

Non ekei fansoun ra fetan ngeni nesopwonon nge fokun members achocho chok ne fiti mwich. Iwe achengicheng aramasen Chuuk, ikkei met masowen ei 59 rannin mwichenap a tawe, S.B. 16-12 me S.B. 16-14 ra tou seni Senate. Mwich a sar, repwap niwin sefan fengen non saingon rannin mwichenap non Friday, October 22, 2021. Kinisou chapur, a mwo pwan iei ukukun met sia pwan tufichin chiechi ngeni kich won ikenai.

19/10/2021

October 13, 2021. 57th day of the 1st Regular Session non ei 16th Chuuk State Legislature.

Roll call- (9 present, 1 absent)
Sntr. ESAH, Sekap – Present
Sntr. KANTO, Esly – Present
Sntr. KUOR, Matthias – Present
Sntr. MARAR, Julio – Present
Sntr. RAIN, Harris – Present
Sntr. STEPHEN, Nelson – Excused
Sntr. YAMAMOTO, Andrel (Cheche) – Present
Flr. Ldr. HETIBACK, Atanasio – Present
V.P. NAKAYAMA, Wisney – Present
Pres. KONY, Arno. H. – Present

9 Senators mi present, mei wor quorum, mwich mi tongeni sopwospwono.

57th rannin mwichenap a poputa, a emwen meren ewe atefon President, the Honorable Arno H. Kony. Mei wor ekeei fitacho taropwe sia mochen ach sipwe pwan aporausa ngeni kich usun an President me ekei Honorable members angang won. Ruacho ekei mei tawe angang won, S.B. 16-13 me S.B. 16-14.

Ei Senate Bill No. 16-13, itenapan e apasa, “Establishing the Chuuk State Disabilities Act to provide special services to people with disabilities, to define “areas designated to people with disabilities”, to require the Governor’s Office to initiate and commence a plan to include how public and private facilities can accommodate people with disabilities; and for other purposes.” Iei chok pwan ewe bill, a fen wor angang won me mwan. Nge iei, iwe a katonong an epwe ne wor Oruwen me kosopwonon annea won, iwe a fis, kinisou chapur pwe a pass ika ketiw me non ei Oruwen me saingonon annea. An ei a pass, iwe Senate epwe ne tinano ngeni ewe House of Representatives an repwe pwan uttut won non ewin me oruwan, nge ika e pwan pass me rer, iwe a titino ren ewe offesin Governor.

Oruwachon, iwe ei Senate Bill 16-14, itenapan e apasa “To appropriate the sum of $93,520.00 or so much thereof the Debt Relief Fund for the purpose of paying the debts and obligations of Chuuk State Government pursuant to CSL No. 9 – 07 – 09, as amended by CSL No. 15 – 19 – 06, and for other purposes.” Iei ei bill a assign ngeni ewe Finance committee, ewe a nonom fan emwenien Chairman of Finance Committee the Honorable Julio Marar, me Vice Chairman the Honorable Harris Rain. Ei bill, a fokun auchea pwe faniten an epwe omusano ekewe niwinimang an ach ei mwun Chuuk ngeni aramas. Iwe a wor ekis emwenin meren Chairman Marar, a wor wewe fengen won, ra uttut, iwe a pass non ewin annea. A pwan chok nomw an epwe ne tota sefan won agenda pwe epwe wor Oruwan me kosopwonon annea won.

Iwe fokun kinisou chapur, ikei met sia pwan aucheani ach sipwe pwan share, pwe epwe wor an aramas wewe ngeni nonomwun me angangen ach ei mwuun Chuuk. Fokun kinisou chapur ngeni kemi, ai kapong ngeni kemi achengicheng aramas meinisin.

12/10/2021

October 8, 2021. 56th day of the 1st Regular Session non ei 16th Chuuk State Legislature.

Roll call- (8 present, 2 absent)
Sntr. ESAH, Sekap – Excused
Sntr. KANTO, Esly – Present
Sntr. KUOR, Matthias – Present
Sntr. MARAR, Julio – Present
Sntr. RAIN, Harris – Present
Sntr. STEPHEN, Nelson – Present
Sntr. YAMAMOTO, Andrel (Cheche)
Flr. Ldr. HETIBACK, Atanasio – Present
V.P. NAKAYAMA, Wisney – Present
Pres. KONY, Arno. H. – Excused

8 Senators mi present, mei wor quorum, mwich mi tongeni sopwospwono.

Non ei mwich, Vice President, the Honorable Wisney Nakayama e wisen preside, ika emweni pwe mi wor an Mr. President, the Honorable Arno H. Kony osukosuken sooma e fiti. Ewe emon Senator, ren Vice Chairman R&D, the Honorable Sekap Esah, e pwan absent pwe ren an ei a nom Pohnpei nge mei fokun weires an network connection. Poputa ewe mwich, chomong ekewe masowen agenda, ikei met ekewe ra ouwonam; H.J.R. 16-09, S.B. 16-12, S.B. 16-13, me S.B. 16-10. Popun an iei sokun teteniir pwe re chok fiti tetenin nampan ekewe report wor. Iwe a iei usun porouser.

Ewin taropwe auchea, House Joint Resolution No. 16-09, itenapan e apasa, “Requesting the FSM Vital Corporation, Chuuk Branch to assist and permit Tonoas Municipality Government to use the Corporation’s heavy equipments for the purposes of improving and developing the public roads.” Ei bill a assign ngeni ewe committee won Resources and Development, ewe a nonom fan tumwunuwen Chairman Yamamoto me Vice Chairman Esah. A wor emwenin ei bill meren Chairman Yamamoto, iwe a pwan wor apasapas won seni members tori ra wewe fengen won, ra uttut, iwe a ketiw non ewin me kosopwonon annea.

Oruwen taropwe auchea, Senate Bill No. 16-12, itenapan e apasa, “To amend Section 25 (1) of CSL No. 3-95-27 of the State’s Public Service System Act by increasing the mandatory retirement age to 65 and for other purposes.” Ei bill a assign ngeni ewe committee won Judiciary and Governmental Relations, ewe a nonom fan tumwunuwen Chairman Rain me Vice Chairman Kanto. A wor emwenin seni Chairman Rain, a pwan wor kakapas eis, tori ra wewe fengen pwan tipeew fengen won. A katonong an epwe wor annea won, iwe a kettiw non ewin anea, a chok nom an epwe tota sefan won agenda ren oruwen me kosopwonon annei.

Ounungatin taropwe auchea, Senate Bill No. 16-13 Senate Draft 1, itenapan e apasa, “Establishing the Chuuk State Disabilities Act to provide special services to people with disabilities, to define “areas designated to people with disabilities”, to require the Governor’s Office to initiate and commence a plan to include how public and private facilities can accommodate people with disabilities; and for other purposes.” Ei bill a assign ngeni ewe committee won Health, Education & Welfare, ewe a nonom fan tumwunuwen Chairman Kuor me Vice Chairman Stephen. Chairman Kuor a emweni mwich won ei bill, tori a wor ekoch afatafaten fatangaw tori ar ra pwan tipeew fengen won. Iwe a pwan katonong an epwe wor ewin annea won, iwe a ketiw non ewin annea, a chok standby ngeni an epwe pwan niwin sefaninong ren oruwan me kosopwonon annei.

Oruwanun pwan saingon taropwe mei auchea non ei ranin mwich iwe, Senate Bill No. 16-10, itenapan e apasa, “To establish a Vessel Management Office for the Northwest Region to provide for its organization, management, authority and responsibility, and for other purposes.” Ei bill a pwan assign ngeni ewe committee won JGR, a fen wor ewin annea won, iwe ra eniwinanong won agenda, pwe epwe ne wor oruan me kosopwonon annea. A pwan wor akakis porous won ren afatafatochun tori ar ra tipeew fengen. Iwe a katonong an epwe ne wor oruwan me kosopwonon annei won, iwe a ketiw. Iei epwe ne titino ngeni House of Representatives ar repwe pwan awora ar angang won, nge pwe ika chok a pass me rer non ewin me oruwen annea, iwe a titino ngeni ewe offesin Governor.

Ikkei ekei fitacho taropwe ekei ammafen ra awora ar angang won non ei 56th rannin mwichenap. Achengicheng aramasen Chuuk, uwa fokun pwapwa ai upwe isetiw ikei pwe epwe fat usun met an semach kei angang ngeni kich me ach ei mwuu. Fokun kinisou chapur, anean pwe kinamwein ach chon nemenem epwe nonom remi meinisin.

Photos from CHUUK Senate PIO's post 06/10/2021

October 5, 2021. 55th day of the 1st Regular Session non ei 16th Chuuk State Legislature.

Roll call- (9 present, 1 absent)
Sntr. ESAH, Sekap – Excused
Sntr. KANTO, Esly – Present
Sntr. KUOR, Matthias – Present
Sntr. MARAR, Julio – Present
Sntr. RAIN, Harris – Present
Sntr. STEPHEN, Nelson – Present
Sntr. YAMAMOTO, Andrel (Cheche)
Flr. Ldr. HETIBACK, Atanasio – Present
V.P. NAKAYAMA, Wisney – Present
Pres. KONY, Arno. H. – Present

9 Senators mi present, mei wor quorum, mwich mi tongeni sopwospwono.

An Senate mwich a poputa fan emwenien President, the Honorable Arno H. Kony Iwe kunok 10:00 nesosor. Masowen ar mwich a kon ouwonam won ekoch communications, 2 measures, ika auchean taropwe, S.B. 16-07 me S.R. 16-25.

Ei Senate Bill No. 16-07, itenapan e era, “Further amending Section 11, 13, 87, 88, 93, 94 and 97 of CSL No. 3-95-26 as amended by CSL No. 4-98-41 and CSL No. 11-12-18, by inserting a relocating clause for voters relocating in other polling places and also by inserting an electors’ clause to utilize the prescribed request for to also serve as a new registration form, inserting prescribed form verification and other purposes.” A katonong an epwe ne wor oruwan me kasopwonon anea won, iwe a wor emwenin ei bill meren ewe good Chairman of JGR, the Honorable Harris Rain. Members ra afatafata porousan me angangan tori ra wewe fengen won. Iwe a wor uttut ren ketiwan, iwe a ketiw.

Oruwen taropwe auchea, iwe ewe Senate Resolution No. 16-25, ei resolution iwe faniten ketiwen ewe a kefinita meren Executive Branch pwe epwe ne wisen tupwun Northern Namoneas region me non ewe Land Commission, ei resolution a wor emwenin meren ewe good Chairman of R&D, the Honorable Chairman Andrel (Cheche) Yamamoto. Iwe ra uttut won, meinisin ewe 9 members ir mei present ra tipeew ngeni, wewen pwe 9 yes, 0 no. Iwe ikenai, ei tupwun Northern Namwoneas me Land Commission iwe Mr. Anselmo Daniel.

Achengicheng aramasen Chuuk, iei ukukun met uwa tongeni pwan share ngeni kich, amwo kinamwein me tumwunuen ach chon nemenem epwe nonom remi meinisin. Kinisou chapur.

04/10/2021

Tirow pwan fairo, fiti ai menin me sufon, uwa pwapwa ai upwe atoura ai kapong ngeni kemi achengicheng aramasen Chuuk meinisin mi nonom won fonuach Chuuk, me mi nonom nukun Chuuk, ai kapong ngeni kemi non iten ach Samol Sises, ran annim, amwo kinamwein ach chon nemenem epwe nonom remi meinisin. Upwe pwan uwei ai omusomus, ren ach sia mwonuchotam seni kemi achengicheng kana meinisin, nge ikenai, iei sia niwiniti kemi sefan. Iwe ikenai, a sereni Monday October 4, 2021. Fokun chomong met mei fis me non ekewe fansoun tori ikenai, nge upwe chok mwo aporausa menapen ekoch events mei fis non ekewe chok ran.

Ewin mwo, upwe aporausa pwe nouch kewe auchean Senators ra inaugurated non ewe September 30, 2021, fiti chiechier kewe Representatives, pwan Governor me Lt. Governor me non ach ewe Chuuk State Government building complex, fokun apwapwa. Kich mi kinisou pwe kich mi tongeni katon me won youtube pwe mei recorded iwe a fen pwan uploaded, all credits to Mr. Hiroyuki Mori, pwan ina iten an na channel won youtube. Mi wor ewe speech an nouch ewe ammafen President of the Senate, the Honorable Arno H. Kony, iwe ina kich mi tongeni katton me won na channel an Hiroyuki Mori won youtube. Ina ena ewin uwa mochen upwe aporuasa.

Oruwen ei porous uwa fokun pwan mochen share ngeni kemi, iwe porousen ewe Deputy Director of Department of Education. Non pwan chok ewe week, non ewe Aunungat, September 29, 2021, iei ewe rannin an ekei Senators ra uttut won ar repwe tipeew ngeni ewe nominee, ika resapw. Iwe ra uttut, pwungun ar ewe uttut, ukuukun chon vote yes won ewe Resolution, unusen ewe 9 members ir mi present, wewen pwe 9 yes, 0 no. Ren na wewe, nouch ei minafon Deputy Director of the Department of Education iwe Mr. Jason Reiong.

Iwe achengicheng aramasen Chuuk, iei mi chok chiwen sopwosopwono an Senate mwich. Non ewe Wednesday, September 29, iwe ina 54th rannin ar mwich, wewen pwe a chok nom 6 nussun ar rannin mwich non ei first regular session non ei 16th Chuuk State Legislature. Uwa chok pwan mochen affata, pwe nape ngeni ekei rannin mwich, members ir mi chok achocho ngeni ar repwe fiti, ekewe mwo ren nom nukun, ren Chairman Yamamoto, me Vice Chairman Esah, ir mwo nge fokun akachocho. Fokun ir achocho pwe pwan ekei re nom Chuuk, pwan fokun ir achocho ne fiti mwich. Mei chok fokun wor quorum, mwich mei chok fokun fiffis nape ngeni iteitan rannin mwich. Iei minne, angangen Senate mei chok mwokut, non emwenien ei minafo administration an President of the Senate, the Honorable Arno H. Kony, me Vice President, the Honorable Wisney Nakayama. Iei ach ei kinisou.

Iwe fokun kinisou chapur ngeni kemi ren ami fifiti kich, fokun ach kapong sefan ngeni kemi, non iten ach Samol Sises, oune pwan nonom. Kinisou chapur.

Videos (show all)

Arongorong ngeni Election Office
R&D Committee
R&D Hearing regarding H.B. 15-36;HD1; SD1
Senator Atanasio Hetiback from the Northwest Region.
Senator Yamamoto for the Mortlock Region.
Part 2
The Honorable Senator Gardenia Aisek
The Honorable Senator Wisney Nakayama

Telephone

Website

Address

Nantaku
Weno
96942

Other Government Organizations in Weno (show all)
Chuuk -Environmental Protection Agency Chuuk -Environmental Protection Agency
P O Box 1439
Weno, 96942

The main role of the agency is to work in cooperation with communities, non-government organizations