One Love

CBE NOOR

Kan itti Amantu Filadhu

Oduu gaddaa.

Godina Shawaa Lixaa Aanaa Dandiitti balaa konkolaata qaqqabeen lubbuun namoota 18 darbee.
Caamsaa 2/2018
Godina Shawaa Lixaa
Aanaa Dandii Gandaa Warqaa Gaaraa Iddoo Addaa Gaara Hoolaatti gaafa Guyyaa 01/09/2018 halkan Keessa sa'atii 1:30tti Konkoolataan deddebiisa Uummataa
Lakkoofsa Gabatee isaa 3 OR 77305 ta'e Aanaa Ilfataa irraa Gara Aanaa Dandii Osoo Deema Jiru Karaa irraa bu'ee Garagaluun lubbuun namoota dhiiraa 5 Dhalaa 13 walii gala nama 18 yoo darbuu namoota 13 irratti miidhaa qaama cimaan gaheera namoota 26 irratti miidhaa qaama salphaan qaqqabeera walii galaa namoota miidhaan irraa gahee 57 yoo ta'uu Sababni Balaa kana qoratamaa jira jechuun Kominikeeshinii Qajeelcha Poolisii Godina Shawaa lixaatu gabaase.
Poolisiin Oromiyaa Maatiifi firoottan namoota balaa kanaan lubbuun isaanii darbeef jajjabina hawwaa.

Manni marichaa imala hajjii marsaa jalqabaa eegalchiise.

Caamsaa 1/2018 Finfinnee

Manni maree waliigalaa dhimmoota Islaamummaa Itoophiyyaa keessummoota Al-rahmaan bara hajjii 1447 Itoophiyaa irraa imalan marsaa jalqabaa ifatti eegalchiiseera.

Manni marichaa daandii xiyyaara Itoophiyaa waliin ta'uudhaan imala ibaadaa kana guyyaa har'aa ifatti jalqabsiisuu beeksiseera.

Garee daandii xiyyaara Itoophiyaatti itti gaafatamaa damee daldalaa kan ta'an obbo Lammaa Yaadechaa daandiin xiyyaarichaa Imaltoota hajjii geejjibsiisuu irratti seenaa waggoota 79 akka qabu himan.

Daandiin xiyyaarichaa erga hundeeffamee bar waggaa 80ffaa isaa kabajaa kan jiru yoo ta'u hundeeffamee waggaa tokko booda hujjaajota Itopphiyaa irraa gara Sa'uudii Arabiyaatti geejjibsiisuu akka eegale yaadachiisaniiru.

Itti dabaluunis imaltoonni hajjii biyya keenyaa yeroo ibaadaa gaarii akka qabaatan hawwaniiru.

Pireesdaantiin mana maree waliigalaa dhimmoota islaamummaa Itoophiyaa Dr Kabajaa Sheek Hajjii Ibraahim Tufaa sagantaa kana irratti argamuudhaan haasaa taasisaniin, majliisni erga filannoo gaggeeffatee of haaromsee hajjiin baranaa kan jalqabaa ta'uu eeruun galmee irraa eegalee hanga deemanii deebi'anitti fooyya'iinsi taasifamuu dubbataniiru.

Kana males daandii xiyyaara Itoophiyaa irratti gaafii hawaasni musliimaa kaasu deebisuudhaaf dhaabbaticha wajjiin walitti dhiheenyaan hojjachaa jiraachuu ibsaniiru.