TumaComputer

በኢትዮጵያ የተቃዋሚ ፓርቲ መሪነት ረጅም ዓመታትን ያስቆጠሩትና ታዋቂው ፖለቲከኛ ፕሮፌሰር በየነ ጴጥሮስ ባደረባቸው ህመም በህክምና ሲረዱ ቆይተው ከዚህ ዓለም በሞት ተለይተዋል፡፡

ፕሮፌሰር በየነ ጴጥሮስ በርካታ ፓርቲዎችን በሥሩ የያዘውን መድረክ ፓርቲ ሊቀመንበር የነበሩ ሲሆን በሀገሪቱ የሰላማዊ ፖለቲካ ትግል ውስጥ ስማቸው በጉልህ ከሚጠቀሱ የፖለቲካ አመራሮች አንዱ ነበሩ፡፡
ከፖለቲከኛነታቸው ባለፈ በአዲስ አበባ ዩኒቨርሲቲ የተፈጥሮ ሳይንስ ተመራማሪም ነበሩ፡፡
ፕሮፌሰር በየነ የደርግ መንግስት ተገርስሶ ኢህአዴግ መንበሩን ከተቆጣጠረ በኋላ በሽግግር መንግስት ወቅት በትምህርት ሚኒስቴር ምክትል ሚኒስትርም ነበሩ፡፡ የኢትዮጵያ ሶሻል ዴሞክራቲክ ፓርቲ (ኢሶዴፓ) ሊቀመንበርና እንዲሁም የፖሊሲ ጥናት ኢንስቲትዩት ዋና ዳይሬክተር የነበሩት በየነ ጴጥሮስ የሞቱት ረዘም ላለ ጊዜ በህክምና ሲረዱ ቆይተው መሆኑን ጠቅላይ ሚኒስትር ዐቢይ አሕመድ በማኅበራዊ ትስስር ገጻቸው ገልጸዋል፡፡
ፕሮፌሰር በየነ በኢትዮጵያ ገንቢ የፖለቲካ ባህል ለመፍጠር ከፍተኛ አስተዋፅኦ ያበረከቱ የሰላማዊ የፖለቲካ ትግል ምልክት እንደነበሩ አክለው የተናገሩት ጠቅላይ ሚኒስትር ዐቢይ፣ ያቆዩት ውርስ እና ቅርስ ፀንቶ እንዲቀጥል ነፍሳቸውም በሰላም እንድታርፍም ተመኝተዋል፡፡
ኢቢኤስ ቴሌቪዥንም በፕሮፌሰር በየነ ጴጥሮስ ህልፈት የተሰማውን ጥልቅ ሐዘን እየገለጸ ለቤተሰቦቻቸውና ወዳጅ ዘመዶቻቸው መጽናናትን ይመኛል፡፡

External HardDisk 1Tb

WellCome This page

WellCome to This Tuma computer page