Message

اجتهد لحد ما يبقى عندك معزة.

ده اللي دايمًا بقوله لأي رائد أعمال والمعزة هنا هي مشروعك
معزة تديك كل يوم كباية لبن تعيش منها
بس خلي بالك
عشان أول ما حيبقى عندك معزة حيبقى عندك مسؤوليات لازم تأكلها وتشربها وترعاها وتحافظ عليها

ولو مرضت لازم تعالجها حتى لو هي مش قادرة تديك لبن ولو اللي معاك مش مكفيكم انتم الاتنين
إنت اللي تصوم والمعزة تاكل

لأنك لو أهملتها عشان تحافظ على أكلك النهاردة بكرة ممكن مايبقاش عندك لا معزة ولا لبن واذا حبيت تكبر وتتوسع

لو المعزة بتديك كباية لبن واحدة ما تشربش الكباية كلها اشرب نصها والنص التاني حوّله لزبادي أو جبنة وبيعه والدخل الإضافي رجعه تاني للمشروع لحد ما تحوش و تقدر تجيب معزة تانية او يمكن تجيب فرخة تديك بيض او ممكن المعزة تخلف جدي فتبيع الإنتاج أو تكبر القطيع وهكذا…

بدل ما يبقى عندك مصدر دخل واحد خلي يبقى عندك أكتر من أصل وكل أصل فيهم بيساعدك تبني اللي بعده لكن فيه غلطة واحدة ممكن تهد كل اللي بنيته

أوعى في يوم تتهور وتقول أنا نفسي آكل لحمة
لأنك لو دبحت المعزة ممكن يبقى ده العشاء الأخير
وتاني يوم الصبح مفيش معزة ومفيش لبن
وساعتها هتضطر تروح تشتغل عند واحد عنده معزة ومستعد يديك جزء من كباية اللبن بتاعته

عشان كده أنا دايمًا بقول ما تاكلش الأصل اللي بيأكلك.
خليه يعيش و يكبر وخلي إنتاجه يشتري لك الأصل اللي بعده لحد ما يبقى عندك قطيع 🐐

الدُنيا واسَعة، والعاقل من لا يُزاحم.. أكرم نفسك
فعند اللّٰه مغانم كثيرة

الصفحه الرسميه لوزارة الدخليه

الجو ده محتاج حاجه من تلت حروف (قبض)