Cap/Dbaba

ايام الطائره المصريه اللى اتخطفت من كام سنه ونزلت فى قبرص ...
فيه راكب من ضمن ركاب الطيارة الى اتخطفت اسمة عبد الله العشماوى "دكتور فى جامعة اسكندرية " بيحكى عن رد فعل الركاب المصريين لما عرفوا ان الطيارة اتخطفت "بحسب موقع "الإندبندنت"

بيقول فى واحد من ضمن الركاب كان نايم وقام من النوم بص للى جنبة وقال له فى أية؟ قال له احنا مخطوفين وهنروح قبرص... قاله قبرص اية ؟ أنا كدة النت هيفصل عندى على الموبايل
تخيلوا واحد أول حاجة فكر فيها لما قالوله انت رايح قبرص مخطوف ان النت هيفصل عنده

فيه واحد تانى أول ما عرف انهم مخطوفين اتصل بمراتة قالها انا كنت مخبى فلوسى منكم فى بنك وقالها اسم البنك وقالها روحى خدى الفلوس... الراجل الى بيحكى بيقولك مراتة نسيت أصلا أنه مخطوف وقعدت تقوله: على صوتك مش سامعة اسم البنك ...علي صوووتك

الكوميديا بقى فى الراجل الثالث، كان جاى "بفرخة بلدى " معاه الطيارة وهو طالع امن المطار خدها منة فلما عرف فوق انهم اتخطفوا علشان فى واحد معاه حزام ناسف قام زعق فى قلب الطيارة وقالهم يعنى خدتوا منى الفرخة وسبتوة يعدى بحزام ناسف أنا عايز فرختى دلوقتى المضيفة كانت بتعيط قعدت تضحك.
ابتسم انت مصرى 😂😂😂

السلام عليكم ❤️🇪🇬

من امبارح سامع هري كتير وكلام كدا من شوية النكسجية اللي اتربو علي الانهزامية والدونية… بيتنمرو ويسخرو من الابطال دول

وانا في الحقيقة بقول عليهم ابطال … لانهم ابطال فعلاً روح الانتماء والحب مولود وقت مابيتولد اي مصري طبيعي بس اي حاجة موجودة جوانا بتبقي محتاجة متبني يتبناها وينميها فينا
وحب الوطن زية زي حبنا لعيالنا واهالينا بنتولد بية بس اللي بينمية ابوك وامك واهلك … دول طلبه جايين يتعلمو حاجة تنفعهم في حياتهم… مش هيتعلمو مواد نظرية فقط لازم تنمية هيرمون الذكورة والشجاعه اللي بيتولد بيها اي راجل مصري

عندنا الاطفال اما بيشوفو ظابط في الشارع بيأدولو التحية تلقائي وتسألة نفسك تطلع اية يقولك ظابط

هو مفهمش حاجة عن الضابط الا انه واخدة رمز للشجاعة والقوة وحب الوطن
فلازم اما نشوف دول نحييهم علشان دول وغيرهم هما ظباط بكرا وجنود البلد دي

والنهاردة هما الدفاع الشعبي اللي هيقف في وش العدو لو فكر يبصلها لازم يكون شجاع وعنده انضباط وعندة انتماء
دا اللي احنا عانينا منه زمان اما بنلاقي عيال صغيرة مشردة ومخدرة ومعندهاش وعي ذكوري والا وطني
زي برقوقة وامثاله

نشجعهم ونحييهم ونفتخر بيهم دا احتياطي الاستراتيجي للدهب الحقيقي لمصر الفتره الجاية❤️🇪🇬🇪🇬

حقوق النشر (قهوة ميري)

صور سكر♥️🇪🇬🦅👮‍♂️

ارفع الغياب يا وزير التعليم.. ولادي مش لاقيين ياكلوا:

= بمناسبة فيديو الأم اللي قلبت الدنيا النهاردة بفيديو وهي بتصرخ لوزير التعليم إنه يرفع الغياب في المدارس.. علشان ولادها مش لاقيين ياكلوا ومش معاها فلوس تودي ولادها المدرسة وبتشحت.. وتقريبا معظم الناس تعاطفت معاها ونايمين متنكدين بسبب حزنهم على عيالها اللي مش لاقيين أكل ولا عارفين يتعلموا ولا يروحوا مدارس.

= الصور اللي تحت دي.. من صفحة نفس الأم على تيك توك.. عاملة صفحة على تيك توك بتنشر فيها فيديوهات.. ضحك وهزار ورقص على أغاني.. وبتطلع لايف كل يوم بالليل تسهر مع المتابعين بتوعها.. لبسها معقول بيتها معقول.. وبتعمل فيديوهات مع ولادها وبتستقبل هدايا (فلوس يعني) من المتابعين في اللايف بتاعها.

= كلامي لا يعني أبدًا.. إني بقول مفيش ناس تعبانة وظروفها صعبة.. ولا إن مصروفات التعليم مش مرهقة لشريحة كبيرة.. خاصة اللي عندهم ولدين وتلاتة وأربعة.. ربنا معاهم ويعينهم واللي يقول عكس كدة يبقى لا عنده قلب ولا رحمة.. بس الفقير عزيز الناس.. ومهما كانت ظروفه مش بيمد إيده.. والفقير غالبا عنده كرامة.

= البوست بتاعي ده ردا على الأم صاحبة الفيديو.. انتي لا عزيزة النفس ولا احترمتي كرامة ونفسية ومشاعر ولادك ونظرة زملائهم ليهم.. وعندك قدرة غير طبيعية على التمثيل والمتاجرة الرخيصة بمشاعر الناس.. قديرة في الكذب والصعبانيات.. وخليتي ناس كتير تشك في نوايا كل واحد ممكن تكون ظروفه صعبة وبيطلب مساعدة.

= عايزة تصرفي على ولادك.. وفري فلوس باقة النت اللي بتستخدميه كل يوم بالساعات في اللايفات.. عايزة تصرفي على ولادك قدمي محتوى هادف محترم طالما عندك صفحة وليكي متابعين.. بدون رُخص وابتزاز ومتاجرة حقيرة بعاطفة الناس.. وملحوظة: في الصورة اللي تحت فيديو: ارفع الغياب يا وزير التعليم عيالي مش لاقيين ياكلوا هو اللي عامل عندها ٢ مليون مشاهدة.

= كان لازم أكشف حقيقتك.. لأني ضد أي متاجرة رخيصة ومفضوحة بمعاناة البسطاء اللي عزة نفوسهم عفيفة وشريفة.. وصدق قول الله فيهم: ويحسبهم الجاهل أغنياء من التعفف.

وانتي جاهلة بعزة البسطاء ولا تستحقي شرف البساطة 👌🦅

البنت دي في يومين بالظبط ركبت التريند ك أو.سخ بنت في مصر هي وأمها ...مهندس محترم راح اتقدملها عادي و طبعا حقها توافق أو ترفض مشكلته أنه فكر يدخل البيت من بابه طلعوا يتر..يقوا عليه أنه مش معاه شقة ولا عربية وان ابوه محاسب بس عنده عربية بيشغلها بالليل كافيه يزود دخله ..ف نصيحة لأي شاب مش هقولك أوعي تجري ورا الشكل عشان مش موجود في حالة البنت دي بس متدخلش بيت وجود الراجل فيه زي عدمه... متدخلش بيت جعان ... اي حاجة بتجيب فلوس حلال في الزمن ده اوعي تخجل منها الناس بتشتغل وظيفة واتنين وتلاتة عشان تعرف تعيش والبنات الي زي الفل ف بلدنا كتير ولاد الاصول موجودين ووعي تاخد او تعرف فحياتك الي يقلل منك لا تحت اسم شغل او حب او اهل او اي حاجه ✌🏻🦅🖤
#دبابة
#البابا