Get Hooked

أول Brand حبّناه من غير ما يعمل Campaign…كانت ماما💜

كل سنة وكل أم هي الـ real inspiration اللي ورا أي نجاح👑
ربنا يديم ضحكة كل أم، ويحفظ الموجودين، ويرحم اللي سبقونا ويسكنهم فسيح جناته 💜

فريق Hooked بيتمنالكم عيد سعيد مليان طاقة إيجابية وإنجازات أكتر من اللي فات🚀
كل سنة وأنتم مبدعين💜

الحلو اللي بتحاسب عليه النهاردة من جيبك، بكرة هتحاسب عليه من صحتك🤷🏻‍♀️

تفتكر ليه الإعلان وجعنا…بس استوقفنا؟🤔
إعلان وزارة الصحة والسكان لعب على وجع يومي بنعمله بإيدينا...مش وجع "يا عمو" ولا وجع ضهر؛ وجع الشوكولاتة بعد الدايت، وجع العصير المِسكر اللي بنقنع نفسنا إنه عادي، وجع "آخر حتة بس" بعد الساعة 12 بليل😋

الفرق هنا؟
إنه مش بيضحكك على حالك…هو بيصحّيك؛ الإعلان ملعبش على التخويف، لعب على الحقيقة
كان سهل يقولك:
سكر = سمنة = ضغط = أمراض قلب
لكن بدل الرعب المباشر، استخدم معادلة بسيطة جدًا فلوس النهاردة، فاتورة صحة بكرة💸
جملة قصيرة، بس تقيلة…
لأنها بتحطك قدام نفسك: أنت مش بس بتدفع تمن الحاجة…أنت بتدفع مقدم لمشكلة جاية🙃

الذكاء فين؟
خلى الذنب يجي منك أنت، هو مقالش "إنت غلط"…هو قالك: هتدفع فيزا ولا كاش!
وده فرق نفسي كبير جدًا في الإقناع🎯
اللعب على المستقبل القريب مش بعد 30 سنة...لأ بكرة والـ"بكرة" دي مرعبة أكتر من كلمة "مستقبل".

طب الإعلان كان بيبيع إيه؟
مش بيبيع منتج ولا خدمة...هو بيبيع وعي وبيحاول يغيّر سلوك يومي إحنا متصالحين معاه؛ لما قال الأكل مش صحي زيادة عن اللزوم يعني أمراض بالكوم
فيما معناه إن كل اختيار صغير بيتكرر كل يوم، ممكن يتحول لفاتورة كبيرة بعدين وده أصعب مليون مرة من بيع شقة أو نادي...

زي ما وادي دجلة قالت "بنبني لعيلتك"، وزارة الصحة بتقولك بشكل غير مباشر: إحنا بنحاول نحميك من نفسك🩺💜
وده نوع مختلف تمامًا من الإعلانات؛ إعلانات سلوكية مش استهلاكية.🎯

قولنا بقا👀
الجملة دي خلتك تفكر مرتين قبل ما تجيب حاجة مسكرة؟
ولا حستها تقيلة شوية على مود رمضان؟💜

ليه إعلان وادي دجلة وجعنا بس كلنا حبيناه؟👀

نقدر نقول إن إعلان وادي دجلة الأخير
هو درس مجاني في إزاي تلمس قلب العميل وتجيبه لسكتك بالضحك....

تعالوا نفكك الإعلان ده ونعرف السر فين🤔
الإعلان ملعبش على الرفاهية والمباني، هو لعب على الوجع الكوميدي لجيل التلاتينات....
مين فينا ماتصدمش بكلمة يا عمو؟
مين ماحسش بوجع ضهره ومفعول الفولتارين قبل النوم؟
مين مبقاش يطقم في البيت بالبيجامة أو ينسى أسامي الناس؟

الذكاء هنا إنك تخلي المشاهد يقول ده أنا بجد!
ولما العميل يشوف نفسه في إعلانك، مبروك أنت كسبت انتباهه.💜

وادي دجلة طول عمرها مرتبطة في دماغنا بالتمرين والنوادي، بس هنا قرروا يبيعوا سكن؛ بدل ما يقولك تعالى اشتري شقة...قالك أنا معاك في كل مراحل حياتك؛ من وأنت طفل في النادي لحد ما كبرت وبقيت محتاج بيت لعيلتك في مكان بتحبه لمونتاج سريع ومبهج بيخليك متزهقش وتفضل مستني المشهد اللي بعده.🎯
تنوع اللقطات بين تجمعات العيلة والاحتفال بعيد الميلاد الـ32 تحديداً بيأكد فكرة الدفا والاستقرار.✨

في آخر الإعلان، اللوجو بينزل مع جملة قوية ومُركزة "وادي دجلة...بنبني لعيلتك".💜
رسالة واضحة بتقول إننا مش مجرد شركة مقاولات، إحنا جزء من تاريخ عيلتك ومستقبلها✨️

الخلاصة هنا انك متبيعش منتج، بيع قصة الناس يكونوا أبطالها؛ المحتوى اللي بيخلي الناس تضحك على حالها هو أسرع طريق لقلوبهم💜

قولولنا بقا...إيه أكتر لقطة في الإعلان حسيتوا إنها لمستكم شخصياً؟

مش كل اللي بيجري أسرع…هو اللي بيفوز، الفوز الحقيقي إنك تمسك الفرصة الصح…في الوقت الصح🎯💜

في هاري بوتر…اللي بيمسك الريشة السحرية هو اللي بيحسم المباراة.
مش لأنه بيجري أكتر…لكن لأنه اتحرك بذكاء وفي اللحظة الصح💜

وفي التسويق نفس الفكرة، مش المهم تبذل مجهود أكبر…المهم تبذله في الاتجاه الصح.🎯
اللحظة اللي منتجك يلاقي مكانه الحقيقي في السوق…والطلب يبقى طبيعي…والنمو أسرع وأسهل، دي مش بتكون صدفة ولا حظ...دي بتكون نتيجة فهم للسوق + قرارات مدروسة + استراتيجية واضحة.👌🏻

في كورسنا هتتعلم إزاي تمسك “اللحظة دي” بسهولة…وتوصل للنقطة اللي السوق فيها يختار منتجك بنفسه💜

لتفاصيل أكتر ابعتلنا رسالة دلوقتي أو سجل معانا من خلال أول كومنت🎯

جزء من أراء متدربينا في الكورس💜
في انتظارك تشاركنا وتبدأ تسويقك صح 🚀
متفكرش كتير...التسجيل من خلال اللينك في أول كومنت😉💜