ScrubZone

أول نباطشية تكون طوارئ و مسائي برعاية scrubzone
و فوق ال ١٢ ساعة ١٢ ساعة من تخليص الورق و قضاء شوية مصالح و كلها برعاية سكرابي العزيز من براند زمايلنا scrubzone اللي يدوب استلمته ٨ بليل علشان يتلبس ٨ الصبح ( زنقة الكلاب المعتادة 🙋🏻‍♀️🤣)
حقيقي اديله مليون من عشرة لإنه تحمل معايا التنطيط و الجري 💚💚🫡 ، طبعًا الست الوالدة بتكره الأونلاين و كانت بالنسبالها دي مغامرة اضطرارية علشان ظروف سفرنا 😂
و الحمد لله ربنا نصرني 🙂‍↕️😌💚🤍

-و طلعت الخامة تحفة و ناعمة و اللون تحفههههههه مش المينت جرين المعتاد الزاهي لا حاجة هاديه كدا
- و المقاس حلو و مناسب و البنطلون طويل مش كالمعتاد انك جبت مقاس و تحس ان البنطلون اصغر منه
-و مضايقنيش في الحركة و الشقلبه و الطلوع و النزول
-و لاحظت فيه انه الحمد لله مبيتأثرش باي حاجة تنتشة ( لما سن الخاتم بتاعي حك فيه كذا مرة و كنت حاطة إيدي على قلبي )
-و كلنا عارفين لما بنبقى لابسين هدوم فترة طويلة ( حتى لو استخدمنا ديودرنت كويس و برفيوم ) هتحس إن في ريحة مش مُريحة و جسمنا مكتوم ، و دا حقيقي محستهوش و أنا لابسة السكراب و دا التوب كمميزات بالنسبالي

فشكرًا لمصداقيتهم و شكرًا للقيمة مقابل سعر اللي بيقدموها و أتمنى ينجحوا و يتطوروا و يفضلوا دائمًا متميزين

Minimal look. Maximum comfort. 🩺🤍