Walid Rabea

❌ رسميًا… كده مفيش لوتري تاني
والقرار طالع من أعلى سلطة في أمريكا: البيت الأبيض
بس السؤال المهم… هو إيه اللي حصل يخليهم ياخدوا قرار مصيري زي ده؟

خلّيك معايا للنهاية.الراجل اللي قدامك ده اسمه
كلاوديو مانويل نيفيس فالينتي برتغالي، 48 سنة.

سنة 2001 دخل أمريكا بحجة دراسة الدكتوراه، لكن بعد سنتين بس، سنة 2003، يا إما انسحب يا إما اتطرد…ورجع بلده.

القصة كان المفروض تخلص هنا.

بس لأ.

في سنة 2017، كلاوديو رجع أمريكا تاني…مش طالب، ولا عالم،
رجع بعد ما كسب اللوتري.

ومن هنا… تبدأ الكارثة.

السبت اللي فات، في جامعة براون الجامعة اللي كان بيدرس فيها زمان، وتحديدًا داخل قاعة محاضرات في مبنى الهندسةوالفيزياء
Barus & Holley

فجأة…كلاوديو ظهر.

ومن غير أي إنذار، فتح النار بشكل عشوائي ومرعب.
في ثواني، الجامعة اتحولت لساحة حرب.

طالبين اتقتلوا في عز شبابهم،9 اتصابوا، والناس بتجري، بتصرخ، ومش فاهمة إيه اللي بيحصل.

وبعدها؟ اختفى تمامًا…
كأن الأرض انشقت وبلعته.

الشرطة والـ FBI قلبوا أمريكا عليه.
لكن الصدمة الحقيقية…لسه جاية.

بعدها بيومين بس، يوم 15 ديسمبر كلاوديو يظهر تاني.

بس المرة دي في بروكلين.

ويروح فين؟ بيت البروفيسور نونو لوريرو عالم فيزياء مشهور جدًا، وبروفيسور في MIT.

الخبر نزل كالقنبلة: كلاوديو قتل البروفيسور نونو…وهرب.

لما المحققين بدأوا ينبشوا في الماضي، اكتشفوا حاجة أخطر بكتير.

كلاوديو ونونو كانوا زمايل دراسة من التسعينات، وكان بينهم خلافات قديمة. الخلافات دي اتحولت عند كلاوديو لحقد مدفون
أكتر من 25 سنة لحد ما انفجر بالشكل الدموي ده.

من اللحظة دي، المطاردة بقت حديث أمريكا كلها.
كلاوديو كان ذكي جدًا في هروبه: أجر عربية، غيّر نمرها بنمر ولاية تانية، وكان بيتنقل بحذر شديد بين الولايات عشان يهرب من الكاميرات وتتبع الشرطة.

5 أيام كاملة… أمريكا كلها كانت عايشة في رعب.
الناس خايفة يطلع فجأة في أي مكان ويقتل حد جديد.

وفي النهاية… يوم 18 ديسمبر 2025 الشرطة قدرت تحاصره داخل مخزن مستأجر Storage Unit في ولاية نيو هامبشاير.

لكن كلاوديو كان ليه قرار تاني.

قبل ما حد يقربله…ضرب النار على نفسه وانتحر.

القاتل مات…بس الأسئلة لسه موجودة.

إزاي راجل متعلم، دارس فيزياء،يوصل لمرحلة إنه يقتل طلبة أبرياء؟ ويصفّي حساب قديم بعد كل السنين دي؟

وهنا بقى…
ترامب قال: دي فرصة العمر .... عمل الغاء للوتري فورا.

🚨 لو مش متابع اللي بيحصل… خلّيني أقولك حاجة هتزِلزل قلبك.

من ساعات قليلة بس، قوات الدعم السريع اقتحمت مستشفى في مدينة الفاشر بالسودان…
وداخله المستشفى؟ أعدموا كل المرضى والجرحى بدون تفرقة… كبار، أطفال، نساء… إطلاق نار مباشر وكأن الأرواح دي مالهاش أي قيمة.

ولو مش فاهم الصورة كاملة… اسمع ده:

في السودان دلوقتي، في فئة ضالّة اسمها قوات الدعم السريع—والمخزي إن الفئة دي مدعومة من دولة عربية—بتنشر فساد في الأرض بشكل ما حصلش في التاريخ الحديث.

▪️ قتل عشوائي لكل الأعمار
▪️ اغتـ.صاب نساء قدام الكاميرا كنوع من التفاخر
▪️ نهب وسرقة لكل موارد البلد
▪️ قتل الأطفال والشيوخ بلا رحمة
▪️ وكل ده… بيتم تصويره ونشره!

والأشد مرارة؟ إن الي بيحصل مش من محتل غريب…
ده من ناس نفس الجنسية، نفس اللغة، ونفس الدين.

الي بيجري في السودان النهارده… تخطّى اللي حصل في غزة بمراحل.
فين العالم؟ فين الدول؟ فين الإعلام؟
السودان بتنزف… والعالم كله ساكت.

الفيديوهات اللي بتطلع من الفاشر بتورّي بشر بيموتوا من الجوع…
ناس بتاكل علف حيوانات علشان تعيش…
أطفال literally بتموت قدّام الكاميرا…
وشباب ورجال بيتجبروا يحفروا قبرهم بإيديهم… وبعدها يتم إعدامهم بالرصاص.

💔 شير واتكلم على السودان علشان اللي بيحصل فيهم
من مليشيات الدعم السريع دمار ممنهج بياكل كل كائن حي !

الشاب ده… دمّر حياته بإيده.

منتصر محمد… شاب ميسور من أسوان،عنده سيبر… ومحِل بيبيع أجهزة كمبيوتر. حياة هادية ومستقره .

لحد ما في يوم…يدخل عليه شوية شباب…يطلبوا منه يشحنلهم كام فلوس من ماكينة فوري...موضوع عادي… بيحصل كل يوم.

لكن اللي مش عادي… إن نفس الشباب رجعوا بعد ساعة… فرحانين! وبيقولوله: "كسبنا! وعايزين نسحب فلوسنا!"الجملتين دول كأنه باب جهنم اللي اتفتح لمنتصر.

قال يجرب…شحن لأول مرة: 300 جنيه. وفي نفس اليوم… يلاقي نفسه كسبان 15 ألف جنيه.
اللحظة دي… كانت الشرارة، ومن بعدها… اتسحب ادمن اللعبة.

اتسحب لحد ما خسر 3 مليون جنيه ، 3 مليون… راحوا في الهوا. مش بس كده…استلف 700 ألف من ناس كانت بتثق فيه.... وبرضه… ضيّع كل جنيه في اللعب.

الاحراج وعدم قدرته علي السداد .....كان أكبر من إنه يواجه اي حد ، فهرب… هو ومراته وعياله على القاهرة.

اشتغل بوّاب على عمارتين …ومع أول فرصة… رجع يلعب تاني...جمع الايجار اللى كان المفروض يديه لصاعب العمارة … وحطهم في المراهنات وخسرهم ، المرة دي… وقع بمعنى الكلمة، صاحب العمارة كان هيدخله السجن ... ولكن سابه علشان اولاده.

انهار بعدها … ودخل مصحة علاج 6 شهور.... ست شهور ندم… ست شهور بيحاسب نفسه…
ست شهور بيسأل: "إزاي ضيّعت بيتي؟!" لكن… ربنا كبير.

بعد خروجه… ظهر مع كريم السيد… والحلقة دي قلبت حياته.... الناس رجعت تساعده…
اتسددت كل ديونه…ورجع أسوان… ورجع لوشوش ناس كتير كانت مجروحة منه.

منتصر رجع… بس رجع حد تاني.....اتعلم إن المراهنات الإلكترونية أخطر من المخدرات…لأنها بتسحبك وانت صاحي… وتموتك وانت فاكر إنك بتكسب.

ذلك الصوت المزلزل…
الذي يمزّق سكون الليل،
ويهزّ أعماق القلوب،
ليس مجرد شرارة كهرباء تعبر السماء،
بل هو جندي من جنود الله،
يسبّح خالقه، ويرهب خلقه،
ويوقظ الغافلين بعظمة من له الأمر من فوق سبع سماوات.

سبحان من يُسبّح الرعد بحمده،
وتخشع لقدرته القلوب
كما تنحني الجبال الراسيات.

فإذا سمعت صوت الرعد، فلا تهرب منه خوفًا،
بل ارفع كفيك إلى السماء خاشعًا،
وردّد مع الراكعين:
سبحان الذي يسبّح الرعد بحمده والملائكة من خيفته.

من ساعات قليلة بس، حصلت جريمة هزّت كرموز في إسكندرية…

مهندس مصري عمره حوالي 35 سنة – خريج هندسة نووية – اتقتل بـ 13 رصاصة في نص الشارع.
اللي حصل بحسب المصادر الصحفية اللي نشرت عن الواقعة، وشهود العيان، إن المهندس كان ماشي في الشارع عادي… وفجأة شخص مجهول ظهر من غير مقدمات، هجم عليه، وقعّه على الأرض، وفرّغ في جسمه خزنة السلاح بالكامل لحد ما اتأكد إنه مات… وبعدها جري وركب عربية لادا كانت مستنياه وهرب بسرعة.
شهود العيان أكدوا إن القاتل كان مترصّد ومستنيه… وماحاولش يسرقه….
وده خلا ناس كتير تستبعد إن الموضوع "سرقة" أو "خناقة عابرة".
🔸 الشرطة نزلت المكان فورًا، فرضت طوق أمني، رفعت فوارغ الطلقات، ونقلت الجثة لمشرحة كوم الدكة.
وفي نفس الوقت فريق تحقيقات بدأ يراجع كاميرات المراقبة، ويفحص علاقات المهندس واتصالاته علشان يشوفوا لو كان على خلاف مع حد أو وصله تهديد مؤخرًا.
علشان بعد القضية ب 12 ساعة
طلعت مصادر تأكدت إنه تم القبض على القاتل… وإن اللي حصل جريمة انتقام .
والمفاجأة…
إن اللي قتله صديق له بدافع الانتقام… وتم ضبطه، والتحقيق معاه شغال.
⚫️ ولكن كله دا كلام مصادر من زجته وأهله ولحد دلوقتي مفيش اي بيان رسمي من وزارة الدخلية عن الحادثة