Scale

-ظاهرة في الأسقف وخاصة أسقف الحمامات والمطابخ:

أنتشرت الأيام دي ظاهرة بسبب الصنايعية وهي أن سقف المطبخ والحمام يكونوا سيراميك الموضوع ده هيكون منتشر في الريف أكثر من المدن
أحب بس أوضح أن مفيش أي متخصص بيوافق علي الكارثة دي
أه بقول عنها كارثة لعدة أسباب :-

أولاً : هو ضد قواعد الأمان والسلامة في البيت تخيل حضرتك مركب حاجة تقيلة عكس جاذبية الأرض.

ثانياً : لو أنت مش أخر دور وحصل تسريب من الدور اللي فوق وده وارد جداً مش هتحس غير لما السقف يوقع عليك لأنه مش باين وأنت مش شايف.

ثالثاً : سواء حضرتك دور أخير أو لا فكر كده لو واحدة من السيراميك دي أتفكت ووقعت فوق طفل موجود أو حد كبير دي ممكن تقتله لا قدر الله.

رابعاً : ترسب الأدخنة والبخار الناتج عن عمليات الطبخ أو إستخدام السخان علي المدى البعيد ممكن يخلي السيراميك يفك من مكانه ويوقع.

خامساً : عامل التمدد والأنكماش بمادة السيراميك من الحرارة الداخلية والخارجية.

ده غير أن موضوع تركيب السقف سيراميك ده لا موجود في أي كتب ليها علاقة بالتصميم أو الديكور علمياً ، ولا فيه أي نوع من أنواع الفن مع إحترامي للناس اللي عامله كده بالفعل.

الحل الوحيد للحمام الحوائط سيراميك والسقف جبيسيوم بورد أخضر اللي هو مقاوم للرطوبة وده مش في كل الحالات أو مصيص عادي مع كورنيشه فيوتك رقيقة.
وموضوع أصل السيراميك أسهل في التنظيف ، رأيي الشخصي طبعاً إني أتعب في المحافظة علي النظافة شوية ولا إني أعرض نفسي وأهل البيت للخطر ...

أخيراً السيراميك ف الأسقف مرفوض شكلاً وموضوعاً

اشتراطات البناء والتراخيص وحدود المساحات والارتفاعات المسموح بها

محافظ المنيا يقرر تخفيض أسعار التصالح فى مخالفات البناء

المنيا – إدارة الإعلام :

أصدر اللواء أسامة القاضي، محافظ المنيا قرارًا، بإعادة تحديد سعر المتر المسطح لمقابل التصالح في بعض مخالفات البناء، وتقنين أوضاعها بنطاق المحافظة في عدد من المناطق بمراكز المحافظة للاستخدام السكني فقط، وذلك وفقًا لما انتهت إليه اللجان المُشكلة بقراري المحافظ رقم 365 لسنة 2019، و 549 لسنة 2020، وبعد موافقة المجلس التنفيذي للمحافظة بجلسته الأخيرة.

وأكد المحافظ أن تخفيض أسعار مقابل التصالح هو الثالث على التوالي، حيث أصدرت المحافظة في 5 أغسطس الماضي قرارها الأول بتخفيض الأسعار، كما اصدرت قرارها الثاني بتاريخ 22 سبتمبر الماضي.

وأضاف المحافظ انه تم اتخاذ قرار التخفيض للمرة الثالثة، استجابة لطلبات الأهالي، وضمن توجيهات القيادة السياسية بمراعاة الأبعاد الاجتماعية والاقتصادية للمواطنين، مؤكدًا أن هذا القرار سيسري على المواطنين الذين تقدموا بطلبات التصالح خلال الفترة الماضية وقاموا بسداد جدية التصالح.

وناشد المحافظ، المواطنين من أبناء المحافظة بسرعة التقدم للتصالح علي مخالفات البناء قبل انتهاء المدة المحدد لها نهاية شهر أكتوبر الجاري، مؤكدا أن قانون التصالح في مخالفات البناء يعد فرصة حقيقية لجميع المخالفين لتوفيق أوضاعها قانونيًا بالتصالح.

اعتباراً من اليوم:
مجلس الوزراء يُوافق على مد فترة سداد جدية التصالح على مخالفات البناء لمدة شهر حتى 15 سبتمبر المقبل
ـــــــــــــــــ

وافق مجلس الوزراء، برئاسة الدكتور مصطفى مدبولي، رئيس الوزراء، على مد فترة سداد مبلغ جدية التصالح على مخالفات البناء لمدة شهر، تبدأ اعتباراً من اليوم السبت الموافق 15 أغسطس، وحتى 15 سبتمبر المقبل.

تجدر الإشارة إلى أن مجلس الوزراء كان قد وافق، في وقت سابق، على تفعيل أحكام القانون رقم 17 لسنة 2019 بشأن التصالح في بعض مخالفات البناء، وتقنين أوضاعها بما يدعم استيداء حقوق الدولة، وذلك من خلال عدة ضوابط تشمل قيام الراغب في التصالح، خلال الأجل المحدد بالقانون، بتقديم طلب التصالح مرفقاً به كافة الأوراق والمستندات والرسوم المطلوبة، وكذا مبلغ جدية تصالح يتم سداده مع تقديم الطلب تحت حساب التصالح.

وقد بدأ سداد المبالغ المقررة لجدية التصالح اعتباراً من 15 يوليو 2020، وتم تخصيص حسابات بنكية لسداد هذه المستحقات.

فى اطار توجيهات اللواء محمود شعراوي وزير التنمية للمحافظات بتسهيل اجراءات التصالح فى مخالفات البناء ....تابعت وزارة التنمية المحلية التسهيلات التى تقدمها محافظة المنيا...حيث وجه اللواء أسامة القاضي محافظ المنيا قيادات المحافظة وجميع رؤساء المراكز والمدن والأحياء، بمتابعة سير العمل في المراكز التكنولوجية وتقديم كافة التسهيلات للمواطنين، مع تسهيل الإجراءات وزيادة عدد العاملين في منظومة التصالح لمواجهه الزحام الشديد بعض المراكز التكنولوجية والعمل خلال الفترة المسائية والعطلات لقبول أكبر عدد من الطلبات وتجنب تنفيذ الازالات بعد تاريخ 15-8 لمن لم يسددوا نسبة ال25 % من اجمالي قيمة التصالح، وكانوا قد تقدموا بطلبات للتصالح قبل 15-7.

وأكد المحافظ في الكتاب الدوري الذي أصدره لرؤساء الوحدات المحلية انه سيتم تخصيص النسبة الأكبر من مقابل التصالح المخصصة للمحافظة في تنفيذ مشروعات تطوير المواقف والأسواق العشوائية وكذلك بعض المشروعات الخدمية، لإشعار المواطن بحدوث نقلة في تلك المشروعات وتحسين الخدمة المقدمة.

الكلام اللي جاي دة بالنسبة للي عايز يقدم في التصالحات في نطاق مدينة المنيا وتوابعها ( يعني المنيا نفسها ومايتبعها من قري ).
خطوات تقديمك لملف التصالح :-...
اول حاجة ... لازم الاول تكون معاك شوية اوراق خاصه بالبيت بتاعك
عقد البيت .. المحاضر اللي اتعملتلك قبل كدة ... وصل سداد الغرامات اللي دفعتها او بتدفعها لو فرضا بتدفع ... صورة البطاقة .... صورة للمنزل من الخارج ( الواجهه )
واهم حاجةالعقد يكون موضح مساحة المنزل او مساحة قطعة الارض
وفي حاجة كمان
الرسومات المعمارية للبيت وتقرير سلامة انشائية ودول بتروح للمهندس وهوا بيخلصلك القصة دي بعد مابيعمل معاينة البيت .... ...
ثاني حاجة ... بتاخد معاك اول ٣ حاجات ... العقد والمحاضر وبطاقتك ولو معاك وصلات السداد ... وتروح لحد المركز التكنولوجي ودة مكانه جنب البوستة اللي في مجمع المصالح عند المكتبة العامة علي الكورنيش .... لو توهت خالص روح مجلس المدينة واسال ... .
لما بتروح اول ما تدخل بتاخد رقم زي بتاع البنك وبيسجل اسمك علي الكومبيوتر بالبطاقة ...
بتستني دورك شوية ... وبتروح اول ما يجي رقمك....
الموظف بيفحص الورق اللي معاك وبتملي استمارة فيها اسمك ورقمك القومي وهوا بيسالك علي مساحة البيت وعدد الادوار ( دة لو مش جايب معاك الرسومات وصورة البيت ) بيكتبهم علي الكومبيوتر وبيديك ورقة تروح بيها علي الخزنة .....
الخزنة دي متقلقش جنبك في نفس المكان ... بتدفع مبلغ الربع للمبلغ اللي هتحسبه انت والموظف اللي حسبلك مساحة البيت وعدد الادوار ... .
يعني بفرض سعر المتر بناءا علي منطقتك ١٠٠ جنيه
وانت بيتك ( مباني ) ١٠٠ م٢ ... وعدد ٣ ادوار مثلا
يبقي ١٠٠ * ١٠٠ * ٣ = ٣٠٠٠٠ جنيه
يبقي ربع المبلغ ٣٠٠٠٠ \٤ = ٧٥٠٠ جنيه
وبتدفع ٥٠٠ رسوم فحص لو مدينة و ١٢٥ لو قرية ..

في حاجة مهمة تاخد بالك منها
لو هتدفع كاش هيطبق عليك قانون وزير المالية باضافة نسبة ٥ % علي المبلغ
لو مش عايز تدفع ال ٥ % يبقي لازم يكون معاك فيزا بنكية
ويكون فيها المبلغ اللي هتدفعه
هتروح المجلس هتديه الفيزا هيسحب الفلوس ويرجعهالك
وتاخد منه وصل بانك دفعت الفلوس ....
بعد ماخدت الوصل سواء من المجلس او من المركز ... ترجع للموظف اللي خد منك الطلب
وتديه نسخة من الوصل بتاع الدفع وهيسلمك ايصال انك سلمت الورق ودفعت الجدية ..
ومبروك كدة انت قدمت .....
لو مش جايب الرسومات والتقرير ممكن تروحلهم وقت تاني وتسلمهم بس يكون معاك الايصال عشان يعرف يلاقي ملفك ويحطهم فيه ويديك ايصال انك سلمتهم .... ....
وبكدة انا قولتلك علي كل اللي محتاج تعرفه وانت رايح تقدم للتصالح ......
احنا مكتب اسكيل هنعملك الرسومات والتقرير وباقل الاسعار ...
للتواصل......
#تصالحات
#المنيا
#المجلس

لكل اللي قدم الفترة دي
اخر معاد لدفع جدية التصالح ١٥ اغسطس

قرار اللواء أسامه القاضي محافظ المنيا بتخفيض مبالغ مقابل التصالح وتقنيين الاوضاع بجميع مراكز ومدينه المنيا
سارع بتقديم الاوراق
______________________________________________
مكتب اسكيل للاعمال الهندسيه والديكور ____ للتواصل
01273399746
01276645751

احدث اشكال الجبس بورد و الجبس البلدي
اختار الشكل اللي يناسبك
______________________________________________
مكتب اسكيل للاعمال الهندسيه والديكور __للتواصل
01273399746
01276645751

كل سنه وكل اخوتنا واصدقائنا وكل الشعب طيبين وبخير

لو انت شاري شقة مخالفة من بعد 2008 أو ناوي تشتري شقة لازم تقرأ الكلام ده.. 🤔

تم اصدار قرارات رسمية من الحكومة سوف تطبق بحزم على كل من اشترى شقة مخالفة من بعد ٢٠٠٨ واللي ناوي يشتري شقة دلوقتي:

لو شقتك قبل 2008 حتي لو مخالف هتعدي...لو مخالفة بعد 2008 وقبل 2017 هتدفع غرامة... بس لو بعد يوليو 2017 هيتم إزالة الأدوار المخالفة حتى لو ساكنة.

جاري تنفيذ الإزالات للأدوار المخالفة بجميع الأحياء في مصر طبقا لتاريخ صدور قرارات الإزالة. وسوف تنفذ في جميع المباني المخالفة في جميع أنحاء الجمهورية.

⁦⁩ الغرامة تقع على صاحب العقار . فلو صاحب العقار مات او محبوس او مادفعش واتحبس او هربان، السكان هما اللى حيدفعوا.

⁦⁩ قرارات الإزالة سوف تنفذ حتي لو الوحدات السكنية مشغوله بالسكان

⁩ فيما يخص سعر التصالح في المتر تم نشره من قبل الحكومة حسب كل منطقة

⁦⁩ اخر ميعاد لتقديم اوراق التصالح هو 30/9/2020⁦

⁩ الدفع هيكون عن طريق اتحاد ملاك للوحدات المخالفة
و يتم تفويض واحد منهم لتقديم التصالح نيابة عن شاغلي الوحدات السكنية

طب لو مش هدفع هيعملوا معايا ايه؟

ولا حاجة الحكومة حتعمل حاجة من اثنين. و الاتنين للاسف مش هيعجبوك اما الطرد من الوحدة او قطع المرافق عن الوحدة...!!

تقسم المبانى فى مصر الى 3 انواع من المبانى طبقا للقانون المصرى.

اولا : اى عقار قبل تاريخ 11/5/2008 حتى لو مبني من غير رخصة رسمية ولو دور اخير لن يتم دفع اى مصالحات ولن يواجه اى ازاله وشكلة امام الدولة قانونى 100%

ثانيا : اى عقار من بعد التاريخ السابق وحتى 22/7/2017 ينقسم الى نوعين من القوانين :

1- عقار تم بنائة برخصة رسمية " صادرة من المركز الذكى " بعدد معين من الطوابق المتعددة مثل 5 ادوار لن يتم دفع اى مخالفات عليها اما ما يعلو الرخصة الرسمية فسيتم دفع المخالفة " مفيش ازالة "

2- عقار تم بنائة بالكامل دون وجود رخصة رسمية صادرة من الحى الذكى سيتم دفع المخالفة عن العقار بالكامل " مفيش ازالة " الا لو لم يتم البناء على ارض من اراضى الدولة وبعد التأكد من السلامة الإنشائية للعقار عن طريق لجنة هندسية.

ثالثاً: أي عقار مبنى بعد 22/7/2017 وطبقا للمسح الجوى لمصر سيتم ازالتة بالكامل " ده اخطر نوع من العقارات.. وده تبعد عنه تماما لان هيكون فى محاولات رهيبة لبيعه ولو بسعر قليل جدا "

وبناءا على ذلك قررت المحافظات فتح باب التصالح على الوحدات المخالفة بداية من شهر 7 وحتى 30/9/2020

⁦🏴‍☠⁩ ملحوظة هامة ⁦🏴‍☠⁩
خد بالك لو رايح تشتري شقة في منطقة انت عارف ١٠٠٪ ان سعرها اغلى بكتير من السعر المعروض و يقولك لسرعة البيع و لظروف السفر شوف هناك الاسعار ماشية ازاي ومتنساش تاريخ بناء العقار ⁦👌🏼عشان متلاقيش نفسك اشتريت الترام 🚊 ..

الموضوع خطير وحيأثر على عدد كبير من المصريين.

لو انت شاري شقة مخالفة أو ناوي تشتري شقة، لازم تستشير محامي ثقة.
مع ملاحظه
أن عدم الالتزام بالعقد والاستيلاء على ارض الغير يوجب الإزالة طبقا لقوانين البناء
وتسمى خروج عن خط التنظيم
وهذه حاله ليس بها تصالح مع الحكومة .
ويمكن مراجعة قانون ١١٩ المبانى
الذى تم تصوير بندالمادة ٨٧ منه والخاص باتحاد الشاغلين

علشان كده سارع بعمل التصالح لو انت مخالف
كلمنا واحنا هنقولك كل المطلوب
-------------------- Scale --------------------