Leda

القناة دي مفتوحة بعد مبادرة من الدكتور هيثم طلعت بسرعة التوجه لبذل اقصى جهد عندنا لتذكير الناس بالله سبحانه وتعالى بسبب الحملات الممنهجة علينا وعلى عيالنا من كل الجهات

اتاخرت كتير لغاية ما ربنا أكرمني باللي اقدر اقدمه للناس من خلال صفحات السوشيال ميديا

ودي كواليس عمل الحلقة بواقع من 3 ل 7 ساعات يوميا
الى جانب الشغل والمصاريف وظروف العمل والمنزل

ياريت اللي عايز يكمل الحلقة او يطولها وبيفهم في اي خطوة من خطوات انشاء الحلقة يساعدني وأسألوا الناس اللي بعتت مساهمة لشراء الموديلات أو حتى بفكرة أنا مش برفض أي مساعدة من أي حد لان دي جايز هي اللي هتنجيه يوم القيامة

الله يبارك فيكم هي دي طريقتي في عرض فكرتي أنا عايزاكو تقروا وتدوروا والمعلومة ما تتنسيش مش معلومة سمعتها في فيديو وانت مش مركز ويبقا اسمك سمعت

قدروا مجهودي وساعدوني وادعولي بالثبات والإستمرار
والله المستعان

تعديل 2 : في صفحتين ما ردوش يا جماعة والمجال مفتوح للي عايز يعمل اعلان لصفحته بشروط الشركة زي ما اتفقنا

تعديل : وصلنا لل 3 إعلانات بإذن الله هيتم تنفيذهم في أقرب وقت

مفاجأة من ليدا وشركة Oltani لدعم المشاريع الصغيرة! 🚀✨

بفضل ربنا ثم دعمكم، فيديوهات "ليدا" بتوصل لملايين المشاهدات.. وعشان إحنا بنكبر بيكم، قررنا نرد الجميل ونقف جنب المشاريع اللي بتعافر ومحتاجة زقة لقدام! 💪

شركة Oltani بتقدم مبادرة خيرية لدعم المشاريع الصغيرة، وهنختار 3 صفحات أو مشاريع على فيسبوك عشان "ليدا" تعملهم 3 فيديوهات دعاية مجانية 100%! 🎬

إيه اللي هيحصل لو تم اختيار مشروعك؟
ليدا هتعمل فيديو إعلاني مخصوص تتكلم فيه عن شركتك أو مشروعك وتستعرض خدماتك بطريقتها المميزة، والفيديو هينزل على صفحتك وليدا هتعمله نشر في صفحتها عشان ندعمك وتوصل لجمهورنا كله بإذن الله. 📈

عشان تشارك معانا، عندنا شرطين بس:
1️⃣ المشروع يكون بيبدأ أو بيمر بظروف ومحتاج فعلاً للدعم والمساعدة عشان يكبر.
2️⃣ المنتجات أو الخدمات اللي بتقدمها الصفحة تكون مسموحة دينياً وقانونياً.

إزاي تشارك؟
اكتبولنا في التعليقات اسم مشروعك، ونبذة بسيطة عن الخدمة اللي بتقدمها وليه محتاج الدعم، أو ابعتولنا تفاصيل مشروعك في رسايل الصفحة. 💌

هنراجع كل المشاريع، وهيتم اختيار 3 مشاريع بإذن الله عشان "ليدا" تبدأ تعملله الإعلان .. شير للبوست ومنشن لأي حد صاحب مشروع صغير خليه يستفيد! 👇

#ليدا

تلاوة نادرة جداً للشيخ كامل يوسف البهتيمي من سورة الإسراء
حقيقي مش هتسمع زيها من أي قارئ
اللينك فى أول تعليق في السايت بتاع Oltani أنا ضفت التحميل واعادة التشغيل والتسريع في مشغل الأوديو ولو في أي إقتراحات عندكم للسايت علشان يفيد الناس أكتر هنفذها بإذن الله