ZeeKitchen

شوربة العدس بالذ طريقة 😋
بتحطوا رز على فتة العدس ولا عيش بس؟🫣

تركات بسيطة تحافظ على السكر المطحون من غير ما يكتل

مبكبكة ليبية بالطريقة الاصلية.
استخدمت كيلو من اللحم الضانى ممكن استبداله بكندوز، لكن الاساسى هو الضانى .. طعم الضانى هنا خياااال ♥️

المقادير: بصلة كبيرة او ٢ متوسطة
فلفل اخضر بارد و حار
نص كيلو من الطماطم مبشورة او قطع صغيرة
٢ معلقة كبيرة صلصلة طماطم

التوابل:
ملح، فلفل اسود، معلقة كبيرة كركم، معلقة صغيرة بابريكا حلوة مش مدخنة

الشبت مش اختيارى، بيفرق جدا جدا فى الطعم.. لو جربتوها فى قصر الكبابجى اوعدكم ان دى هتطلع معاكم نفس الطعم 😉⁩

زبادى بيتى، زبادى يونانى، و لبنة

الزبادى:
لكل كيلو لبن معلقتين زبادى جاهز.. سواء عاملينه فى البيت او جايبينه من السوبر ماركت

بنغلى اللبن ١٠ دقايق و بعدين نسيبه يهدى لحد مت يوصل لدرجة الدفئ اللى بيسموها (الدمعة/او زى رضعة البيبى) لو هتقيسوا بالترمومتر يبقى بين درجة ٤٥ و ٥٠
درجة حرارة اللبن مهمة جدا عشان تنشط الخميرة

الزبادى اليونانى:
هنجيب الزبادى اللى عملناه و نسيبه يتصفى ٦ ساعات فى التلاجة

الاصل فى الزبادى اليونانى انه يتعمل باللبن البقرى، لكن لانه مش متوفر ممكن نعوض ده بإننا نضيف لبن بودرة على اللبن الجاموسى.. ده بيفرق جدا فى الطعم بيهليه اقرب للبقرى
او ممكن منعملش كده و بيكون تحفة عادى

اللبنة:
نفس الزبادى اللى عملناه هنضيف عليه ملح و نسيبه يتصفى مدة اطول فى التلاجة

ايه ممكن يبوظ الزبادى بتاعنا؟
١- درجة الحرارة.. لو اللبن ساقع الخميرة مش هتشتغل.. لو سخن بزيادة هتموت
٢- لو الاوعية إللى بنستخدمها مش نضيفة كفاية.. الخميرة عبارة عن باكتيريا نافعة، اى باكتيريا غير نافعة ممكن تموتها و تضعف عملها
٣- نوع الزبادى مهم جدا جدا جدا.. عشان مده بقول الاحوط نجيب زبادى بلدى

و بس كده💕

الموعد الرسمى للفيديو الاشهر على الانترنت🤣

عامة انا معتمدة الطريقة بدون الحمص بالنسبة ليا افضل
٢ ليمونة افضل من ٣
الليمون مش بيمرر، لكنه بيدى طعم الليمون المعصفر.

و كل سنة و انتو طيبين💕

فى أكلات كده طعامتها و للميزة فى طعمها بيكون فى التكنيك نفسه مش فى كتر التوابل.. كباب الحلة من الاكلات دى، سرها فى التسوية مش فى التوابل ابدا!

كيلو لحم (يفضل لو فيه نسبة دهن)
كيلو بصل (حصرا لازم يكون ابيض)
معلقة و مص صغيرة ملح (الملح برئ من تأخير السوا)
نص معلقة صغيرة فلفل اسود
رشة حبهان
ورق لورا

و بس كده.. من غير ولا نقطة مياه

فراخ مع بطاطا و ذرة حلوة.. صينية شتوية رهيبة 😋

للتتبيلة:
معلقة صغيرة توم (حوالى ٦ فصوص)
فلفل حار (اختيارى)
ليمونة اضاليا (او ٢ بلدى)
روزمارى (يفضل الفريش)
زعتر اخضر
معلقة صغيرة مسطردة
نص معلقة صغيرة فلفل اسود
معلقة صغيرة كزبرة
ربع معلقة صغيرة ريحان مجفف (اختيارى)
معلقة كبيرة عسل
٣ معالق زيت زيتون

استخدموا اى خضار تحبوه.. ممكن كمان مشروم و بصل اورما بيكون خطييير ♥️

و بس كده💕