The Style Professor

إيه التصرف الصح لو في بداية يوم شغلك والقهوة اتدلقت على هدومك وعندك اجتماعات طول اليوم؟

في ماركات بتحاول تعمل لنفسها صورة إنها بتقدم جودة عالية وحرفية لكن للأسف مش دايمًا الواقع بيكون كده.

تجربتي مع "شوشة كمال" Shosha Kamal Design House في شراء منديل بدلة كانت مخيبة للآمال جدًا:

١. التقفيل رديئ وأقل من المتوقع بكتير ما يديش إحساس بمنتج في الفئة السعرية دي.
٢. الطباعة على وش واحد بس، والوش التاني أبيض بالكامل.
٣. القماش نفسه ٥٠٪ حرير وال ٥٠٪ التانية مش معروف هي إيه لأنهم مش موضحين علي الموقع والأغلب في رأيي إنها ألياف صناعية.

سعر المنديل ٢٠٠٠ جنيه. مبلغ زي ده يخليك تتوقع خامة أفضل وتقفيل أنضف واهتمام أكبر بالتفاصيل. في الآخر دي قطعة قماش صغيرة، لكن واضح إن التوفير كان في الحرفية والخامات أكتر من اللازم.

"لكل مقام مقال، ولكل زمان رجال" ✒️ 👑
مثل عربي بليغ يشير إلى ضرورة مراعاة سياق الموقف (الزمان والمكان والجمهور) في الكلام… وكذلك في اختيار ما نرتديه. فلكل مقام لبسه الذي يليق به.

تحب تلبس قميص بمبي بنقشة الموز 🍌؟
من ألوان القمصان اللي مش واخدة حقها في دولاب الرجالة هو القميص البمبي (Pink). لون هادي ومريح للعين ومن أقرب الألوان ليا في القمصان.
بيعمل تباين ألوان جميل جدا مع البليزرات الكحلي والرمادي سواء غامق أو فاتح... ويا سلام لو فيه نقشة ظريفة زي ده.