Draw Your Future - DYF
Share
We want to build a big institution in Egypt for teaching the youth all aspects of science for free.
Draw Your Future-DYF is a student activity aims to qualify the youth to the labor market by teaching them the basic skills for any job (Languages - soft skills -Computer skills).This team helps youth to find their passion and to build their career by giving them the sessions that they need. Actually, We want to link between the academic life and the labor market and filling the gap between job-see
05/06/2019
كل عام وأنتم بخير وعيد فطر سعيد عليكم وعلينا وربنا يعود عليكم الأيام بخير. DYF تتمنى لكم عيداً سعيداً 😍❤️
08/04/2019
مش هتكملوا الرحلة لوحدكم😃
صحيح رحلتنا معاكم خلصت، بس حبينا نكون معاكم في رحلتكم💚
ناس كتير سألتنا تنضم لينا إزاي خلال الايڤينت
وبرغم إن باب التطوع لسه مافتحش ، قررنا نلبي رغبتكم😀
لو عايزين تكونوا جزء من كيان DYF، وتكملوا معانا رحلتنا في تعليم الشباب شغفها بالمجان املوا الفورم دي عشان تكون فرصتكم أكبر لما نفتح باب التطوع
https://bit.ly/2OUaMqJ.
وعشان نقدر نساعدكم ونكون معاكم خطوة بخطوة في الرحلة عملنا الجروب ده https://www.facebook.com/groups/2368273566736894/
ولو عايزين تعرفوا أكتر عننا شوفوا البوست المثبت على البيدج.
06/04/2019
رحلتنا معاكم خلصت، بس رحلتكم لسه هتبتدي😃
وعدناكم في البداية إننا هنقدم ليكم كنز، والكنز كان هو الرحلة💚
الرحلة اللي عرفتوا منها هتبتدوا منين، ووقفتوا بيها على أول طريقكم، عشان تلاقوا الكنز الحقيقي🤩
بس خليكو دايما فاكرين إن "الكنز في الرحلة"🚶🗝
05/04/2019
بعد البداية المبهجة اللي بدأناها مع فريق التمثيل المسرحي😍
كملنا مع أحمد سعد وعرفنا إزاي نكمل علامنا في بلاد بره😂
ريحنا شويه قبل ما نطلع الطيارة ونسافر مع معتز محمد، اللي عرفنا إزاي نلف العالم بأقل تكاليف✈️
سافرنا وإتعلمنا كتير، نرجع بقي عشان نبدأ مشروعنا، إللي عرفنا دكتور محمد بركات إزاي نديره صح✌️
باقي على إنتهاء الرحلة يوم😻
04/04/2019
أول يوم في الرحلة خلص💔
بدأنا اليوم مع مستر معتز، وعرفنا منه إزاي نختار الـ Career المناسب لينا، كمان عرفنا إيه هي الـ Soft Skills 😃
أخدنا بريك شويه ورجعنا مع مستر أحمد، وعرفنا منه إيه هو الـ Moocs.
وكملنا مع الراعي المميز Educuality😍
بعدها عرفنا ازاي نبدأ في مجالنا كـ Freelancers✌
وفي الآخر خرجنا من مود الجد شويه وهزرنا مع الفريق التمثيلي وعرض Pantomime 👏
المتاهة لسه مخلصتش، والرحلة لسه مستمرة🤩
إحنا بدأنا، وإنت مستني إيه عشان تبدأ؟!
تقدروا تنضموا لينا من بكرا، سيب كومنت لو عايز تلحق الرحلة.
03/04/2019
مفيش رحلة ملهاش نقطة بداية 😃
هنا هنتجمع بكرا عشان نبدأ رحلتنا🤩
جاهزين؟! 😍
سيب كومنت لو عايز تبدأ معانا.
03/04/2019
Attention please,
على جميع المسافرين ربط الأحزمة😂.
فاضل ساعات بتفصلنا عن الحدث اللي كلنا مستنينه🤩.
ساعات وكل واحد يدخل متاهته وبإذن الله في آخرها يلاقي الكنز اللي بيدور عليه🚪🗝.
في وسط الرحلة هيكون في مفاجآت كتير محضرينها ليكم💚.
إحنا مستعدين نبدأ الرحلة، وانتو استعديتوا ولا لسه؟!
سيب كومنت لو عايز تبدأ معانا.
03/04/2019
لسه مستمرين معاكم بالمفاجآت، ومفاجئتنا المرة دي غير🤩
هنعيش جو وشعور مختلف في فقرة "الإنشاد".
وهيكون معانا المنشد الجميل هلال معوض حسين.
هلال ختم القرآن من صغره، وكان عنده حب الإنشاد والابتهالات، وبيسمع المشايخ القدام وبيحاول يحاكيهم💚.
درس في مدرسة الإنشاد مع الشيخ محمود التهامي، وشارك في حفلة التخرج، وحاليا في منتخب إنشاد مصر، كمان شارك في مسابقة إبداع جامعات مصر السنة دي.
وشارك في حفلة عيد الشرطة في قاعة الأزهر للمؤتمرات، ومؤخرا شارك في عرض ترياق چولييت اللي بيقدمه صالون الأزهر الثقافي تحت إشراف د.محمود الهادي.
لسه مفاجآتنا مخلصتش🤩✌🏻
مستنينكم تشاركونا الرحلة، وتستمتعوا معانا😍 .
سيب كومنت لو عايز تكون معانا وتشاركنا💚
03/04/2019
وأخيرا جه معاد الخريطة بتاعت الرحلة بتاعتنا.
عشان نمشي صح في طريقنا بنحتاج معلومات توصفلنا هيحصل معانا ايه خلال الطريق ده، وده اللي هنعرفه من خلال الأچندة.
الأچندة من الحجات اللي لازم تكون معاك عشان متتوهش في نص الرحلة.
طب أيه فايدتها؟
هنقدر منها نعرف التلات ايام بتوعنا هيمشو ازاي.
ترتيب الاسبيكرز، كل واحد فيهم هيتكلم كام دقيقه
هيبدأ امتى وينهي امتى، مواعيد البريك، الفقرات الترفيهية
هتسهلنا الدنيا في الايڤنت كله، عشان كده لازم تكون معاك 💪
لو عندك اى استفسار قولنا في كومنت
02/04/2019
فاضل يوم واحد على ايفنت أبدأ منين والفورم اتقفلت ، والتيكتس 90 % منها خلص خلاص.
ملحوظة: هيكون في تيكتس للـ الناس اللى كلمتنا عن حجز التذاكر يوم الايفنت
لو عايز تعرف تفاصيل اكثر عن الايفنت سيب أسمك في كومنت
منتظرين نشوفكو في الايفنت 🤩
02/04/2019
كل طريق لازم يكون ليه نهاية
وطريق رحلة الكنز خلاص قرب ينتهي
يومين بس بيفصلونا عن الحدث اللي هيساعد ناس كتير تلاقي الكنز اللي بيدورو عليه، يومين بيفصلونا عن الحدث اللي هيساعد ناس كتير تلاقي وظيفة أحلامها، أو يتعلمو لغة جديدة أو مجال جديد يستثمروا فيه وقتهم.
وف الوقت اللي الطريق قرب ينتهي فيه
للأسف التيكت كمان قربت تخلص، وفاضل منها عدد محدود.
فلو عايز تكون مع الناس اللي هتلاقي الكنز الخاص بيهم
الحق واحجز مكانك قبل انتهاء التيكت
النهاية قربت💪
02/04/2019
لسه مش عارف إزاي توصل لمكان الايڤينت؟
في 6 طرق ممكن توصل منهم للايڤينت:
أول طريق:
هتركب المترو وتنزل محطة كوبري القبة وتخرج من ناحية القصر، وبعدين هتاخد ميكروباص للزاوية الحمراء وتقوله ينزلك عند مكتبة الزاوية الحمراء، أو مستشفى جراحات اليوم الواحد.
تاني طريق:
هتركب المترو لحد محطة مترو غمره هتعدي الطريق وتركب أي عربية رايحه مستشفى جراحات اليوم الواحد أو المكتبة، مسافة 5 دقايق تقريبا.
تالت طريق:
لو جاي من ناحية شبرا من الخلفاوي هتركب ميكروباص الزاوية الحمراء أو أتوبيس مسره طلبة عباسية، وتقولهم إنك عايز تروح مكتبة الزاوية الحمراء أو مستشفى جراحات اليوم الواحد.
رابع طريق:
لو جاي من مدينة نصر في ميكروباصات الزاوية الحمراء من قدام جامعة الأزهر وفيه ميكروباصات من أول عباس.
خامس طريق:
لو جاي من مصر الجديدة هتركب حاجة لحدائق القبة، ومن هناك هتركب زاوية وتقوله ينزلك عند مستشفى جراحات اليوم الواحد أو عند مكتبة الزاوية الحمراء.
سادس طريق:
لو جاي من شبرا الخيمة في أوتوبيسات هيئة أرقامهم 727 و 972 وتقوله إنك عايز تنزل عند مستشفى جراحات اليوم الواحد أو مكتبة الزاوية الحمراء.
وممكن كمان تروح بأي أتوبيس هيئة بيعدي على الزاوية الحمراء.
لو عايز تعرف أكتر عن الايڤينت سيب كومنت.
Click here to claim your Sponsored Listing.