Eng.Mohsen Sayed-HVAC Explained

يوميات مهندس استشاري | الحلقة 41
الطلمبة شايلة وزن المواسير؟! 😳
وزن مواسير الـChilled Water لازم يتشال بواسطة الحوامل والدعامات، ومينفعش يتحمل على الطلمبة أو وصلاتها، عشان نتجنب الإجهاد على المعدة ونحافظ على سلامة التوصيلات.
💡 المواسير ليها Supports… والطلمبة ليها شغل تاني! 😂🔥

يوميات مهندس استشاري | الحلقة 40
الـEccentric Reducer مش مجرد تصغير قطر الماسورة… اتجاه تركيبه بيفرق!
عند سحب المضخة أفقيًا، تركيب الـReducer بالاتجاه المناسب يساعد على تجنب تكوين جيب هوا عند السحب وتحسين سريان المياه للمضخة.
التفصيلة الصغيرة في التركيب ممكن تعمل فرق كبير في أداء النظام.

اختصار مهم في رسومات الـHVAC 👇

COP = Center of Pipe
يعني منسوب محور الماسورة، وغالبًا بيتم تحديده بالنسبة لمنسوب FFL — Finished Floor Level.

وده مهم جدًا في تنسيق وتركيب مواسير الـChilled Water.

يوميات مهندس استشاري | الحلقة 39
الـFlexible Connection مش معمول عشان يصلّح غلط تركيب المواسير!
وظيفته الأساسية تقليل انتقال الاهتزازات والحركة من المعدة للشبكة، مش تعويض عدم استقامة المواسير.
المرونة لحماية المعدة… مش لتعويض أخطاء التركيب!

اختصار مهم في رسومات الـHVAC

MVD = Motorized Volume Damper
يعني دامبر للتحكم في كمية الهواء داخل الدكت عن طريق موتور كهربائي.

يوميات مهندس استشاري | الحلقة 38
الهواء بيتجمع فين في شبكة الـChilled Water؟
في الحلقة دي بنوضح أهمية تركيب Air Vent عند النقاط العالية المناسبة، عشان يساعد على خروج الهواء المحبوس ويحافظ على سريان المياه بشكل سليم داخل الشبكة.
💡 اعرف تجمع الهواء فين… واعرف تطلّعه إزاي!

اختصار مهم في رسومات الـHVAC 👇

SAD = Supply Air Duct
يعني دكت الهواء المغذي، وهو المسؤول عن نقل الهواء المعالج من الـAHU إلى الفراغات عن طريق الـDiffusers. 🌬️❄️

يوميات مهندس استشاري | الحلقة 37
فواصل عزل مواسير الـChilled Water سايبة؟! 😳
العزل لازم يكون مقفول ومحكم عند الفواصل عشان يمنع دخول الرطوبة للداخل، ويحافظ على العزل ويمنع تكوّن مياه التكثيف على المواسير.
💡 العزل مش مجرد تغطية للمواسير… إحكام الفواصل جزء أساسي من التنفيذ الصح.

اختصار مهم في رسومات الـHVAC 👇

EAD = Exhaust Air Duct
يعني دكت هواء العادم، واللي بيسحب الهواء من الحمام ويطرده خارج المبنى عن طريق الـExhaust Fan.

يوميات مهندس استشاري | الحلقة 36
ليه نعزل مواسير الـChilled Water قبل ما نعمل اختبار الضغط؟! 😳
اختبار الضغط لازم يتم الأول للتأكد من سلامة الشبكة وعدم وجود تسريب، وبعد اعتماد الاختبار نبدأ العزل.
💡 اختبر الأول… اعزل بعدين!